ქშწკგს პროსოპოგრაფია

ფაქტები

რეგისტრირებული ფაქტები46417

1920

ტიპი: ღონისძიება

1920 წლის 14 იანვარს ნაციონალისტების ფრაქციის წარმომადგენელი გრიგოლ ვეშაპელი (გიორგი გვაზავას შემდეგ) სიტყვით გამოვიდა დამფუძნებელი კრების საზეიმო სხდომაზე.

1920

ტიპი: ღონისძიება

1920 წლის 14 იანვარს სოციალისტ-ფედერალისტთა ფრაქციის წარმომადგენელი სამსონ ფირცხალავა აკაკი ჩხენკელის შემდეგ სიტყვით გამოვიდა დამფუძნებელი კრების საზეიმო სხდომაზე.

1920

ტიპი: ღონისძიება

1920 წლის 14 იანვარს აკაკი ჩხენკელმა დამფუძნებელი კრების საზეიმო სხდომაზე ვრცლად ისაუბრა დიდი ბრიტანეთის უმაღლესი კომისრის, ოლივერ უორდროპისა და მისი განსვენებული დის, მარჯორი უორდროპის საქართველოს სასარგებლოდ მოღვაწეობის შესახებ.

1920

ტიპი: ღონისძიება

1920 წლის 14 იანვარს აკაკი ჩხენკელმა დამფუძნებელი კრების საზეიმო სხდომაზე აღნიშნა ხალხთა შორის ლიგის მნიშვნელობა, ევროპის მუშათა კლასის მეთაურები და მათ შორის ჰენდერსონი, რომელთაც დახმარება გაუწიეს საქართველოს საკითხის პოპულარიზაციაში.

1920

ტიპი: ღონისძიება

1920 წლის 14 იანვარს აკაკი ჩხენკელმა დამფუძნებელი კრების საზეიმო სხდომაზე წინადადება მისცა მთავრობას, რომ შესაბამისი დეპეშები გაეგზავნათ საზავო კონფერენციის თავმჯდომარისათვის და ლორდ კერზონისთვის.

1920

ტიპი: ღონისძიება

1920 წლის 14 იანვარს აკაკი ჩხენკელმა სიტყვა წარმოსთქვა დამფუძნებელი კრების საზეიმო სხდომაზე. მან დამფუძნებელ კრებას, მთავრობასა და მთავრობის თავმჯდომარე ნოე ჟორდანიას მიულოცა საქართველოს დამოუკიდებლობის აღიარება და აღნიშნა მისი საღი და ფრთხილი პოლიტიკა.

1920

ტიპი: ღონისძიება

1920 წლის 14 იანვარს დამფუძნებელი კრების საზეიმო სხდომა გახსნა თავმჯდომარე ალექსანდრე ლომთათიძემ.

1920

ტიპი: ღონისძიება

1920 წლის 14 იანვარს საქართველოს მთავრობის თავმჯდომარე ნოე ჟორდანიამ საქართველოს დამოუკიდებლობის აღსანიშნავად ოლივერ უორდროპის მიერ გამართულ წვეულებაზე აღნიშნა მისი დიდი წვლილი ამ საქმეში.

1920

ტიპი: ავტორობა

1920 წლის 14 იანვარს დიდი ბრიტანეთის უმაღლესმა კომისარმა ოლივერ უორდროპმა საქართველოს დამოუკიდებლობის აღსანიშნავად თავის სახლში გამართულ წვეულებაზე წარმოთქვა დიდი ბრიტანეთისა და საქართველოს სადღეგრძელოები.

1920

ტიპი: ავტორობა

1920 წლის 14 იანვარს დამფუძნებელი კრების საზეიმო სხდომაზე მთავრობის თავმჯდომარე ნოე ჟორდანიამ წარმოთქვა სიტყვა საქართველოს დამოუკიდებლობის აღიარებასთან დაკავშირებით.

1920

ტიპი: ღონისძიება

1920 წლის 14 იანვრის დამფუძნებელი კრების საზეიმო სხდომას დაესწრნენ: დიდი ბრიტანეთის წარმომადგენელი ოლივერ უორდროპი, საფრანგეთის მისიის წარმომადგენელი ნონანკური, იტალიის წარმომადგენელი გაბბა, საბერძნეთის, პოლონეთის, ფინეთის, ლიტვის, უკრაინის, აზერბაიჯანის და სომხეთის მისიების წარმომადგენლები.

1920

ტიპი: ღონისძიება

1920 წლის 14 იანვარს საქართველოს დამოუკიდებლობის აღიარებასთან დაკავშირებით გაიმართა დამფუძნებელი კრების საზეიმო სხდომა, რომლის თავმჯდომარე იყო ალექსანდრე ლომთათიძე.

1920

ტიპი: ავტორობა

1920 წლის 14 იანვარს მთავრობის თავმჯდომარე ნოე ჟორდანიამ სასახლის აივნიდან სამადლობელი სიტყვით მიმართა საქართველოს დამოუკიდებლობის ცნობის მისალოცად ეროვნული დროშებით მისულ თბილისში მცხოვრებ მუსლიმებს.

