ქშწკგს პროსოპოგრაფია

ფაქტები

რეგისტრირებული ფაქტები46338

1919

ტიპი: თანამდებობა

1919 წლის 29 აპრილის „ერთობა“ იუწყება, რომ რაფიელ რამიშვილი დაინიშნა ბორჩალოს მაზრის მიწათმოქმედების მინისტრის საგანგებო რწმუნებულად.

1919

ტიპი: ღონისძიება

1919 წლის 27 აპრილს საქართველოს საგარეო საქმეთა სამინისტროში გამართულ ამიერკავკასიის რესპუბლიკების წარმომადგენელთა კონფერენციას დაესწრნენ: ევგენი გეგეჭკორი, ნოე რამიშვილი, კონსტანტინე კანდელაკი, სომხეთიდან — ს. ფ. ტიგრანიანი, არუთუნიანი, მამიკონიანი, აზერბაიჯანიდან — ხან ხოისკი, მამედ-იუსუფ ჯაფაროვი, ხალილ ბეი ხასმამედოვი.

1918

ტიპი: სტატუსი

1918 წლის 6-7 ივნისს მდინარე ნარეკვავის მარცხნივ, ყოფილ მუხრანის ვენახში ჩატარებულ სხდომაზე თათბირმა დუშეთის მაზრაში არსებული ბოლშევიკური ორგანიზაციის ყველა აქტიური და დამხმარე ამხანაგი აღრიცხვაზე აიყვანა. ამ სიაში დროებითი მომუშავეები დათიკო ხუბულური და ბუხაშვილიც იყვნენ.

1918

ტიპი: სტატუსი

1918 წლის 6-7 ივნისს მდინარე ნარეკვავის მარცხნივ, ყოფილ მუხრანის ვენახში ჩატარებულ სხდომაზე თათბირმა დუშეთის მაზრაში არსებული ბოლშევიკური ორგანიზაციის ყველა აქტიური და დამხმარე ამხანაგი აღრიცხვზე აიყვანა. მაზრის პარტორგანიზაციის ცენტრის შემადგენელობაში თომა ჩუბინიძე, მიხა პაპუნაშვილი, ვიქტორ ცინცაძე და გიორგი ლაფანაშვილი იყვნენ.

1918

ტიპი: ღონისძიება

1918 წლის 6-7 ივნისს ყოფილ მუხრანის ვენახში გამართულ თათბირზე დუშეთის მაზრაში არსებული ბოლშევიკური ორგანიზაციის ყველა აქტიური და დამხმარე წევრი აღრიცხვაზე აიყვანეს. მათ შორის იყვნენ: ფილიპე მახარაძე, კოტე ცინცაძე, ხანოიანი, მიხეილ ცხაკაია, თედო შუშიაშვილი.

1918

ტიპი: ღონისძიება

1918 წლის 6-7 ივნისს ყოფილ მუხრანის ვენახში გამართულ ბოლშევიკების თათბირს დაესწენენ ჩირდილელიანკარიდან გიგო ხულელიძე და სანდრო გუჯარაძე.

1920

ტიპი: ღონისძიება

1920 წლის 5 აგვისტოს გაზეთ „ერთობის“ მიხედვით, თბილისში ჩამოვიდა ირანის მეჯლისის დელეგაცია მემედ-ბეგ იბრაჰიმის ძე აბაშიძის თავმჯდომარეობით. მათ აჭარის ადმინისტრაციული აპარატის მოსაწყობად ცენტრალურ მთავრობასთან მოლაპარაკებების გამართვა სურდათ.

1919

ტიპი: ავტორობა

1919 წლის 17 აპრილის „ერთობაში“ შრომის მინისტრის მოადგილის გ. ერაძის პროფესულ კავშირთა ყრილობაზე წაიკითხული მოხსენება დაიბეჭდა.

1921

ტიპი: ავტორობა

მაქსიმე ბერძნიშვილმა შეადგინა სტატისტიკური მონაცემები „ქართული წიგნი 1921-1930 წლებში“.

1919

ტიპი: თანამდებობა

1919 წლის 15 აპრილის „ერთობა“ იუწყება, რომ თბილისის კონსერვატორიის კოლეგიამ მუსიკალურ-პედაგოგიურ ასპარეზზე 25 წლის მოღვაწეობისთვის პროფესორის ხარისხი უბოძა კონსერვატორიის ინსპექტორს, ზაქარია ფალიაშვილს.

1918

ტიპი: ღონისძიება

1918 წლის 28 მარტის გაზეთ „ერთობის“ ცნობით, 29 მარტს ქართული კლუბის დარბაზში ქართველ მსახიობთა დასს ეფემია მესხის მონაწილეობით უნდა წარმოედგინა ალექსანდრე სუმბათაშვილის ისტორიული დრამა „ღალატი“.

1918

ტიპი: ღონისძიება

1918 წლის 11 მარტს „ერთობაში“ დაიბეჭდა ამიერკავკასიის სეიმის თავმჯდომარე ნიკოლოზ ჩხეიძის კანონი დიდი მთავრის, ნიკოლოზ ჩხეიძის ბორჯომის მამულის კონფისკაციის შესახებ.

1918

ტიპი: ავტორობა

1918 წლის 22 თებერვლის „ერთობაში“ დაიბეჭდა ვ. რუხაძის ლექსი „წითელ გვარდიელთა სიმღერა“.

1918

ტიპი: ღონისძიება

1918 წლის 22 თებერვლის „ერთობა“ იუწყება, რომ მოლითში ადგილობრივი სოციალ-დემოკრატიული მუშათა პარტიის თავმჯდომარის, ალექსანდრე ღიბრაძის ხელმძღვანეობით შეიქმნა მოხალისე რევოლუციონერთა რაზმი. კომიტეტის წევრებად აირჩიეს: ალექსანდრე ღიბრაძე, ნიკოლოზ ცხადაძე და ვასო ყიფიანი. მათ მოხალისეთა რიცხვის გაზრდა და წესრიგის კონტროლი დაევალათ.

1918

ტიპი: პირადი ინფორმაცია

1918 წელს ანასტასია მიხეილის ასულმა თუმანიშვილმა-წერეთლისამ, რომელიც 30 წლის განმავლობაში ქალთა საზოგადოების თავმჯდომარე იყო, განათლების სამინისტროს ქალთა გიმნაზიის ხელმძღვანელობაზე თავისი კანდიდატურის განახლება სთხოვა.

1918

ტიპი: თანამდებობა

1918 წელს განათლების სამინისტროს პედაგოგის თანამდებობის დაკავების თხოვნით მიმართეს: ნეოლინა გიორგის ასულმა ჩეჩელაშვილმა, ლარისა ვიქტორის ასულმა მურაშკოვამ, ივანე იოთამის ძე გველესიანმა, მარიამ ბუტულაშვილ-ჭრელაშვილმა, ნატალია კვასხვაძემ, ეკატერინე ვასილის ასულმა კასრაძემ, მელანია მიხეილის ასულმა ბეგაშვილისამ და ვასილ პავლეს ძე ქუთათელაძემ.

1918

ტიპი: პირადი ინფორმაცია

1918 წელს კიევის უმაღლესი ქალთა კურსების მსმენელმა ეკატერინე ალექსანდრეს ასულმა დიდებულიძემ, ქუთაისის ქალთა გიმნაზიის კურსდამთავრებულმა ნინო ონისიმეს ასულმა სვანიძემ, გიმნაზიის კურსდმთავრებულმა ელისაბედ ვასილის ასულმა ფავლენიშვილმა, განჯის გიმნაზიის პედაგოგებმა ალექსანდრე ფირცხელეიშვილმა (ისტორია და ლათინური ენა) და იაკობ გრიგოლის ძე მურადოვმა, თბილისის წმინდა ნინოს სახელობის სასწავლებლის კურსდამთავრებულმა თამარ მიხეილის ასულმა სარაჯიშვილმა, ბუნებისმეტყველების მეცნიერებათა კანდიდატმა ემილია ავგუსტის ასულმა ფოლდიაკმა, მთარგმნელმა თამარ იროდიონის ასულმა ოქროპირიძემ, ფოსტა-ტელეგრაფის თანამშრომელმა ოლღა ჩარკვიანმა და არისტო ჭუმბაძემ განათლების სამინისტროს შესაფერის თანამდებობაზე დანიშვნის თხოვნით მიმართეს.

1918

ტიპი: პირადი ინფორმაცია

1918 წელს ნინო ვლადიმერის ასული დონჟაშვილი (კიევის უმაღლესი სასწავლებლის მსმენელი), შალვა სოლომონის ძე კურცხალია (კიევის უნივერსიტეტის იურიდიული ფაკულტეტის სტუდენტი), გრიგოლ ბიწაძე (ეკონომიურ მეცნიერებათა კანდიდატი, კიევის კომერციული ინსტიტუტის კურსდამთავრებული), იოსებ დიდია (ნახჩევანის უმაღლესი პირველდაწყებითი სკოლის მასწავლებელი), ი. ი. ჭავჭავაძე (თელავის გიმნაზიის მასწავლებელი, ხარკოვის უნივერსიტეტის ბუნებისმეტყველების ფაკულტეტის კურსდამთავრებული), ნადეჟდა დავითის ასული ხიზანიშვილი (ბათუმის მარინეს სახელობის გიმნაზიის პედაგოგი), ეკატერინე ივანეს ასული შიუკაშვილი (ფრანგული ენის პედაგოგი, განათლება – ჟენევის უმაღლესი კურსები), შალვა ნესტორის ძე ელიავა (დონის როსტოვის უნივერსიტეტის იურიდიული ფაკულტეტის სტუდენტი) და ქეთევან მიხეილის ასული ფურცელაძე განათლების სამინისტროსგან შესაფერის სამსახურს ითხოვდნენ.

