1918

ტიპი: ღონისძიება

გზათა მინისტრ ივანე ლორთქიფანიძის 1918 წლის 27 ნოემბრის განკარგულებით, რკინიგზის ტექნიკური განყოფილების ინჟინერ ანდრონიკაშვილს, ამავე სამინისტროს ინჟინერ ნოვოდვორსკისა და ბუღალტრის თანაშემწე რჩეულიშვილს დაევალათ სამინისტროსთან არსებული საავტომობილო სალაროსა და ფულის, ასევე საწყობების ანგარიშის რევიზია.

1918

ტიპი: ღონისძიება

სოციალისტ-ფედერალისტთა პარტიის მთავარი კომიტეტის დადგენილებით, ალექსანდრე წერეთელი შალვა ალექსი რამიშვილთან [იგულისხმება მესხიშვილი] ერთად რუსეთის სოციალისტ-რევოლიუციონერთა მოსკოვის კონფერენციაზე წარმომადგენლად გააგზავნეს, აქედან კი სრულიად რუსეთის დამფუძნებელი კრების არჩევნების განსაკუთრებული თათბირის წევრად მიიწვიეს.

ტიპი: ღონისძიება

1924 წლის თებერვალში გაიმართა განათლების მუშაკთა მესამე ყრილობა, სადაც „პროფ. ნუცუბიძემ კმაყოფილებით აღნიშნა სახ. გან. კომ.-ის (კერძოდ, კომისარ დავით კანდელაკის) განცხადება იმის შესახებ, რომ საქ. უნივერსიტეტმა გაამართლა მასზე დამყარებული იმედები.“

1924

ტიპი: ავტორობა

1924 წლის 12 მარტს, 13:20 საათზე, დაიწყო მორიგი სასამართლო სხდომა კათალიკოს ამბროსისა და საკათალიკოს საბჭოს წევრების საქმეზე. დაცვის ადვოკატი კირილე ნინიძე აცხადებდა, რომ მუშაობისთვის გაუსაძლისი მდგომარეობა ჰქონდათ, კერძოდ, პრესაში ვრცელდებოდა წერილები, რომლებშიც დაცვის ადვოკატებს სინდისით მოვაჭრეებს უწოდებდნენ, რითაც უდანაშაულობის პრეზუმფციას არღვევდნენ – „დანაშაულს წინასწარ კვალიფიკაციას უშვრებიანო“. დაცვის მხარე ამ გარემოებათა შესახებ სასამართლოს წერილით მიმართავდა.

1918

ტიპი: ავტორობა

1918 წელს იუსტიციის სამინისტროს კანცელარიის დირექტორი გიორგი თევდორეს ძე ჟორდანია ეროვნულ საბჭოს საკოდიფიკაციო განყოფილების დაარსების შესახებ კანონპროექტის იმ ვარიანტის განხილვას სთხოვდა, რომელიც პირადად იუსტიციის მინისტრის მიერ იყო ხელმოწერილი.

1918

ტიპი: ავტორობა

1918 წლის 30 ივლისს კანცელარიის დირექტორმა გიორგი თევდორეს ძე ჟორდანიამ იუსტიციის მინისტრის განკარგულებით ეროვნულ საბჭოს კანცელერიაში გაგზავნა წერილი, რომელშიც ეროვნულ საბჭოს სთხოვდა მთავრობის მიერ დადასტურებული შემდეგი კანონპროექტების განხილვას: „კანონპროექტი კანონთა გამოქვეყნებისა", „კანონპროექტი საქართველოს დემოკრატიულ რესპუბლიკის იუსტიციის სამინისტროსთან საკოდიფიკაციო განყოფილების დაარსების შესახებ" და „კანონპროექტი 1914 წ. 16 დეკემბრის დროებითი კანონის/ ზოგიერთ არსებულ გადასახადთან გადიდების მოქმედების გაგრძელების შესახებ 1919 წლის 1 იანვრამდე".

1918

ტიპი: ავტორობა

1918 წლის ივლისში საქართველოს რესპუბლიკის საქმეთთა მმართველმა სარგის კაკაბაძემ იუსტიციის სამინისტროს კანცელარიას მისწერა წერილი, რომლითაც ატყობინებდა, რომ კანონპროექტი იუსტიციის სამინისტროსთან საკოდიფიკაციო განყოფილების დაარსების შესახებ მთავრობისგან 29 ივლისის სხდომაზე მიეწოდათ და ეროვნულ საბჭოს წარედგინა დასამტკიცებლად.

1918

ტიპი: ავტორობა

1918 წელს იუსტიციის მინისტრის მოადგილემ გრიგოლ ივანეს ძე გველესიანმა და კანცელარიის დირექტორის მადგილემ ა. პონიატსკიმ თბილისის მიწის სასაწავლებლის სახალხო განათლების სამინისტროსთვის გადაცემის კანონპროექტი საქართველოს რესპუბლიკის ეროვნული კანცელარიის საბჭოს დროულად დასამტკიცებლად გაუგზავნა.

