რეგისტრირებული ფაქტები48045
სორტირება ახალი ჩანაწერების მიხედვით
1921
ტიპი: თანამდებობა
1921 წლის 24 მაისს ნოე ხომერიკი პარიზში წერილს უგზავნის პოლიტიკურ კომისიას, ატყობინებს, რომ ფილიპე მახარაძის მოადგილედ სერგო ქავთარაძე დაინიშნა.
1921
ტიპი: ღონისძიება
1921 წლის 24 მაისს ნოე ხომერიკი ატყობინებს პოლიტიკურ კომისიას პარიზში, რომ საქართველოშო ბრძოლა წითელარმიელებსა და საქართველოს დამოუკიდებლობის მომხრეებს შორის დამთავრდა ქართველების გამარჯვებით, რადგან მათ ლენინმა დაუჭირა მხარი.
1921
ტიპი: პირადი ურთიერთობა
1921 წლის 24 მაისს ნოე ხომერიკი მეცხრე წერილს წერს პოლიტიკურ კომისიას პარიზში და იტყობინება, რომ ტანეევის ცოლი თინ. ჯორჯაძე იმყოფებოდა თბილისში, რომელმაც მოგვაწოდა ინფორმაცია, რომ საქართველოში შეიქმენა ორი დაპირისპირებული მხარე, ერთი მხრივ წითელი არმია და მეორე მხრივ საქ. დამოუკიდებლობის მომხრეები, რომელთაც სათავეში უდგას სერგო ქავთარაძე და მამია სახელაშვილი.
1921
ტიპი: ღონისძიება
1921 წლის 18 მაისს ნოე ხომერიკი პარიზში წერილს უგზავნის პოლიტიკურ კომისიას და ატყობინებს, რომ საქართველოში ბოლშევიკებმა დაიწყეს მენშევიკების დევნა, აღარ ფუნქციონირებს საწარმოები, რომ დაჭრილები ვაგონებით გადაჰყავთ რუსეთში.
1919
ტიპი: ნასამართლეობა
1919 წლის 12 მაისს დუშეთის მაზრაში დაპატიმრებული მასწავლებელი აარონ მიხეილის ძე დონდოლაძე შინაგან საქმეთა მინისტრის განკარგულების თანახმად უდანაშაულოდ ცნეს და გაათავისუფლეს. 25 ივნისიდან ის პედაგოგიურ საქმიანობას შეუდგა.
1952
ტიპი: ღონისძიება
1952 წელს ევგენი გეგეჭკორმა შალვა მაღლაკელიძე მთავრობის სახელით პარიზში მიიწვია. შალვა მაღლაკელიძეს საკონსულოში ვიზის მიღებას დაჰპირდნენ.
1930
ტიპი: პირადი ინფორმაცია
1930 წლის მაისში დავით შარაშიძის ვაჟი, გიორგი (გოგი) შარაშიძე ყვავილზე აცრეს.
1920
ტიპი: ღონისძიება
1920 წლის 15 აპრილს თელავში ჩატარდა თათბირი, რომელიც ან. ყაზახაშვილმა გახსნა, მდივანი ე. კაკულია იყო. მეღვინე-მევენახეთა ყრილობის საბჭოს წევრებმა, გ. ა. წინამძღიშვილმა და სოლომონ მ. ჩოლოყაშვილმა წაიკითხეს მოხსენებები მათი საქმიანობის შესახებ და დამსწრე საზოგადოებას წარუდგინეს საბჭოს დებულების გეგმის უმთავრესი საფუძვლები.
1920
ტიპი: ღონისძიება
1920 წლის 15 აპრილს წინანდალში სოლომონ ჩოლოყაშვილმა და გ. წინამძღვრიშვილმა ჩაატარეს კრება, სადაც ისაუბრეს მეღვინე-მევენახეობათა ყრილობის საბჭოს შესახებ. მათ დაარსეს მევენახეობის სარაიონო საბჭო და წარმომადგენლად ვასილ ბერეჟიანი აირჩიეს.
1930
ტიპი: ღონისძიება
1930 წლის 24 ივნისს დავით შარაშიძემ ლევილიდან ბახვში ღია ბარათი გაუგზავნა დედას, ნინო ქიქოძეს და მისწერა, რომ მის მეუღლეს, ელენე ტუსენ-შარაშიძეს მეორე მცირე ოპერაციაც დასჭირდა.
