რეგისტრირებული ფაქტები46632
სორტირება თარიღი მზარდობით
1920
ტიპი: გარდაცვალება
1920 წლის 8 თებერვალს, 12 საათზე, მსახიობ ვალერიან შალიკაშვილის წლისთავის აღსანიშნავად წირვა და პანაშვიდი უნდა გადაეხადათ.
1920
ტიპი: პირადი ურთიერთობა
1920 წლის 8 თებერვლის გაზეთ „საქართველოს“ ცნობით, ანასტასია ალექსანდრეს ასული ბარათაშვილისა ნაფიცი ვექილის, იასე ბარათაშვილის დედა იყო.
1920
ტიპი: პირადი ურთიერთობა
1920 წლის 8 თებერვლის გაზეთ „საქართველოს“ ცნობით, ნიკოლოზ ალექსანდრეს ძე ბარათაშვილი ნაფიცი ვექილის, იასე ბარათაშვილის ძმა იყო.
1920
ტიპი: ღონისძიება
1920 წლის 7 თებერვალს ქართულ კლუბში გაიმართებოდა საოჯახო საღამო, სადაც წარმოადგენდნენ ნიკოლოზ შიუკაშვილის სამმოქმედებიან პიესას „სულელი“, მთავარ როლებში ვერიკო ანჯაფარიძე და მიხეილ ჭიაურელი, მონაწილეობდნენ: ანეტა ქიქოძე, ელენე ციმაკურიძე, ვასო აბაშიძე, აკაკი ვასაძე, მიხეილ სარაული, დ. ძნელაძე, შალვა ღამბაშიძე, უშანგი ჩხეიძე, მიხეილ ქორელი. პიესა ძველი რეჟიმის დროს აკრძალული იყო.
1920
ტიპი: ავტორობა
1920 წლის 8 თებერვლის გაზეთ „საქართველოში“ მოსე ჯანაშვილი წერს, რომ ინჟინერ ვასილ კაკაბაძის წიგნი „მრეწველობის განვითარების საკითხი ჩვენში“ სავაჭრო პალატამ უნდა დაბეჭდოს მრავალათასიანი ტირაჟით და გაავრცელოს, რათა სახელმძღვანელოდ ჰქონდეს არა მარტო მრეწველსა და ვაჭარს, არამედ ქვეყნის აღორძინების მსურველ ყველა მოქალაქეს.
1920
ტიპი: თანამდებობა
1920 წლის 8 თებერვლის გაზეთ „საქართველოს“ ცნობით, სამსონ დადიანი ქ. თბილისის ხმოსანი იყო.
1920
ტიპი: პირადი ურთიერთობა
1921 წლის 8 თებერვალს გაზეთ „საქართველოს“ცნობით, ვასილ გიორგის ძე ნათიძე ნიკოლოზ გიორგის ძე ნათიძის ძმა იყო.
1920
ტიპი: პირადი ინფორმაცია
1920 წლის 9 თებერვალს ზესტაფონიდან ანდრო ივანეს ძე აბაშიძე თბილისში ვაჟთა მეხუთე გიმნაზიას სწერდა, რომ 15 თებერვალს დაბრუნდებოდა.
1920
ტიპი: ღონისძიება
1920 წლის 9 თებერვალს ოლივერ უორდროპი ევგენი გეგეჭკორს საგარეო საქმეთა სამინისტროში შეხვდა.
1920
ტიპი: ავტორობა
1920 წლის 9 თებერვალს, ორშაბათს, ოლივერ უორდროპმა მეუღლეს მარგარეტ კოლეტს მისწერა, რომ ჟორდანიას მეუღლის მიერ მოწყობილ საქველმოქმედო საღამოზე თანხის შესაგროვებლად „ამერიკული აუქციონი“ გაიმართა. ერთ ებრაელ ქართველს ერგო პატივი, ბავშვთა დასახმარებლად შექმნილ ფონდს მის სახელი დარქმეოდა.
