ქშწკგს პროსოპოგრაფია

ფაქტები

რეგისტრირებული ფაქტები46487

1917

ტიპი: თანამდებობა

1917 წლის 1-ელი სექტემბრიდან დავით ივანეს ძე გაფრინდაშვილი ქუთაისის ვაჟთა მესამე გიმნაზიის ლათინური ენის მასწავლებლად დაინიშნა.

1917

ტიპი: თანამდებობა

1917 წლის პირველი სექტემბრიდან კონსტანტინე დავითის ძე ანთაძე ყვირილის ვაჟთა გიმნაზიის საღვთო რჯულის მასწავლებლად მუშაობდა.

1917

ტიპი: ღონისძიება

ოზურგეთის ქალთა გიმნაზიის უფროსმა ან. მგელაძემ განათლების სამინისტროს მისწერა, რომ 1917 წლის პირველი სექტემბრიდან ხელსაქმის მასწავლებლად ანა გეგელაშვილი მიიწვიეს. გეგელაშვილი ჩინებულად ასრულებდა თავის მოვალეობას. მან არსებული პროგრამის მიხედვით მოსწავლეებს შეასწავლა ჭრა-კერვა, ქარგვა და ა. შ.

1917

ტიპი: ღონისძიება

1917 წლის პირველ სექტემბერს, თოთხმეტ წლიანი სამსახურბერივი მივლინების შემდეგ, დუტუ მეგრელი ერევნიდან თბილისში დაბრუნდა.

1917

ტიპი: ღონისძიება

1917 წლის პირველი სექტემბრიდან დუტუ მეგრელი თბილისის ცენტრალურ დაწესებულებებში მუშაობდა.

1917

ტიპი: თანამდებობა

1917 წლის 31 აგვისტოს გაზეთის, „ხმა ქართველი ქალისა“ N21 ცნობით, გაზეთ „კავკაზსკოე სლოვოს“ ატყობინებენ, რომ ნიკო ნიკოლაძე ტოვებს ქ. ფოთს. მანვე უარი განაცხადა ჭიათურის მრეწველთა საბჭოს თავმჯდომარეობის თანამდებობაზე.

1917

ტიპი: ღონისძიება

1917 წლის 31 აგვისტოს გაზეთის, „ხმა ქართველი ქალისა“ N21 ცნობით, ქუთაისის გუბერნიის კომისარ გრიგოლ გიორგაძეს კავკასიის ლაშქრის მთავარსარდლისგან მოუვიდა დეპეშა, რომ კორნილოვმა სატახტო ქალაქის წინააღმდეგ გაილაშქრა და საჭიროა მცხოვრებთა მოწოდება მშვიდობის შესანარჩუნებლად.

1917

ტიპი: ავტორობა

1917 წლის 31 აგვისტოს გაზეთში „ხმა ქართველი ქალისა“ N21 „სელოს ძმის“ ფსევდონიმით დაიბეჭდა პუბლიკაცია „საუბარი მუშა ქალებთან“.

1917

ტიპი: ღონისძიება

1917 წლის 31 აგვისტოს გაზეთში „ხმა ქართველი ქალისა“ N21 დაიბეჭდა ელისაბედ მამფორიას სამადლობელი წერილი, რომელშიც ის ამავე გაზეთის საშუალებით მადლობას უცხადებს მელქისედექ დიმიტრის ძე მიქელაძეს, რომელმაც კულაშის მთავარანგელოზის ეკლესიას შესწირა 100 მ. და თეატრის სახლს 100 მ., რისთვისაც დიდ მადლობას უხდიან კულაშის საზოგადოება და თეატრის გამგეობის წევრები.

1917

ტიპი: ორგანიზაცია

1917 წლის 30 აგვისტოს ქიშვარდ მეგრელიძე ქართველთა შორის წერა-კითხვის გამავრცელებელი საზოგადოების ხიდისთავის განყოფილების გამგეობის წევრი იყო.

1917

ტიპი: ორგანიზაცია

1917 წლის 30 აგვისტოს ილია გიგილის ძე კალანდაძე ქართველთა შორის წერა-კითხვის გამავრცელებელი საზოგადოების ხიდისთავის განყოფილების გამგეობის წევრი იყო.

1917

ტიპი: ორგანიზაცია

1917 წლის 30 აგვისტოს სერაპიონ კონსტანტინეს ძე რამიშვილი ქართველთა შორის წერა-კითხვის გამავრცელებელი საზოგადოების ხიდისთავის განყოფილების გამგეობის წევრი იყო.

1917

ტიპი: თანამდებობა

1917 წლის 30 აგვისტოს ფოცია კალანდაძე ქართველთა შორის წერა-კითხვის გამავრცელებელი საზოგადოების ხიდისთავის განყოფილების გამგეობის მდივანი იყო.

1917

ტიპი: ღონისძიება

1917 წლის 24 აგვისტოს გაზეთ „ხმა ქართველი ქალისას“ N20 ცნობით, ხარაგაულში (სადგ. ბელაგორი) 27 აგვისტოს უნდა გამართულიყო გრანდიოზული ეროვნული საღამო-სეირნობა, რომელზეც მიწვეულნი იყვნენ აკაკი პაპავა, ვასო ურუშაძე და პოეტი სვიმონ ფაშალიშვილი. საღამოს დასასრულს გაიმართებოდა ცეკვა და ვახშამი. შემოსავლის ათი პროცენტი ადგილობრივი სახალხო სახლის ფონდის გასაძლიერებლად უნდა გადადებულიყო.

