ქშწკგს პროსოპოგრაფია

ფაქტები

რეგისტრირებული ფაქტები46478

1912

ტიპი: ღონისძიება

1912 წლის 20 მარტს ქართველთა შორის წერა-კითხვის გამავრცელებელი საზოგადოებისა და მათი განყოფილებათა წარმომადგენლების საერთო კრებაზე, რომელსაც თავმჯდომარეობდა გიორგი ყაზბეგი, წარმოადგინეს საკითხი, რომ ყველა განყოფილებისთვის საქმის წარმოების ერთნაირი წესი შეემუშავებინათ. გამგეობას ეს საკითხი არ განუხილავს.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების წევრებმა ივანე ედიშერის ძე თიკანაძემ და ანა ნიკოლოზის ასულმა თიკანაძისამ საწევრო გადაიხადეს.

1898

ტიპი: ღონისძიება

1898 წლის 10 ნოემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეთოთხმეტე სხდომა ილია ჭავჭავაძის თავმჯდომარეობით. სხდომას ასევე ესწრებოდნენ: ნიკოლოზ ცხვედაძე, დავით კარიჭაშვილი და ივანე ზურაბიშვილი.

1914

ტიპი: ავტორობა

1914 წლის 16 ნოემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა საზოგადოების წევრებს სკოლებში რუსულ-ქართულ ენაზე სწავლების თავიდან ასაცილებლად შესთავაზა წინადადება, რომ გაეხსნათ ისეთი სკოლები, სადაც მოსწავლეები დაწყებითი საფეხურიდან პირდაპირ გადავიდოდნენ მაღალ საფეხურზე და სასწავლებლად არ წავიდოდნენ იმ სკოლებში, სადაც საგნების სწავლება რუსულ ენაზე მოითხოვებოდა.

1914

ტიპი: ავტორობა

1914 წლის 16 ნოემბერს ქართველთა შორის წერა-კითხვის გამავრცელებელი საზოგადოების კრებაზე პროკოფი აფრასიონის ძე ჯაფარიძემ განაცხადა, რომ საჭირო იყო სასკოლო სექციას გამგეობასთან ერთად შეემუშავებინა სკოლების მოწყობის ტიპი. აგრეთვე საზოგადოების სკოლები მთავრობის სკოლებს უნდა დაკავშირებოდა, რათა კურსდამთავრებულებს მთავრობის სასწავლებლებში ჰქონოდათ სწავლის გაგრძელების შესაძლებლობა.

1914

ტიპი: ავტორობა

1914 წლის 16 ნოემბერს ქართველთა შორის წერა-კითხვის გამავრცელებელი საზოგადოების კრებაზე პროკოფი აფრასიონის ძე ჯაფარიძემ განაცხადა, რომ სკოლები უნუგეშო მდგომარეობაში იყო და მოსწავლეების რიცხვი საგრძნობლად იკლებდა. მისი აზრით, მასწავლებლები არ იყვნენ შესაბამისად მომზადებულები, რადგან მხოლოდ ანა-ბანას სწავლება არ იყო საკმარისი. მასწავლებელი კულტურული საქმის ხელმძღვანელი, გლეხის დამრიგებელი და გზის მაჩვენებელი უნდა ყოფილიყო.

1898

ტიპი: ღონისძიება

1898 წლის 3 ნოემბერს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, იაკობ გოგებაშვილი, ექვთიმე თაყაიშვილი, გრიგოლ ყიფშიძე და ივანე ზურაბიშვილი. სხდომაზე მოხსენება გააკეთეს წიგნსაცავისა და მუზეუმის კომისიის წარმომადგენლებმა, რომ გამგეობას ნება დაერთო მათთვის დამოუკიდებლად გადაეწყვიტათ შემდეგი საკითხები: 1) შეეძინათ ხელნაწერები, სიგელები, ნივთები და ნაბეჭდი წიგნები კავკასიის შესახებ, რომლებიც მუზეუმში არ მოიპოვებოდა, იმ პირობით, რომ დანიშნულ ხარჯთაღრიცხვას არ გადააჭარბებდნენ; 2) გადაეღოთ სურათები ხელნაწერებისა და ნახატებისთვის; 3) შეედგინათ არქეოლოგიური და ეთნოგრაფიული ალბომი არსებული სურათების საშუალებით და გადაეწერათ იოანე ბატონიშვილის ლექსიკონი წიგნსაცავისთვის. გამგეობამ კომისიის თხოვნა დააკმაყოფილა.

1898

ტიპი: ავტორობა

1898 წლის 3 ნოემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთა ეკატერინე გაბაშვილმა, რომ გამგეობას დაებეჭდა მის მიერ წარმოდგენილი საბავშვო მოთხრობანი მისივე პირობების თანახმად. გამგეობამ ეკ. გაბაშვილის პირობები განსახილველად და შემდეგ თავიანთი მოსაზრების გადმოსაცემად შესაბამის კომისიას გადასცა.

