ქშწკგს პროსოპოგრაფია

ფაქტები

რეგისტრირებული ფაქტები46487

1897

ტიპი: ღონისძიება

1897-1906 წლებში ფოთში ბიბლიოთეკის დაარსების გამო იაკობ ფანცხავას მრავალი უსიამოვნება შეხვდა ფოთის გუბერნატორის კანცელარიის მმართველ სიპოვიჩისგან.

1897

ტიპი: ორგანიზაცია

1897-1906 წლებში ფოთში ყოფნის დროს იაკობ ფანცხავა იყო ქართველთა შორის წერა-კითხვის გამავრცელებელი საზოგადოების წევრი.

1897

ტიპი: ღონისძიება

1897-1906 წლებში ფოთში ყოფნის დროს იაკობ ფანცხავა ქართველთა შორის წერა-კითხვის გამავრცელებელი საზოგადოებაში ახალ წევრთა შემოკრებისა და საწევრო მოსაკრებლის საქმეებს უძღვებოდა.

1897

ტიპი: ორგანიზაცია

1897-1906 წლებში იაკობ ფანცხავა იყო ფოთის დრამატიული საზოგადოების წევრი.

1897

ტიპი: ღონისძიება

1897-1906 წლებში იაკობ ფანცხავა ფოთის დრამატიული საზოგადოების წევრობის პერიოდში ახალ პირთა გაწევრიანებისა და საწევრო მოსაკრებლის საქმეებს აწარმოებდა.

1897

ტიპი: ღონისძიება

1897 წლის 4 იანვარს კავკავის ქართული სკოლის დარბაზში ელენე ჭიჭინაძის მეთავეობითა და ელისაბედ მოზდოკელოვის მონაწილეობით გაიმართა საცეკვაო საღამო, რომლის შემოსავალიც მთლიანად გადაეცა კავკავის ქართულ სკოლას.

1897

ტიპი: სტატუსი

1897 წელს კონსტანტინე ივანეს ძე მუხრანბატონი იყო თავადი.

1897

ტიპი: სტატუსი

1897 წელს მიხეილ თაქთაქიშვილი იყო თავადი.

1897

ტიპი: ღონისძიება

1897 წლის 4 იანვარს „ცნობის ფურცელში“ დაიბეჭდა ლუარსაბ ბოცვაძის წერილი. ბოცვაძე წერდა, რომ 66-ე ნომერში წაიკითხა ბ. ი. როსტომაშვილისა და ზ. ჭიჭინაძის განცხადება, რომელშიც ეწერა, რომ ისინი მზად იყვნენ გაეგზავნათ თავიანთი გამოცემული წიგნები თერგის ოლქში დასარიგებლად. ლუარსაბ ბოცვაძის თქმით, ის მზად იყო, თუკი გამომცემლები წიგნებს მიაწვდიდნენ, თერგის ოლქში უფასოდ დაერიგებინა მოსახლეობისთვის.

1897

ტიპი: ღონისძიება

1897 წლის 7 იანვრიდან ა. ტერ-აკოფოვის სასწავლებელი და პანსიონი იღებდა მოსწავლეებს, როგორც სასწავლებელში მოსამზადებლად, ისე საცხოვრებლად. ქართველებს ქართულ ენას სიონის ტაძრის მღვდელი ანტონ თოთიბაძე ასწავლიდა.

1897

ტიპი: ავტორობა

1897 წლის აგვისტოში გამოიცა ალექსანდრე ნათაძის მიერ შედგენილი საყმაწვილო წიგნი „ბავშვების მოკეთე“.

1897

ტიპი: ღონისძიება

1897 წლის 9 იანვარს ქართველთა შორის წერა-კითხვის გამავრცელებელი საზოგადოების გამგეობის მდივანმა, დავით კარიჭაშვილმა საზოგადოების თავმჯდომარის სახელით სენაკის სათავადაზნაურო სკოლის ინსპექტორ სამსონ ყიფიანს მოხსენება (N6) გაუგზავნა.

1897

ტიპი: ღონისძიება

1897 წლის 9 იანვარს ქართველთა შორის წერა-კითხვის გამავრცელებელი საზოგადოების მდივანმა დავით კარიჭაშვილმა მისწერა ქუთაისის სათავადაზნაურო სკოლის ინსპექტორ სიმონ ღოღობერიძეს და სთხოვა, რაც შეიძლება მალე გაეგზავნა მისდამი რწმუნებული სკოლის მდგომარეობის ანგარიში და გასული წლის გასავალი, რადგან საზოგადოებას წლიური ანგარიში უნდა შეედგინა.

