ქშწკგს პროსოპოგრაფია

ფაქტები

რეგისტრირებული ფაქტები46478

1914

ტიპი: ღონისძიება

1914 წლის 19 თებერვლის ქართველთა შორის წერა-კითხვის გამავრცელებელი საზოგადოების სამუზეუმო სექციის მეოთხე სხდომაზე განიხილეს თავმჯდომარის, დავით კარიჭაშვილის წარმოდგენილი 1914 წლის მოქმედების ანგარიში და 1915 წლის სამოქმედო გეგმა.

1912

ტიპი: ორგანიზაცია

1912 წლის 5 მაისს ქართველთა შორის წერა-კითხვის გამავრცელებელმა საზოგადოებამ წევრებად იპოლიტე პეტრეს ძე ვართაგავა და ფილიპე მგელაძე მიიწვია.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1907 წელს საზოგადოებაში 1568 წევრი ირიცხებოდა, აქედან საწევრო გადასახადის გადაუხდელობის გამო გამოაკლდა 1057. იმ წელს საწევრო გადასახადი თითო წევრზე საშუალოდ 1 მანეთ და 48 კაპიკს შეადგენდა. შემდეგ წლებშიც დაახლოებით ამდენივე იყო.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, 1907 წელს მუშათა მონაწილეობით რომ არ დამარცხებულიყო გაბატონებული წრე საზოგადოებაში შემოიღეს წესი – ვინც ყოველწლიურად საწევრო გადასახადს – 3 მანეთს არ გადაიხდიდა, მას კენჭისყრის უფლებას ჩამოართმევდნენ. ამ დადგენილებით შემოსავლის ზრდას ვარაუდობდნენ, თუმცა ასე არ მოხდა.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1899-1907 წლებში საწევრო გადასახადი 6 მანეთი იყო და ამ პერიოდში საწევრო გადასახადის შემოსავალმაც მოიმატა.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1899 წლამდე 12 წლის განმავლობაში, სანამ საზოგადოებაში მუშები ჩაეწერებოდნენ წევრებად საწევრო გადასახადის შემოსავალი იყო 6095 მანეთი, ხოლო მუშების გაწევრიანების შემდეგ – 1899-1907 წლებში 8 წლის განმავლობაში 15768 მანეთამდე გაიზარდა იგი. აქედან, თითო წევრი საშუალოდ თითო მანეთსა და 83 კაპიკს იხდიდა.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1899 წელს საზოგადოებაში გაწევრიანდნენ მუშები, რასაც წევრების მრავალრიცხოვანი მიღება მოჰყვა. სხვა დროს თუ 12 წლის განმავლობაში საზოგადოებას 100 წევრი შეემატა, 1899 წელს მუშების გაწევრიანებამ ისეთი გავლენა იქონია, რომ 1899 წლიდან 1907-მდე 972 წევრი დაემატა.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1887 წელს საერთო წევრთა რიცხვი 440 იყო. 12 წლის შემდეგ ეს რიცხვი მხოლოდ 73-ით გაიზარდა – 513 გახდა. ასეთი სურათი შენარჩუნდა 1899 წლის წლიურ კრებამდე.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1887 წლიდან 1899-მდე 12 წლის განმავლობაში საზოგადოების შემოსავალი 6095 მანეთი იყო. აქედან, ერთდროული – 700 მანეთი. თითო წევრს 4 მანეთისა და 04 კაპიკის, ცოტა ნაკლების, საწევრო გადასახადის გადახდა უწევდა.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების წლიურ კრებაზე სულავამ განაცხადა, რომ უმუშევრობის დრო იდგა და სახალხო უნივერსიტეტში წვლილის სახით ერთი მანეთის შეტანაც კი ძნელი იყო. იგი კვლავ ითხოვდა საწევროს გადასახადის შემცირებას, რადგან თვლიდა, რომ დროთა განმავლობაში მაინც საჭირო გახდებოდა მისი შემცირება.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე სულავამ განაცხადა, რომ საწევრო გადასახადი უნდა შემცირებულიყო. მუშისთვის 25 კაპიკის გადახდაც რთული იყო, რადგან მას საზოგადოების გარდა სხვა დაწესებულებაშიც უხდებოდა მონაწილეობის მიღება და ფინანსური წვლილის შეტანა.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებლი საზოგადოების კრებაზე არჩილ რაჟდენის ძე ჯაჯანაშვილმა განაცხადა, რომ ზოგიერთს საზოგადოება ისეთი დაწესებულება ეგონა, რომლის საშუალებითაც ხალხს თავისი მოქალაქეობრივი უფლებები უნდა გამოეყენებინა და თუ ამ თვალსაზრისით მიუდგებოდნენ საწევრო გადასახადის შემცირებას, მაშინ იგი საერთოდ არ უნდა არსებულიყო, მაგრამ ჯაჯანაშვილის აზრით, ქ. შ. წ. კ. გ. საზოგადოება კულტურული დაწესებულება იყო და არა პარლამენტი, სადაც უფლებებზე საუბარი შესაძლებელი იყო.