1917

ტიპი: ღონისძიება

1917 წლის 26 აგვისტოს თბილისის დროებითმა მცხოვრებმა ზაქარია ხახუტის ძე ნეფარიძემ ქართველთა შორის წერა-კითხვის გამავრცელებელ საზოგადოებას შუქრუთში ბიბლიოთეკის გასახსნელად 1500 მანეთი შესწირა.

1917

ტიპი: ღონისძიება

1917 წლის 7 სექტემბრის გაზეთის, „ხმა ქართველი ქალისა“ N22 ცნობით, ილია მირიანის ძე ჭყონიას რედაქტორობით თბილისში გამოვიდა პირველი ნომერი ახალი გაზეთისა „სიმართლის გზა“.

1917

ტიპი: ღონისძიება

1917 წლის 25 აგვისტოს დილის 11 საათზე ქ. სამტრედიაში შედგა ქალთა კავშირის დამფუძნებელი კრება, რომლის მთავარი მიზანი ქალთა უფლებების დაცვა იყო. კრება გახსნა ლექტორმა ტიტე სიხარულიძემ, რომელმაც ილაპარაკა ქალთა საკითხებზე, მოიყვანა მაგალითები ქალთა სწორუფლებიანობის შესახებ, ასევე გერმანიის, საფრანგეთის, ინგლისის, რუსეთის და სხვა სოციალისტების აზრები. სამსაათიანი ლექციის შემდეგ ქალებმა აირჩიეს ათი ქალისგან შემდგარი ბიურო. კრებას ესწრებოდა სოციალ-დემოკრატების მხარდამჭერი ორი ქალი, კანდელაკი და ნინუა, რომლებმაც დარბაზი დატოვეს.

1917

ტიპი: ავტორობა

1917 წლის 24 აგვისტოს გაზეთში, „ხმა ქართველი ქალისა“ N20 დაიბეჭდა კირილე წუთისოფლელის „ხმა პროვინციიდან“, რომელშიც ავტორი დადებითად საუბრობს გაზეთზე და ეხება ქალთა თანასწორობას.

1917

ტიპი: ავტორობა

1917 წლის 24 აგვისტოს გაზეთში „ხმა ქართველი ქალისა“ N 20 „სელოს ძმის“ ფსევდონიმით დაიბეჭდა პუბლიკაცია „საუბარი მუშა ქალებთან, III“.

1917

ტიპი: ღონისძიება

1917 წლის 24 აგვისტოს გაზეთ „ხმა ქართველი ქალისას“ N20 ცნობით, ქუთაისის სასურსათო კომიტეტმა სურსათის გადასაზიდად რამდენიმე ფურგონი მიიღო.

1917

ტიპი: ღონისძიება

1917 წლის 24 აგვისტოს გაზეთ „ხმა ქართველი ქალისას“ (N20) ცნობით, ქუთაისის სასურსათო კომიტეტი აცხადებდა, რომ შაქრის ბარათის მიღება შეიძლებოდა შემდეგ ადგილებში: სამთო უბანი, რეალური სასწავლებელი, ცენტრალური უბანი, ბალახვანის ქუჩა – სარაიონო კომისართან, წყალგაღმა უბანი, ორპირის ქუჩაზე – კომისრის სამმართველოს გვერდით; არქიელის გორაზე – ილია შვანგირაძესთან.

1917

ტიპი: ორგანიზაცია

1917 წლის 24 აგვისტოს ქართველთა შორის წერა-კითხვის გამავრცელებელი საზოგადოების გამგეობამ გადაწყვიტა, თელავის განყოფილებისთვის ქართულ სასწავლებელში კონსტანტინე სეხნიაშვილის მასწავლებლად მიღება ეთხოვათ.

1917

ტიპი: ღონისძიება

1917 წლის 24 აგვისტოს ქართველთა შორის წერა-კითხვის გამავრცელებელი საზოგადოების მთავარ გამგეობას ხარაგაულის გამგეობის თავმჯდომარე ტრიფონ თაბუკაშვილმა განყოფილების დაკანონების თხოვნასთან ერთად გაუგზავნა ხარაგაულში განყოფილების დაარსების ოქმი, წევრთა სია და 30 მანეთი.

1917

ტიპი: ღონისძიება

1917 წლის 12 აგვისტოს სვიმონ ნესტორის ძე ჯოლოხავამ ქართველთა შორის წერა-კითხვის გამავრცელებელი საზოგადოების მთავარგამგეობას ფუქის განყოფილების გახსნის დაჩქარება სთხოვა.

1917

ტიპი: თანამდებობა

1917 წელს იოსებ პეხუს ძე კვარაცხელია, ილია პავლეს ძე ჯოლოხავა, სვიმონ ნესტორის ძე ჯოლოხვა, იოსებ საბას ძე ჭანია და დიტო კვაჯას ძე ჭანია ქართველთა შორის წერა-კითხვის გამავრცელებელი საზოგადოების ფუქის (ახლანდელი წალენჯიხის რაიონის სოფელი მიქავა) განყოფილების ნამდვილი წევრები იყვნენ.