ქშწკგს პროსოპოგრაფია

ფაქტები

რეგისტრირებული ფაქტები46487

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე ილია ჭავჭავაძემ თბილისის ბანკის წესდების დამტკიცებისა და ზედამხედველი კომიტეტის მიერ გაწეული სამუშაოს დეტალებზე ისაუბრა.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე ილია ჭავჭავაძემ კრების წევრებს შესთავაზა, სათავადაზნაურო ბანკის მმართველობის ხარჯები გამგებლისა და დირექტორების ხელფასების ხარჯზე შეემცირებინათ.

1890

ტიპი: ღონისძიება

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გამგეობას მოძრავი სკოლების გასახსნელად პირობების შესწავლა და დავით იესეს ძე ჩუბინაშვილის ბიბლიოთეკის წერა-კითხვის საზოგადოებისთვის გადასაცემად მოლაპარაკების წარმოება დაავალეს.

1874

ტიპი: ღონისძიება

1874 წლის 4 სექტემბერს გამართულ თბილისის გუბერნიის თავადაზნაურობის კრებამ ხმათა უმრავლესობით დაამტკიცა კონსტანტინე ბებუთაშვილის წინადადება სათავადაზნაურო ბანკის წევრებად მხოლოდ მემამულეების მიღების შესახებ. ამ წინადადებას მხარს უჭერდა ილია ჭავჭავაძეც.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე ილია ჭავჭავაძე თავის სიმამრს, თადეოზ ზაალის ძე გურამიშვილს შეხვდა.

1874

ტიპი: ღონისძიება

1874 წლის 15 ივლისს კონსტანტინე ბებუთაშვილის სახლში გამართულ შეხვედრაზე ილია ჭავჭავაძემ „მეფე ლირი“ წაიკითხა.

1874

ტიპი: ღონისძიება

1874 წლის 1-ელ სექტემბერს თბილისის გუბერნიის თავადაზნაურობის საგანგებო კრებაზე, რომელსაც ილია ჭავჭავაძეც ესწრებოდა, სათავადაზნაურო ბანკის ზედამხედველობის კომიტეტი აირჩიეს.

1874

ტიპი: პირადი ურთიერთობა

1874 წლის 2 სექტემბერს ილია ჭავჭავაძე სიმამრს, თადეოზ გურამიშვილს ესტუმრა.

1890

ტიპი: ღონისძიება

1890 წლის 2 ოქტომბერს ილია ჭავჭავაძე ვახტანგ ვახტანგის ძე ორბელიანის დაკრძალვას დაესწრო და ქართველთა შორის წერა-კითხვის გამავრცელებელი საზოგადოებისა და „ივერიის“ რედაქციის სახელით გარდაცვლილის კუბო გვირგვინებით შეამკო.

1874

ტიპი: თანამდებობა

1874 წლის 5 სექტემბერს გამართულ თბილისის გუბერნიის თავადაზნაურობის კრებაზე ილია ჭავჭავაძე 138 ხმით 12-ის წინააღმდეგ სათავადაზნაურო ბანკის მმართველად აირჩიეს.

1874

ტიპი: თანამდებობა

1874 წლის 5 სექტემბერს გამართულ თბილისის გუბერნიის თავადაზნაურობის კრებაზე ალექსანდრე ესტატეს ძე ერისთავი და ალექსანდრე ზაალის ძე ჩოლოყაშვილი სათავადაზნაურო ბანკის დირექტორებად აირჩიეს.

1882

ტიპი: ავტორობა

1882 წლის 29 სექტემბერს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „ტფილისი, 28 სექტემბერს“, რომელიც მწერლის თხზულებათა ოცტომეულში შეცვლილი სათაურით „უყურადღებობა ქართული ენის მიმართ“ დაიბეჭდა.

1874

ტიპი: ღონისძიება

1874 წლის სექტემბრის ბოლოს ილია ჭავჭავაძე თიანეთში მამულების გაყოფას დაესწრო.

1874

ტიპი: ავტორობა

1874 წლის 31 ოქტომბერს გაზეთ „Тифлисский вестник“-ში დაიბეჭდა ნიკო ნიკოლაძის სტატია „წერილები იმ ქვეყნიდან“, რომელშიც ავტორი სათავადაზნაურო ბანკის დაარსებასა და ამ საქმეში ილია ჭავჭავაძის როლზე საუბრობდა.

1874

ტიპი: ღონისძიება

1874 წლის 2 ნოემბერს ილია ჭავჭავაძე პეტერბურგში ზღვით გაემგზავრა.

1860

ტიპი: თანამდებობა

1860-1896 წლებში გერასიმე მაქსიმეს ძე ქიქოძე იმერეთის ეპისკოპოსი იყო.

1874

ტიპი: ღონისძიება

1874 წლის 1-ელ სექტემბერს ილია ჭავჭავაძე თბილისის გუბერნიის თავად-აზნაურთა საგანგებო კრებას დაესწრო.

1890

ტიპი: ავტორობა

1890 წლის ოქტომბრის დასაწყისში გამოვიდა ბროშურა „ქუთაისის ბანკის საქმე“, წერილები ილია ჭავჭავაძისა“, რომელსაც ეწერა, რომ დაბეჭდილია ავტორის ნებართვით.

1890

ტიპი: ავტორობა

1890 წლის 30 სექტემბრის გაზეთ „მწყემსში“ დაიბეჭდა რედაქტორ დავით ბესარიონის ძე ღამბაშიძის სტატიის „მწარე ფიქრები“ დასაწყისი, რომელშიც გაკრიტიკებული იყო ილია ჭავჭავაძის, როგორც რედაქტორის, მოღვაწეობა „დროებასა“ და „ივერიაში“.

1890

ტიპი: ღონისძიება

1890 წლის 18 სექტემბერს ცენზურამ ილია ჭავჭავაძის ბროშურის „ქუთაისის ბანკის საქმე“ დაბეჭდვის ნება გასცა ახალი სათაურით „ქუთაისის ბანკის კომიტეტი და ბ-ნი ჩიკვაიძე“.

1890

ტიპი: ღონისძიება

1890 წლის 18 ივნისს ილია ჭავჭავაძემ სიტყვით მიმართა ერნესტო როსის მტკვრის სანაპიროზე, ვაზის ბაღში, როსის პატივსაცემად გამართულ ნადიმზე.

1874

ტიპი: ღონისძიება

1874 წლის აგვისტოში იაკობ გოგებაშვილმა კირილე ლორთქიფანიძეს შეატყობინა, რომ შეაგროვა ილია ჭავჭავაძესა და აკაკი წერეთელთან გადასათარგმნად გასაგზავნი რუსული საბავშვო ლექსები.

1890

ტიპი: გარდაცვალება

1890 წელს მწერალი და საზოგადო მოღვაწე ვახტანგ ვახტანგის ძე ორბელიანი გარდაიცვალა.

1890

ტიპი: ავტორობა

1890 წლის 9 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის ნარკვევის გაგრძელება „ტფილისი, 8 აგვისტო“. მწერლის თხზულებათა კრებულებში ეს წერილი დაიბეჭდა სათაურით „ქუთაისის ბანკის საქმე“.

1874

ტიპი: ნასამართლეობა

1874 წლის თებერვალში მოურავი პეტრე დუდაური და გიორგი მელქისედეკის ძე ჭავჭავაძე ილია ჭავჭავაძის ყვარლის სახლის გაქურდვაში იყვნენ ეჭვმიტანილები.