1912

ტიპი: ღონისძიება

ქართველთა შორის წერა-კითხვის გამავრცელებელი საზოგადოების ბათუმის განყოფილებამ 1912 წლის 15-16 აპრილს ვასილ ოქროპირის ძე ურუშაძის მიერ დადგმული ორი წარმოდგენიდან 295 მანეთისა და 70 კაპიკის შემოსავალი მიიღო.

1915

ტიპი: ავტორობა

1915 წლის 8 აგვისტოს ოდესის უნივერსიტეტის მათემატიკის ფაკულტეტის მეოთხე კურსის სტუდენტმა ალექსანდრე თადეოზის ძე პაპავამ ქართველთა შორის წერა-კითხვის გამავრცელებელ საზოგადოებას სწავლის გასაგრძელებლად სტიპენდია სთხოვა.

1913

ტიპი: ორგანიზაცია

ქართველთა შორის წერა-კითხვის გამავრცელებელი საზოგადოების სამტრედიის განყოფილების 1913 წლის შემოსავალ-გასავალი 571 მანეთსა და 15 კაპიკს შეადგენდა.

1913

ტიპი: თანამდებობა

1913 წლის 7 თებერვალს ისიდორე ივანეს ძე სტურუა ქართველთა შორის წერა-კითხვის გამავრცელებელი საზოგადოების სამტრედიის განყოფილების ხაზინადარი გახდა.

1899

ტიპი: ღონისძიება

1899 წლის 13 აპრილის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დააკმაყოფილა მდივან დავით კარიჭაშვილის მოთხოვნა ფოტოგრაფიის სახელოსნოს ყოფილ შენობაში პირველი ბიბლიოთეკის გადმოტანის შესახებ. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ავტორობა

1899 წლის 13 აპრილის სხდომაზე ქართველთა შორის წერა-კითხვის გამავრცელებელი საზოგადოების გამგეობამ მოისმინა მდივან დავით კარიჭაშვილის მოხსენება ფოტოგრაფიის სახელოსნოს ყოფილ შენობაში I ბიბლიოთეკის გადმოტანის შესახებ.

1899

ტიპი: ღონისძიება

1899 წლის 13 აპრილს ქართველთა შორის წერა-კითხვის გამავრცელებელი საზოგადოების გამგეობის სხდომაზე გამგეობამ დაადგინა, რომ საზოგადოებას მომავლისათვის უნდა ჰქონოდა თავისი წიგნების შესაფერისი კატალოგი. ამისათვის მდივან დავით კარიჭაშვილს დაევალა, მოეხსენებინა გამგეობისთვის კატალოგის შედგენის შესახებ. საკითხი დაწვრილებით უნდა განხილულიყო შემდეგ სხდომაზე. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წლის 13 აპრილის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა პარიზის მსოფლიო გამოფენის ქართული კომიტეტის თხოვნა საზოგადოების წიგნსაცავისა და მუზეუმების კატალოგების უცხო ენებზე თარგმნისა და დაბეჭდვის შესახებ. ამ დროისათვის გამგეობას არ ჰქონდა დამზადებული ვრცელი კატალოგი და ვერც მოკლე დროში მოასწრებდა მის მომზადებას, ამიტომ კომიტეტის თხოვნა არ დაკმაყოფილდა. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წლის 6 აპრილს ქართველთა შორის წერა-კითხვის გამავრცელებელი საზოგადოების გამგეობამ მოისმინა საგამოფენო კომიტეტის თხოვნა, რომელსაც პარიზის მსოფლიო გამოფენაზე უნდა გაეტანა საქართველოს განყოფილება. კომიტეტს სურდა, გამგეობას რუსულ, ფრანგულ, გერმანულ და ინგლისურ ენებზე ეთარგმნა საზოგადოების წიგნსაცავის და მუზეუმის კატალოგები და გადაეცა დასაბეჭდად. საკითხის განხილვა გადაიდო შემდეგი სხდომისთვის. ოქმს ხელს აწერს თავმჯდომარის მოადგილე ნიკოლოზ ცხვედაძე.

1880

ტიპი: ავტორობა

1880 წლის 10 მარტს ბახვის სკოლის მასწავლებელმა გრიგოლ ნ. შარაშიძემ ქართველთა შორის წერა-კითხვის გამავრცელებელ საზოგადოებას მისწერა წერილი, რომელშიც საზოგადოებას აცნობა, რომ მიიღო საზოგადოების მიერ ღარიბი მოსწავლეებისათვის გამოგზავნილი სასწავლო იარაღები და წიგნები.

1898

ტიპი: ავტორობა

1898 წლის 25 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამესამე სხდომა. სხდომაზე განიხილეს წიგნებით მოვაჭრე კონსტანტინე თავართქილაძის თხოვნა, რომ საზოგადოების წიგნების მაღაზიიდან ორი თვით ნისიად მიეცათ ორასი ან სამასი მანეთის ღირებულების წიგნები, ხოლო თავდებად ჩათვლოდა ის წიგნები, რომლებიც გასაყიდად საზოგადოების მაღაზიაში ჰქონდა მიბარებული. გამგეობამ მას გადასცა 10 თუმნის წიგნები, ხოლო თავდებად გამოართვა მისი კუთვნილი წიგნები.

