1917

ტიპი: ავტორობა

1917 წლის 11 მაისის გაზეთში „ხმა ქართველი ქალისა“ (N5) გამოქვეყნებული ექიმ გიორგი ივანეს ძე ბადრიძის პუბლიკაცია „საიდუმლო მტერნი, დედაკაცი თავისუფალი მოქალაქე“ ეხება ქალის თანასწორი არჩევნების უფლებას, სწორუფლებიანობას, მის იმჟამინდელ მონურ, უსამართლო და უუფლებო მდგომარეობასა და ქალთა ემანსიპაციას.

1917

ტიპი: ავტორობა

1917 წლის 11 მაისის გაზეთში „ხმა ქართველი ქალისა“ (N5) ქალთა კლუბის გამგეობის თავმჯდომარე კატო მიქელაძე აცხადებდა, რომ 11 მაისს, საღამოს 6 საათზე, დანიშნული იყო ქუთაისის საერთო ქალთა კლუბის გამგეობის საგანგებო კრება და წევრებს აღნიშნულ დროს მიხაილის ქუჩაზე (ყოფილი საავადმყოფო, ექიმ ბოკერიას სახლი) გამოცხადებას სთხოვდა.

1917

ტიპი: ავტორობა

1917 წლის 24 აპრილის გაზეთში „ხმა ქართველი ქალისა“ გამოქვეყნდა ლეო იმნაძის მიერ რუსულიდან თარგმნილი ლექსი „ძმებს“.

1920

ტიპი: ღონისძიება

1920 წლის 30 სექტემბერს თბილისში ჩამოსულ გერმანიის სოციალ-დემოკრატიული პარტიის ლიდერს, მარქსიზმის თეორეტიკოსს, კარლ იოან კაუცკის ნოე ჟორდანია, ნოე რამიშვილი, კონსტანტინე საბახტარიშვილი, ალექსანდრე ლომთათიძე და დამფუძნებელი კრების სხვა წევრები დახვდნენ.

1920

ტიპი: თანამდებობა

1920 წლის 2 ოქტომბერს „ნაციონალისტში“ გამოქვეყნდა ცნობა, რომ ბენია გრიგოლის ძე ჩხიკვიშვილი საქართველოს სამხედრო მინისტრი გახდებოდა.

1920

ტიპი: ღონისძიება

1920 წლის 24 ივლისის გაზეთ „ერთობის“ ცნობით, 14 ივლისის ნავთლუღის მუშა-მოსამსახურების კრების თავმჯდომარე იყო ილია კალანდაძე,მომხსენებლად მოწვეული იყო ნოე რამიშვილი. კრებაზე წაიკითხეს მოხსენებები საქართველოსა და საბჭოთა რუსეთის პოლიტიკური და ეკონომიკური მდგომარეობის და საქართველოში ბოლშევიკების მუშაობის შესახებ.

1920

ტიპი: ღონისძიება

1920 წლის 22 ივლისს გაიმართულ თბილისის პროფესიულ კავშირთა საბჭოს სამდივნოს სხდომაზე სერგო ირემაშვილმა მუშათა კოოპერაციის საკითხის გამო არჩ. კომისიის სახელით სამდივნოს კომისის მიერ შემუშავებული თეზისები გააცნო. დაადგინეს, თეზისები დაიბეჭდოს და განსახილველად გადაეცეს კომიტეტს, რის შემდეგაც მოხსენდეს თბილისის საბჭოს ქალაქში ერთიანი მუშათა კოოპერატივის დაარსების შესახებ.

1917

ტიპი: ღონისძიება

1917 წლის 31 მარტს ქალთა სწორუფლებიანობის ლიგამ ვერა ფიგნერის წინამძღოლობით ქ. პეტროგრადში (სანქტ-პეტერბურგი) მოაწყო ქალთა გრანდიოზული მანიფესტაცია ქალაქის საბჭოდან სახელმწიფო სათათბირომდე შემდეგი ლოზუნგებით: „არჩევანთა უფლება ქალებს“, „ომი ბოლომდის“, „საარჩევნო უფლება ქალთა უმონაწილეოთ არ არის საყოველთაო“ და სხვ. მანიფესტაციაზე სიტყვით გამოვიდა ქალთა სწორუფლებიანობის ლიგის თავმჯდომარე შიშკინა-იავეინი, რომელმაც მოითხოვა გამოქვეყნება ოფიციალური განცხადებისა, რომ ქალებს მიენიჭებოდათ არჩევანთა უფლება დამფუძნებელ კრებაზე. ასევე მუშათა კავშირის და ჯარისკაცთა დეპუტატების სახელით თავმჯდომარე კარლო ჩხეიძემ სიტყვით მიმართა ქალებს, რომ იბრძოლებდა ქალთა სწორუფლებიანობისთვის. სიტყვით გამოვიდა როძიანკო, რომელმაც გამოხატა მხარდაჭერა ქალთა სწორუფლებიანობის მოთხოვნის მიმართ.