1920
ტიპი: ავტორობა
1920 წლის 11 ივლისის გაზეთ „ერთობაში“ დაბეჭდილ გენ. შტაბის ცნობაში, რომელსაც ბათუმისა და ბათუმის ოლქის განსაკუთრებული კომისრი ბენიამინ ჩხიკვიშვილი აწერდა ხელს, ნათქვამი იყო, რომ 1920 წლის 7 ივლისს ჯარებს ზეიმით შეხვდნენ ბათუმისა და ყველა ადგილობრივთა წარმომადგენლები. გაიმართა ინგლის-საფრანგეთის და ქართული ჯარების გაერთიანებული აღლუმი. 6 ივლისს დაიკავეს სოფ. ქედა და შეცვალეს ინგლისელები. ბათუმში და ოლქში სამხედრო წესები გამოცხადდა. ბენია ჩხიკვიშვილი ბათუმის ოლქის განსაკუთრებულ კომისრად დაინიშნა.
1919
ტიპი: ავტორობა
1919 წლის 4 თებერვალს პეტრე სოლომონის ძე ალღუზაშვილი თბილისის გუბერნიის დაბალი სასწავლებლების მთავარგამგეობისადმი გაგზავნილ საჩივარში იუწყებოდა, რომ 1918 წლის აპრილიდან სასწავლებლის არმოწყობის გამო სამსახურიდან დაითხოვეს. მან განთავისუფლების შესახებ სექტემბერში შეიტყო. მას როცა მთავრობამ სასწავლებლის მოსაწყობად თანხა არ მისცა, სხვაგან გადაყვანა ითხოვა.
1919
ტიპი: ღონისძიება
1919 წლის 4 თებერვალს პეტრე სოლომონის ძე ალღუზაშვილმა თბილისის გუბერნიის დაბალი სასწავლებლების მთავარგამგეობას გორის რაიონის სახალხო სასწავლებლების საზოგადო კრების 1919 წლის დადგენილების შესახებ საჩივარი გაუგზავნა, რომ სამოცი ვერსის მანძილზე ბელოთამდე სამჯერ ავიდა, საზოგადოებას სკოლისთვის აქირავებინა სახლი და შეკრიბა შეგირდები სკოლის მოსაწყობად, მხოლოდ 15 თუმანი იყო საჭირო, რომ მოსწავლეებისთვის მაგიდები მოემზადებინა და დაეწყო სწავლა. მიუხედავად მრავალი თხოვნისა მთავრობამ სკოლის მოსაწყობი ფულიც კი არ მისცა.
1919
ტიპი: ავტორობა
1919 წლის 4 თებერვალს პეტრე სოლომონის ძე ალღუზაშვილი თბილისის გუბერნიის დაბალი სასწავლებლების მთავარგამგეობისადმი გაგზავნილ საჩივარში იუწყებოდა, რომ მას მასწავლებლობის უფლება ჰქონდა და 1904 წლამდე მუშაობდა. ის თვლიდა, რომ სხვა ბრალდების დამტკიცების შემთხვევაში შეეძლოთ მისთვის მასწავლებლობის უფლება ჩამოერთვათ. მას როგორც უთხრეს სასწავლებელი არ მოუწყვია, არ უმუშავია და ანაზღაურებაც არ ეკუთვნოდა.
1919
ტიპი: ავტორობა
1919 წლის 4 თებერვალს პეტრე სოლომონის ძე ალღუზაშვილმა თბილისის გუბერნიის დაბალი სასწავლებლების მთავარგამგეობას გორის რაიონის სახალხო სასწავლებლების საზოგადო კრების (1919 წლის) დადგენილების შესახებ საჩივარი გაუგზავნა. ის თვლიდა, რომ კრებამ გვერდი აუარა მთავარ საკითხს და მისი მასწავლებლად მუშაობის აკრძალვის გადაწყვეტილება უსამართლო იყო.
