ქშწკგს პროსოპოგრაფია

ფაქტები

რეგისტრირებული ფაქტები46614

1897

ტიპი: ღონისძიება

1897 წლის 10 სექტემბერს გამართულ ოზურგეთის შემნახველ-გამსესხებელი საზოგადოების წევრთა კრებაზე გადაწყდა, რომ მიმდინარე საქმეები დიმიტრი ცეცხლაძეს შეესრულებინა.

1897

ტიპი: ღონისძიება

1897 წლის 10 სექტემბერს ოზურგეთის შემნახველ-გამსესხებელი საზოგადოების წევრთა კრება გაიმართა. იმ კრებაზე ახლად არჩეულმა გამგეობის წევრებმა ძველი გამგეობის ქონება გადაიბარეს. კერძოდ, ქონება ჩაბარდა ყარამან მამულაიშვილს.

1897

ტიპი: ღონისძიება

1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: იაკობ გოგებაშვილი, ივანე რატიშვილი, ალექსანდრე ჭყონია, გიორგი იოსელიანი, ნიკო მთვარელიშვილი, ანასტასია წერეთლისა და მდივანი დავით კარიჭაშვილი.

1897

ტიპი: ავტორობა

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე ალექსი ჭიჭინაძემ წაიკითხა მოხსენება კავკავის სკოლის მდგომარეობის შესახებ. გამგეობამ მოხსენების განხილვა მომდევნო სხდომისთვის გადადო.

1897

ტიპი: ავტორობა

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე ეკატერინე გაბაშვილმა წაიკითხა მოხსენება წინარეხის სკოლის შესახებ, თუმცა გამგეობამ მოხსენების განხილვა მომდევნო სხდომისთვის გადადო.

1897

ტიპი: ღონისძიება

1897 წლის 9 სექტემბერს გამართულ ქართველთა შორის წერა-კითხვის გამავრცელებელი საზოგადოების 24-ე სსხდომაზე წარადგინეს სენაკის სკოლის მასწავლებლების – ივლიანე გოგოლაშვილის, იასონ ნიკოლაიშვილის და ლავრენტი აგლაძის – საჩივარი თავიანთი მდგომარეობის შესახებ. გამგეობამ საჩივარი უსაფუძვლოდ მიიჩნია განხილვა საჭიროდ არ ჩათვალა.

1897

ტიპი: ღონისძიება

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე წინარეხის სკოლის პედაგოგმა ეკატერინე რუსიეშვილმა გამგეობას ავადმყოფობის გამო ერთი თვით სამსახურიდან დათხოვა და წამლებისათვის შემწეობა სთხოვა. ნ. ცხვედაძემ გამგეობის სახელით პედაგოგის თხოვნა დააკმაყოფილა.

1897

ტიპი: ღონისძიება

1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა. სხდომაზე წაიკითხეს ნიკოლოზ ჩუბინაშვილის წერილი, რომლითაც გამგეობას შეატყობინა, რომ თანახმაა დაბეჭდონ მამამისის დავით ჩუბინოვის ლექსიკონის 2000 ეგზემპლარი, ხოლო თავის სასარგებლოდ მხოლოდ 50 ეგზემპლარის გადაცემა მოითხოვა. საკითხზე მსჯელობა გამგეობამ მომდევნო სხდომისთვის გადადო და იაკობ გოგებაშვილს დაავალა მოეხსენებინა საზოგადოებისთვის, თუ რა თანხა დასჭირდებოდა ლექსიკონის დაბეჭდვას.

1897

ტიპი: ღონისძიება

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე მდივანმა დავით კარიჭაშვილმა გამგეობას მიმართა, რომ მადლობა გამოეცხადებინათ კავკავის სკოლის პედაგოგ ლუარსაბ ბოცვაძისთვის, რომელიც დაესწრო თბილისში მასწავლებელთა საერთო კრებას და პედაგოგებს მნიშვნელოვანი ინფორმაცია გააცნო, ასევე მონაწილეობა მიიღო პედაგოგიური საკითხების გადაწყვეტაში. გამგეობამ ლ. ბოცვაძეს მადლობა გამოუცხადა.

1897

ტიპი: ღონისძიება

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე გამგეობას თხოვნით მიმართა ვასილ ბეჟანიშვილმა, რომ მისთვის ნისიად გადაეცათ 200 მანეთის წიგნები, რომელთა საფასურსაც საზოგადოებას მათი გაყიდვის შემდეგ დაუბრუნებდა. გამგეობამ გადაწყვიტა, ბეჟანიშვილისთვის იაკობ გოგებაშვილის თავდებით ერთი თვით გადაეცათ 200 მანეთის წიგნები.

1897

ტიპი: ღონისძიება

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე როდონოვს 88 კაპიკი მისცეს, ნიკოლოზ ავალიშვილს კი — 24 მანეთი.

1897

ტიპი: ღონისძიება

1897 წლის 9 სექტემბერს ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე ექვთიმე თაყაიშვილს გომარეთში წასასვლელი გზის ფული — 45 მანეთი მისცეს, დურგალს — 22 მანეთი, კავკავის სკოლისთვის წიგნების გასაგზავნად კი საზოგადოებამ 8 მანეთი გამოყო.