1914

ტიპი: ავტორობა

1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე არჩილ რაჟდენის ძე ჯაჯანაშვილმა განაცხადა, რომ რამდენიმე წლის წინ იყო აღძრული საკითხი საწევრო გადასახადის შემცირების შესახებ და მაშინ 6 მანეთიდან 3 მანეთამდე დაიწია გადასახადმა, რის შემდეგაც შემოსავალი შემცირდა და, რადგან დადებითად არ აისახებოდა შემოსავალზე საწევრო გადასახადის შემცირება, იგი პრინციპულად წინააღმდეგი იყო მისი შემცირებისა.

1914

ტიპი: ავტორობა

1914 წლის 16 ნოემბერს ქართველთა შორის წერა-კითხვის გამავრცელებელი საზოგადოების კრებაზე დ. ჯავახიშვილმა განაცხადა, რომ სკოლები უნდა დაეარსებინათ იქ, სადაც საჭირო იყო მათი არსებობა. მისი აზრით, სოფლის ერთ-ერთ სკოლაში უნდა შეეტანათ რაიმე პრაქტიკული კურსი, სადაც საზოგადოების სხვა სკოლების კურსდამთავრებულები გააგრძელებდნენ სწავლას და სასწავლებლად არ წავიდოდნენ მთავრობის სკოლებში.

1914

ტიპი: ავტორობა

1914 წლის 9 ნოემბერს ქართველთა შორის წერა-კითხვის გამავრცელებელი საზოგადოების წლიურ კრებაზე ალექსანდრე სპირიდონის ძე ლომთათიძემ განაცხადა, რომ უმჯობესი იყო საზოგადოებას ჰქონოდა ცოტა, მაგრამ კარგი სკოლები, ვიდრე ბევრი და ცუდად მოწყობილი. ასევე სტიპენდიების უმრავლესობა არ ამართლებდა და ამიტომ, სასარგებლო იქნებოდა სტიპენდიებისთვის განკუთვნილი თანხა სკოლების კეთილმოწყობისთვის გამოეყენებინათ.

1918

ტიპი: თანამდებობა

1918 წლის კომერციული სასწავლებლის ანგარიშებიდან ირკვევა, რომ იპოლიტე პეტრეს ძე ვართაგავა რუსულ ენას ასწავლიდა თბილისის მეორე კომერციულ სასწავლებელში, ჰქონდა 17 საათი და იღებდა გასამრჯელოს 1870 მანეთის ოდენობით.

1916

ტიპი: ორგანიზაცია

1916 წელს ქართველთა შორის წერა-კითხვის გამავრცელებელი საზოგადოების ნამდვილმა წევრმა გიორგი ნიკოლოზის ძე საღარიძემ ერთიანად გადაიხადა საწევრო.

1916

ტიპი: ღონისძიება

1916 წელს საწევრო ერთიანად გადაიხადა ქართველთა შორის წერა-კითხვის გამავრცელებელი საზოგადოების ნამდვილმა წევრმა მღვდელმა გერვასი იოსების ძე ჯაოშვილმა.

1899

ტიპი: ავტორობა

1899 წლის 23 მარტის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა კავკავის სკოლის პედაგოგიური საბჭოს პროტოკოლი მასწავლებელთა და მოსწავლეთა გაცდენების აღნუსხვის შესახებ, ამის შესახებ მასწავლებელ ლუარსაბ ბოცვაძის მოსაზრება და განმარტებითი წერილი სკოლის გამგე ტიტე კახიძისა ბოცვაძის მოსაზრების შესახებ.

1916

ტიპი: ორგანიზაცია

1916-1917 წლების ქართველთა შორის წერა-კითხვის გამავრცელებელი საზოგადოების წევრების სიის მიხედვით, ვასილ გერასიმეს ძე ბერელაშვილმა, ადამ ზურაბის ძე ბერელაშვილმა, იოსებ იულონის ძე დადიანმა, ირაკლი გრიგოლის ძე დეკანოზიშვილმა და გიორგი ფელიქსის ძე ზდანოვიჩმა ერთიანად გადაიხადეს საწევრო – 100, 60 და 20 მანეთი.

