ქშწკგს პროსოპოგრაფია

ფაქტები

რეგისტრირებული ფაქტები46487

1890

ტიპი: ავტორობა

1890 წლის 12 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის ნარკვევის დასასრული „ტფილისი, 11 აგვისტო“. ეს არის დასასრული სტატიისა, რომელიც მწერლის თხზულებათა კრებულებში დაიბეჭდა სათაურით „ქუთაისის ბანკის საქმე“.

1905

ტიპი: ღონისძიება

1905 წლის 19 დეკემბერს პეტერბურგში მივლინებით წასულმა ილია ჭავჭავაძემ სახელმწიფო კანცელარიიდან მიიღო შეტყობინება, რომ 20 დეკემბერს დიმიტრი სოლსკისთან შესახვედრად მარიის სასახლეში გამოცხადებულიყო.

1882

ტიპი: ღონისძიება

1882 წლის 6 სექტემბერს ილია ჭავჭავაძემ, როგორც ქართველთა შორის წერა-კითხვის გამავრცელებელი საზოგადოების თავმჯდომარის მოადგილემ თბილისის კომერციულ ბანკს შეტანილ თანხაზე ქვითრის გამოწერის მოთხოვნით მიმართა.

1882

ტიპი: ავტორობა

1882 წლის 9 სექტემბერს ქართველთა შორის წერა-კითხვის გამავრცელებელმა საზოგადოებამ ქუთაისის სათავადაზნაურო სკოლის ინსპექტორ ალექსი ჭიჭინაძისგან სასწავლო პროგრამების წარდგენასთან დაკავშირებით დეპეშა მიიღო.

1882

ტიპი: ღონისძიება

1882 წლის 9 სექტემბერს ქართველთა შორის წერა-კითხვის გამავრცელებელმა საზოგადოებამ ილია ჭავჭავაძისა და გრიგოლ ყიფშიძის ხელმოწერით ქუთაისის სათავადაზანურო სკოლის ინსპექტორ ალექსი ჭიჭინაძეს შეტყობინება გაუგზავნა და სასწავლო პროგრამების წარმოდგენა სთხოვა.

1882

ტიპი: ავტორობა

1882 წლის 14 სექტემბრის გაზეთ „დროების“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „კავკაზიის რეფორმები“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1874

ტიპი: ღონისძიება

1874 წლის აპრილის ბოლოს ილია ჭავჭავაძე ოლღა გურამიშვილთან ჩავიდა კარდანახში და ერთად წავიდნენ ყვარელში.

1874

ტიპი: ავტორობა

1874 წლის 15 ივნისს ილია ჭავჭავაძემ ვასილ მაჩაბელს მოსკოვში მისწერა, გაერკვია რუსეთის ფინანსთა სამინისტრომ დაამტკიცა თუ არა თბილისის ბანკის წესდება.

1890

ტიპი: ღონისძიება

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გადაწყდა, საზოგადოების კუთვნილი ძველი ფულების კატალოგი შეედგინათ და ექსპონატები ერთნაირი მონეტების გაცვლით გაემრავალფეროვნებინათ.

1874

ტიპი: ავტორობა

1874 წლის მარტში ილია ჭავჭავაძემ პეტერბურგში ოლღა გურამიშვილის წერილი მიიღო. მეუღლე საყვედურობდა, რომ არ გაუგზავნა თავისი ფოტოსურათი და „მეფე ლირის“ თარგმანი.

1873

ტიპი: ღონისძიება

1873 წელს სლეპცოვმა შეადგიმა საქართველოს ბანკის წესდება, ამიტომ ილია ჭავჭავაძის მიერ შედგენილი თბილისის ბანკის წესდების დამტკიცებას ხელს უშლიდა.

1887

ტიპი: თანამდებობა

1887-1891 წლებში ალექსანდრე ექვთიმეს ძე ნებიერიძე გაზეთ „თეატრის“ რედაქტორ-გამომცემელი იყო.

1874

ტიპი: ღონისძიება

1874 წლის 12 ივლისის გაზეთ „დროებაში“ ილია ჭავჭავაძის, გრიგოლ ორბელიანისა და აკაკი წერეთლისადმი მიძღვნილი ლექსები დაიბეჭდა.

1874

ტიპი: ღონისძიება

1874 წლის 10 თებერვალს ილია ჭავჭავაძემ თბილისის გუბერნიის თავადაზნაურობის წინამძღოლს, რევაზ ანდრონიკაშვილს მოსკოვიდან თბილისში შეატყობინა, რომ ბანკის წესდებას სახელმწიფო საბჭოში 18 თებერვლამდე წარადგენდნენ.

1874

ტიპი: ღონისძიება

1874 წლის 28 მაისს დაამტკიცეს ილია ჭავჭავაძის მიერ შედგენილი სათავადაზნაურო ბანკის წესდება. წესდება ძალაში ივნისიდან უნდა შესულიყო.

1874

ტიპი: ავტორობა

1874 წლის 26 თებერვალს ოლღა გურამიშვილმა ილია ჭავჭავაძეს პეტერბურგში მისწერა, რომ მოურავმა პეტრე დუდაურმა მათი ყვარლის სახლი გაძარცვა.

1874

ტიპი: თანამდებობა

1874 წელს პეტრე დუდაური ილია ჭავჭავაძის ყვარლის მამულის მოურავი იყო.

1874

ტიპი: ღონისძიება

1874 წლის 17 თებერვალს პეტერბურგში ილია ჭავჭავაძესთან სტუმრად ჩავიდა ძმისშვილი, სიმონ კონსტანტინეს ძე ჭავჭავაძე. სიმონს იუნკერთა სასწავლებელში სურდა შესვლა.

1874

ტიპი: ღონისძიება

1874 წლის მარტში ჟურნალ „კრებულში“ ილია ჭავჭავაძისა და ივანე მაჩაბლის ნათარგმნი შექსპირის „მეფე ლირი“ დაიბეჭდა.

1874

ტიპი: ავტორობა

1874 წლის 17 თებერვალს ილია ჭავჭავაძემ პეტერბურგში ოლღა გურამიშვილის წერილი მიიღო. მეუღლე ატყობინებდა, რომ ყვარლის სახლი გაქურდეს.

1874

ტიპი: ღონისძიება

1874 წლის 18 აპრილს ილია ჭავჭავაძემ ქუთაისში გამართულ ლიტერატურულ საღამოზე „მგზავრის წერილები“ და „მეფე ლირი“ წაიკითხა.

1874

ტიპი: ღონისძიება

1874 წლის აპრილის დასაწყისში ილია ჭავჭავაძე პეტერბურგიდან საქართველოში გამოემგზავრა.

1890

ტიპი: ღონისძიება

1890 წლის ბოლოს გიორგი მიხეილის ძე თუმანიშვილმა ილია ჭავჭავაძეს სთხოვა, თეატრის შენობა იმ ზამთარს ვასილ ალექსის ძე აბაშიძის მიერ შედგენილი დასისთვის დაეთმო.

1890

ტიპი: ავტორობა

1890 წლის 8 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის ნარკვევის „ტფილისი, 7 აგვისტო“ გაგრძელება. მწერლის თხზულებათა კრებულებში ეს წერილი დაიბეჭდა სათაურით „ქუთაისის ბანკის საქმე“.

1890

ტიპი: ღონისძიება

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მიხეილ ყიფიანს ნაყოფიერი მოღვაწეობისთვის მადლობა გადაუხადეს.