რეგისტრირებული ფაქტები40815
სორტირება ახალი ჩანაწერების მიხედვით
1918
ტიპი: ღონისძიება
1918 წლის 19 ნოემბრის მთავრობის სხდომაზე მოისმინეს განათლების მინისტრის მოხსენება სახალხო სკოლების ყოფილი ინსპექტორის, ვასილ ჯაფარიძის დასამარხად დახმარების გამოყოფის შესახებ. მის ქვრივს გადასცეს 5 000 მან.
1918
ტიპი: ღონისძიება
1918 წლის 19 ნოემბრის მთავრობის სხდომაზე მოისმინეს სამხედრო მინისტრის გამოსვლა ჯარისკაცთა ბინადრობის გამო სახლების პატრონთა ზარალის ანაზღაურების შესახებ. დაადგინეს: იმ შემთხვევაში აენაზღაურებინათ, თუ საქართველოს დამოუკიდებლობის გამოცხადების შემდეგ იყვნენ დაზარალებულები.
1929
ტიპი: ღონისძიება
1929 წლის 7 აპრილს დღის 12 საათზე დანიშნული იყო პედაგოგიური ფაკულტეტის საჯარო სხდომა, რომელსაც ქრისტინე შარაშიძე უნდა დასწრებოდა. ბილეთს ხელი მოაწერა პედაგოგიური ფაკულტეტის მდივანმა ს. ყაუხჩიშვილმა.
1918
ტიპი: ღონისძიება
1918 წლის 19 ნოემბრის მთავრობის სხდომაზე სამხედრო მინისტრ გრიგოლ გიორგაძის წინადადებით ხორუნჟ (დაბალი ჩინის ოფიცერი) ალექსი დრობაშევისთვის ქვეყნის დემოკრატიის წინაშე განსაკუთრებული დამსახურებისთვის ათასი მანეთის გადაცემა გადაწყდა.
1918
ტიპი: ღონისძიება
1918 წლის 19 ნოემბრის მთავრობის სხდომაზე განათლების მინისტრის წინადადებით გადაწყდა: ბათუმის ქალთა გიმნაზიის მასწავლებლად ნამუშევარ მარიამ ასათიანს შემწეობის სახით მიეცეს 500 მან.
1964
ტიპი: ორგანიზაცია
1964 წელს საქართველოს სსრ მინისტრთა საბჭოსთან არსებული პერსონალური პენსიების სექტორის გამგეობამ ორჯონიკიძის სოციალური უზრუნველყოფის განყოფილებას შეატყობინა, რომ ქრისტინე შარაშიძეს დაენიშნა პერსონალური პენსია. თუ ის იღებდა სხვა სახის პენსიას, უნდა შეეწყვიტათ და მიეცათ ცნობა, რა თანხა ჰქონდა მიღებული 1964 წლის 1-ელი ნოემბრიდან, რათა შემდეგ ეს თანხა დაექვითათ. თუ შარაშიძე არ იღებდა სხვა სახის პენსიას, მისთვის ამის დამადასტურებელი ცნობა უნდა მიეცათ.
1964
ტიპი: პირადი ინფორმაცია
1964 წლის პირველი ნოემბრიდან ქრისტინე შარაშიძეს, საქართველოს სსრ მინისტრთა საბჭოსთან არსებული პერსონალური პენსიების დამნიშვნელი კომისიის გადაწყვეტილებით, რესპუბლიკური მნიშვნელობის პერსონალური პენსია, 80 მანეთი დაენიშნა.
1950
ტიპი: პირადი ინფორმაცია
1950 წლის 15 მარტიდან ამავე წლის 8 აპრილამდე ქრისტინე შარაშიძე საქართველოს სსრ მეცნიერებათა აკადემიის კლინიკური და ექსპერიმენტული კარდიოლოგიის ინსტიტუტის კლინიკურ სტაციონარში იმყოფებოდა.
1922
ტიპი: ნასამართლეობა
1922 წლის 18 თებერვალს ქრისტინე შარაშიძე დააპატიმრეს და იმავე წლის 9 მაისს გაათავისუფლეს.
