ქშწკგს პროსოპოგრაფია

ფაქტები

რეგისტრირებული ფაქტები46338

1888

ტიპი: ღონისძიება

1888 წლის 13 თებერვლის გაზეთი „ივერია“ იუწყება, რომ 14 თებერვალს „ქართული დრამატული საზოგადოების“ დასი წარმოადგენდა დრამას „თამარ ბატონიშვილი“ ხუთ მოქმედებად, რომელშიც მონაწილეობას მიიღებდნენ კონსტანტინე ყიფიანი და ბარბარე ავალოვი.

1888

ტიპი: ღონისძიება

გაზეთ „ივერიაში“ განიხილეს თუ როგორ ითამაშეს 1888 წლის 14 თებერვალს წარმოდგენილი სპექტაკლები „გემრიელი ლუკმა“ დავით ერისთავის მიერ თარგმნილი რუსულიდან და რაფიელ ერისთავის „ბიძასთან გამოხუმრება“ შემდეგმა მსახიობებმა: კ. მაქსიმიძემ, ქ. ანდრონიკოვისამ, ვასილ აბაშიძემ, კონსტანტინე ყიფიანმა, მარიამ საფაროვ-აბაშიძისამ და ა. შ.

1888

ტიპი: ავტორობა

1888 წლის 14 თებერვლის გაზეთ „ივერიაში“ დაიბეჭდა გლეხური ლექსები, რომლებიც მოსე ჯანაშვილმა სოფელ ბიწმენდში მოისმინა.

1888

ტიპი: ავტორობა

1888 წლის 14 თებერვლის გაზეთ „ივერიაში“ დაიბეჭდა სტეფანე ჭრელაშვილის მოსაზრება დავით კარიჭაშვილის მოთხრობის „სამი მსხვერპლი“ შესახებ.

1888

ტიპი: ღონისძიება

1888 წლის 14 თებერვლის გაზეთი „ივერია“ იუწყება, რომ „ქართული დრამატული საზოგადოების“ დასის მიერ გაიმართებოდა სპექტაკლი „გემრიელი ლუკმა“ კონსტანტინე ყიფიანის მონაწილეობით.

1888

ტიპი: ავტორობა

1888 წლის 14 თებერვლის გაზეთ „ივერიის“ ცნობით რაფიელ ერისთავი დასაბეჭდად ამზადებდა საეთნოგრაფიო წერილს სვანეთის და ვრცელ გამოკვლევას სამეგრელოს ყოფა-ცხოვრების შესახებ.

1888

ტიპი: ავტორობა

1888 წლის 14 თებერვლის გაზეთ „ივერიის“ ცნობით რუსეთის საიმპერატორო საგეოგრაფიო საზოგადოების თბილისის განყოფილება თავის ჟურნალში ბეჭდავდა ნიკოლოზ ურბნელის მიერ შედგენილ საეთნოგრაფიო წერილს ხევსურების შესახებ, რომელიც რუსულიდან რაფიელ ერისთავმა თარგმნა.

1888

ტიპი: ღონისძიება

1888 წლის 16 თებერვალს გაიმართა სამედიცინო საზოგადოების კრება ავჭალის წყაროსა და მტკვრის წყლის ავკარგიანობის გასარჩევად. კრებაზე დამსწრე წევრების განცხადებების შემდეგ ნიკოლოზ ხუდადოვმა თქვა მოსაზრება, რომ მოსახლეობაში სიკვდილიანობის გახშირების მთავარი მიზეზი არა მილის წყლით სარგებლობა, არამედ მათი სოციალური და ეკონომიკური მდგომარეობა იყო.

1888

ტიპი: ღონისძიება

1888 წლის 16 თებერვალს გაიმართა სამედიცინო საზოგადოების კრება ავჭალის წყაროსა და მტკვრის წყლის ავკარგიანობის გასარჩევად. კრებაზე ნიკოლოზ ხუდადოვმა განაცხადა, რომ ავჭალის წყალი ბევრ მინერალს შეიცავდა, ამასთან არ არსებობდა საბუთი, რომლითაც ავჭალის წყლის უპირატესობას დაადასტურებდნენ.

