ქშწკგს პროსოპოგრაფია

ფაქტები

რეგისტრირებული ფაქტები45294

1882

ტიპი: ავტორობა

1882 წლის ჟურნალში „ივერია“ დაიბეჭდა რაფიელ ერისთავის შემდეგი ლექსები: „ჩანჩქერი“, „მოუმკალი ყანა“ და „დედაბრის მოთქმა“.

1882

ტიპი: ავტორობა

1882 წლის ჟურნალში „ივერია“ (N 7-8; რედაქტორი: ილია ჭავჭავაძე) დაიბეჭდა გიორგი ზდანოვიჩის (იბეჭდებოდა გ. მაიაშვილის ფსევდონიმით) წერილი „საზოგადო მოღვაწეთა მიმართ“, რომელშიც ავტორი საზოგადოებრივი მოძრაობის ლიდერებს მოუწოდებდა, რომ „საზოგადოებრივი მოძრაობის დროს პირველად ხალხის ეკონომიკური ინტერესები უნდა ვიქონიოთ სახეში და მერე სხვა ინტერესებიც, რომელთაც ხალხი უთანაგრძნობს – პოლიტიკური და ნაციონალურიც“.

1882

ტიპი: ღონისძიება

1882 წლის 14 ივლისის გაზეთ „შრომაში“ ბოსლეველის ფსევდონიმით დაიბეჭდა ესტატე მჭედლიძის წერილი „იმედი“ და მისი კრიტიკოს-პუბლიცისტები“, რომელშიც ავტორი სტეფანე ჭრელაშვილს ქართულ ლიტერატურასა და საზოგადოებრივ ცხოვრებაში ილია ჭავჭავაძის როლზე ეკამათებოდა.

1882

ტიპი: ღონისძიება

1882 წლის 6 ივლისს ილია ჭავჭავაძე თბილისის სასამართლო პალატაში გამოცხადდა, სადაც ბ. სერჟპუტოვსკის საჩივრის საფუძველზე განიხილებოდა მისი, როგორც „დროების“ ყოფილი, და სერგეი მესხის, როგორც მოქმედი რედაქტორის, ასევე ამავე გაზეთში გამოქვეყნებული კორესპონდენციის ავტორის, ივანე აბაშიძის საქმე. განხილვა გადაიდო.

1882

ტიპი: ავტორობა

1882 წლის 2 ივლისის გაზეთ „დროებაში“ ილია ჭავჭავაძის სტატია „მავნებელი დედააზრები“ დაიბეჭდა.

1882

ტიპი: ღონისძიება

1882 წლის ივლისში ილია ჭავჭავაძემ წერილი გაუგზავნა ოლღა გურამიშვილს და აცნობა, რომ მის მიერ გამოწერილი სამკალი მანქანა უკვე გამოგზავნილი იყო და იმედოვნებდა, რომ ჯონ პიტსი მემანქანესაც გამოუგზავნიდა.

1882

ტიპი: ავტორობა

1882 წლის ივლისში ილია ჭავჭავაძემ ოლღა გურამიშვილს წერილობით სთხოვა, რომ სახლში არსებული სახელოვანი ადამიანების პორტრეტები მსახური ბიჭის ხელით მისთვის გაეგზავნა.

1882

ტიპი: ღონისძიება

1882 წლის 23 ივნისს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, საკანცელარიო ნივთებისა და წიგნების შესაძენი ხარჯები დაამტკიცეს.

1882

ტიპი: ღონისძიება

1882 წლის 23 ივნისს ქართველთა შორის წერა-კითხვის გამავრცელებელი საზოგადოების კრებაზე ივანე მაჩაბელს ისტორიისა და არითმეტიკის სახელმძღვანელოების რუსულიდან თარგმნა დაევალა.

1882

ტიპი: ღონისძიება

1882 წლის 23 ივნისს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, შეთანხმდნენ, რომ დაებეჭდათ და სახალხო სკოლების ბიბლიოთეკებისთვის წიგნების მოხმარების წესები გაეგზავნათ.

1882

ტიპი: ავტორობა

1882 წლის 23 ივნისს ქართველთა შორის წერა-კითხვის გამავრცელებელი საზოგადოების კრებაზე მიხეილ ზედგინიძის მიერ შედგენილ ქართული წერის დედანი არ მოიწონეს.

1882

ტიპი: ღონისძიება

1882 წლის 23 ივნისს ქართველთა შორის წერა-კითხვის გამავრცელებელი საზოგადოების სხდომაზე იაკობ გოგებაშვილს პროგიმნაზიული კლასის გახსნასთან დაკავშირებით სასწავლო ოლქის მზრუნველთან გასაგზავნი წერილის შედგენა დაავალეს.