1898

ტიპი: პირადი ურთიერთობა

1898 წლის 3 ნოემბერს გამართული ქართველთა შორის წერა-კითხვის გამავრცელებელი საზოგადოების ოცდამეცამეტე სხდომიდან ვიგებთ, რომ ალექსანდრე ისაკის ძე როინაშვილი იყო ალექსანდრე როინაშვილის ძმისშვილი, ხოლო ვასილ და დავით როინაშვილები იყვნენ ალექსანდრე როინაშვილის ბიძაშვილები.

1914

ტიპი: ავტორობა

1914 წლის 9 ნოემბრის ქართველთა შორის წერა-კითხვის გამავრცელებელი საზოგადოების წლიურ კრებაზე პეტრე პავლეს ძე გელეიშვილმა საზოგადოების საწევრო გადასახადის შემცირება მოითხოვა. მისი აზრით, საწევრო უნდა შემცირებულიყო, რათა ხელმოკლე ხალხი საზოგადოებაში გაწევრიანებულიყო და ეროვნულ-კულტურულ საქმეში წვლილის შეტანის შესაძლებლობა ჰქონოდა.

1899

ტიპი: ღონისძიება

1899 წლის 19 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, „ვეფხისტყაოსნისა“ (763 ც.) და ვახუშტი ბატონიშვილის „საქართველოს ისტორიის“ (210 ც.) შემომწირველი გიორგი დავითის ძე ქართველიშვილის სურვილის თანახმად, მისი გამოცემული წიგნების ფულიდან გადაედოთ თანხა სტამბის დასაარსებლად. მანამდე გამგეობა ვალდებული იყო, ქართველიშვილისგან შემოწირული წიგნების ფულით დაებეჭდა ძველი წიგნები წარწერით „ქართველთა შორის წერა-კითხვის გამავრცელებელი საზოგადოების გამოცემა გ. დ. ქართველიშვილისგან შემოწირული სარგებლით“. ოქმს ხელი მოაწერა თავმჯდომარის მოადგილე ნიკოლოზ ცხვედაძემ.

1899

ტიპი: ღონისძიება

1899 წლის 30 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა იაკობ გოგებაშვილის მოთხოვნა ქუთაისის სათავადაზნაურო სკოლაში რევიზიის ჩატარების აუცილებლობის შესახებ. გამგეობის წევრ ივანე ზურაბიშვილს, მდივან ალექსანდრე მიქაბერიძეს, ქუთაისის სკოლის სამზრუნველო კომიტეტის წევრებს, იოსებ ოცხელსა და ალექსანდრე ნანეიშვილს მიენდოთ ქუთაისის სკოლის რევიზია სწავლა-აღზრდისა და მართვის მხრივ, რევიზიის შედეგი უნდა წარმოედგინათ გამგეობისთვის. ოქმს ხელს აწერს თავმჯდომარის მოადგილე ნიკოლოზ ცხვედაძე.

1907

ტიპი: ავტორობა

1907 წლის 18 სექტემბერს ჭიათურის საურთიერთო ნდობის საზოგადოების ბუღალტერი სოფრომ ტარუაშვილი ამცნობს ქართველთა შორის წერა-კითხვის გამავრცელებელ საზოგადოებას, რომ მათი თანამშრომლების ყოველთვიური ჯამაგირის 1% წელიწადში ერთხელ ან ორჯერ გადაირიცხება ილიას ფონდის დასახმარებლად.

1907

ტიპი: ღონისძიება

1907 წლის 8 ოქტომბერს დიმიტრი ერისთავი ოზურგეთიდან სამსონ ფირცხალავასთვის გაგზავნილ წერილში ქართველთა შორის წერა-კითხვის გამავრცელებელი საზოგადოების გამგეობას სთხოვდა, დახმარებოდნენ ილია ჭავჭავაძის ხსოვნის საღამოს გამართვაში და სათანადო ანაზღაურების სანაცვლოდ სასწრაფოდ გაეგზავნათ მისთვის საჭირო მასალა, პოეტის დიდი სურათი, ბიოგრაფიული ცნობები და ჯარის სიმღერის („ქართველო, ხელი ხმალს იკარ!") ნოტები.

1907

ტიპი: ღონისძიება

1907 წლის 7 სექტემბერს ნიკოლოზ მელიქიშვილმა ქართველთა შორის წერა-კითხვის გამავრცელებელ საზოგადოებას გვირგვინის ნაცვლად შემახელ ქართველთა მიერ ილია ჭავჭავაძის ფონდის დასაარსებლად შეკრებილი 103 მანეთი გაუგზავნა.

1898

ტიპი: ღონისძიება

1898 წლის 11 მარტს ქართველთა შორის წერა-კითხვის გამავრცელებელი საზოგადოების ოცდამეცამეტე სხდომაზე დავით კარიჭაშვილმა მოხსენებაში აღნიშნა, რომ თბილისის სათავადაზნაურო სკოლის პანსიონისთვის უნდა გაეგზავნათ მოსე ნათაძის ობლის შესანახი 10 თუმანი. გამგეობამ სკოლის პანსიონს თანხა გაუგზავნა.

