ქშწკგს პროსოპოგრაფია

ფაქტები

რეგისტრირებული ფაქტები46338

1884

ტიპი: ღონისძიება

1884 წლის 5 სექტემბერს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომაზე მიიღეს დადგენილება, რომ მოთხოვნილი წიგნები გაეგზავნათ წინამძღვრიანთკარის სკოლისთვის.

1884

ტიპი: ღონისძიება

1884 წლის 5 სექტემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მიიღეს დადგენილება ხელთუბნის სკოლაში მასწავლებლის დანიშვნის თაობაზე.

1884

ტიპი: თანამდებობა

1884 წლის პირველი სექტემბრიდან სპირიდონ გაბელაშვილი გორის ერთკლასიანი სასოფლო სასწავლებლის პედაგოგად დაინიშნა.

1884

ტიპი: ღონისძიება

1884 წლის სექტემბერში ილია ჭავჭავაძემ განცხადებით მიმართა ქუთაისის გუბერნიის სახალხო სკოლების დირექტორს სოფელ ბურნათში სკოლის გახსნის განზრახვასთან დაკავშირებით.

1884

ტიპი: თანამდებობა

1884 წლის პირველ სექტემბერს ვასილ კოპტონაშვილი კვლავ დაინიშნა თიანეთის მაზრის სოფელ ტოლათსოფლის სკოლის მასწავლებლის თანამდებობაზე.

1884

ტიპი: ავტორობა

1884 წლის 17 აგვისტოს გაზეთ „დროებაში“ „ნ. ურბნელის“ ფსევდონიმით ნიკო ხიზანაშვილის „ლიტერატურული ქრონიკის“ გაგრძელება დაიბეჭდა.

1884

ტიპი: ღონისძიება

1884 წლის 17 აგვისტოს სურამში გამართულ თეატრალურ წარმოდგენაზე სხვა დადგმებთან ერთად ითამაშეს ილია ჭავჭავაძის პიესა „სცენა მომრიგებელ მოსამართლესთან“, რომელშიც გლახა ჭრიაშვილის როლს არაჩვეულებრივად ასრულებდა სოფრომ მგალობლიშვილი.

1884

ტიპი: ღონისძიება

1884 წლის 13 აგვისტოს გაზეთ „დროებაში“ გამოქვეყნდა ცნობა, რომ „ვისრამიანის“ რედაქტორებს ილია ჭავჭავაძეს, ალექსანდრე სარაჯიშვილსა და პეტრე უმიკაშვილს განზრახული ჰქონდათ გამოეცათ ძველი ქართული კლასიკური მწერლობის ერთ-ერთი საუკეთესო ნიმუში „ამირან-დარეჯანიანი“.

1884

ტიპი: ღონისძიება

1884 წლის 10 აგვისტოს გაზეთ „დროებაში“ დაიბეჭდა ნიკო ხიზანაშვილის „ლიტერატურული ქრონიკის“ გაგრძელება ნიკოლოზ ურბნელის ფსევდონიმით.

1884

ტიპი: ღონისძიება

1884 წლის 9 აგვისტოს გაზეთ „დროებაში“ ნ. ურბნელის ფსევდონიმით ნიკო ხიზანაშვილის „ლიტერატურული ქრონიკის“ პირველი ნაწილი დაიბეჭდა.

1884

ტიპი: თანამდებობა

1884 წლის 8 აგვისტოს ილია ოქრომჭედლიშვილმა ქართველთა შორის წერა-კითხვის გამავრცელებელი საზოგადოების მმართველობას მოსკოვის აგენტობაზე უარი უთხრა.

1884

ტიპი: ღონისძიება

1884 წლის აგვისტოში ილია ჭავჭავაძემ განცხადებით მიმართა ქუთაისის გუბერნიის სახალხო სკოლების დირექტორს სენაკის სკოლის გახსნასა და მის ინსპექტორად სამსონ ყიფიანის დანიშვნის შესახებ.

1884

ტიპი: ღონისძიება

1884 წლის 31 ივლისს თბილისის პოლიცმაისტერმა წერილობით მოახსენა გუბერნატორს, რომ ილია ჭავჭავაძე ოჯახთან ერთად იმყოფებოდა საგურამოში და ამის შესახებ დუშეთის მაზრის უფროსი ინფორმირებული იყო.

1884

ტიპი: ღონისძიება

1884 წლის 29 ივლისს ცენზურამ გასცა „ვისრამიანის“ დაბეჭდვის ნებართვა. ტექსტს პეტრე უმიკაშვილისა და ილია ჭავჭავაძის წინასიტყვაობა უძღოდა.

1884

ტიპი: ავტორობა

1884 წლის 27 ივლისს საქმეთა მწარმოებელმა გრიგოლ ყიფშიძემ თონეთის სკოლის მასწავლებელ ბესარიონ ჭილაძეს მისწერა, რომ ქართველთა შორის წერა-კითხვის გამავრცელებელი საზოგადოება სკოლას უგზავნიდა შემდეგ სასწავლო წიგნებსა და ნივთებს: „კუნწულას“, „ხომლს“, 3 ცალ „დარიგებას“, 3 დავთარს, 36 ფანქარს, მუყაოს სურათებს და ცარცს.

1884

ტიპი: ღონისძიება

1884 წლის 27 ივლისს ქართველთა შორის წერა-კითხვის გამავრცელებელი საზოგადოების საქმისმწარმოებელმა, გრიგოლ ყიფშიძემ დიდი თონეთის სკოლის მასწავლებელ ბესარიონ ჭილაძეს აცნობა, რომ პირველი იანვრიდან სკოლა ქართულ საყმაწვილო ჟურნალ „ნობათს“ მიიღებდა.

1884

ტიპი: ღონისძიება

1884 წლის 23 ივლისს დავით ერისთავმა კისლოვოდსკიდან პეტერბურგში ნიკო ნიკოლაძეს შეატყობინა, რომ ილია ჭავჭავაძეს გრიგოლ არწრუნის ქარვასლასთან დაკავშირებით დიდი გეგმები ჰქონდა.

1884

ტიპი: ღონისძიება

1884 წლის 21 ივლისს თბილისის პოლიცმაისტერმა ილია ჭავჭავაძეზე პოლიციის მეთვალყურეობის დაწესების შესახებ ბრძანება გასცა.

1884

ტიპი: ღონისძიება

1884 წლის 20 ივლისს ილია ჭავჭავაძემ რამაზ ანდრონიკაშვილისგან მიიღო ბარათი, თბილისის სათავადაზნაურო ბანკის მიერ გრიგოლ არწრუნის ქარვასლის შეძენასთან დაკავშირებით.

1884

ტიპი: ღონისძიება

1884 წლის 13 ივლისს თბილისის გუბერნიის ჟანდარმთა სამმართველოს უფროსმა გუბერნატორისგან ითხოვა ნებართვა ილია ჭავჭავაძეზე, როგორც პოლიტიკურად არაკეთილსაიმედო პიროვნებაზე, ფარული მეთვალყურეობის დასაწესებლად.

1884

ტიპი: ავტორობა

1884 წლის ჟურნალ „ივერიაში“ (N7-8) დაიბეჭდა ქართველთა შორის წერა-კითხვის გამავრცელებელი საზოგადოების საქმეთწარმოება (1883 წლის 15 მაისიდან 1884 წლის 15 მაისამდე), რომლის მიხედვითაც მიხეილ საბინინმა საზოგადოებას შესწირა გიორგი ავალოვის მიერ იამბიკოდ თქმული და 1839 წელს მოსკოვში გადაწერილი ხელნაწერი წიგნი „ხმა ცოდვილისა ღმრთისადმი“.

1884

ტიპი: ავტორობა

1884 წლის ჟურნალში „ივერია“ (N7-8; რედაქტორი ილია ჭავჭავაძე) დაიბეჭდა ქართველთა შორის წერა-კითხვის გამავრცელებელი საზოგადოების საქმეთწარმოება (1883 წლის 15 მაისიდან 1884 წლის 15 მაისამდე), რომლის მიხედვით, საანგარიშო წელს 20 სხდომა გამართულა.

1884

ტიპი: ავტორობა

1884 წლის ჟურნალში „ივერია“ (N7-8) დაიბეჭდა ქართველთა შორის წერა-კითხვის გამავრცელებელი საზოგადოების საქმეთწარმოება (1883 წლის 15 მაისიდან 1884 წლის 15 მაისამდე), რომლიდანაც ვიგებთ, რომ საზოგადოება მესტიის სამრევლო სკოლას (გამართა მიხეილ ქურციკიძემ. ჰყავდა 20 მოსწავლე) სასწავლო ნივთებითა და წიგნებით დაეხმარა.

1884

ტიპი: ღონისძიება

1884 წლის ჟურნალში „ივერია“ (N7-8) დაიბეჭდა ქართველთა შორის წერა-კითხვის გამავრცელებელი საზოგადოების საქმეთწარმოება (1883 წლის 15 მაისიდან 1884 წლის 15 მაისამდე), რომლის მიხედვით სამეგრელოს მთავარმა ნიკოლოზ დავითის ძე დადიანმა საზოგადოებას შოთა რუსთაველის ძვირფასი სურათი შესწირა.

1884

ტიპი: ავტორობა

1884 წლის ჟურნალში „ივერია“ (N 7-8; რედაქტორი: ილია ჭავჭავაძე) დაიბეჭდა ქართველთა შორის წერა-კითხვის გამავრცელებელი საზოგადოების საქმეთწარმოება (1883 წლის 15 მაისიდან 1884 წლის 15 მაისამდე), რომელშიც აღნიშული იყო, რომ საზოგადოების დამფუძნებელ წევრებს გარდაცვალების გამო დიმიტრი დავითის ძე ჯორჯაძე, ისრაფილ-ბეგ იედიგაროვი, იასონ დიმიტრის ძე თუმანიშვილი, ნიკოლოზ იაკინთეს ძე ალექსი-მესხიშვილი და სერგეი სიმონის ძე მესხი გამოაკლდნენ.