1918

ტიპი: თანამდებობა

1918 წელს განათლების სამინისტროში შესაფერისი სამსახური მოითხოვა ლუკიანე გიორგის ძე ხარაძემ, განჯის გიმნაზიის მასწავლებელმა.

1918

ტიპი: ავტორობა

1918 წელს განჯის სასწავლებლის მათემატიკის პედაგოგებმა, ნოვოროსიისკის უნივერსიტეტის კურსდამთავრებულმა ვლადიმერ მენთეშაშვილმა და ნინო მიხეილის ასულმა ქიქოძემ, ქართული ენის პედაგოგმა მარიამ სიმონის ასულმა რცხილაძემ, ფიზიკა-მათემატიკის პედაგოგმა ილია სიმონის ძე წივწივაძემ, ზაქათალის გიმნაზიის მასწავლებელმა ნინო ისაკის ასულმა სიშჩენკოვმა და ერმილე ჩხეიძემ, საქართველოს განათლების სამინისტროს მასწავლებლის თანამდებობაზე დანიშვნის თხოვნით მიმართეს.

1919

ტიპი: ავტორობა

თბილისის ვაჟთა II გიმნაზიის დირექტორმა ილარიონ ლორთქიფანიძემ 1919 წლის 24 ოქტომბერს უმაღლეს და საშუალო სასწავლებელთა მთავარგამგეს წარუდგინა ქართული ენის სიტყვიერებისა და საქართველოს ისტორიის პროგრამები.

1919

ტიპი: ავტორობა

1919 წლის 14 ოქტომბერს ქალთა II გიმნაზიის დირექტორმა, გ. ახვლედიანმა უმაღლეს და საშუალო სასწავლებელთა მთავარგამგეს წარუდგინა ქართული ენისა და საქართველოს ისტორიის პროგრამები რუსული კლასებისთვის.

1919

ტიპი: ავტორობა

თბილისის ვაჟთა V გიმნაზიის გამგემ, ი. ჯიშკარიანმა (საქმის მწარმ. მხეიძე) 1919 წლის 10 ნოემბერს საშუალო სასწავლებელთა მთავარგამგეს წარუდგინა ქართული ენისა და ისტორიის კურსის პროგრამები არაქართული კლასებისთვის.

1919

ტიპი: განათლება

1919 წლის 16 ივლისს ბუნებისმეტყველების, გეოგრაფიისა და ქიმიის საპროგრამო კომისიის თავმჯდომარე ალ. ჯავახიშვილმა განათლების მინისტრს მოახსენა, რომ კომისიის მუშაობაში მონაწილეობდა 23 წევრი: დ. გაჩეჩილაძე, ს. გულისაშვილი, ს. ბერეჟიანი, ბერძენიშვილი, მ.ზაალიშვილი, ს. იაშვილი, კარგარეთელი, გ. კონიაშვილი, პროფ. ი. მოსეშვილი, პროფ. ა. ნათიშვილი, თ. ნიკოლაძე, ო. სანიკიძე-ვოლობუევისა, ილ. სეხნიაშვილი, პ. ქარუმიძე, ნ. ჩიგოგიძე, პ. საყვარელიძე, ნ. ყიფიანი, შალამბერიძე, დოც. ალ. ჯავახიშვილი, ა. ჯანელიძე და ექიმებისგან: ა. ბალარჯიშვილი, კალანდარიშვილი და ვ. ღამბაშიძე.

პირები
წყარო

1918

ტიპი: ღონისძიება

1918 წლის 10 მარტს თბილისის მუშათა და ჯარისკაცთა დეპუტატების საბჭოს სხდომაზე საბჭოს აღმასრულებელი კომიტეტის წევრებად აირჩიეს: ალექსი მაისურაძე, მიჩიკ ვარდოიანი, ილია ბადრიძე, მ. ტრეიმანი, ლორია, ა. დგებუაძე, სტრელკოვსკი, ს. ვერეშჩაკი, ნ. კახიანი, ელენინი, ფ. დენისოვი, მ. შანშიევი, ჩერნიშოვი, პ. გნოეოვი, მ. ვერიანიძე, არ. ერზიკიანი, ბ. მიკირტუმოვი და ვლ. რებრუხი.