1918

ტიპი: ავტორობა

1918 წელს იუსტიციის სამინისტროს კანცელარიის დირექტორი გიორგი თევდორეს ძე ჟორდანია ეროვნულ საბჭოს საკოდიფიკაციო განყოფილების დაარსების შესახებ კანონპროექტის იმ ვარიანტის განხილვას სთხოვდა, რომელიც პირადად იუსტიციის მინისტრის მიერ იყო ხელმოწერილი.

1924

ტიპი: ავტორობა

1924 წლის 12 მარტს, 13:20 საათზე, დაიწყო მორიგი სასამართლო სხდომა კათალიკოს ამბროსისა და საკათალიკოს საბჭოს წევრების საქმეზე. დაცვის ადვოკატი კირილე ნინიძე აცხადებდა, რომ მუშაობისთვის გაუსაძლისი მდგომარეობა ჰქონდათ, კერძოდ, პრესაში ვრცელდებოდა წერილები, რომლებშიც დაცვის ადვოკატებს სინდისით მოვაჭრეებს უწოდებდნენ, რითაც უდანაშაულობის პრეზუმფციას არღვევდნენ – „დანაშაულს წინასწარ კვალიფიკაციას უშვრებიანო“. დაცვის მხარე ამ გარემოებათა შესახებ სასამართლოს წერილით მიმართავდა.

ტიპი: ღონისძიება

1924 წლის თებერვალში გაიმართა განათლების მუშაკთა მესამე ყრილობა, სადაც „პროფ. ნუცუბიძემ კმაყოფილებით აღნიშნა სახ. გან. კომ.-ის (კერძოდ, კომისარ დავით კანდელაკის) განცხადება იმის შესახებ, რომ საქ. უნივერსიტეტმა გაამართლა მასზე დამყარებული იმედები.“

1918

ტიპი: ღონისძიება

სოციალისტ-ფედერალისტთა პარტიის მთავარი კომიტეტის დადგენილებით, ალექსანდრე წერეთელი შალვა ალექსი რამიშვილთან [იგულისხმება მესხიშვილი] ერთად რუსეთის სოციალისტ-რევოლიუციონერთა მოსკოვის კონფერენციაზე წარმომადგენლად გააგზავნეს, აქედან კი სრულიად რუსეთის დამფუძნებელი კრების არჩევნების განსაკუთრებული თათბირის წევრად მიიწვიეს.

1918

ტიპი: ღონისძიება

გზათა მინისტრ ივანე ლორთქიფანიძის 1918 წლის 27 ნოემბრის განკარგულებით, რკინიგზის ტექნიკური განყოფილების ინჟინერ ანდრონიკაშვილს, ამავე სამინისტროს ინჟინერ ნოვოდვორსკისა და ბუღალტრის თანაშემწე რჩეულიშვილს დაევალათ სამინისტროსთან არსებული საავტომობილო სალაროსა და ფულის, ასევე საწყობების ანგარიშის რევიზია.

1917

ტიპი: თანამდებობა

რევოლუციის დროს ალექსანდრე წერეთელი გაზეთ „ხალხის მეგობრის“ რედაქტორი იყო.

1918

ტიპი: ავტორობა

1918 წლის 14 ოქტომბერს აკაკი მეთოდეს ძე ხოშტარიამ გზათა და მრეწველობის მინისტრს საზღვაო და სამდინარო სანაოსნო-სატრანსპორტო სააქციო საზოგადოების დაარსების შესახებ განცხადებით მიმართა და შუამდგომლობდა საზოგადოების დამაარსებლებს გადასცემოდათ ყოფილი მესამე ზურგის რაიონის ყველა სამდინარო და საზღვაო გადასაზიდი საშუალება, მთავრობის კუთვნილი ყველა გემი, მიწახაპიები და სხვა სატრანსპორტო საშუალებები – საწყალოსნო ტრანსპორტის მიწოდებისთვის და გასამართად იმ რაიონებში, სადაც სანაოსნო მდინარეები და შავი ზღვის პორტებს შორის მიმოსვლა იყო. საზოგადოების წესდება მუშავდებოდა და მალე შესაბამის სამინისტროს წარედგინებოდა დასამტკიცებლად.