1897

ტიპი: ღონისძიება

1897 წლის 9 სექტემბერს გამართულ ქართველთა შორის წერა-კითხვის გამავრცელებელი საზოგადოების ოცდამეოთხე სხდომაზე წიგნების ანგარიშში ზაქარია გრიქუროვს მისცეს 25 მანეთი, ისიდორე ლეჟავას — 3 მანეთი და 56 კაპიკი, გრიგოლ ტატიშვილს კი — 20 მანეთი.

1897

ტიპი: ღონისძიება

1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა. სხდომაზე ბიბლიოთეკის წიგნების დასაკაზმში გ. კოტეტიშვილს — 17 მანეთი, ხოლო მაღაზიის წიგნების დასაკაზმში — 11 მანეთი მისცეს, ნიკოლოზ ბადრიძეს კი — 9 მანეთი.

1897

ტიპი: ღონისძიება

ქართველთა შორის წერა-კითხვის გამავრცელებელი საზოგადოების ოცდამეხუთე სხდომაზე განიხილეს სენაკის სათავადაზნაურო სკოლის ინსპექტორ ივლიანე გოგოლაშვილის მოხსენება, რომ 1897 წლის 8 სექტემბერს როცა სენაკის სკოლის ყოფილი მასწავლებელი ისიდორე რამიშვილი თავის ნივთებს ალაგებდა ურემში სკოლის მოსწავლეებიც დაეხმარნენ მას, რაზედაც უკმაყოფილება გამოუთქვამთ დეკანოზ ქავთარაძეს და მის ძმას. ივლიანე გოგოლაშვილმა სთხოვა გამგეობას, აღნიშნულ საკითხთან დაკავშირებით საჭირო ზომების მიღება, თუმცა გამგეობამ საჭიროდ არ ჩათვალა გოგოლაშვილის მოხსენების განხილვა, მხოლოდ სენაკის სკოლის ინსპექტორ სამსონ ყიფიანს მოუწოდა, რომ გარეშე პირებისათვის სკოლის საქმეებში ჩარევის ნება არ დაერთო.

1897

ტიპი: ღონისძიება

1897 წლის 8 სექტემბერს ზუგდიდში წერა-კითხვის სკოლა აკურთხეს. ბ. პატარაიამ სკოლას მაგიდა და სკამი შესწირა.

1897

ტიპი: ღონისძიება

1897 წლის 8 სექტემბერს ზუგდიდში წერა-კითხვის სკოლა აკურთხეს. მ. გეთიამ სკოლას საკლასო დაფა შესწირა.

1897

ტიპი: ღონისძიება

1897 წლის 8 სექტემბერს ზუგდიდში წერა-კითხვის სკოლა აკურთხეს. სპირიდონ აბესაძემ სკოლას მოსწავლეებისთვის ფურცლები და ფანქრები, ხატი და ხელმწიფე იმპერატორის ჩარჩოში ჩასმული სურათი შესწირა.

1897

ტიპი: ღონისძიება

1897 წლის 8 სექტემბერს ავლაბარში ივანე მაჩაბლის „ადვოკატი მელაძე” დაიდგა.

1897

ტიპი: ღონისძიება

1897 წლის 8 სექტემბრისთვის ნაძალადევში აკაკი წერეთლის პიესა „კინტო” იდგმებოდა.

1897

ტიპი: ღონისძიება

1897 წლის 8 სექტემბრის „ცნობის ფურცლის” მიხედვით, ქალაქისთავის კანდიდატებად თბილისში დაასახელეს კონსტანტინე მიხეილის ძე ალიხანოვი, გიორგი გრიგორის ძე ევანგულოვი, კონსტანტინე ნიკოლოზის ძე რეიტერი და პ. ნ. ოპოჩინინი.

1897

ტიპი: ღონისძიება

1897 წლის 7 სექტემბრის „ცნობის ფურცლიდან“ ვიგებთ, რომ თეოდორ ალექსანდრეს ძე ბიკოვმა გრიგოლ სერგეის ძე გოლიცინს სთხოვა, რომ იმ წელს თბილისის გუბერნიის გლეხები სამხედრო ბეგრისგან გაეთავისუფლებინათ, რადგან საქონლის ჭირის გამო მათ ჯარისკაცთა ბარგის გადასატანად ხარ-ურმის გამოყვანა აღარ შეეძლოთ.

1897

ტიპი: ღონისძიება

1897 წლის 6 სექტემბერს გრიგოლ სერგეის ძე გოლიცინი ყარსის თემიდან თბილისში დაბრუნდა.

1897

ტიპი: ღონისძიება

1897 წლის 5 სექტემბრის „ცნობის ფურცლიდან” ვიგებთ, რომ ქართული თეატრის ამხანაგობის გამგეობა ხალხს სცენაზე სამუშაოდ იწვევდა. მსურველებს თბილისის სათავადაზნაურო ბანკში პავლე როსტომის ძე ყიფიანისთვის უნდა მიემართათ.

1897

ტიპი: ღონისძიება

1897 წლის 5 სექტემბრის „ცნობის ფურცლიდან” ვიგებთ, რომ თბილისის ყოფილი გუბერნატორისთვის, გიორგი დიმიტრის ძე შარვაშიძისთვის ალბომს ამზადებდნენ. ალბომს ვერცხლის ყდა ჰქონდა და შარვაშიძის სურათით იყო გაფორმებული.