რეგისტრირებული ფაქტები47981
სორტირება ძველი ჩანაწერების მიხედვით
1914
ტიპი: ღონისძიება
1914 წლის 17 ივნისს ლუარსაბ გერასიმეს ძე ბოცვაძე, შიო ზაქარიას ძე დედაბრიშვილი, გრიგოლ სვიმონის ძე რცხილაძე, შალვა ანტონის ძე მიქელაძე და დავით გიორგის ძე კარიჭაშვილი დაესწრნენ ქართველთა შორის წერა-კითხვის დამავრცელებელი საზოგადოების გამგეობის სხდომას.
1914
ტიპი: ღონისძიება
1914 წლის 17 ივნისს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს სოფ. ხიდისთავის განყოფილების თხოვნა წიგნების ფასდაკლებით მიცემის შესახებ. გამგეობამ მისი სურვილი დააკმაყოფილა.
1916
ტიპი: ღონისძიება
1916 წლის 17 დეკემბერს ქართველთა შორის წერა-კითხვის გამავრცელებელი საზოგადოების კრებას ესწრებოდნენ: გიორგი ნიკოლოზის ძე ყაზბეგი, დავით გიორგის ძე კარიჭაშვილი, ნინო იოსების ასული ნაკაშიძე, თევდორე გაბრიელის ძე კიკვაძე, გრიგოლ სვიმონის ძე რცხილაძე, იპოლიტე პეტრეს ძე ვართაგავა, გიორგი მიხეილის ძე ლასხიშვილი, გიორგი იესეს ძე ცინცაძე და 50 ნამდვილი წევრი.
1916
ტიპი: ღონისძიება
1916 წლის 17 დეკემბერის ქართველთა შორის წერა-კითხვის გამავრცელებელი საზოგადოების კრებას, რომელზეც მუხლობრივად განიხილეს საზოგადოების წესდების ახალი პროექტი, დავით გიორგის ძე კარიჭაშვილი თავმჯდომარეობდა.
1914
ტიპი: ღონისძიება
1914 წლის 17 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს საქმის მწარმოებელ ვარლამ ბურჯანაძის თხოვნა საზოგადოების წესდების 500 ეგზემპლარის დაბეჭდვის შესახებ. გამგეობამ 1000 წესდების დაბეჭდვა გადაწყვიტა.
1914
ტიპი: თანამდებობა
1914 წელს ალექსანდრე გიორგის ძე დუმბაძე ქართველთა შორის წერა-კითხვის გამავრცელებელი საზოგადოების კავკავის განყოფილების თავმჯდომარე იყო.
1909
ტიპი: თანამდებობა
1909 წლის 26 დეკემბრიდან 1910 წლის 2 იანვრამდე ქართველთა შორის წერა-კითხვის გამავრცელებელი საზოგადოების მდივნის მოვალეობას სამსონ ფირცხალავას მაგივრად ლუარსაბ ბოცვაძე ასრულებდა.
1909
ტიპი: ავტორობა
1909 წლის 18 ნოემბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს ეგნატე ხრამელაშვილის განცხადება წვრილი კრედიტის კურსების ჩატარების შესახებ. გამგეობამ კურსების დაარსება საჭიროდ მიიჩნია და საკითხის მოგვარება საჭირო თანხების მოძიებამდე გადადო.
1912
ტიპი: ღონისძიება
1912 წლის 10 მაისს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ალექსანდრე მდივანი, დავით კარიჭაშვილი, შიო არაგვისპირელი, არჩილ ჯაჯანაშვილი, სერგი გორგაძე, ფილიპე მგელაძე, ლუარსაბ ბოცვაძე, იპოლიტე ვართაგავა, ალექსანდრე ყიფშიძე და შალვა მიქელაძე; სხდომაზე წარადგინეს ხარკოვიდან გამოგზავნილი განცხადება ქრისტინე ალჩევსკის შესახებ, რომელიც 50 წელი პედაგოგად მუშაობდა და საგანმანათლებლო საქმიანობას ეწეოდა.
1912
ტიპი: ღონისძიება
1912 წლის 21 ივნისს ალექსანდრე მდივნის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების 28-ე სხდომს ესწრებოდნენ: დავით კარიჭაშვილი, ალექსანდრე ყიფშიძე, შიო დედაბრიშვილი, სერგი გორგაძე, ლუარსაბ ბოცვაძე, არჩილ ჯაჯანაშვილი და ფილიპე მგელაძე.
1912
ტიპი: ღონისძიება
1912 წლის 9 ივნისს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ალექსანდრე მდივანი, დავით კარიჭაშვილი, ლუარსაბ ბოცვაძე, არჩილ ჯაჯანაშვილი, შალვა მიქელაძე, სერგი გორგაძე, ალექსანდრე ყიფშიძე და ფილიპე მგელაძე; სხდომაზე განიხილეს 21 ნოემბრის სხდომის დადგენილება, რომ გიმნაზიის კომიტეტი ქ. შ. წ. კ. გ. საზოგადოებასა და საისტორიო საზოგადოებას მუზეუმისა და ბიბლიოთეკისთვის რამდენიმე ოთახს იმ პირობით დაუთმობდა, თუ ამ ოთახებით მანამდე ისარგებლებდნენ, სანამ გიმნაზიის კომიტეტს თვითონ დასჭირდებოდა, ოთახების მოვლაზე ქ. შ. წ. კ. გ. საზოგადოებასა და საისტორიო საზოგადოებას უნდა ეზრუნათ.