1897

ტიპი: ავტორობა

1897 წლის 9 იანვარს ქართველთა შორის წერა-კითხვის გამავრცელებელი საზოგადოების წიგნის მაღაზიაში იყიდებოდა ალექსანდრე ყიფშიძის წიგნი „მთიულეთი. 1804 წ.” მიღებული შემოსავალი უნდა გადაედოთ წერა-კითხვის გამავრცელებელი საზოგადოებას განსავითარებლად.

1897

ტიპი: ღონისძიება

1897 წლის 9 იანვარს „ცნობის ფურცელში” კონსტანტინე ივანეს ძე მუხრან-ბატონის შესახებ დაბეჭდილი ბიოგრაფიული ცნობების მიხედვით, მას და მამამისს, ივანე მუხრან-ბატონს, რვა სოფელში ჰქონდათ გაშენებული ვენახები. მათი ღვინოები დიდი წარმატებით სარგებლობდა საზღვარგარეთ, ძირითადად რუსეთში და კარგი ღვინის დაყენებისთვის არაერთი ჯილდო ჰქონდათ მიღებული, მაგალითად, რუსეთის სახელმწიფო გერბი და პარიზის გამოფენის ოქროს მედალი.

1897

ტიპი: მფლობელობა

1897 წლის 9 ანვარს „ცნობის ფურცელში” დაიბეჭდა ბიოგრაფიული ცნობები კონსტანტინე მუხრან-ბატონის შესახებ. ამ ცნობების მიხედვით, ყველაზე დიდი მამული საქართველოში მუხრან-ბატონს ეკუთვნოდა. დუშეთში მის მამულს ეკავა 32 ათასი „დესეტინა“ ადგილი. გარდა ამისა, მიწები ჰქონდა ბათუმთან ახლოს და თელავის მაზრაში.

1897

ტიპი: ღონისძიება

1897 წლის 12 იანვარს ქართულ თეატრში ახალი პიესა, „უბრალოდ დასჯილნი” დაიდგა, რომელშიც მთავარ როლებს ბარბარე ავალიშვილი და ვასო აბაშიძე ასრულებდნენ.

1897

ტიპი: ავტორობა

1897 წლის 12 იანვარს გაზეთ „ნოვოე ობოზრენიეში“ დაიბეჭდა ილია ჭავჭავაძის ლექსის „მას აქეთ, რაკი შენდამი ვცან მე სიყვარული“ ივანე თხორჟევსკისეული თარგმანი.

1897

ტიპი: ავტორობა

1897 წლის 15 იანვარს ილია მახვილაძემ „ცნობის ფურცლის“ რედაქციას აცნობა, რომ მე-80 ნომერში გამოქვეყნებული ინფორმაცია შტატის ეკლესიის გაძარცვის შესახებ, სიმართლეს არ შეესაბამებოდა. მახვილაძის თქმით, მან სიღრმისეულად გამოიკვლია საქმის ვითარება და აღმოჩნდა, რომ ახალდაბის შტატის ეკლესიიდან არათუ ძვირფასეულობა, „კაპიკიც“ არ იყო გატანილი.

1897

ტიპი: ავტორობა

1897 წლის 15 იანვარს გაზეთ „კავკაზში“ დაიბეჭდა ილია ჭავჭავაძის ლექსის „მწუხარება“ ვასილი ველიჩკოსეული თარგმანი.

1897

ტიპი: ავტორობა

1897 წლის 16 იანვარს ქუთაისის სათავადაზნაურო სკოლის გამგე სიმონ ღოღობერიძემ ქართველთა შორის წერა-კითხვის გამავრცელებელი საზოგადოების გამგეობას გაუგზავნა სკოლის ანგარიში.

1897

ტიპი: სტატუსი

1897 წელს ლეონიდ მაყაშვილი იყო თავადი.

1897

ტიპი: ღონისძიება

1897 წლის 17 იანვარს „ქართულ თეატრში” დაიდგა პიესა „ყაჩაღები”. პიესაში მთავარ როლს ასრულებსა ალექსი მესხიშვილი და ბარბარე ავალიშვილი.

1897

ტიპი: ავტორობა

1897 წლის 17 იანვარს გიორგი სხირტლაძემ „ცნობის ფურცელში” გამოაქვეყნა განცხადება თბილისში, სასახლის ქუჩაზე, თეატრის რესტორნის, „ზამთრის ბაღის” გახსნის შესახებ. რესტორნის ტერიტორიაზე კერძო ოთახებში მოწყობილი იყო საბილიარდო სივრცე.

1897

ტიპი: ავტორობა

1897 წლის 17 იანვარს გაზეთ „ივერიაში“ ილია ჭავჭავაძემ გამოაქვეყნა მოწინავე წერილი „ტფილისი, 17 იანვარი“ („შარშანდელი წელიწადი იმითაა შესანიშნავი, რომ...“).