1897

ტიპი: ღონისძიება

1897 წლის 2 დეკემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეთხუთმეტე სხდომა. სხდომაზე მოხსენება გააკეთა სენაკის სკოლის ინსპექტორმა სამსონ ყიფიანმა, რომ ეცდებოდა სამეურნეო განყოფილებისათვის შეემუშავებინა საჭირო პროექტი და ასევე შეატყობინა გამგეობას, რომ აღმზრდელი ტერენტი წერეთლის ჯამაგირის საქმე მოახსენა სკოლის სამზრუნველო კომიტეტს. გამგეობამ განაცხადა, რომ მხედველობაში მიიღებდა ყიფიანის მოხსენებას და დაელოდებოდა სამზრუნველოს ცნობას.

1898

ტიპი: ღონისძიება

1898 წლის 25 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამესამე სხდომა, რომელსაც ესწრებოდნენ: ალექსანდრე ჭყონია, დავით კარიჭაშვილი, კიტა აბაშიძე, იაკობ გოგებაშვილი, ივანე ზურაბიშვილი, ექვთიმე თაყაიშვილი და გრიგოლ ყიფშიძე. სხდომაზე წარმოადგინეს ქ. შ. წ. კ. გ. საზოგადოების რამდენიმე წევრის განცხადება, რომ მოეწვიათ კრება და ხელახლა განეხილათ სენაკის სკოლის საქმე. საკითხი გამგეობამ განსახილველად შემდეგი სხდომისთვის გადადო.

1898

ტიპი: ავტორობა

1898 წლის 29 სექტემბერს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა კავკავის სკოლის გამგემ ტიტე კახიძემ, რომ მისთვის გაეგზავნათ კავკავის სკოლასთან ეკლესიის აშენების თაობაზე გამგეობის მიერ მიღებული დადგენილების ასლი. გამგეობამ პედაგოგის თხოვნა დააკმაყოფილა.

1898

ტიპი: ღონისძიება

1898 წლის 29 მაისს ქართველთა შორის წერა-კითხვის გამავრცელებელი საზოგადოების სხდომაზე გამგეობამ წიგნებისა და დავთრების ყდის გასაკეთებლად აბრამ აკოფოვსა და ოქრომჭედლიშვილს როინაშვილის გვირგვინისთვის ლენტის გასაკეთებლად გადასცა – 21.20 მანეთი, ანასტასია წერეთლისას წიგნების ანგარიშში – 5.92 მან., ანასტასია ხოშტარიას – 23.80 მან., ზაქარია გრიქუროვს – 84.80 მან. სულ გამგეობამ დახარჯა 143.72 მანეთი.

1912

ტიპი: ღონისძიება

1912 წლის 14 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობამ სტიპენდია გაუგზავნა შემდეგ პირებს: თამარ ხარაბაძეს – 10 მან., გიორგი ჩიტაიას – 25 მან., დავით მჭედლიშვილს – 25 მან., სილოვან ყიფიანს – 25 მან., დავით ჩხეიძეს – 25 მან., თამარ ძნელაძეს – 25 მან., შალვა ტატიშვილს – 25 მან., სიმონ ფიცხელაურს – 25 მან., დავით ელიოზიშვილს – 25 მან., ვარლამ იმნაძეს – 25 მან., ვლადიმერ ორჯონიკიძეს – 25 მან., შოთა დადიანს – 25 მან., იოსებ გოგოლაშვილს – 25 მან., ტარასი ნიჟარაძეს – 25 მან., აკაკი ფაღავას – 25 მან., გიორგი ებრალიძეს – 10 მან. და ციმაკურიძეს – 25 მანეთი.

1912

ტიპი: ღონისძიება

1912 წლის 7 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობამ სტიპენდია გაუგზავნა შემდეგ პირებს: თამარ ხარაბაძეს – 10 მან., ანნა კაპანაძეს – 15 მან., გიორგი ჩიტაიას – 25 მან., დავით მჭედლიშვილს – 25 მან., სილოვან ყიფიანს – 25 მან., დავით ჩხეიძეს – 25 მან., თამარ ძნელაძეს – 25 მან., შალვა ტატიშვილს – 25 მან., სიმონ ფიცხელაურს – 25 მან., დავით ელიოზიშვილს – 25 მან., ვარლამ იმნაძეს – 25 მან., ვლადიმერ ორჯონიკიძეს – 25 მან., შოთა დადიანს – 25 მან., იოსებ გოგოლაშვილს – 25 მან., ტარასი ნიჟარაძეს – 25 მან., აკაკი ფაღავას – 25 მან., გიორგი ებრალიძეს – 10 მან. და ციმაკურიძეს – 25 მანეთი.