1912
ტიპი: ღონისძიება
1912 წლის 9 ივნისს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ალექსანდრე მდივანი, დავით კარიჭაშვილი, ლუარსაბ ბოცვაძე, არჩილ ჯაჯანაშვილი, შალვა მიქელაძე, სერგი გორგაძე, ალექსანდრე ყიფშიძე, ფილიპე მგელაძე და გრიგოლ რცხილაძე; სხდომაზე წარადგინეს საკითხი საზოგადოების მუზეუმისა და წიგნსაცავის მართვა-გამგეობის წესების შემუშავების შესახებ. გამგეობამ საზოგადოებისა და საისტორიო-საეთნოგრაფიო საზოგადოების მუზეუმთა გაერთიანების სურვილი გამოთქვა, მაგრამ გაერთიანებული მუზეუმების მართვაში თანაბარი მონაწილეობა უნდა მიეღო ორივე მხარეს. გამგეობის ეს დადგენილება გრიგოლ რცხილაძისთვის მიუღებელი იყო.
1914
ტიპი: ავტორობა
1914 წლის 30 ნოემბერს ქართველთა შორის წერა-კითხვის გამავრცელებელი საზოგადოების კრებაზე რევაზ ალექსანდრეს ძე გაბაშვილმა განაცხადა, რომ მუზეუმიდან ოქროს ფულების დაკარგვის მიზეზი გამგეობის არასაკმარისი ყურადღება იყო. მისი აზრით, გამგეობას არ ჰქონდა საშუალება შესაფერისად ეპატრონა მუზეუმისთვის და დაეცვა გაქურდვისაგან.
1914
ტიპი: ავტორობა
1914 წლის 30 ნოემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ მუზეუმებიდან ნივთების დაკარგვაში მხოლოდ ის კი არ იყო დამნაშავე, ვისაც ნივთები ებარა, არამედ ხელმძღვანელიც, რომელსაც უნდა ეკონტროლებინა, თვალყური ედევნებინა თანამშრომლისთვის.
1914
ტიპი: ავტორობა
1914 წლის 30 ნოემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ წინა წელს მუზეუმიდან ერთი ოქროს საბურნე და 8 ოქროს ფული დაიკარგა. გამგეობას კი დამნაშავის მოსაძებნად შესაბამისი ზომები არ მიუღია, რაც ყოვლად დაუშვებელი იყო.
1914
ტიპი: ავტორობა
1914 წლის 30 ნოემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე კარიჭაშვილმა განაცხადა, რომ თუკი მკითხველი ერთხელ მაინც იკადრებდა ხელნაწერებიდან ფურცლები ამოეკლო, იგი ამას ყოველთვის შეძლებდა მალულად იმ შემთხვევაშიც კი თუ კონტროლს გაამკაცრებდნენ მუზეუმში. კარიჭაშვილმა საზოგადოების წევრებს მიმართა, რომ რაიმე ზომები მიეღოთ, რათა მკითხველს ხელნაწერიდან ფურცლები არ მოეპარა.
1915
ტიპი: ღონისძიება
1915 წლის 20 სექტემბერს ქართველთა შორის წერა-კითხვის გამავრცელებელი საზოგადოების ტუაფსეს განყოფილებამ ახალი მმართველობა აირჩია, რადგან წევრთა უმრავლესობა, რომლებიც სხვადასხვა მიზეზთა გამო ტუაფსეში არ იმყოფებოდნენ, გაათავისუფლეს. სპირიდონ ოტიას ძე ბენდუქიძე ტუაფსეს განყოფილების საპატიო წევრი იყო.
1912
ტიპი: პირადი ურთიერთობა
1912 წლის 9 ივნისს ქართველთა შორის წერა-კითხვის გამავრცელებელი საზოგადოების სხდომაზე წარმოდგენილი საკითხიდან ვიგებთ, რომ გიორგი დეკანოზიშვილის მეუღლე იყო ჰანრიეტა ფრენუა-დეკანოზიშვილისა.
ტიპი: თანამდებობა
ქართველთა შორის წერა-კითხვის გამავრცელებელი საზოგადოების ტუაფსეს განყოფილების თავმჯდომარე იპოლიტე ამბაკოს ძე მახარაძის შემდეგ ილიკო ბეჟანის ძე მგელაძე გახდა. მდივანი სამუელ გიორგის ძე ზაქარეიშვილი იყო, მოლარე – დიმიტრი ისიდორის ძე მამალაძე, გამგეობის წევრი ნიკო ადამია, ხოლო შემდეგ დაემატნენ თეოფილე გოგიბერიძე და ევგენი იესეს ძე ბოხუა.
1914
ტიპი: ავტორობა
1914 წლის 30 ნოემბერს ქართველთა შორის წერა-კითხვის გამავრცელებელი საზოგადოების კრებაზე ირაკლი ივანეს ძე რამიშვილმა განაცხადა, რომ თუკი საზოგადოებას შეეძლო 3000 მანეთი გამოუსადეგარი ნივთების შესაძენად გამოეყო, ასევე შეეძლო ძვირფასი განძის – ხელნაწერების გამოსაცემად ყოველწლიურად ნაწილ-ნაწილ გადაედო საჭირო თანხა და თანდათანობით გამოეცა ისინი.
1912
ტიპი: ღონისძიება
1912 წლის 9 ივნისს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს ცნობა, რომლის თანახმად ილიას ძეგლისთვის მოაჯირის გასაკეთებლად აღრიცხული იყო 730 მანეთი, რომელიც პეტრე მამრაძეს უნდა გადასცემოდა ნაწილ-ნაწილ, იმ პირობით, რომ ბოლოს გამგეობას წარმოუდგენდა დანახარჯის სრულ ანგარიშს. გამგეობის ანგარიშით, პეტრე მამრაძეს უკვე მიღებული ჰქონდა 500 მანეთი.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -