ქშწკგს პროსოპოგრაფია

ფაქტები

რეგისტრირებული ფაქტები46388

1919

ტიპი: ღონისძიება

1919 წლის პირველ დეკემბერს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა უმაღლეს და საშუალო სასწავლებელთა მთავარგამგეს მისწერა, რომ 1919 წლის პირველი სექტემბრიდან ქუთაისის ვაჟთა პირველი გიმნაზიის ქართული ენის მასწავლებლად გიორგი ანდრიაძე დაინიშნა. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე ჭიჭინიძე.

1919

ტიპი: განათლება

1919 წლის 1 დეკემბერს, ქუთაისის ვაჟთა პირველი გიმნაზიის დირექტორი, ნიკ.მირზიშვილი, უმაღლეს და საშუალო სასწავლებელთა მთავარგამგეს წერს, როგორც ნამსახურებითი სიიდან ჩანს, ანდრიაძეს, ა.წ. 10 ნოემბრიდან დაუმთავრებია ქუთაისის ქართული სააზნაურო რვაკლასიანი გიმნაზია და პეტროგრადის უნივერსიტეტის იურიდიული ფაკულტეტის მე-4 კურსის სტუდენტად ითვლება. ხელს აწერენ: გიმნაზიის დირექტორი ნიკ.მირზიშვილი და საქმის მწარმოებელი კ.ჭიჭინიძე.

1919

ტიპი: ღონისძიება

1919 წლის პირველ დეკემბერს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა უმაღლეს და საშუალო სასწავლებელთა მთავარგამგეს მისწერა, რომ 1918 წლის პირველი თებერვლიდან ოზურგეთის პედაგოგიურმა საბჭომ გიორგი ანდრიაძე ქართული ენისა და სიტყვიერების ისტორიის მასწავლებლად მიიწვია. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე ჭიჭინიძე.

1919

ტიპი: ავტორობა

1919 წლის პირველ დეკემბერს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა უმაღლეს და საშუალო სასწავლებელთა მთავარგამგეს მისწერა, რომ 1918 წლის პირველი სექტემბრიდან გიორგი ანდრიაძე ქართული ენისა და სიტყვიერების ისტორიის მასწავლებლად დამტკიცდა. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე ჭიჭინაძე.

1919

ტიპი: განათლება

1919 წლის 1-ელ დეკემბერს ქუთაისის ვაჟთა პირველი გიმნაზიის დირექტორი ნიკოლოზ მირზიშვილი უმაღლეს და საშუალო სასწავლებელთა მთავარგამგეს სთხოვს, აცნობოს, როგორ მიეცემა ჯამაგირი დავით ანდრიაძეს, როგორც შტატის მასწავლებელს (უმაღლეს სწავლადამთავრებულს), თუ როგორც საშუალო სწავლადამთავრებულს. ხელს აწერენ: გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე ჭიჭინაძე.

1919

ტიპი: ღონისძიება

1919 წლის დეკემბერში მთავარგამგე გიორგი ჭუმბურიძე და საქმისმწარმოებლის ნაცვალი ეკატერინე გველესიანი სენაკის თვითმმართველობას დასამოწმებლად უგზავნიან ნიკოლოზ აქვსენტის ძე ანჯაფარიძის ფორმულარს.

1919

ტიპი: თანამდებობა

1919 წლის 1-ლ დეკემბერს ნიკოლოზ აქვსენტის ძე ანჯაფარიძე (დაიბადა 1873 წლის 22 აგვისტოს, მართლმადიდებელი) ახალი სენაკის უმაღლესი დაწყებითი სასწავლებლის ქართული ენის მასწავლებლად მუშაობდა. მისი წლიური ჯამაგირი 9960 მანეთს შეადგენდა.

1919

ტიპი: განათლება

1919 წლის 1-ლი დეკემბრის ნამსახურებითი სიის მიხედვით, ნიკოლოზ ანჯაფარიძემ დაამთავრა სრული კურსი თბილისის სასულიერო სემინარიაში სემინარიის სტუდენტის ხარისხით და აქვს ატესტატი N 541. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: თანამდებობა

1919 წლის 1-ელი დეკემბრის ნამსახურებითი სიის მიხედვით, ნიკოლოზ აქვსენტის ძე ანჯაფარიძე უფროს მასწავლებლად დაინიშნა კიწიის ორკლასიან სასწავლებელში. სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პოლიკარპე ლორთქიფანიძე.

1919

ტიპი: თანამდებობა

1919 წლის 1-ლი დეკემბრის ნამსახურებითი სიის მიხედვით, ნიკოლოზ ანჯაფარიძე გურია-სამეგრელოს ეპისკოპოსის ლეონიდეს განკარგულებით სასწავლებლის გამგის მოვალეობას ასრულებდა ორი თვის განმავლობაში. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: თანამდებობა

1919 წლის 1-ლი დეკემბრის ნამსახურებითი სიის მიხედვით, ნიკოლოზ ანჯაფარიძე უმაღლესი ბრძანებით (სამოქ. უწყ.) დამტკიცდა კოლეჟსკის სეკრეტარის ხარისხზე N40. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: თანამდებობა

ნიკოლოზ ანჯაფარიძის 1919 წლის 1-ლი დეკემბრის ნამსახურებით სიაში წერია, რომ უმაღლესი ბრძანებით (მართლმ. სარწმ. უწყ.) N77, გადაეცა ტიტულიარნი სოვეტნიკის ხარისხი. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: პირადი ურთიერთობა

1919 წლის 1-ლი დეკემბრისთვის ნიკოლოზ აქვსენტის ძე ანჯაფარიძეს ჰყავდა მეუღლე, მარიამ სოლომონის ასულ ხაინდრავა და შვილები: ნინო, დაბადებული 1908 წლის 17 მარტს, ვალენტინა – 1909 წლის 28 მარტს, მარგარიტა – 1910 წლის 15 აგვისტოს, სამსონი – 1915 წლის 15 იანვარს, ქსენია – 1916 წლის 24 იანვარს და თინათინი – 1917 წლის 18 თებერვალს.

