ქშწკგს პროსოპოგრაფია

ფაქტები

რეგისტრირებული ფაქტები45313

1882

ტიპი: თანამდებობა

1882 წლის 12 ოქტომბერს ქართველთა შორის წერა-კითხვის გამავრცელებელი საზოგადოების კრებაზე გიორგი ქართველიშვილი საზოგადოების ხაზინადრად აირჩიეს.

1882

ტიპი: ღონისძიება

1882 წლის 12 ოქტომბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, მიიღეს დადგენილება, დაეკმაყოფილებინათ გუბერნატორის მოთხოვნა ხელთუბნის სკოლასთან დაკავშირებით ქშწ-კგ საზოგადოების მიერ მიღებული დადგენილების რუსულად თარგმნისა და გაგზავნის თაობაზე.

1882

ტიპი: ღონისძიება

1882 წლის 12 ოქტომბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, თანხის მიღების თაობაზე ამიერკავკასიის სამასწავლებლო სემინარიის დირექტორის წერილობით ინფორმაციას გაეცნენ.

1882

ტიპი: ღონისძიება

1882 წლის 12 ოქტომბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, მოისმინეს საქმისმწარმოებლის ინფორმაცია ქუთაისის გუბერნიის სახალხო სკოლების წიგნებითა და სასკოლო ნივთებით მომარაგების შესახებ.

1882

ტიპი: ავტორობა

1882 წლის ჟურნალში „ივერია“ (N10; რედაქტორები: ილია ჭავჭავაძე, ივანე მაჩაბელი) დაიბეჭდა გრიგოლ ყიფშიძის სტატია „საისტორიო სკოლა და საისტორიო საზოგადოება“ თანამედროვე ცხოვრებისთვის წარსულის შესწავლის მნიშვნელობის შესახებ.

1882

ტიპი: ავტორობა

1882 წლის ოქტომბერში გამოვიდა ჟურნალ „ივერიის“ მეათე ნომერი, რომელშიც ილია ჭავჭავაძის „შინაური მიმოხილვა“ დაიბეჭდა.

1882

ტიპი: პირადი ურთიერთობა

1882 წლის ოქტომბერში ილია ჭავჭავაძემ წერილი გაუგზავნა ოლღა გურამიშვილს და შეატყობინა, რომ უკმაყოფილო იყო მოურავის საქმიანობით და მის დათხოვნას აპირებდა.

1882

ტიპი: ავტორობა

1882 წლის 29 სექტემბერს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „ტფილისი, 28 სექტემბერს“, რომელიც მწერლის თხზულებათა ოცტომეულში შეცვლილი სათაურით „უყურადღებობა ქართული ენის მიმართ“ დაიბეჭდა.

1882

ტიპი: ღონისძიება

1882 წლის 28 სექტემბერს ქართველთა შორის წერა-კითხვის გამავრცელებელი საზოგადოების კრებაზე რაფიელ ერისთავს საზოგადოებისთვის „ანდაზებისა“ და „გრამატიკის სქემის“ შეწირვის გამო მადლობა გადაუხადეს.

1882

ტიპი: ღონისძიება

1882 წლის 28 სექტემბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, ქუთაისის სათავადაზნაურო სკოლაში გალობისა და ქართული ენის მასწავლებლები დანიშნეს.

1882

ტიპი: ავტორობა

1882 წლის 28 სექტემბრის ქართველთა შორის წერა-კითხვის გამავრცელებელი საზოგადოების სხდომაზე არ გაიზიარეს იაკობ გოგებაშვილის შეთავაზება, მიემართათ ქუთაისის სათავადაზნაურო სკოლის ინსპექტორისთვის იმასთან დაკავშირებით, რომ დაწყებით კლასებში გაკვეთილები ჯერ ქართულად აეხსნათ და შემდეგ იგივე რუსულად ეთარგმნათ.

1882

ტიპი: ღონისძიება

1882 წლის 28 სექტემბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, განიხილეს სოფელ წინარეხის სკოლის ანგარიში და მისი გაზეთში დაბეჭდვა გადაწყვიტეს.