1918

ტიპი: ავტორობა

1918 წლის 16 ივლისს ს. კაკაბაძე იუსტიციის მინისტრს, შალვა ვლადიმერის ძე ალექსი-მესხიშვილს 15 ივლისის მთავრობის სხდომის დადგენილებას გამმიჯვნელი დაწესებულებების მიწათმოქმედების სამინისტროსთვის, ხოლო ხე-მიწის მზომელთა სასწავლებელის განათლების სამინისტროსთვის გადაცემას ატყობინებდა.

1918

ტიპი: ავტორობა

1918 წლის 7 ოქტომბერს მთავრობის საქმეთა მმართველის სახელით გრიგოლ რობაქიძემ იუსტიციის სამინისტროს კანცელარიას კანონპროექტის „საქართველოს სამზღვრებიდან გაძევებისა და სასამართლოს გარეშე დატუსაღების შესახებ“ უკან დაბრუნება შეატყობინა. საკითხი მთავრობის 3 ოქტომბრის სხდომაზე განხილვიდან მოიხსნა.

1918

ტიპი: ავტორობა

1918 წლის 7 ოქტომბერს საქართველოს იუსტიციის მინისტრს, შალვა მესხიშვილს კანონის „კერძო უძრავი ქონების ჩამორთმევის შესახებ სახელმწიფო და საზოგადოებრივი საჭიროებისათვის“ დასკვნის დაწერა დაევალა.

1918

ტიპი: ავტორობა

1918 წლის 13 ივლისს საგარეო საქმეთა სამინისტროს კანცელარიას იუსტიციის სამინისტროსგან (საქმისმწარომებლის მაგიერ ხელს აწერდა დავით ნიკოლოზის ძე კელაპტრიშვილი) გაეგზავნათ წერილი, სადაც N 2891-ის წერილის საპასუხოდ ატყობინებდნენ, რომ სიკვდილით დასჯის კანონის ტექსტი გამოცხადებული იყო გაზეთ „кавказ“-ის 9 ივლისის N 140 გამოცემაში.

1918

ტიპი: ავტორობა

1918 წლის 12 ივლისს იუსტიციის მინისტრის კანცელარიას საქართველოს დემოკრატიული რესპუბლიკის საგარეო საქმეთა სამინისტრომ სიკვდილით დასჯის შესახებ კანონის ტექსტის გაგზავნა სთხოვა.

1918

ტიპი: ავტორობა

1918 წლის 9 ივლისს, 3 საათსა და 46 წუთზე იუსტიციის მინისტრმა შალვა ვლადიმერის ძე ალექსი-მესხიშვილმა საქართველოს რესპუბლიკის მთავრობის თავმჯდომარე ნოე ჟორდანიასგან ტელეფონოგრამით (რომელიც გადასცა ალექსანდრე მიქაბერიძემ და მიიღო არტემ ახნაზაროვმა), მათ განკარგულებაში არსებულ ყველა დაწესებულებაში სიკვდილით დასჯის კანონის სასწრაფოდ გამოკვრის ბრძანება მიიღო.

1918

ტიპი: ავტორობა

1918 წლის 15 ნოემბერს ქუთაისის საგუბერნიო კომისარი ბენიამინ გრიგოლის ძე ჩხიკვიშვილი ამიერკავკასიის შრომის მინისტრის მოადგილეს ილია გიორგის ძე ფირცხალაიშვილს სახელმწიფო ბანკის სოხუმის განყოფილებაში თანხის გადაგზავნას სთხოვდა.

1917

ტიპი: ავტორობა

1917 წლის 18 ნოემბერს მემანქანეებმა იაკობ კურგასოვმა, გიორგი ხუდადოვმა და დიმიტრი ტატუნაშვილმა დამატებით სამუშაო საათეებში მუშაობის ანაზღაურების მოთხოვნით ამიერკავკასიის შრომის მინისტრის მოადგილეს ილია გიორგის ძე ფირცხალაიშვილს წერილით მიმართეს.

1918

ტიპი: ღონისძიება

1918 წლის 4 დეკემბერს საქართველოს ეროვნული საბჭოს საკონსტიტუციო სხდომაზე გაგრძელდა განხილვა გიორგი ნანეიშვილის მიერ შემუშავებული დებულებისა – ფინანსების შესახებ. ნანეიშვილი აცხადებდა, რომ წინა კრებაზედ ამ დებულების მეორე მუხლად მიიღეს ისეთი მუხლი, რომელიც შეტანილია მოქალაქეთა უფლება-მოვალეობის დებულების მე-15 მუხლად, ამიტომ შემოიტანა წინადადება ამ დებულებაში გამოეტოვებინათ ეს მუხლი. მცირე კამათის შემდეგ მეორე მუხლი წინა სხდომაზე მიღებული, უცვლელად დარჩა.

1918

ტიპი: ღონისძიება

1918 წლის 4 დეკემბერს გამართულ საქართველოს ეროვნული საბჭოს საკონსტიტუციო სხდომას დაესწრნენ: სერგო ჯაფარიძე, კონსტანტინე მაყაშვილი, მარიამ ჩხეიძე, სპირიდონ კედია, სამსონ დადიანი, ალექსანდრე წერეთელი, ლეო ნათაძე, ასევე დამხმარეები: გიორგი ნანეიშვილი და კონსტანტინე მიქელაძე, თავმჯდომარე იყო სერგო ჯაფარიძე, მდივანი – მარიამ ჩხეიძე.