1888

ტიპი: ღონისძიება

1888 წლის 16 თებერვალს დაიწყო ქართლ-კახეთის სამღვდელოების კრება, რომლის თავმჯდომარედ აირჩიეს ყვარლის ბლაღოჩინი, მღვდელი ნიკოლოზ ხუციშვილი, საქმის მწარმოებლად – მიხეილ ხელაშვილი და ლევანცოვი. ისინი წარდგნენ ეგზარქოს პალადის წინაშე, რომელმაც დალოცა სასულიერო პირები და წარუდგინა 11-პუნქტიანი გეგმა სამღვდელოების საქმიანობის გაუმჯობესების შესახებ.

1888

ტიპი: ავტორობა

1888 წლის 16 თებერვლის გაზეთი „ივერია“ იუწყება, რომ სათეატრო კომიტეტის მინდობილობით ალექსანდრე მირიანაშვილმა თარგმნა რუსული პიესა „Рабство мужей“.

1888

ტიპი: ღონისძიება

1888 წლის 16 თებერვლის გაზეთი „ივერია“ იუწყება, რომ ქართული სათეატრო კომიტეტის გადაწყვეტილებით უნდა წარმოედგინათ შექსპირის ტრაგედია „ოტელო“, რომელიც ინგლისურიდან ივანე მაჩაბელმა თარგმნა. სპექტაკლში მთავარ როლს კოტე მესხი შეასრულებდა.

1888

ტიპი: ავტორობა

1888 წლის 17 თებერვლის გაზეთ „ივერიაში“ დაიბეჭდა გრიგოლ ყიფშიძის მიერ თარგმნილი ვიტტორიო ბერსეციოს მოთხრობის „დიაბოლინა“ დასასრული.

1888

ტიპი: ღონისძიება

1888 წლის 18 თებერვალს შედგა ქართლ-კახეთის სამღვდელოების კრება, რომლის თავმჯდომარე იყო მღვდელი ნიკოლოზ ხუციშვილი, საქმის მწარმოებლი მიხეილ ხელაშვილი და ლევანცოვი. კრებაზე განიხილეს ეგზარქოს პალლადის მიერ შედგენილი 11 პუნქტიანი გეგმა სამღვდელოების საქმიანობის გაუმჯობესების შესახებ. კრებაზე სიტყვით გამოვიდა მღვდელი პოლიევქტოს კარბელაშვილი, რომელმაც განაცხადა, რომ გეგმის მე-5 პუნქტის გათვალისწინებით მრევლთა წასაქეზებლად მონაწილეობა მიეღოთ საეკლესიო კითხვა-გალობაში აუცილებელი იყო თავად სასულიერო პირებს მოეწვიათ ეკლესიაში ობოლნი რომელთაც სწავლის საშუალება არ ჰქონდათ და მათგან შეეკრათ კითხვა-გალობის გუნდი. ასევე, კარგი იქნებოდა თბილისის სემინარიაში აღედგინათ ძველი ჩვეულება, როცა სემინარიის მოსწავლეები უქმე დღეს ქართულად კითხულობდნენ და გალობდნენ სემინარიის ზემოთ მდებარე სული წმინდის სახელობის ეკლესიაში.

1888

ტიპი: ნასამართლეობა

1888 წლის 18 თებერვლის გაზეთი „ივერია“ იუწყება, რომ გაზეთ „კავკაზის“ ცნობით მაისში გაიმართებოდა მიხეილ ერისთავის საქმის განხილვა, რომელსაც ბრალდებოდა უფლებამოსილების გადაჭარბება და სხვა დანაშაულები.

1888

ტიპი: ღონისძიება

1888 წლის 18 თებერვლის გაზეთ „ივერიის“ ცნობით 20 თებერვალს დანიშნული იყო მარიამ საფაროვა-აბაშიძის ბენეფისი სპექტაკლში „ორი ობოლი“.

