ქშწკგს პროსოპოგრაფია

ფაქტები

რეგისტრირებული ფაქტები46338

1877

ტიპი: პირადი ინფორმაცია

ზესტაფონის (ყვირილის) ვაჟთა გიმნაზიის ქართული ენის მასწავლებელი გიორგი მინას ძე აბაშიძე 1877 წლის პირველ სექტემბერს დაიბადა. მისი წლიური ჯამაგირი 5300 მანეთს შეადგენდა.

1911

ტიპი: განათლება

ზესტაფონის (ყვირილის) ვაჟთა გიმნაზიის ქართული ენის მასწავლებელმა გიორგი მინას ძე აბაშიძემ დაასრულა ხარკოვის უნივერსიტეტის ისტორიულ-ფილოლოგიური ფაკულტეტი. 1911 წლის 7 ივნისს გადასცეს პირველი ხარისხის დიპლომი N11103.

1912

ტიპი: თანამდებობა

1912 წლის 16 სექტემბერს ზესტაფონის (ყვირილის) ვაჟთა გიმნაზიის ქართული ენის მასწავლებელი გიორგი მინას ძე აბაშიძე კავკასიის ოლქის სამზრუნველოს ბრძანების თანახმად ფოთის ვაჟთა გიმნაზიის ქართული ენის მასწავლებლის მოვალეობის აღმასრულებლად დაინიშნა.

1918

ტიპი: ღონისძიება

1918 წლის 9 დეკემბერს ზესტაფონის ვაჟთა გიმნაზიის დირექტორმა ნიკოლოზ ერმალოს ძე კვინიკაძემ უმაღლესი და საშუალო სკოლების მთავარგამგეს მისწერა, რომ იმავე წლის 16 მაისს ამიერკავკასიის სამოსწავლო კომისარიატს N19 შუამდგომლობასთან ერთად გიორგი მინას ძე აბაშიძის დიპლომი და ფორმულიარის ასლი გაუგზავნა.

1912

ტიპი: თანამდებობა

1912 წლის 18 სექტემბერს ზესტაფონის (ყვირილის) ვაჟთა გიმნაზიის ქართული ენის მასწავლებელს, გიორგი მინას ძე აბაშიძეს კავკასიის ოლქის მზრუნველმა ნება დართო, რუსული ენა 1-ლ და მე-2 კლასებში ესწავლებინა, ისტორია კი – მე-2 კლასში.

1914

ტიპი: თანამდებობა

1914 წლის 23 ოქტომბერს კავკასიის სამოსწავლო ოლქის მზრუნველმა ზესტაფონის (ყვირილის) ვაჟთა გიმნაზიის ქართული ენის მასწავლებელ გიორგი მინას ძე აბაშიძეს ნება დართო ესწავლებინა ისტორია პირველ-მეოთხე კლასებში.

1915

ტიპი: თანამდებობა

1915 წლის 9 ნოემბერს კავკასიის სამოსწავლო ოლქის მზრუნველმა 27 ოქტომბრის თხოვნის თანახმად, ზესტაფონის (ყვირილის) ვაჟთა გიმნაზიის ქართული ენის მასწავლებელი გიორგი მინას ძე აბაშიძე ქართული ენის მასწავლებლის თანამდებობიდან გაათავისუფლა.

1918

ტიპი: თანამდებობა

იმერეთის ქალთა ეპარქიალური სასწავლებლის პედაგოგიურმა საბჭომ ზესტაფონის (ყვირილის) ვაჟთა გიმნაზიის ქართული ენის მასწავლებელი გიორგი მინას ძე აბაშიძე ქუთაისის ქალთა ეპარქიალურ სასწავლებელში ქართული ენის მასწავლებლად 1-ელ – მე-4 კლასში დანიშნა.

1921

ტიპი: ავტორობა

1921 წლის 1-ელ თებერვალს ქართველთა შორის წერა-კითხვის გამავრცელებელი საზოგადოების მთავარ გამგეობას საზოგადოების წევრმა თ. კიკვაძემ მოახსენა, რომ ის არ ეთანხმებოდა 25 იანვრის სხდომაზე გამგეობის მიერ გამოტანილ დადგენილებას. ამ დადგენილების მიხედვით, გამგეობის წევრ ნინო ნაკაშიძეს, იმ შემთხვევაში თუ ის არ დააბრუნებდა სესხად წაღებულ 18 ფუთ ქაღალდს, ფუთში 15000 მანეთი უნდა გადაეხადა. კიკვაძის თქმით, ქაღალდი, რომელიც გამგეობამ ნაკაშიძეს ასესხა ბაზარზე ფუთი 35000 მანეთად ფასობდა. 18 ფუთში გამგეობას 530000 მანეთი უნდა აეღო, ხოლო დადგენილებით განსაზღვრული ფასის მიხედვით 270000 მან. რის გამოც, ზარალი 360000 მანეთს შეადგენდა. 11 იანვრის სხდომაზე გამგეობამ დაადგინა, ქაღალდის შეძენა ფუთი 20000 მანეთად. ის ქაღალდი პატარა ფორმატის იყო და მხოლოდ ბროშიურებისთვის გამოდგებოდა. მიუხედავად ამისა, მეპატრონემ 24000 მანეთზე ნაკლებად არ დათმო. ნაკაშიძემ ქაღალდი ისესხა და ვალდებული იყო დაებრუნებინა ისეთივე ხარისხის ქაღალდი ან გადაეხადა იმდენი, რომ საზოგადოებას თვითონ შეეძინა ეს ქაღალდი. კიკვაძის აზრით, გამგეობას არც ზნეობრივი და არც იურიდიული უფლება არ ჰქონდა, შინაურულად საქმის მოგვარებით ამოდენა ზარალი მიეყენებინა საზოგადოებისთვის.

1917

ტიპი: თანამდებობა

1917 წლის 11 ოქტომბერს იმერეთის ქალთა ეპარქიალური სასწავლებლის პედაგოგიურმა საბჭომ სხდომაზე თხოვნის თანახმად გიორგი მინას ძე აბაშიძე 1917 წლის 1-ლი სექტემბრიდან ქართული ენის მასწავლებლის თანამდებობიდან გაათავისუფლა.

1911

ტიპი: ღონისძიება

1911 წლის 7 დეკემბერს ქართველთა სორის წერა-კითხვის გამავრცელებელი საზოგადოების მთავარმა გამგეობამ თელავის განყოფილებას აცნობა, რომ თელავის ქართულ სკოლას უნდა ეხელმძღვანელა საზოგადოების სანიმუშო პროგრამით, რომელიც უკვე მიღებული ჰქონდათ. დოკუმენტს ხელს აწერდნენ: საზოგადოების მთავარი გამგეობის თავმჯდომარე გიორგი ყაზბეგი და საქმისმწარმოებელი გაბრიელ ბურჭულაძე.

1917

ტიპი: თანამდებობა

1917 წლის 16 სექტემბერს კავკასიის სამოსწავლო ოლქის კომისარიატის N26133 განკარგულებით 1917 წლის 1-ელ სექტემბერს გიორგი მინას ძე აბაშიძე დაინიშნა ზესტაფონის (ყვირილის) ვაჟთა გიმნაზიის ქართული ენისა და ლიტერატურის მასწავლებლის მოვალეობის აღმასრულებლად.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 30 ივნისის N79 ბრძანების თანახმად ნიკოლოზ ამბროსის ძე სვანაძე ქუთაისის ვაჟთა II გიმნაზიის მათემატიკის პედაგოგად დამტკიცდა.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 30 ივნისის N77 ბრძანების თანახმად ქუთაისის ვაჟთა II გიმნაზიასთან არსებული უმაღლესი დაწყებითი სასწავლებლის მასწავლებელს დიმიტრი დავითის ძე ლორთქიფანიძეს პედაგოგად ნამსახურობის წლები (1892 წლის 1-ლი სექტემბრიდან 1919 წლის 1-ლ სექტემბრამდე) ჩაეთვალა პენსიის მისაღებად.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 30 ივნისის ბრძანების თანახმად ქუთაისის ვაჟთა II გიმნაზიასთან არსებული უმაღლესი დაწყებითი სასწავლებლის პედაგოგს ანდრია ანტონის ძე შუბლაძეს პედაგოგად ნამსახურები წლები (1896 წლის 1-ლი სექტემბრიდან 1919 წლის 1-ლ სექტემბრამდე) ჩაეთვალა პენსიის მისაღებად.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 30 ივნისის N77 ბრძანების თანახმად, ხუთწლეულებისა და პენსიის მისაღებად, ქუთაისის ვაჟთა II გიმნაზიასთან არს. უმაღლეს დაწყებითი სასწავლებლის პედაგოგ ლონგინოზ ანტონის ძე ჩიმაკაძეს ჩაეთვალოს პედაგოგად ნამსახური წლები 1896 წლის 1-ლი სექტემბრიდან 1919 წლის 1-ლ სექტემბრამდე.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 3 ივლისის N81 ბრძანების თანახმად, სახელმწიფო სამსახურში ხუთწლეულებისა და პენსიის მისაღებად, ქუთაისის ვაჟთა II გიმნაზიის მასწავლებელ ბენედიკტე მამფორიას ჩაეთვალოს პედაგოგად ნამსახური წლები 1891 წლის 1-ლი სექტემბრიდან 1919 წლის 1-ლ სექტემბრამდე.