1905
ტიპი: ღონისძიება
1905 წლის შემოდგომაზე ქრისტინე შარაშიძე ოჯახთან ერთად საცხოვრებლად გადავიდა თბილისში, სადაც ოჯახის უმცროსი თაობა რევოლუციურ მოძრაობაში მონაწილეობდა.
1888
ტიპი: ღონისძიება
1888 ნიკო საძაგლიშვილმა ქართველთა შორის წერა-კითხვის გამავრცელებელი საზოგადოებისგან მიიღო წიგნები.
1888
ტიპი: ღონისძიება
1888 წელს ალექსანდრე მუსხელიშვილს ქართველთა შორის წერა-კითხვის გამავრცელებელმა საზოგადოებამ ახალციხეში გაუგზავნა წიგნების სია.
1888
ტიპი: ღონისძიება
1888 წელს ქართველთა შორის წერა-კითხვის გამავრცელებელმა საზოგადოებამ მიშო მაჩაბელს ყვირილაში გასაყიდად წიგნები გაუგზავნა.
1889
ტიპი: ღონისძიება
1889 წელს კალანდაძემ ქართველთა შორის წერა-კითხვის გამავრცელებელი საზოგადოებისგან წიგნები წაიღო გორში გასაყიდად.
1887
ტიპი: ღონისძიება
1887 წელს ქართველთა შორის წერა-კითხვის გამავრცელებელმა საზოგადოებამ ნორიოს სკოლის მასწავლებელ, ლ. ქართველიშვილს გასაყიდი წიგნების სია გაუგზავნა.
1887
ტიპი: ღონისძიება
1887 წელს ქართველთა შორის წერა-კითხვის გამავრცელებელმა საზოგადობამ ივანე ნიკოლოზის ძე ზედგინიძეს ახალციხეში გასაყიდი წიგნების სია გაუგზავნა.
ტიპი: ავტორობა
ნინო ანდრონიკაშვილმა შეადგინა სია წიგნებისა, რომელიც უნდა გაეგზავნათ სიღნაღში გასაყიდათ.
1918
ტიპი: ღონისძიება
1918 წლის 26 ნოემბრის მთავრობის სხდომაზე მოისმინეს შინაგან საქმეთა მინისტრის მოხსენება საქართველოს დამოუკიდებლობის გამოცხადებიდან ექვსი თვის გასვლის შესახებ. გადაწყდა, ამ დღის აღსანიშნავად გაიმართოს პარლამენტის საზეიმო სხდომა.
1918
ტიპი: ღონისძიება
1918 წლის 26 ნოემბრის მთავრობის სხდომაზე მთავრობის თავმჯდომარესა და საგარეო საქმეთა მინისტრს მიენდოთ განმარტების გამოქვეყნება ინგლისელებისა და მათი მოკავშირეების საქართველოსთან დამოკიდებულების შესახებ.
1918
ტიპი: ღონისძიება
1918 წლის 26 ნოემბრის მთავრობის სხდომაზე მოისმინეს მთავრობის თავმჯდომარის მოხსენება აჭარაში ბაჟების გაუქმების შესახებ. რკინიგზით გასატან-შემოსატანი საქონლის გარდა ბაჟი მოხსნეს სასოფლო ნაწარმზე.
1918
ტიპი: თანამდებობა
1918 წლის 21 ნოემბრის მთავრობის სხდომაზე მოისმინეს იუსტიციის მინისტრის მოხსენება ქუთაისის საგანგებო სასამართლოს შესახებ. დაადგინეს: სასამართლოს წევრებად დაინიშნენ სამტრედიის რევოლუციური ტრიბუნალის ყოფილი თავმჯდომარე მიტროფანე ჯანელიძე და წევრები – ევგენი ძიძიგური, ბესარიონ ფარცვანია; ბრალმდებლის მეორე მოადგილედ კი –ტრიბუნალის ყოფილი გამგებელი პავლე წულაია.
1918
ტიპი: თანამდებობა
1918 წლის 21 ნოემბრის მთავრობის სხდომაზე ქუთაისის საგანგებო სასამართლოს წევრებად დაინიშნენ: იაკობ სპირიდონის ძე ფანცხავა და შალვა იოსების ძე სანებლიძე; ბრალმდებლის მოადგილედ დანიშნეს გედეონ გაბუნია.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -