1921

ტიპი: ღონისძიება

1921 წლის 15 თებერვალს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე აკაკი წერეთლის ნების აღმსრულებელმა კოტე აბდუშელიშვილმა გამგეობას სთხოვა, აკაკის მეუღლისა და შვილის საზღვარგარეთიდან დაბრუნებამდე მისი ნაანდერძევი მამული შორაპნის ერობისთვის არ გადაეცა. გამგეობამ სხვიტორის მამულის გადაცემის საკითხი აღარ განიხილა, რადგან შორაპნის ერობისგან ამ საქმესთან დაკავშირებით პასუხი არ ჰქონდა მიღებული.

1921

ტიპი: ღონისძიება

1921 წლის 1-ელ თებერვალს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს კავკავის განყოფილების გამგეობის თავმჯდომარის მოხსენება იქ არსებული ქართული სკოლის მდგომარეობის შესახებ. გამგეობამ სკოლის შესანახად 500 000 მანეთის გადადება გადაწყვიტა. ამ თანხიდან 100 000 მანეთი მალევე უნდა გადაეცათ სკოლისთვის. გამგეობამ სკოლის გამგეს სკოლის საჭიროებისთვის გაწეული ხარჯების დაწვრილებითი ანგარიში მოსთხოვა.

1921

ტიპი: ღონისძიება

ქართველთა შორის წერა-კითხვის გამავრცელებელი საზოგადოების მთავარი გამგეობის 1921 წლის 22 აპრილის ოქმიდან ირკვევა, რომ საინგილოს დელეგაცია ყოფილა განათლების კომისართან, რომელიც დახმარებას შეჰპირდა მომავალში.

1921

ტიპი: ღონისძიება

1921 წლის 25 იანვარს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე უნდა განეხილათ თ. კიკვაძის მოხსენება საზოგადოებრივ საქმეთა მდგომარეობის შესახებ და ვართაგავას მოხსენება. კრებამ მოისმინა მხოლოდ კიკვაძის განცხადება და პრეზიდიუმის პასუხი, ამიტომ განჩინების თანახმად ამ საკითხის განხილვა გადაიდო.

1914

ტიპი: ღონისძიება

1914 წლის 1-ელი იანვრის ჩანაწერის მიხედვით, ქართველთა შორის წერა-კითხვის გამავრცელებელი საზოგადოების ქუთაისის განყოფილების ნამდვილ წევრს, გიორგი ზდანოვიჩს საწევრო 100 მანეთი ერთიანად ჰქონდა გადახდილი.

1914

ტიპი: ღონისძიება

1914 წლის პირველი იანვრის ჩანაწერის მიხედვით, ქართველთა შორის წერა-კითხვის გამავრცელებელი საზოგადოების ქუთაისის განყოფილების ნამდვილმა წევრმა, ზურაბ გველესიანმა ერთიანად გადაიხადა საწევრო 1500 მანეთი.

1914

ტიპი: ღონისძიება

1914 წლის 1-ლი იანვრისთვის ქართველთა შორის წერა-კითხვის გამავრცელებელი საზოგადოების ქუთაისის განყოფილების ნამდვილ წევრთა სიაში მოხსენებული იყო იმერეთის ეპისკოპოსი გიორგი, რომელსაც ერთიანად ჰქონდა შეტანილი საწევრო (60 მან.).

1914

ტიპი: ღონისძიება

1914 წლის 1-ელი იანვრისთვის ქართველთა შორის წერა-კითხვის გამავრცელებელი საზოგადოების ქუთაისის ნამდვილ წევრთა სიაში ირიცხებოდა ნინა (პუპი) აბაშიძე, რომელმაც ერთიანი სამუდამო გადასახადის სახით საზოგადოებას 5 000 მანეთის ღირებულების სოფლის მამული შესწირა.