1915

ტიპი: ღონისძიება

ქართველთა შორის წერა-კითხვის გამავრცელებელი საზოგადოების 1915 საანგარიშო წლის განმავლობაში დავით გიორგის ძე კარიჭაშვილმა სამუზეუმო სექციის გეგმის სრულად შესრულება ვერ შეძლო, რადგან საკმარისი დრო არ ჰქონდა და სამუშაოც ბევრი იყო. კარიჭაშვილის თქმით, მას სხვა დაეხმარა. სექციის მდივნის, იროდიონ თომას ძე სონღულაშვილის ცნობით, დავით კარიჭაშვილს შვილი, დავით დავითის ძე კარიჭაშვილი მიეხმარა.

1915

ტიპი: ღონისძიება

1915 წლის ქართველთა შორის წერა-კითხვის გამავრცელებელი საზოგადოების სავარაუდო შემოსავალ-გასავალი დაამტკიცეს გამგეობის თავმჯდომარე გიორგი ნიკოლოზის ძე ყაზბეგმა, თავმჯდომარის მოადგილე დავით კარიჭაშვილმა, წევრებმა: გიორგი ლასხიშვილმა, შიო დედაბრიშვილმა, ლუარსაბ ბოცვაძემ, გრიგოლ რცხილაძემ, გიორგი ცინცაძემ, ნინო ანთაძე-ნაკაშიძემ. სავარაუდო გასავალი იყო: კანცელარიის ბინის ქირისთვის 600 მანეთი; საკანცელარიო წიგნების, განათების, გათბობისა და სხვა წვრილმანებისთვის 500 მანეთი; წლიური ანგარიშის დასაბეჭდად 360 მანეთი; ნივთების შესაძენად 25 მანეთი; სარგებლიანი ქაღალდებისა და მომგებიანი ბილეთისთვის 350 მანეთი; ჟურნალ „განათლების“ დამატებისთვის 200 მანეთი; საქმის მწარმოებლის ხელფასისთვის 1625 მანეთი; ბუღალტერის ხელფასისთვის 1078 მანეთი; გადამწერის ხელფასისთვის 360 მანეთი; კანცელარიის მსახურის ხელფასისთვის 350 მანეთი; მაღაზიის გამგის ხელფასისთვის 924 მანეთი; მაღაზიის გამგის თანაშემწის ხელფასისთვის 560 მანეთი; მაღაზიის მსახურის ხელფასისთვის 350 მანეთი; მაღაზიის ბინის ქირისთვის 600 მანეთი; დაზღვევისთვის 205 მანეთი; სამრეწველო ბაჟისთვის 170 მანეთი; წიგნების საწყობებში თაროების მოსაწყობად 200 მანეთი.

1899

ტიპი: ღონისძიება

1899 წლის 23 მარტის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაამტკიცა კავკავის სკოლის პედაგოგიური საბჭოს გადაწყვეტილება მოსწავლეთა და მასწავლებელთა გაცდენების აღნუსხვის შესახებ. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წელს ქართველთა შორის წერა-კითხვის გამავრცელებელ საზოგადოების გამგეობას საპატიო წევრ გიორგი ქართველიშვილის მიერ შემოწირული 763 ცალი „ვეფხისტყაოსნის“ და ვახუშტი ბატონიშვილის 210 ცალი „საქართველოს ისტორიის“ გაყიდვიდან შემოუვიდა 1351 მანეთი.

1912

ტიპი: ავტორობა

1912 წლის 20 მარტს ქართველთა შორის წერა-კითხვის გამავრცელებელი საზოგადოებისა და განყოფილებების წარმომადგენელთა საერთო სხდომაზე განსახილველად წარმოადგინეს შემდეგი საკითხი: განყოფილების წევრი ითვლებოდა თუ არა მთავარი საზოგადოების წევრად და შეეძლო თუ არა ესარგებლა ხმის მიცემის უფლებით და პირიქით მთავარი საზოგადოების წევრი ითვლებოდა თუ არა განყოფილების წევრად ხმის უფლებით. ეს საკითხი სხდომაზე არ განუხილავთ. ოქმს ხელს აწერს გიორგი ნიკოლოზის ძე ყაზბეგი.