1929

ტიპი: თანამდებობა

1929 წელს სამეცნიერო დაწესებულებათა მთავარი გამგეობის განკარგულებით, საისტორიო-საეთნოგრაფიო მუზეუმი საქართველოს სახელმწიფო მუზეუმს შეუერთდა და ქრისტინე შარაშიძემ მუშაობა განაგრძო, როგორც ბიბლიოთეკარმა (მანამდე ის საისტორიო-საეთნოგრაფიო მუზეუმში ბიბლიოთეკის გამგე იყო).

1932

ტიპი: ღონისძიება

1932-1933 წლებში ქრისტინე შარაშიძემ საქართველოს სახელმწიფო მუზეუმის დირექციის დავალებით მუზეუმის ბიბლიოთეკის ძველი ქართული ნაბეჭდი წიგნების ფონდი აღწერა.

1932

ტიპი: ავტორობა

1932 წელს ქრისტინე შარაშიძემ საქართველოს სახელმწიფო მუზეუმის მეცნიერ-თანამშრომელთა კრებაზე წაიკითხა მოხსენება „ქართული წიგნის ბეჭდვის განვითარების გზები 1629-1817 წლებში“.

1941

ტიპი: ავტორობა

1941 წელს გამოქვეყნდა ნაშრომი „ქართული წიგნი“ (ბიბლოგრაფია I, 1629-1921 წწ.) ქრისტინე შარაშიძის შესავლით.

1936

ტიპი: ავტორობა

1936-37 წლებში რუსთაველის საიუბილეო გამოფენის მოწყობასთან დაკავშირებით ქრისტინე შარაშიძეს დაევალა რუსთაველის ბიბლიოგრაფიის შედგენა. ამ ბიბლიოგრაფიის ერთი პირი მოსკოვში ლენინის სახელობის საკავირო საჯარო ბიბილიოთეკის ქართულ განყოფილებაში გაიგზავნა.

1945

ტიპი: ავტორობა

1945-1948 წლებში ქრისტინე შარაშიძე მუშაობდა საქართველოს სახელმწიფო მუზეუმის „ხელნაწერთა აღწერილობის“ მე-III ტომზე (1500 ხელნაწერის აღწერილობაზე).

1918

ტიპი: ღონისძიება

1918 წლის 12 სექტემბერს ფოთის პორტის მახლობლად რიონის, ხობისწყლის, კაპარჭისა და მათი შენაერთების გამოყენებით სანაოსნო მოძრაობის გახსნის საკითხი განიხილეს. ამ საქმის განხილვა აკაკი მეთოდეს ძე ხოშტარიას დაევალა.

1918

ტიპი: ღონისძიება

კავკასიის ოლქის გზათა სამინისტროს 1918 წლის 2 მაისის განკარგულებით ოლქის თბილისის განყოფილების მეორე დისტანციის პირველთან შეერთების გამო მეორე დისტანციის ტექნიკოსი საფარიანცი განთავისუფლდა დისტანციის უფროსის თანამდებობიდან და დაინიშნა ძველ თანამდებობაზე, ტექნიკური ნაწილის საქმეთა მმართველად. დისტანციების გაერთიანების გამო გაათავისუფლეს  ყველა თანამშრომელი. ცნობა: ოლქის თბილისის განყოფილების საქმეთა უფროსის 1918 წლის 17 მარტის პატაკი N596; ოლქის უფროსი, ინჟინერი გ. თუმანოვი.

1918

ტიპი: თანამდებობა

1918 წლის 16 ივნისის დადგენილებით საერთო საფუძველზე შტატების შემცირების შესახებ, უშტატოდ დარჩნენ გზათა სამინისტროს  სამეურნეო ნაწილის თანამშრომლები: საქმეთა მწარმოებელი მიხეილ ბელოზერსკი, საქმეთა მწარმოებლის დამხმარე გიორგი აზვესტოპულო; დაქირავებული მოსამსახურეები: ელენა ლომანოვა, ანა რომანენკო, ანტონ ჟღენტი, ანტონ ხოდაროვკი, გიორგი ჩიქოვანი, ალექსანდრე ჭილაძე, გიორგი კუცერუბოვი, მიხეილ ადამოვი, დიმიტრი კლიმენკო, პავლე პიატენკო, თეოფილ დუმინიკი. ხელს აწერს ოლქის უფროსი, ინჟინერი გიორგი თუმანოვი.

1918

ტიპი: ავტორობა

ოლქის უფროსის, ინჟინერ გიორგი თუმანოვის 1918 წლის 16 მაისის განკარგულებით სოხუმი-ახალი სენაკის საპატრულო გზის მშენებლობის ყველა მოსამსახურეს ადგილებზე დარჩენა და სალიკვიდაციო კომისიის უშუალო დაქვემდებარებაში ყოფნა შესთავაზეს. ხელს აწერს ი. პეტრენკოც.