1920
ტიპი: ავტორობა
1920 წლის 9 თებერვალს, ორშაბათს, ოლივერ უორდროპმა მეუღლეს მარგარეტ კოლეტს მისწერა, რომ ნოე ჟორდანიას მეუღლის მიერ მოწყობილ საქველმოქმედო საღამოზე ახალგაზრდა მხატვარმა მისი პორტრეტის ესკიზი შექმნა და აჩუქა. მოეწონა, თუმცა არ იყო მაღალ დონეზე შესრულებული. ჟორდანიას პორტრეტიც იგივენაირი წარმატებით დახატა.
1920
ტიპი: პირადი ურთიერთობა
1920 წლის 9 თებერვალს, ორშაბათს, ოლივერ უორდროპმა მეუღლეს მარგარეტ კოლეტს მისწერა, ნოე ჟორდანია ძალიან მოსწონდა და უხაროდა მისი მეუღლის მიერ გამართულ საქველმოქმედო საღამოზე მასთან ოთხი საათის გატარების საშუალება რომ მიეცა.
1920
ტიპი: ავტორობა
1920 წლის 9 თებერვალს, ორშაბათს, ოლივერ უორდროპმა მეუღლეს მარგარეტ კოლეტს მისწერა, რომ ნოე ჟორდანიას მეუღლის მიერ მოწყობილ საქველმოქმედო საღამოზე თავად ჟორდანიას თქმით, დამსწრე საზოგადოება ძირითადად სიმდიდრის მიხედვით იყო შერჩეული, თუმცა იქ ბევრი საინტერესო და სასიამოვნო პიროვნება ნახა.
1920
ტიპი: ავტორობა
1920 წლის 9 თებერვალს, ორშაბათს, ოლივერ უორდროპმა მეუღლეს მარგარეტ კოლეტს მისწერა, რომ ნოე ჟორდანიას მეუღლის მიერ მოწყობილ საქველმოქმედო საღამოზე ტრადიციულად დალიეს მისი და ჟორდანიას სადღეგრძელო, განსაკუთრებით კი აღნიშნეს ინგლისის სიმპათია დაჩაგრული ერების მიმართ და მაგალითად მოიყვანეს ბაირონის ბრძოლა საბერძნეთისთვის.
1920
ტიპი: ავტორობა
1920 წლის 9 თებერვალს, ორშაბათს, შუადღეს, 5 საათზე, ოლივერ უორდროპმა მეუღლეს მარგარეტ კოლეტს მისწერა, რომ საგარეო საქმეთა სამინისტროში, როცა საქმე ჰქონდა ევგენი გეგეჭკორი ყოველთვის მოდიოდა მასთან, მაგრამ ამჯერად სამინისტროში მისვლა ამჯობინა, რადგან თათბირისთვის დიდი რუკები სჭირდებოდათ და საქმისთვის იქ მისვლა უფრო მოსახერხებელი იყო.
1920
ტიპი: პირადი ურთიერთობა
1920 წლის 9 თებერვალს, ორშაბათს, შუადღეს, 5 საათზე, ოლივერ უორდროპმა მეუღლეს მარგარეტ კოლეტს მისწერა, რომ გამუდმებით ეფიქრებოდა მასაც ისევე ენატრებოდა თუ არა, როგორც თავად. ასევე, სურდა ბავშვებისთვის და დედამისისთვის სიყვარული გადაეცა მისგან.
1920
ტიპი: პირადი ურთიერთობა
1920 წლის 9 თებერვალს, ორშაბათს, შუადღეს, 5 საათზე, ოლივერ უორდროპმა მეუღლეს მარგარეტ კოლეტს მისწერა, რომ ყოველდღე სულ უფრო და უფრო ძლიერ უყვარდებოდა და ჩქარობდა ეს ეგრძნობინებინა მისთვის.
1920
ტიპი: პირადი ინფორმაცია
1920 წლის 9 თებერვალს, ორშაბათს, ოლივერ უორდროპმა მეუღლეს მარგარეტ კოლეტს მისწერა, რომ ნოე ჟორდანიას 15 წლის შვილი სადა გოგო იყო.