1910

ტიპი: თანამდებობა

1910 წლის 5 ივნისს ქუთაისისა და სენაკის სააზნაურო სკოლების სამზრუნველო კომიტეტის თავმჯდომარე დავით ბაქრაძემ თანამდებობიდან გათავისუფლების თხოვნით მიმართა ქართველთა შორის წერა-კითხვის გამავრცელებელი საზოგადოების მთავარ გამგეობას. ის მიზეზად ასახელებდა კომიტეტის ფაქტობრივ უმოქმედობას: წევრთა უმრავლესობის (დავით ხელთუფლიშვილი ავადმყოფობდა, დავით ლორთქიფანიძეს საკმარისი დრო არ ჰქონდა, სერგი ჯაფარიძე და ნიკოლოზ ჭიჭინაძე თბილისში ცხოვრობენ მუდმივად) სისტემატური დაუსწრებლობის გამო უმცირესობაში აღმოჩენილ წევრებს (დავით ბაქრაძეს, იასონ ბაქრაძესა და კირილე ლორთქიფანიძეს) კანონით არავითარი გადაწყვეტილების მიღების უფლება აღარ რჩებოდათ.

1896

ტიპი: თანამდებობა

1896 წელს სოფრომ მგალობლიშვილი გურია-სამეგრელოს ეპარქიის მდივანი იყო, ყარამან ცეცხლაძე – მისი თანაშემწე.

1916

ტიპი: ღონისძიება

1915-1916 სასწავლო წელს ქართველთა შორის წერა-კითხვის გამავრცელებელი საზოგადოების გერგეთის სკოლის (მასწავლებელი ისიდორე ტატიშვილი) სწავლის გადასახადი წლიურად 3 მანეთი იყო. სკოლას 90 მანეთი ჰქონდა წლიური შემოსავალი.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების გერგეთის სკოლას (მასწავლებელი ისიდორე ტატიშვილი) პირველი სამი კლასიდან ავადმყოფობისა და ფეხსაცმლის უქონლობის გამო 7 მოსწავლე გამოაკლდა. დარჩენილი 36 მოსწავლიდან I კლასში 16 ბავშვი იყო, II-ში და III-ში – 8-8 და IV-ში – 4.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების გერგეთის სკოლას (მასწავლებელი ისიდორე ტატიშვილი) 43 მოსწავლე ჰყავდა. მათგან I კლასში 17 ბავშვი იყო, II-ში – 13, III-ში – 9 და IV-ში – 4.

1915

ტიპი: ღონისძიება

1915 წელს ქართველთა შორის წერა-კითხვის გამავრცელებელი საზოგადოების გერგეთის სკოლას (მასწავლებელი ისიდორე ტატიშვილი) 43 მოსწავლე ჰყავდა. მათგან I კლასში 22 ბავშვი იყო, II-ში – 10, III-ში – 4 და IV-ში – 8.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების გერგეთის სკოლის (მასწავლებელი ისიდორე ტატიშვილი) მოსწავლეებიდან 4-მა სწავლა დაასრულა, 31 – მომდევნო კლასში გადავიდა, ერთი – მე-2 კლასში დარჩა.

1915

ტიპი: ღონისძიება

1915-1916 სასწავლო წელს ქართველთა შორის წერა-კითხვის გამავრცელებელი საზოგადოების გერგეთის სკოლაში (მასწავლებელი ისიდორე ტატიშვილი) სწავლა 5 სექტემბერს დაიწყო და 28 მაისს შეწყდა. წლის მანძილზე სულ 185 სასწავლო დღე იყო.

1916

ტიპი: ღონისძიება

1916 წელს ქართველთა შორის წერა-კითხვის გამავრცელებელი საზოგადოების გერგეთის სკოლის მასწავლებლის ისიდორე ტატიშვილის ხელფასი თვეში 54. 60 მანეთი იყო.

1917

ტიპი: თანამდებობა

1917 წელს ევგენია კასრაძე მცხეთის სამთავროს მონასტრის სკოლის მასწავლებელი იყო.