1920

ტიპი: ღონისძიება

1920 წლის 3 ივლისის განათლების მინისტრის მოადგილე ნოე ცინცაძის N 82 ბრძანების თანახმად, ქუთაისის ვაჟთა II გიმნაზიის მასწავლებელ დომენტი ოყროშიძეს, ხუთწლეულებისა და პენსიის მისაღებად უნდა ჩათვლოდა პედაგოგად ნამსახური წლები.

1920

ტიპი: თანამდებობა

განათლების მინისტრის მოადგილის, ნოე ცინცაძის 1920 წლის 6 ივლისის ბრძანების (N81) თანახმად, ხონის ქალთა გიმნაზიის მასწავლებელ ამბროსი ივლიანეს ძე ბახტაძეს მიენიჭა საშუალო სასწავლებლის ისტორიის მასწავლებლის წოდება და თანამდებობაზე დამტკიცდა 1920 წლის 1-ელი ივლისიდან.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 26 აგვისტოს ბრძანების თანახმად, ნაძალადევის ქალ-ვაჟთა გიმნაზიის მასწავლებელი სიმონ ჭეიშვილი 1920 წლის 1-ელი სექტემბრიდან თავისი თხოვნით გაათავისუფლეს თანამდებობიდან. დედანთან სისწორეს ხელმოწერით ადასტურებს საქმისმწარმოებელი ივანე ეპიტაშვილი.

1918

ტიპი: თანამდებობა

1918 წელს სამასწავლებლო ინსტიტუტის კურსდამთავრებული პავლე თედორეს ძე არაჩემია 1904 წელს დაარსებული ქუთაისის მეორე უმაღლესი დაწყებითი სასწავლებლის გამგედ მუშაობდა.

1918

ტიპი: თანამდებობა

1918 წელს სამასწავლებლო ინსტიტუტის კურსდამთავრებული არჩილ ელიზბარის ძე მიქაბერიძე 1904 წელს დაარსებული ქუთაისის მეორე უმაღლესი დაწყებითი სასწავლებლის პედაგოგად მუშაობდა.

1918

ტიპი: თანამდებობა

1918 წელს სასულიერო სემინარიის კურსდამთავრებული კიმოთე გიორგის ძე კაპანაძე 1904 წელს დაარსებული ქუთაისის მეორე უმაღლესი დაწყებითი სასწავლებლის პედაგოგად დაინიშნა.

1918

ტიპი: თანამდებობა

1918 წელს სამასწავლებლო სემინარიის კურსდამთავრებული კორნელი პორფირეს ძე ჯუღელი 1904 წელს დაარსებული ქუთაისის მეორე უმაღლესი-დაწყებითი სასწავლებლის პედაგოგად მუშაობდა.

1918

ტიპი: თანამდებობა

1918 წელს სამასწავლებლო სემინარიის კურსდამთავრებული ანტონ ივანეს ძე ოდიშარია 1904 წელს დაარსებული ქუთაისის მეორე უმაღლესი დაწყებითი სასწავლებლის პედაგოგად მუშაობდა.