1919
ტიპი: ღონისძიება
1919 წლის 4 თებერვალს პეტრე სოლომონის ძე ალღუზაშვილმა თბილისის გუბერნიის დაბალი სასწავლებლების მთავარგამგეობას გორის რაიონის სახალხო სასწავლებლების საზოგადო კრების 1919 წლის დადგენილების შესახებ საჩივარი გაუგზავნა, რომ დადგენილება არ იყო კანონიერი და სამართლიანი, რადგან მან ითხოვა კრების შუამდგომლობა ჯამაგირის თაობაზე სახალხო სასწავლებელთან და არა სასწავლებლების კომისიასთან.
1919
ტიპი: ღონისძიება
1919 წლის იანვარში გამგეობის მდივანმა ი. ხუციშვილმა გორის რაიონის სახალხო მასწავლებელთა საზოგადო კრების ოქმიდან ამონაწერი წარადგინა, რომელშიც ეწერა კრების დადგენილება პეტრე სოლომონის ძე ალღუზაშვილის მასწავლებლად დანიშვნის თხოვნისა და გამგეობასთან შუამდგომლობის შესახებ. კრებამ დაადგინა, რომ მას მასწავლებლად ვერ დანიშნავდნენ, გამგეობას კი დაავალეს სხვა სამსახური ეშოვნა პეტრე ალღუზაშვილისთვის.
1919
ტიპი: ღონისძიება
1919 წლის 26 თებერვალს გიორგი ალმასხანის ძე ჭუმბურიძემ განაცხადა, რომ როგორც საბუთებიდან ჩანდა, პეტრე სოლომონის ძე ალღუზაშვილს მასწავლებლობის ფორმალური უფლება ჰქონდა. მას თუ არაფერი აბრკოლებდა შეიძლებოდა რომელიმე გიმნაზიაში ან სასწავლებელში თავისუფალ ადგილას მასწავლებლად დაენიშნათ, მაგრამ მასწავლებლების მიწვევის უფლება ერობას ჰქონდა და ალღუზაშვილს შეეძლო სამსახურის თაობაზე თავისი საბუთებით ერობისთვის მიემართა.
1919
ტიპი: ღონისძიება
1919 წლის 24 თებერვალს თბილისის გუბერნიის მე-3 რაიონის სახალხო სკოლების გამგე პ. ჯაფარიძემ დაბალი სასწავლებლების მთავარგამგეს 10 თებერვლის N1146 წინადადების თანახმად გაუგზავნა პეტრე სოლომონის ძე ალღუზაშვილის თხოვნა სამსახურის შესახებ და მისი დოკუმენტები. ერთ-ერთი დოკუმენტი გორის მაზრის სახალხო სკოლების მასწავლებელთა კრების ოქმიდან ამონაწერი იყო.
1918
ტიპი: ავტორობა
1918 წლის 7 დეკემბრის გაზეთ „სახალხო საქმეში“ არჩილ ჯაჯანაშვილი წერს თავის მოსაზრებას სომხებისადმი. ის ამბობს, რომ სანამ სომხეთს „დაშნაკცუტუნის“ პარტია უდგას სათავეში, ძნელი იქნება მათთან მშვიდობიანი ურთიერთობის დამყარება, რადგან ისინი საქართველოს წინააღმდეგ განსაკუთრებით იბრძვიან.
1918
ტიპი: ღონისძიება
1918 წლის პირველ ოქტომბერს წერა-კითხვის გამავრცელებელი საზოგადოების მორიგ სხდომაზე, მთავარი გამგეობის დაადგინილებით, ქართული გიმნაზიის მაჰმადიან მოსწავლეებს – მურად გულთაიშვილსა და სულეიმან კაიკაციშვილს მომავალი წლის პირველ იანვრამდე თვეში 100 მანეთი დაენიშნათ.
1920
ტიპი: ღონისძიება
1920 წლის 20 (21) იანვარს განათლების სამინისტროს კანცელარიის დირექტორმა ვუკოლ მიხეილის ძე ბერიძემ, მდივანმა გიორგი ნიკიფორეს ძე მებუკემ და საქმისმწარმოებელმა დ. მესხმა თბილისის ქალთა მე-3 გიმნაზიის დირექტორს აცნობეს, რომ გიმნაზიასთან არსებული უმაღლესი დაწყებითი სასწავლებლის მათემატიკის მასწავლებლად 1920 წლის პირველი იანვრიდან დარია ალექსანდრეს ასული ალიხანოვა დაუშვეს.