1882

ტიპი: თანამდებობა

1882 წლის 28 სექტემბერს იაკობ გოგებაშვილი ქართველთა შორის წერა-კითხვის გამავრცელებელი საზოგადოების თავმჯდომარედ აირჩიეს.

1882

ტიპი: ღონისძიება

1882 წლის 28 სექტემბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, წინარეხის სკოლის გაუქმების შესახებ თბილისის გუბერნიის სახალხო სკოლების დირექტორის შეტყობინება განიხილეს.

1882

ტიპი: ღონისძიება

1882 წლის 26 სექტემბერს ქართული დრამატულმა დასმა გრიგოლ არწრუნის თეატრში მისივე პოემა „დედა და შვილი“ დადგა. დედის როლს ნატო გაბუნია ასრულებდა, შვილისას – კოტე მესხი.

1882

ტიპი: ღონისძიება

1882 წლის 26 სექტემბერს ქართულმა დრამატულმა დასმა გრიგოლ არწრუნის თეატრში მისივე პოემა „დედა და შვილი“ დადგა. დედის როლს ნატო გაბუნია ასრულებდა, შვილისას – კოტე მესხი.

1882

ტიპი: ღონისძიება

1882 წლის 21 სექტემბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, მიიღეს შეტყობინება, რომ ბათუმის სკოლისთვის დაქირავებული ახალი შენობა მეპატრონის ვალის გამო აუქციონზე იყიდებოდა. დაადგინეს, რომ საჭიროების შემთხვევაში, დამატებითი სახსრები ისევ ძველი შენობის დასაქირავებლად გადაერიცხათ.

1882

ტიპი: ღონისძიება

1882 წლის 21 სექტემბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, ბიბლიოთეკებისთვის წიგნების შეძენის გადაწყვეტილება მიიღეს.

1882

ტიპი: ღონისძიება

1882 წლის 21 სექტემბერს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, ბათუმის სკოლის ხარჯთაღრიცხვის შესახებ ინფორმაცია განიხილეს.

1882

ტიპი: ღონისძიება

1882 წლის 21 სექტემბერს ქართველთა შორის წერა-კითხვის გამავრცელებელი საზოგადოების სხდომაზე გიორგი ქართველიშვილს კანცელარიის მოსაწყობად შეწირული თანხისთვის მადლობა გამოუცხადეს.

1882

ტიპი: ღონისძიება

1882 წლის 21 სექტემბერს ილია ჭავჭავაძის თავმჯდომარეობით გაიმართა ქართველთა შორის წერა-კითხვის გამავრცელებელი საზოგადოების სხდომა, რომელზეც დააკმაყოფილეს ამიერკავკასიის სამასწავლებლო სემინარიის დირექტორის თხოვნა სტიპენდიატებისთვის ფულის მიწოდების თაობაზე.

1882

ტიპი: ღონისძიება

1882 წლის 21 სექტემბერს ილია ჭავჭავაძის თავმჯდომარეობით გაიმართა ქართველთა შორის წერა-კითხვის გამავრცელებელი საზოგადოების სხდომა, რომელზეც პროგიმნაზიული კლასის გახსნის შესახებ ქუთაისის გუბერნიის სკოლების დირექტორის ნებართვა მიიღეს.

1882

ტიპი: ღონისძიება

1882 წლის 21 სექტემბერს ილია ჭავჭავაძის თავმჯდომარეობით გაიმართა ქართველთა შორის წერა-კითხვის გამავრცელებელი საზოგადოების სხდომა, რომელზეც გაეცნენ ქუთაისის სათავადაზნაურო სკოლის ინსპექტორის წერილობით ინფორმაციას სხვადასხვა საგნის მასწავლებლების დაქირავების შესახებ.

1882

ტიპი: ღონისძიება

1882 წლის 21 სექტემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე სოფელ ხელთუბანში სკოლის გახსნის საკითხი განიხილეს.

1882

ტიპი: ავტორობა

1882 წლის 14 სექტემბრის გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „კავკაზიის რეფორმები“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.