1924

ტიპი: ავტორობა

1924 წლის 6 იანვარს გაზეთ „ბარრიკადში“ დაიბეჭდა ცნობა, რომ სახელმწიფო გამომცემლობის ლიტერატურული სექტორი გამოუშვებდა: ვაჟა-ფშაველას II ტომს, ალექსანდრე ყაზბეგს ორ ტომად, აკაკი წერეთელს ორ ტომად და ივანე მაჩაბლის ნათარგმნ შექსპირის 8 პიესას.

1918

ტიპი: ღონისძიება

1918 წლის 25 თებერვლის თბილისის ქალაქის საბჭოს სხდომაზე საბჭოს თავმჯდომარე ალექსანდრე ლომთათიძემ ჯამაგირზე უარი განაცხადა.

1918

ტიპი: ღონისძიება

1918 წლის 25 თებერვალს თბილისის საბჭოს სხდომაზე წაიკითხეს ფილიპე მახარაძის განცხადება ხმოსნობაზე უარის შესახებ, იმ მიზეზით, რომ მას დაჭერას უპირებდენ და საბჭოში მუშაობა არ შეეძლო; ხმოსნობაზე უარი განაცხადეს ასევე ზეინალოვმა და იდაშკინმა.

1918

ტიპი: ღონისძიება

1918 წლის 25 სექტემბრის განათლების მინისტრის საბჭოს სხდომას დაესწრნენ: განათლების მინისტრის მოადგილე ალექსანდრე მდივანი და მთავარგამგეები – ვუკოლ ბერიძე, მიხეილ თაქთაქიშვილი, გიორგი ჭუმბურიძე, ეპარქიის გიმნაზიის უფროსი დიმიტრი უზნაძე, ვაჟთა პირველი გიმნაზიის დირექტორი იაკობ ღულაძე, წმ. ნინოს სასწავლებლის უფროსი პეტრე ჩარექიშვილი, სახალხო სკოლების ინსპექტორები – ნიკოლოზ შიუკაშვილი და ვასილ ჯაფარიძე.

1919

ტიპი: ღონისძიება

1919 წლის 2 იანვარს განათლების მინისტრის საბჭოს სხდომას დაესწრნენ: საბჭოს თავმჯდომარე, განათლების მინისტრი გ. მ. ლასხიშვილი, მინისტრის მოადგილე ალ. ბ. მდივანი, უმაღლესი და საშუალო სასწავლებლების მთავარგამგე გ. ნათაძე, კანცელარიის დირექტორი ვ. ბერიძე, მდივანი კ. აბაშიძე.

1918

ტიპი: ავტორობა

1918 წლის 2 მარტის „ერთობა“ იუწყება, რომ ჯავშნიანი მატარებლის N4 უფროსმა ვალოდია გოგუაძემ ამიერკავკასიის კომისარიატის თავმჯდომარის ევგენი გეგეჭკორისგან მადლობის წერილი მიიღო რევოლუციისადმი თავდადებული სამსახურისა და მის მატარებელში რკინის დისციპლინის გამო.

1924

ტიპი: ღონისძიება

1924 წლის 2 იანვრისთვის მსახიობთა კავშირი აპირებდა გამოეცა ჟურნალი „სახიობა“ აკაკი ფაღავას რედაქტორობით.

ტიპი: ორგანიზაცია

ალექსანდრე დგებუაძის ცნობით, საქართველოში მოქმედებდა 2456 სამრეწველო და წესებულება. მათგან 492 კერძო პირების საკუთრება იყო, 716 – სახელმწიფოსი, დანარჩენი 1248 კი იყო საზოგადოებრივი ორგანიზაცია (ერობის, თვითმმართველობის და ა. შ.).

1918

ტიპი: ავტორობა

ალექსანდრე დგებუაძემ გაზეთ „ერთობაში“ გამოაქვეყნა ცნობები და მონაცემები საქართველოში არსებული მრეწველობის შესახებ. მისი ინფორმაციით, საქართველოში სამრეწველო დარგში 50 857 მუშა მუშაობდა. მათგან 31 028 მუშაობდა სახელმწიფო საწარმო დაწესებულებებში, საზოგადო ორგანიზაციათა დაწესებულებებში – 14 331, კერძო პირთა საწარმოებში კი – 5 498.