1898

ტიპი: ღონისძიება

1898 წლის 3 ნოემბერს გაიმართა წერა-კითხვის გამავრცელებელი საზოგადოების ოცდამეცამეტე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: დავით კარიჭაშვილი, იაკობ გოგებაშვილი, ექვთიმე თაყაიშვილი, ალექსანდრე ჭყონია, გრიგოლ ყიფშიძე და ივანე ზურაბიშვილი.

1914

ტიპი: ავტორობა

1914 წლის 7 დეკემბერს ქართველთა შორის წერა- კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1907 წლის ბოლოდან დაიწყო ის პერიოდი, როცა უფულო წევრები საზოგადოების წევრებად აღარ ითვლებოდნენ, რადგან მათ საწევრო გადასახადის გადაუხდელობის გამო რიცხავდნენ საზოგადოებიდან.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების წევრმა ლუდმილა ერისთავმა გადაიხადა საწევრო.

1898

ტიპი: ღონისძიება

1898 წლის 27 ოქტომბერს ქართველთა შორის წერა-კითხვის გამავრცელებელი საზოგადოების ოცდამეთორმეტე სხდომაზე საზოგადოებას საობლო სასამართლომ წერილით აცნობა, რომ როინაშვილის ქონების ოპეკუნს დავალებული ჰქონდა საზოგადოებისთვის გადაეცა ნაანდერძევი ქონება. გამგეობამ გრიგოლ ყიფშიძეს დაავალა ქონება ჩაებარებინა და შემოწმების შემდეგ გადაეცა დავით კარიჭაშვილისთვის.

1898

ტიპი: ავტორობა

1898 წლის 27 ოქტომბერს ქართველთა შორის წერა-კითხვის გამავრცელებელი საზოგადოების ოცდამეთორმეტე სხდომაზე საზოგადოებას თხოვნით მიმართა თონეთის სკოლის პედაგოგმა ლავრენტი აგლაძემ სკოლისთვის გაეგზავნათ სასწავლო წიგნები, სურათები და ნივთები. გამგეობამ თონეთის სკოლას სურათების გარდა ყველა საჭირო ნივთი გაუგზავნა.

1898

ტიპი: ღონისძიება

1898 წლის 27 ოქტომბერს ქართველთა შორის წერა-კითხვის გამავრცელებელი საზოგადოების ოცდამეთორმეტე სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, გიორგი იოსელიანი, გრიგოლ ყიფშიძე და ექვთიმე თაყაიშვილი. სხდომაზე წარმოადგინეს კავკავის სკოლის სამზრუნველოს წერილი, რომ პირველ ნოემბერს გაიმართებოდა კავკავის სკოლის ეკლესიის კურთხევა, რომელსაც სასურველი იქნებოდა დასწრებოდა საზოგადოების ერთ-ერთი წევრი. გამგეობამ კავკავის სკოლის სამზრუნველოს მისწერა, რომ სამწუხაროდ, საზოგადოების ვერცერთი წევრი ვერ შეძლებდა ღონისძიებაზე დასწრებას.

1898

ტიპი: ღონისძიება

1898 წლის 20 ოქტომბერს ქართველთა შორის წერა-კითხვის გამავრცელებელი საზოგადოების ოცდამეთერთმეტე სხდომაზე წარმოადგინეს საზოგადოების საერთო კრების დადგენილება, რომ გამგეობას საერთო სამკითხველოებისთვის უნდა შეემუშავებინა საერთო წესი და ასევე უნდა მიეღო ივანე აბაშიძის წინადადება საზოგადობის კონვერტისთვის ემბლემის შექმნის შესახებ. გამგეობამ ეს საკითხი განსახილველად საზოგადოების კომისიებს გადასცა.

1899

ტიპი: ღონისძიება

1899 წლის 21 დეკემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ წინარეხის სკოლის მასწავლებელ ანტონ თოიძის თხოვნით დაადგინა, ამავე სკოლის ხელსაქმის მასწავლებლისა და მოსწავლე ქალებისთვის საქველმოქმედო ბაზრისთვის ნივთების დასამზადებელი მასალის საყიდლად იანვრისთვის გადაედოთ თანხა. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ავტორობა

1899 წლის დეკემბერში ქართველთა შორის წერა-კითხვის გამავრცელებელ საზოგადოებას წინარეხის სკოლის მასწავლებელმა ანტონ თოიძემ მიმართა თხოვნით, რომ წინარეხის სკოლის ხელსაქმის მასწავლებლისა და მოსწავლე ქალებისთვის საქველმოქმედო ბაზრისთვის ნივთების დასამზადებელი მასალის საყიდლად გადაედოთ რამდენიმე მანეთი.