ქშწკგს პროსოპოგრაფია

ფაქტები

რეგისტრირებული ფაქტები46478

1918

ტიპი: ღონისძიება

1918 წელს გიორგი ლაფანაშვილი ქალაქ კავკავიდან გადავიდა სოფელ ჭოპორტში.

1918

ტიპი: ღონისძიება

1918 წელს თომა ჩუბინიძე და გიგო ხულელიძე ჭოპორტში შეხვდნენ გიორგი ლაფანაშვილს.

1918

ტიპი: ღონისძიება

1918 წელს მიხა პაპუნაშვილი, ვიქტორ ცინცაძე, დათიკო ხუბულური და ბუხაშვილი იყვნენ ხატობა „გრიგოლობაში“, სადაც ჩაატარეს საჯარო მიტინგი.

1918

ტიპი: თანამდებობა

ბაგრატ ბეთანელი ქართველთა შორის წერა-კითვის გამავრცელებელი საზოგადოების აკაურთის სკოლაში მასწავლებლად მუშაობდა.

1918

ტიპი: პირადი ინფორმაცია

ბაგრატ ბეთანელს ჯანმრთელობის მდგომარეობა ხელს უშლიდა მასწავლებლად ემუშავა, ამიტომ ითხოვდა შესაფერის სამსახურს თბილისში, სადაც შეძლებდა აბანოებით ესარგებლა და ჯანმრთელობის მდგომარეობა გაეუმჯობესებინა. ასევე ითხოვდა ოჯახისთვის დახმარებას.

1918

ტიპი: ავტორობა

ბაგრატ ბეთანელი სოციალ-დემოკრატიულ პარტიას თვლიდა ადამიანის უკეთილშობილეს გრძნობათა გამომხატველად, რომელსაც ხალხის ზნეობრივად ამაღლება შეეძლო. ის იზიარებდა ეროვნულ-დემოკრატიული პარტიის პროგრამას.

1918

ტიპი: პირადი ინფორმაცია

ბაგრატ ბეთანელს თხოვნაზე, თბილისში შესაფერის სამსახურში განწესების შესახებ, პასუხი მიუვიდა. როგორც თვითონ ამბობდა მასწავლებლად მუშაობა არ შეეძლო, ხოლო სხვა თავისუფალი ადგილი სამინისტროში არ მოიპოვებოდა, ამიტომ მისი თხოვნის დაკმაყოფილება შეუძლებელი იყო.

1918

ტიპი: თანამდებობა

1918-1919 სასწავლო წლებში ივანე ბერიაშვილს თბილისის ვაჟთა მერვე გიმნაზიის საქმისმწარმოებლის მოვალეობის შესრულება ჰქონდა დავალებული.

1918

ტიპი: თანამდებობა

საქართველოს რესპუბლიკის სახალხო განათლების მინისტრ გიორგი ლასხიშვილის 1918 წლის 18 ივლისის ბრძანებით (N16) გიორგი მიხეილის ძე ბერიძე 1-ელი იანვრიდან ხონის ვაჟთა გიმნაზიის ქართული ენის მასწავლებლად დაინიშნა.

1918

ტიპი: თანამდებობა

1918 წელს აკაკი ჩხენკელი აირჩიეს რუსეთის დამფუძნებელ კრებაში, რომლის დათხოვნის შემდეგ რჩება ამიერკავკასიის სეიმისა და კომისარიატის წევრად და განაგებს ჯერ საშინაო და შემდეგ საგარეო საქმეებს.

1918

ტიპი: თანამდებობა

1918 წელს აკაკი ჩხენკელი ამიერკავკასიის დელეგაციის თავმჯდომარე იყო ოსმალეთთან საზავო მოლაპარაკების დროს ტრაპიზონსა და ბათუმში.

1918

ტიპი: თანამდებობა

1918 წელს აკაკი ჩხენკელი არჩეულია ამიერკავკასიის რესპუბლიკის მთავრობის თავმჯდომარედ და საგარეო საქმეთა მინისტრად.

1918

ტიპი: ღონისძიება

აკაკი ჩხენკელი მონაწილეობას ღებულობდა ქართული უნივერსიტეტის დაარსებაში.

1918

ტიპი: ღონისძიება

1918 წელს გიორგი ლაფანაშვილი სოფელ ძალისში შეხვდა გრიგოლ წიკლაურსა და ფედრო ფხაკაძეს.

1918

ტიპი: ღონისძიება

1918 წელს გიორგი ლაფანაშვილი და მიხა პაპუნაშვილი იასონ კორინთელს მუხრანში ეწვივნენ.

1918

ტიპი: ორგანიზაცია

1918 წელს გიორგი ლაფანაშვილს და მიხა პაპუნაშვილს სოფელ მუხრანში ჰყავდათ თანამოაზრეები: გიგო გალუსტაშვილი, ვახო ჩოგუაშვილი, მიხა ჩოგუაშვილი, ვანო ბარუთაშვილი, ფიდო ბაქრაძე, ვასო მაყაშვილი.

1918

ტიპი: ორგანიზაცია

1918 წელს ნადია ჩილინდრიშვილის წილკანში მდებარე სახლში ბოლშევიკების შტაბი იყო.

1918

ტიპი: მფლობელობა

1918 წელს თედო შუშიაშვილთან თბილისში ბოლშევიკების საომარი მასალა და ტექნიკური ხელსაწყოები ინახებოდა.

1918

ტიპი: ორგანიზაცია

1918 წელს ბოლშევიკებმა მიხა პაპუნაშვილსა და ვიქტორ ცინცაძეს ახალგორის თემში პარტიული სამუშაოების განახლება დაავალეს.

1918

ტიპი: თანამდებობა

1918 წლის საქართველოს დემოკრატიული რესპუბლიკის სახალხო განათლების მინისტრის N50 ბრძანების მიხედვით, თბილისის პირველი კომერციული სასწავლებლის ქართული ენის მასწავლებელი იუსტინე ირაკლის ძე აბულაძე მიმდინარე წლის 1-ლი სექტემბრიდან ძველი სამსახურის ჩათვლით სასწავლებლის შტატის მასწავლებლად დაამტკიცეს. ბრძანებას ხელს აწერს განათლების მინისტრის მოადგილე ალექსანდრე ბესარიონის ძე მდივანი.

1918

ტიპი: განათლება

ნიკოლოზ ბერძნიშვილი იყო მოსკოვის უნივერსიტეტის ფილოლოგიური ფაკულტეტის სტუდენტი.

1918

ტიპი: ავტორობა

1918 წლიდან აკაკი ჩხენკელი აქტიურად მუშაობდა საქართველოს რესპუბლიკის კონსტიტუციის შექმნაზე.

1918

ტიპი: თანამდებობა

1918 წლის პირველი იანვრიდან ოლღა ბოდისკო დაინიშნა თბილისის ქალთა მეორე გიმნაზიის გერმანული ენის მასწავლებლად. ხელს აწერს გიორგი გრიგოლის ძე ნათაძე.

1918

ტიპი: პირადი ინფორმაცია

რაჟდენ ქრისტეფორეს ძე აბულაძის ნამსახურებით სიაში წერია, რომ ის, სამტრედიის უმაღლესი დაწყებითი რკინიგზის სასწავლებლის პედაგოგი, დაიბადა 1883 წლის 3 აპრილს. 23 აპრილს მონათლეს მართლმადიდებლურად. წლიური ჯამაგირი წლიური დამატებების გარეშე შეადგენს 3 060 მანეთს.