1920

ტიპი: ავტორობა

1920 წლის 14 იანვრის გაზეთ „საქართველოში“ გამოქვეყნდა უგო ოიეტის ნოველა „ქაჯი“, რომელიც იტალიურიდან თარგმნა ივანე ზურაბიშვილმა.

1920

ტიპი: ავტორობა

1920 წლის 14 იანვრის გაზეთ „საქართველოში“ გამოქვეყნდა ვასილ ბარნოვის ფელეტონი „თამარ მეფის სურათი“.

1920

ტიპი: ღონისძიება

1920 წლის 14 იანვრის გაზეთ „საქართველოს“ ცნობით, საქართველოს მთავრობის თავმჯდომარე ნოე ჟორდანიამ საქართველოს დამოუკიდებლობის ცნობის მისალოცი დეპეშა მიიღო ბათუმის ქართველ მუსულმანთა და ქართველ ქრისტიანთა ეროვნული საბჭოსგან.

1920

ტიპი: თანამდებობა

1920 წლის 14 იანვრის გაზეთ „საქართველოს“ ცნობით, მემედ-ბეგ აბაშიძე იყო სამუსულმანო საქართველოს განმათავისუფლებელი კომიტეტის თავმჯდომარე, მეჯლისის თავმჯდომარე.

1920

ტიპი: ავტორობა

1920 წლის 14 იანვრის გაზეთ „საქართველოს“ ცნობით, საქართველოს მთავრობის თავმჯდომარე ნოე ჟორდანიამ საქართველოს დამოუკიდებლობის ცნობის მისალოცი დეპეშა მიიღო სამუსულმანო საქართველოს განმათავისუფლებელი კომიტეტისა და მეჯლისის თავმჯდომარე მემედ-ბეგ აბაშიძისგან.

1920

ტიპი: ღონისძიება

1920 წლის 14 იანვარს საქართველოს დამოუკიდებლობის აღიარების გამო ოლივერ უორდროპის მიერ გამართულ წვეულებას ესწრებოდნენ კაპიტანი მამუკა ორბელიანი, საფრანგეთის დიპლომატიური მისიის უფროსი მაიორი ე. დე ნონანკური, იტალიის სამხედრო მისიის უფროსი პოლკოვნიკი გაბბა და სხვები.

1920

ტიპი: ღონისძიება

1920 წლის 14 იანვარს საქართველოს დამოუკიდებლობის აღიარების გამო ოლივერ უორდროპის მიერ გამართულ წვეულებას ესწრებოდნენ თბილისის მოურავი ბენიამინ ჩხიკვიშვილი, საგარეო საქმეთა სამინისტროს საგანგებო საქმეთა გამგე პოლკოვნიკი მელიქიშვილი, გენერალი ივანე ჯაფარიძე და სხვები.

1920

ტიპი: ღონისძიება

1920 წლის 14 იანვარს საქართველოს დამოუკიდებლობის აღიარების გამო ოლივერ უორდროპის მიერ გამართულ წვეულებას ესწრებოდნენ სამხედრო მინისტრის მოადგილე გენერალი ალექსანდრე ზაქარიაძე, დამფუძნებელი კრების თავმჯდომარის მოადგილეები ექვთიმე თაყაიშვილი და ალექსანდრე მდივანი და სხვები.

1920

ტიპი: ღონისძიება

1920 წლის 14 იანვარს საქართველოს დამოუკიდებლობის აღიარების გამო ოლივერ უორდროპის მიერ გამართულ წვეულებას ესწრებოდნენ ფინანსთა და ვაჭრობა-მრეწველობის მინისტრი კონსტანტინე კანდელაკი, იუსტიციის მინისტრი რაჟდენ არსენიძე, მიწათმოქმედების მინისტრი ნოე ხომერიკი და სხვები.

1920

ტიპი: ღონისძიება

1920 წლის 14 იანვარს საქართველოს დამოუკიდებლობის აღიარების გამო ოლივერ უორდროპის მიერ გამართულ წვეულებას ესწრებოდნენ საგარეო საქმეთა მინისტრი ევგენი გეგეჭკორი, სამხედრო მინისტრი გრიგოლ ლორთქიფანიძე, შინაგან საქმეთა და განათლების მინისტრი ნოე რამიშვილი და სხვები.

1920

ტიპი: ღონისძიება

1920 წლის 14 იანვარს, 20:00-23:00 საათზე, დიდი ბრიტანეთის უმაღლესმა კომისარმა ოლივერ უორდროპმა საქართველოს დამოუკიდებლობის აღიარების გამო საზეიმო წვეულება გამართა.

1920

ტიპი: ავტორობა

1920 წლის 14 იანვრის გაზეთ „საქართველოში“ იოსებ დიმიტრის ძე ლიონიძე მადლობას უხდიდა მათ, ვინც გაიზიარა მისი მეუღლის გარდაცვალება.