1882

ტიპი: ღონისძიება

1882 წლის 23 ივნისს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, ჩატარებული გამოცდების შესახებ ქუთაისის სათავადაზნაურო სკოლის ინსპექტორის წერილობითი ინფორმაცია განიხილეს.

1882

ტიპი: ავტორობა

1882 წლის 23 ივნისის გაზეთ „დროებაში“ სარედაქციო გვერდზე ხელმოუწერლად დაიბეჭდა ილია ჭავჭავაძის სტატია „ქუთაისის ბანკის მდგომარეობა“. ტექსტი ილია ჭავჭავაძის სახელით პირველად მწერლის თხზულებათა ოცტომეულში დაიბეჭდა.

1882

ტიპი: ავტორობა

1882 წლის 22 ივნისის გაზეთ „დროებაში“ სარედაქციო გვერდზე ხელმოუწერლად დაიბეჭდა ილია ჭავჭავაძის სტატია „ახალი გაზეთი „ბათომის ფურცელი“. ტექსტის სახელით პირველად მწერლის თხზულებათა ოცტომეულში გამოქვეყნდა.

1882

ტიპი: ავტორობა

1882 წლის 20 ივნისის გაზეთ „დროებაში“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „ბათუმისა და ფოთის შესახებ“. ტექსტი ილია ჭავჭავაძის სახელით პირველად მწერლის თხზულებათა ოცტომეულში დაიბეჭდა.

1882

ტიპი: ავტორობა

1882 წლის 18 ივნისის გაზეთ „დროებაში“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „სახალხო დროსგატარება“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1882

ტიპი: ღონისძიება

1882 წლის 17 ივნისს ქართველთა შორის წერა-კითხვის გამავრცელებელი საზოგადოების კრებაზე არსენ კალანდაძის თხოვნა მის მიერ გამოცემული წიგნების შეღავათიან ფასში შესყიდვის თაობაზე არ დააკმაყოფილეს.

1882

ტიპი: ღონისძიება

1882 წლის 17 ივნისს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა განაცხადეს, რომ საზოგადოების მიერ დაწესებული პრიორიტეტების გამო კონსტანტინე ნაცვლიშვილის შვილს სტიპენდიას ვერ დაუნიშნავდნენ, ასევე ვერ დააფინანსებდნენ პეტერბურგში ვასილ კარბელაშვილის უმაღლეს მუსიკალურ განათლებას.

1882

ტიპი: ღონისძიება

1882 წლის 17 ივნისს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, სოფელ ახალგორის სკოლის დახურვის შესახებ ინფორმაცია განიხილეს და მიიღეს დადგენილება, რომ სასკოლო ნივთები და ავეჯი საზოგადოებას დაბრუნებოდა.

1882

ტიპი: ღონისძიება

1882 წლის 17 ივნისს ქართველთა შორის წერა-კითხვის გამავრცელებელი საზოგადოების კრებაზე, რომელსაც ილია ჭავჭავაძე თავმჯდომარეობდა, ახალციხის ქალთა სკოლას შემწეობა გამოუყვეს და მოითხოვეს, რომ სწავლება საზოგადოების მიერ შედგენილი პროგრამით განხორციელებულიყო.

1882

ტიპი: ღონისძიება

1882 წლის 8 ივნისს ილია ჭავჭავაძემ გიორგი ქართველიშვილს ხელწერილით გადასცა ქართველთა შორის წერა-კითხვის გამავრცელებელი საზოგადოების შემოსავალ-გასავლის წიგნი, 2000 მანეთის ღირებულების კომერციული ბანკის ბილეთები და ქვითრები.

1882

ტიპი: თანამდებობა

1882 წლის 6 ივნისს ივანე ბაგრატიონ-მუხრანელი ქართველთა შორის წერა-კითხვის გამავრცელებლი საზოგადოების თავმჯდომარედ აირჩიეს.

1882

ტიპი: ღონისძიება

1882 წლის 6 ივნისს ილია ჭავჭავაძემ ქართველთა შორის წერა-კითხვის გამავრცელებელი საზოგადოების სხდომაზე ბათუმის სკოლის საკითხის განხილვაში აქტიური მონაწილეობა მიიღო.

1882

ტიპი: ღონისძიება

1882 წლის 6 ივნისს ილია ჭავჭავაძე ქართველთა შორის წერა-კითხვის გამავრცელებელი საზოგადოების სხდომას თავმჯდომარეობდა.