1919

ტიპი: ღონისძიება

გაზეთ „ვოლნი გორეცის“ 1919 წლის 8 სექტემბრის N1-ისთვის მიცემულ ინტერვიუში ა.ლომთათიძე აღნიშნავს ჩრდილიკავკასიელ მთიელთა გამორჩეულ როლს ერთიანი, დამოუკიდებელი კავკასიის შექმნაში და დასძენს, რომ ამიერკავკასიის რესპუბლიკებთან სწორი modus vivendi-ს გამონახვის შემთხვევაში მთიელთა ახალშექმნილ სახელმწიფოს წარმატებული მომავალი ელის.

1919

ტიპი: ღონისძიება

გაზეთ „ვოლნი გორეცის“ 1919 წლის 8 სექტემბრის N1-ისთვის მიცემულ ინტერვიუში ა. ლომთათიძემ განაცხადა, რომ ჩრდილოკავკასიელ მთიელებს ყველა ბუნებრივი მონაცემი აქვთ დამოუკიდებელი სახელმწიფოს ეკონომიკის გასავითარებლად: მთაც, ზღვაც, დაბლობიც.მთიელები შეუდგნენ კიდეც აგრარული რეფორმების გატარებას, მაგრამ კომუნისტური ექსპერიმენტების ბაკქანალიამ ქაოსში დანთქა ყველაფერი.

1920

ტიპი: ავტორობა

1920 წელს სამუსლიმანო საქართველოს მეჯლისის თავმჯდომარემ, მემედ-ბეგ იბრაჰიმის ძე აბაშიძემ საქართველოს მთავრობის თავმჯდომარეს წარუდგინა მოხსენება სამუსლიმანო საქართველოს მდგომარეობის შესახებ.

1920

ტიპი: ღონისძიება

1920 წლის 22 ივლისს გაიმართა თბილისის პროფესიულ კავშირთა საბჭოს სამდივნოს სხდომა ანტონ მიხეილის ძე ხელაძის თავმჯდომარეობით.

1917

ტიპი: ღონისძიება

1917 წელს ამიერკავკასიის კომიტეტთან დაარსდა საგანგებო კომისია, რომელიც იმ პიროვნებათა მოღვაწეობას გამოიძიებდა, რომელთა ყოფა-ქცევა მავნე იქნებოდა ახალი რეჟიმისთვის. ამავე კომიტეტში მზადდებოდა დებულებები სასამართლოებთან დაკავშირებული სხვადასხვა საკითხების შესახებ. საგანგებო კომისიის წევრები იყვნენ: გ. რცხილაძე, გრუზენბერგი და ბარხუდაროვი.

1919

ტიპი: ღონისძიება

ალ. ლომთათიძე პასუხობს გაზეთ „ვოლნი გორეცის“ (1919 წლის 8 სექტემბერი, N1) კორესპონდენტის შეკითხვებს მთიელთა რესპუბლიკის შექმნის შესაძლებლობაზე: მიუხედავად იმისა, რომ მთიელები საკმაოდ დაცილებული არიან ევროპულ კულტურას, თუკი მათ მიეცემოდათ საკუთარი ბედის გამგებლობის საშუალება, თანდაყოლილი ჭკუა-გონების წყალობით ისინი სწრაფად შეძლებდნენ საერთო ევროპული ოჯახის სრულფასოვან წევრად გახდომას.

1919

ტიპი: ღონისძიება

1919 წლის 8 სექტემბრის გაზეთ „ვოლნი გორეცის“ ცნობით, დამფუძნებელი კრების თავმჯდომარის ამხანაგი ალექსანდრე სპირიდონის ძე ლომთათიძე კორეპონდენტთან ინტერვიუში მთიელთა რესპუბლიკის შექმნის შესაძლებლობაზე საუბრობდა. ქართველი პოლიტიკოსი ინტერვიუში კავკასიელ მთიელთა ისტორიულ თავისუფლებისმოყვარეობასა და ბრძოლისუნარიანობას აღნიშნავდა და ამის საუკეთესო ნიმუშად იმამ შამილს მიიჩნევდა.

1917

ტიპი: ავტორობა

1917 წლის 24 აპრილს ქალთა კლუბის გამგეობის თავმჯდომარე კატო მიქელაძე გაზეთში „ხმა ქართველი ქალისა“ გამგეობას სთხოვს,  25 აპრილს, საღამოს 7 საათზე, შეიკრიბონ მიხაილოვის ქუჩაზე, ყოფილ საავადმყოფოში, ექიმ ბოკერიასთან.