ქშწკგს პროსოპოგრაფია

ფაქტები

რეგისტრირებული ფაქტები46487

1875

ტიპი: ღონისძიება

1875 წლის გაზაფხულზე მსახიობმა ეფროსინე ყიფიანმა ილია ჭავჭავაძისა და ივანე მაჩაბლის ნათარგმნი „მეფე ლირი“ წაიკითხა, კორდელიას როლი ისწავლა და სცენაზე მისი თამაშის სურვილი გამოთქვა.

1875

ტიპი: ღონისძიება

1875 წლის 27 თებერვალს ილია ჭავჭავაძე სახლ-კარისა და მოსავლის დასახედად საგურამოში ავიდა.

1891

ტიპი: ავტორობა

1891 წლის 31 იანვრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 30 იანვარი“, რომელიც მწერლის თხზულებათა კრებულებში დაიბეჭდა სათაურით „საგაზეთო შენიშვნები თბილისის ქალაქის გამგეობის მიმდინარე საქმეებზედ“.

1875

ტიპი: ავტორობა

1875 წლის 22 თებერვალს ილია ჭავჭავაძისა და ბანკის დირექტორების ხელმოწერით გაზეთებში 1876 წლის 1-ელი იანვრისთვის შედგენილი თბილისის თავად-აზნაურთა საადგილმამულო ბანკის ბალანსი დაიბეჭდა.

1891

ტიპი: ავტორობა

1891 წლის 7 მარტის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 6 მარტი“, რომელიც მწერლის თხზულებათა კრებულებში დაიბეჭდა სათაურით „საგაზეთო შენიშვნები თბილისის ქალაქის გამგეობის მიმდინარე საქმეებზედ“.

1890

ტიპი: ღონისძიება

1890 წლის 12 დეკემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე საზოგადოების წლიური ანგარიში და ილია ჭავჭავაძის თხზულებათა სრული კრებულის გამოცემის საკითხი განიხილეს.

1890

ტიპი: ღონისძიება

1890 წელს ილია ჭავჭავაძემ განცხადებით მიმართა თბილისის სათავადაზნაურო საადგილმამულო ბანკის ზედამხედველ კომიტეტს, რომ შემოსავლის 35% ვაზის ავადმყოფობასთან, მილდიუსთან ბრძოლასა და სასოფლო სამეურნეო გამოფენის მოწყობას მოხმარებოდა.

1890

ტიპი: ღონისძიება

1890 წელს რუსმა პოეტმა და მთარგმნელმა ვასილ ლვოვის ძე ველიჩკომ ილია ჭავჭავაძეს თავისი წიგნი „აღმოსავლური მოტივები (ლექსები)“ აჩუქა.

1891

ტიპი: ავტორობა

1891 წლის 8 თებერვალს ილია ჭავჭავაძემ გაბრიელ ეპისკოპოსს წერილობით შეატყობინა ქართველთა შორის წერა-კითხვის გამავრცელებელი საზოგადოების საერთო კრების დადგენილება მწიგნობრობის გავრცელების საქმეში შეტანილი წვლილისთვის მისი საპატიო წევრად არჩევის შესახებ.

1891

ტიპი: ღონისძიება

1891 წლის 2 იანვარს ილია ჭავჭავაძეზე ისევ დაწესდა პოლიციის ზედამხედველობა.

1891

ტიპი: ავტორობა

1891 წლის 13 თებერვლის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 12 თებერვალი“, რომელიც მწერლის თხზულებათა ოცტომეულში დაიბეჭდა სათაურით „დასაწყისი სამთა კავშირის დასასრულისა“.

1890

ტიპი: გარდაცვალება

1890 წელს მასწავლებელი მოსე ივანეს ძე ნათაძე გარდაიცვალა.

1890

ტიპი: ავტორობა

1890 წელს ილია ჭავჭავაძემ მოთხრობის „პატარა ამბავი“ წერა დაიწყო, მაგრამ აღარ განაგრძო.

1919

ტიპი: თანამდებობა

1919-1928 წლებში მიხეილ სიმონის ძე შარაშიძე ბათუმის სკოლის დირექტორი იყო.

1883

ტიპი: თანამდებობა

1883-1885 წლებში გიორგი დავითის ძე ქართველიშვილი გაზეთ „დროების“ გამომცემელი იყო.

1882

ტიპი: ღონისძიება

1882 წლის 14 ნოემბერს ნიკოლოზ ლიხაჩოვმა თხოვნით მიმართა ილია ჭავჭავაძეს, რომ დახმარება გაეწია ლითოგრაფ იაკობ უტვენკოსთვის, რომელსაც თამარ მეფის სურათის დაბეჭდვა სურდა.

1882

ტიპი: ღონისძიება

1882 წლის 21 ნოემბერს ილია ჭავჭავაძემ მონაწილეობა მიიღო ქართული მეცნიერული ტერმინების შემმუშავებელი კომისიის კრების საქმიანობაში.

1882

ტიპი: ღონისძიება

1882 წლის 19 ნოემბერს ილია ჭავჭავაძემ გაზ. „დროების“ რედაქტორის უფლებამოსილების სერგეი მესხისთვის გადაცემის თაობაზე კავკასიის მეფისნაცვლის მთავარ სამმართველოს განცხადებით მიმართა.

1882

ტიპი: ავტორობა

1882 წლის ნოემბერში გამოვიდა ჟურნალ „ივერიის“ მეთერთმეტე ნომერი, რომელშიც ილია ჭავჭავაძის „შინაური მიმოხილვა“ დაიბეჭდა.

1882

ტიპი: ავტორობა

1882 წლის ნოემბრის ჟურნალ „ივერიაში“ დაიბეჭდა ილია ჭავჭავაძისა და ივანე მაჩაბლის ერთობლივი განცხადება ჟურნალ „ივერიის“ 1883 წლის გამოცემაზე.

1882

ტიპი: პირადი ურთიერთობა

1882 წლის 8 დეკემბერს გრიგოლ დადიანმა წერილობით შეატყობინა ილია ჭავჭავაძეს, რომ არ მოსწონდა გაზეთი „შრომა“, რადგან ძალიან არქაულ სტილში წერდნენ სტატიებს.

1882

ტიპი: ავტორობა

1882 წლის 9 დეკემბერს გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატიის „ბათომი და ბათომელები“ დასაწყისი. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1882

ტიპი: ღონისძიება

1882 წლის 19 დეკემბერს ილია ჭავჭავაძემ ქართველთა შორის წერა-კითხვის გამავრცელებელი საზოგადოების სახელით ლევან მჭედლიშვილს ბათუმის სკოლის დახმარებისთვის მადლობის წერილი გაუგზავნა.

1882

ტიპი: ავტორობა

1882 წლის 23 ოქტომბერს ილია ჭავჭავძემ წერილი გაუგზავნა ოლღა გურამიშვილს, რომელშიც თავის მოურავ დავით ციციშვილს ქალაქში ჩასვლას სთხოვდა.