1918

ტიპი: ღონისძიება

1918 წლის 11 დეკემბერს გაიმართა საკონსტიტუციო კომისიის სხდომა, რომელსაც ესწრებოდნენ: ლეო ნათაძე, მარიამ ჩხეიძე, დამხმარეები: გიორგი ნანეიშვილი და კ. მიქელაძე. წევრთა საკმაო რიცხვის დაუსწრებლობის გამო კომისიის სხდომა არ ჩატარდა.

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომაზე წაკითხულ იქნა მუხლი 2 მეორე მუხლად მიღებულია: არავინ განთავისუფლდება სახელმწიფო გადასახადებისაგან, გარდა კანონით განსაზღვრულ შემთხვევებისა. ბ. ნანეიშვილის აზრით ეს ცვლილება ზედმეტია , რადგან კანონით ყველა მოქალაქე თანასწორია უფლებებით კამათის შემდეგ თავმჯდომარემ კენჭი უყარა პოლუმორდვინოვის წინადადებას და იგი მეორე მუხლად მიღბულ იქნა ოთხის ხმით სამის წინააღმდეგ

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომაზე წაკითხულ იქნა მუხლი 2 : თუ არა კანონის ძალით, არავითარი პენსია, ჯილდო ან აგრეთვე სხვა ხარჯი ფინანსური ხასიათისა არ შეიძლება იქნეს მიღებული სახელმწიფო ხაზინიდან. პოლუმორდვინოვმა განაცხადა, რომ მეორე მუხლად შეტანილ უნდა იქნეს ის, რომ სახელმწიფო გადასახადებისაგან არავინ განთვისუფლდება. პ. საყვარელიძე და წერეთელი ეთანხმებიან ამ აზრს.

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომა გადატანილ იქნა სხვა ოთახში და სხდომა გაგრძელდა ს. ჯაფარიძის თავმჯდომარეობით. აღიძრა კითხვა იმის შესახებ, თუ რადგანაც პირველი მუხლი მიღებულია, ამ მუხლში შეტანილ იქნეს თუ არა დამატება, რომ ქალაქის და ერობის თვითმართველობათ უფლება ჰქონდეთ გადასახადების დაწესებისა. კამათის შემდეგ ნათაძემ შემოიტანა დამატების ტექსტი: ადგილობრივ თვითმმართველობათა უფლებას გადასახადების დაწესებისას განსაზღვრავს ცალკე კანონი, რომელსაც თავმჯდომარემ კენჭი უყარა და დამატება მიღებულ იქნა 6 ხმით ერთის წინააღმდეგ.

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომაზე წაკითხულ იქნა მუხლი I.: არავითარი საგადასახადო არ შეიძლება იქნეს დაწესებული ან შეკრებილი თუ წინასწარ ის პარლამენტის მიერ არ იქნა დადასტურებული. გამოითქვა ორი აზრი: ერთი-რომ გადასახადების დაწესების უფლება უნდა იყოს პარლამენტის ხელში, როგორც არის დებულებაშიც, მომხრენი ამ აზრისა იყვნენ: ნანეიშვილი, ნათაძე, საყვარელიძე, მაყაშვილი, წერეთელი, პოლუმორდვინოვი, მიქელაძე ხოლო მეორე - თვითმმართველობებისა ჰქონდეს თავისუფლება გადასახადების დაწესებისა მომხრენი - ს. დადიანი, მ. ჩხეიძე. კენჭი ეყარა პირველს მუხლის მომხრე იყო 3 ხმა, წინააღმდეგ - 2.

1918

ტიპი: ღონისძიება

1918 წლის 27 ნოემბერს გაიმართა საქართველოს ეროვნული საბჭოს საკონსტიტუციო სხდომა, რომელსაც დაესწრნენ: სამსონ დადიანი, პავლე საყვარელიძე, ლეო ნათაძე, ალექსანდრე წერეთელი, კოტე მაყაშვილი, მარიამ ჩხეიძე, სერგო ჯაფარიძე. მოწვეული დამხმარეები იყვნენ: გიორგი ნანეიშვილი და კონსტანტინე მიქელაძე. ესწრებოდა საფინანსო სამინისტროს წარმომადგენელი ივანე პოლომორდვინოვი. თავმჯდომარეობდა ჯერ სამსონ დადიანი, შემდეგ – სერგო ჯაფარიძე, მდივნობდა მარიამ ჩხეიძე.

1918

ტიპი: ღონისძიება

1918 წლის 20 ნოემბერს გამართულ საქართველოს ეროვნული საბჭოს საკონსტიტუციო სხდომაში მონაწილეობდნენ სამსონ დადიანი, რაჟდენ არსენიძე, კოტე მაყაშვილი, მარიამ ჩხეიძე, პავლე საყვარელიძე, ლეო ნათაძე და მომხსენებელი გიორგი ნანეიშვილი.