1914

ტიპი: ავტორობა

1914 წლის 25 მარტის ქართველთა შორის წერა-კითხვის გამავრცელებელი საზოგადოების სამუზეუმო სექციის მეორე სხდომაზე განიხილეს სია იმ წიგნების, ხელნაწერებისა და მინიატურებისა, რომლებიც ლაიფციგში გამოფენისთვის უნდა გაეგზავნათ. ხელს აწერენ თავმჯდომარე დავით გიორგის ძე კარიჭაშვილი, თავმჯდომარის ამხანაგი დავით გიორგის ძე ჯორჯაძე, მდივანი იროდიონ თომას ძე სონღულაშვილი, გამგეობის წევრები ექვთიმე სიმონის ძე თაყაიშვილი, კორნელი სამსონის ძე კეკელიძე და ალექსანდრე ივანეს ძე სარაჯიშვილი.

1916

ტიპი: ღონისძიება

1916 წლის 9 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს ღარიბ მოსწავლეთა დამხმარე თბილისის გუბერნიის თავადაზნაურთა საზოგადოების გამგეობის კომიტეტის წინადადება გიმნაზიაში მეთვალყურის დანიშვნის შესახებ. დადგინდა, საისტორიო და საეთნოგრაფიო საზოგადოების საბჭოსთან შეთანხმებით, დაენიშნათ მეთვალყურე, რომელსაც თვეში ხელფასის სახით ოთხიდან ექვს თუმნამდე დაენიშნებოდა. ხარჯი სამივე (საისტორიო, საეთნოგრაფიო და საეკლესიო) მუზეუმს უნდა გაენაწილებინა. ხელს აწერენ დავით კარიჭაშვილი, იროდიონ სონღულაშვილი და ექვთმე თაყაიშვილი.

ტიპი: ღონისძიება

მუზეუმ-ბიბლიოთეკის გამგეობის წესის მიხედვით, სამუზეუმო ნივთების შესასწავლად ცალკე სექციის ნებართვა იყო საჭირო. სამუზეუმო ნივთების გარეთ გატანა მხოლოდ განსაკუთრებულ შემთხვევებში გამგეობის ნებართვით იყო შესაძლებელი.

1912

ტიპი: ღონისძიება

1912 წლის 14 მარტს შედგენილი ანდერძით იაკობ გოგებაშვილმა სათითაოდ წლიური 120 მანეთი დაუნიშნა ეკატერინე გაბაშვილის პროფესიულ ქალთა სკოლას, საზოგადოება „განათლების“ სკოლასა და ქართულ საბავშვო ბაღს.

ტიპი: ღონისძიება

მუზეუმ-ბიბლიოთეკის გამგეობის წესის მიხედვით, სამუშაო დღეებში წიგნსაცავი ღია იყო დილის ცხრა საათიდან შუადღის სამ საათამდე, ხოლო კვირაობით დილის ათი საათიდან შუადღის ორ საათამდე.

1911

ტიპი: ღონისძიება

1911 წლის 10 ნოემბერს ქართველთა შორის წერა-კითხვის გამავრცელებელი საზოგადოების გამგეობამ სამუზეუმო კომისიის თავმჯდომარე ექვთიმე სიმონის ძე თაყაიშვილს მისწერა, რომ გაეგზავნა ანგარიში, რამდენი დაჯდებოდა ცისკარაშვილის ქვრივის მიწის ხარჯი.

1911

ტიპი: ავტორობა

1911 წლის 10 სექტემბრის სამუზეუმო კომისიის სხდომის ოქმის მიხედვით, ერთ-ერთი მიწის მესაკუთრე, ცისკარაშვილის ქვრივი, სამუზეუმო კომისიას 2 000 მანეთს, საკუთარ წილს სთხოვდა. კომისიას მისთვის ბეს სახით 550 მანეთი უკვე მიცემული ჰქონდა. ოქმს ხელს აწერენ ექვთიმე თაყაიშვილი, ალექსანდრე სარაჯიშვილი, ვახტანგ მუსხელაშვილი, იპოლიტე ვართაგავა და სვიმონ კლდიაშვილი.

1911

ტიპი: ავტორობა

1911 წლის 7 ნოემბერს სამუზეუმო კომისიის თავმჯდომარე ექვთიმე სიმონის ძე თაყაიშვილმა ქართველთა შორის წერა-კითხვის გამავრცელებელი საზოგადოების გამგეობას სთხოვა, ნოტარიუსისა და ცისკარაშვილის ქვრივის მიწის გასასტუმრებლად გაწეული ხარჯი სამუზეუმო თანხიდან დაეფარათ. თაყაიშვილის თქმით, ამ ხარჯს მიწის დამტკიცების შემდეგ ი. ზ. სვანიშვილი ე. წ. ფიქრის გორის ნასყიდობის ანგარიშში ჩათვლიდა.