1919

ტიპი: სტატუსი

1919 წლის 1-ლი დეკემბრის ნამსახურებითი სიის მიხედვით, ნიკოლოზ ანჯაფარიძეს უმაღლესი ბრძანებით გადაეცა კოლეჟსკი ასესსორის ხარისხი. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: სტატუსი

1919 წლის 1-ლი დეკემბრის ნამსახურებითი სიის მიხედვით, ნიკოლოზ ანჯაფარიძეს 1913 წლის 14 იანვრის N3 უმაღლესი ბრძანებით (მართლმ. სარწმ. უწყ.) გადაეცა ნადვორნი სოვეტნიკის ხარისხი უფროსობით 1912 წლის 1-ლი აპრილიდან. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: ღონისძიება

1919 წლის 1-ლი დეკემბრის ნიკოლოზ ანჯაფარიძის ნამსახურეობითი სიის მიხედვით, ის სენაკის სასკოლო კომისიამ და ქალაქის გამგეობამ უმაღლესი დაწყებითი სასწავლებლის ქართული ენის მასწავლებლად აირჩია. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: ორგანიზაცია

1919 წლის 1-ლი დეკემბრის ნიკოლოზ ანჯაფარიძის ნამსახურეობითი სიის მიხედვით, ის სენაკის მაზრის სახალხო მასწავლებელთა დელეგატთა კრებამ სახალხო მასწავლებელთა კავშირის გამგეობის წევრად აირჩია. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: ორგანიზაცია

1919 წლის 1-ლი დეკემბრის ნიკოლოზ ანჯაფარიძის ნამსახურეობითი სიის მიხედვით, ის ახალსენაკის სასკოლო კომისიაში სახალხო კავშირის წარმომადგენლად აირჩიეს. ნამსახურებით სიას ხელს აწერს ახალსენაკის უმაღლესი დაწყებითი სასწავლებლის გამგის თანამდებობის აღმასრულებელი პ. ლორთქიფანიძე.

1919

ტიპი: თანამდებობა

1919 წლის 1-ლ დეკემბერს მამა დავითის უმაღლესი დაწყებითი სასწავლებლის მათემატიკის მასწავლებლად ნინო გრიგოლის ასული ბარათაშვილი დანიშნეს.

1919

ტიპი: ავტორობა

1919 წლის პირველ დეკემბერს ხაშურის ქალთა გიმნაზიის პედაგოგიური საბჭოს თავმჯდომარე შ. მხეიძემ უმაღლესი და საშუალო სკოლების მთავარგამგეს მისწერა, რომ ლუბა აბრამიშვილი ბეჯითი, მხნე და მომზადებული მასწავლებელი იყო. წერილს ხელს აწერენ პედაგოგიური საბჭოს თავმჯდომარე შ. მხეიძე და საქმისმწარმოებელი პავლე ბლუაშვილი.

1919

ტიპი: ავტორობა

1919 წელს ქართველთა შორის წერა-კითხვის გამავრცელებელი საზოგადოების ქუთაისის განყოფილების სტამბამ ექიმ მებურიშვილს დეკემბრის ხელფასი 400 მანეთი გადაუხადა. ხელს აწერენ ბუღალტერი ალექსანდრე ლევანის ძე ჩხეიძე, გამგეობის თავმჯდომარის მოადგილე ვარლამ იმნაძე, მდივანი კარპეზ ბერიძე და წევრნი იაკობ ფანცხავა, სილოვან ხუნდაძე.

1919

ტიპი: ღონისძიება

1919 წლის 1-ლ დეკემბერს ოლივერ უორდროპი შეხვდა სპარსეთის უფლისწულს მირზა რიზა (რეზა) ხანს.

1919

ტიპი: ღონისძიება

1919 წლის 1-ელ დეკემბერს ოლივერ უორდროპი შეხვდა ამერიკელ კონსულ დულითლს, რომელსაც ადრეც იცნობდა.

1919

ტიპი: თანამდებობა

1920 წლის 14 იანვრის გაზეთ „საქართველოს“ ცნობით, ქართულ სამუსიკო საზოგადოებასთან არსებული ქართული სამუსიკო სკოლის სიმღერის კლასში მასწავლებლები იყვნენ: ა. ი. ჯაყელისა, გ. ი. კირილოვისა, რ. ნ. პოლიაევი, პროფესორი ე. კ. რიადნოვი, ო. ა. შულგინა.

1919

ტიპი: ღონისძიება

1920 წლის 4 იანვრის გაზეთ „საქართველოს“ ცნობით, ზუგდიდის მაზრის კომისარმა შინაგან საქმეთა მინისტრ ნოე რამიშვილს აცნობა, რომ 1919 წლის დეკემბერში დაიჭრნენ ყაჩაღები: ვარლამ და მელიტონ თოდრიები.