1918

ტიპი: ავტორობა

1918 წლის 2 ივნისის ბრძანების თანახმად, გზათა სამინისტროს კანცელარიის თანამშრომელი ვლადიმერ გულვერი თანამდებობიდან გაათავისუფლეს. ბრძანებას ხელს აწერდა ოლქის უფროსი ინჟინერი თუმანოვი.

1918

ტიპი: ღონისძიება

1918 წელს ოლქის უფროსმა, ინჟინერმა გიორგი თუმანოვმა გზათა მინისტრის, ივანე ლორთქიფანიძის დავალებით ფინანსთა მინისტრ გიორგი ჟურულს სთხოვა, გაეცა ბრძანება, რათა გაეგზავნათ საზღვაო და სამდინარო ნაოსნობის სააქციო-სატრანსპორტო საზოგადოების შემუშავებული წესდება, ასევე ცნობები, რამდენი სახელმწიფო გემის გადაცემა იყო შესაძლებელი საზოგადოებისთვის. ამ ცნობების გარეშე შეუძლებელი იყო კონცესიის პირობების საბოლოოდ დადგენა.

1918

ტიპი: ღონისძიება

ოლქის უფროსის, ინჟინერ თუმანოვის განკარგულებით, 1918 წლის 8 ივნისს ოლქის სამმართველოს თავისუფლად დაქირავებულ მოსამსახურეს, ა. კაპჩინსკის მისცეს ორკვირიანი შვებულება ხელფასის შენარჩუნებით.

1918

ტიპი: ღონისძიება

ოლქის უფროსის, ინჟინერ გიორგი თუმანოვის ბრძანებით, სამეურნეო ნაწილის გადამწერი ანა არეშიძე მოსამსახურეთა სიიდან ამოშალეს 1918 წლის 20 მაისიდან შინაგან საქმეთა სამინისტროში სამუშაოდ გადასვლის გამო.

1917

ტიპი: ავტორობა

1909 წლის 31 ოქტომბერს, ლივადიაში, იმპერტაიროს მიერ ხელით მინაწერი „ასე იყოს“ უტყუარი დასტური იყო სახელმწიფო საბჭოსა და სახელმწიფო დუმის მიერ მოწონებული კანონის (9-გვერდიანი დოკუმენტი) – შტურმანებისთვის ახალი წესების დადგენის შესახებ სავაჭრო ფლოტის საზღვაო გემებზე. დოკუმენტი დამოწმებული იყო სახელმწიფო მდივნის, მაკაროვის მიერ.

1918

ტიპი: ავტორობა

1918 წლის 15 დეკემბერს თბილისის ოლქის გზათა სამინისტროში, ინჟინერ თუმანოვისადმი გაგზავნილ დეპეშაში, რომელსაც ხელს რ. ჯავახოვი აწერდა ნათქვამი იყო, რომ გემი „Пенай“ ნოვოროსიისკში 16 დეკემბრის საღამოს უნდა გასულიყო. გ. თუმანოვს სწერდნენ, რომ სხვა გემების გასვლის შესახებაც შეატყობინებდნენ.

1918

ტიპი: ავტორობა

1918 წლის 27 ნოემბერს საქართველოს გზატკეცილების სამმართველოს უფროსმა, ინჟინერმა გიორგი თუმანიშვილმა ფინანსთა და სავაჭრო-სამრეწველო მინისტრ გიორგი ჟურულს წერილობით სთხოვა, ეცნობებინა, როდის შეეძლო მისდამი რწმუნებულ სამმართველოს ფოთის პორტის სამმართველოსგან გემების ჩაბარება და გადმოსაცემი გემების სია გაუგზავნა. გიორგი თუმანიშვილთან ერთად წერილს ხელს კანცელარიის გამგე როლკე აწერდა.

1918

ტიპი: ავტორობა

1918 წლის 26 დეკემბერს გზატკეცილების სამმართველოს უფროსმა, ინჟინერმა გიორგი თუმანიშვილმა ფინანსთა და სავაჭრო-სამრეწველო მინისტრს, გიორგი ჟურულს გზათა სამინისტროს მიმართვის ასლი გაუგზავნა და სთხოვა, ეცნობებინათ როდის და რა საქმეებს გადასცემდნენ მისდამი რწმუნებულ სამმართველოს.