1888

ტიპი: ღონისძიება

1888 წლის 18 თებერვლის გაზეთ „ივერიის“ ცნობით 19 თებერვალს გაიმართებოდა სპექტაკლი „ბნელ ოთახში“ ერთმოქმედებად, რომელშიც მონაწილეობას მიიღებდნენ: მარიამ საფაროვა-აბაშიძისა, ლეონიძისა, ელისაბე ჩერქეზიშვილისა, მ. ზავადსკი, ვასილ აბაშიძე, კ. მაქსიმიძე და სხვანი.

1888

ტიპი: ღონისძიება

1888 წლის 23 თებერვალს დაინიშნა მარიამ საფაროვა-აბაშიძის ბენეფისი, წარმოდგენილი იქნებოდა დრამა „ორი ობოლი“ კონსტანტინე ყიფიანის მონაწილეობით.

1888

ტიპი: ღონისძიება

1888 წლის 20 თებერვლის გაზეთი „ივერია“ იუწყება, რომ ალექსანდრე როინაშვილმა გადაწყვიტა თბილისში დასახლებულიყო და გაეხსნა თავისი მუზეუმი.

1888

ტიპი: ღონისძიება

გაზეთი „ივერია“ იუწყება, რომ 1888 წლის 21 თებერვალს საქართველოს ეგზარქოსი პალადი და სამღვდელოებათა წარმომადგენლები საღამოს 6 საათზე შეიკრიბნენ სემინარიაში სანთლის ვაჭრობის საქმის განსახილველად. ეგზარქოსის ბრძანებით მათ დაურიგდათ შესამოსლები და ეკლესიაში გამოსაყენები სხვადასხვა ნივთი.

1888

ტიპი: ღონისძიება

გაზეთი „ივერია“ იუწყება, რომ 1888 წლის 21 თებერვალს სიონის ტაძარში ეგზარქოსმა პალადიმ აღავლინა წირვა.

1888

ტიპი: ღონისძიება

1888 წლის 21 თებერვლის გაზეთი „ივერია“ იუწყება, რომ 23 თებერვალს გაიმართებოდა სპექტაკლი „გულმა იგრძნო“, რომელშიც მონაწილეობას მიიღებდნენ: ნატო გაბუნია-ცაგარლისა, მარიამ საფაროვ-აბაშიძისა, ბარბარე ავალოვისა, ლეონიძისა, თამაროვისა, ბარბარე ჩერქეზოვისა, კონსტანტინე ყიფიანი, ხუციშვილი, ავქსენტი ცაგარელი და სხვ.

1888

ტიპი: ღონისძიება

1888 წლის 25 თებერვლის გაზეთ „ივერიაში“ დაიბეჭდა რევაზ ვაჩნაძის განცხადება, რომ 23 თებერვალს თეატრში დაკარგა ტყავის საფულე სხვადასხვა ანგარიშებითა და საბუთებით. ვაჩნაძე მპოვნელს სთხოვდა საფულე მიეტანა სოლოლაკის ქუჩაზე მდებარე ალაბაბოვის სახლში.

1888

ტიპი: ღონისძიება

1888 წლის 23 თებერვლის გაზეთი „ივერია“ იუწყება, რომ ქართველთა შორის წერა-კითხვის გამავრცელებელი საზოგადოების წიგნის საწყობში იყიდებოდა შემდეგი წიგნები: გრიგოლ ტატიშვილის „კანვაზედ საკერი ანბანი“, სოლომონ მესტიაშვილის „ბუნების მოვლენანი“, გაზეთ „ივერიის“ მიერ გამოცემული ფშაური ლექსები, ივანე მაჩაბლის მიერ ნათარგმნი უილიამ შექსპირის ტრაგედია და სხვ.

1888

ტიპი: ღონისძიება

1888 წლის 23 თებერვლის გაზეთ „ივერიის“ ცნობით გრიგოლ ჩარკვიანის სტამბაში იბეჭდებოდა არისტოტელე ქუთათელაძის მიერ შედგენილი წიგნი „ქართული გრამატიკა“ დაწყებითი კლასებისათვის.