1926

ტიპი: ავტორობა

1926 წლის 31 იანვრის წიგნების გამომცემელი და გამავრცელებელი ქართველთა საზოგადოების სხდომაზე განიხილეს ილიასეული სახლის შემოსავალ-გასავლის ანგარიში. აღმოჩნდა, რომ გასავალი აღემატებოდა შემოსავალს. სახლის გამგე – დავითაშვილი ითხოვდა ამ თანხას. გამგეობამ გადაწყვიტა, დავითაშვილისთვის სათანადო დოკუმენტები მოეთხოვა დახარჯული თანხის შესახებ და მხოლოდ ამის შემდეგ მიეცა თანხა. გამგეობამ დაადგინა, შუამდგომლობა აღეძრა ქალაქის აღმასკომის წინაშე ფულადი დახმარების შესახებ ილიასეული სახლის შესაკეთებლად. სხდომას ესწრებოდნენ თავმჯდომარე იასონ მერაბის ძე ლორთქიფანიძე, თავმჯდომარის ამხანაგი ნინო იოსების ასული ნაკაშიძე და მდივანი ვარლამ ბურჯანაძე.

1910

ტიპი: ღონისძიება

1910 წლის 7 აპრილს ქართველთა შორის წერა-კითხვის გამავრცელებელი საზოგადოების ქუთაისის ფილიალიდან (გამგეობის თავმჯდომარე – გიორგი ზდანოვიჩი, მდივანი – იაზონ ბაქრაძე) მთავარ გამგეობას შეატყობინეს, რომ განყოფილების ქონებრივი მდგომარეობის გასაუმჯობესებლად მაისსა და ივნისში გადაწყვეტილი ჰქონდათ სახალხო სეირნობის და ლატარია-ალეგრის გამართვა. მეფისნაცვლისგან ნებართვის ასაღებად დახმარება მთავარ გამგეობას სთხოვეს.

1910

ტიპი: ღონისძიება

1910 წლის 9 ივნისს ქ. შ. წ. კ. გ. საზოგადოების თბილისის მთავარი განყოფილება (მდივანი – დავით კარიჭაშვილი) ქუთაისის ფილიალს განსახილველად უგზავნის მუხიანის სამკითხველოს გამგის თხოვნას დახმარების თაობაზე.

ტიპი: ღონისძიება

ქართველთა შორის წერა-კითხვის გამავრცელებელი საზოგადოების ქუთაისის განყოფილების 1909 წლის ანგარიშის გასავლის ნაწილში აღნიშნულია, რომ გაისტუმრეს ალექსანდრე ყაზბეგის „ელისოს" გამოცემის ხარჯის დარჩენილი ნაწილი – 17 მანეთი და 50 კაპიკი. ხელს აწერენ: გამგეობის თავმჯდომარე გიორგი ზდანოვიჩი, მდივანი იაზონ ბაქრაძე, მოლარე ბართლომე მოსეშვილი.

ტიპი: ღონისძიება

ქართველთა შორის წერა-კითხვის გამავრცელებელი საზოგადოების ქუთაისის განყოფილების 1909 წლის ანგარიშის გასავლის ნაწილის თანახმად, ქუთაისის გუბერნატორისთვის წარსადგენი თხოვნების მარკებზე დაიხარჯა 7 მანეთი და 50 კაპიკი. ხელს აწერენ: გამგეობის თავმჯდომარე გიორგი ზდანოვიჩი, მოლარე ბართლომე მოსეშვილი, მდივანი იაზონ ბაქრაძე.

1910

ტიპი: ღონისძიება

1910 წლის 19 მარტს ქართველთა შორის წერა-კითხვის გამავრცელებელი საზოგადოების ქუთაისის ფილიალიდან (გამგეობის თავმჯდომარე – გიორგი ზდანოვიჩი, მდივანი – იაზონ ბაქრაძე) მთავარ გამგეობას სთხოვეს, დაებრუნებინა წინა წლის აპრილის საორგანიზაციო კრების ოქმი და დამსწრე წევრთა სია (დედანი ან ასლი), რადგან ფილიალისთვის ორივე ძალიან საჭირო დოკუმენტი იყო.

1913

ტიპი: ღონისძიება

1913 წლის ანგარიშის მიხედვით, ქართველთა შორის წერა-კითხვის გამავრცელებელი საზოგადოების ქუთაისის განყოფილების გამგეობამ 39 სხდომა გამართა. თავმჯდომარე გიორგი ზდანოვიჩი პეტერბურგში ყოფნის გამო მხოლოდ 25 სხდომას დაესწრო, თავმჯდომარის ამხნაგი იოსებ ოცხელი – 28-ს, იაზონ ბაქრაძე კი – 39-ს.