ქშწკგს პროსოპოგრაფია

ფაქტები

რეგისტრირებული ფაქტები41868

1919

ტიპი: ღონისძიება

1919 წლის 17 მაისს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს ზუბალაშვილის სახელობის ყოფილი სტიპენდიატის დავით ანდუყაფარის ძე ჩხეიძის (თურდოპირელი) თხოვნა, მისგან საკომისიოდ მიღებული წიგნების „გაწყვეტილი ზღაპრის“ ფასი ვალად ჩარიცხოდა. მისი ვალი შეადგენდა 1200 მანეთს, ხოლო მიღებული საკომისიო წიგნების ღირებულება – 800 მანეთს. გამგეობამ წინადადება მიიღო.

1919

ტიპი: ღონისძიება

1919 წლის 17 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი შიო მღვიმელის საბავშვო ლექსების გამოცემის შესახებ. სასკოლო სექციამ დაადგინა, რომ გამოიცეს შიო მღვიმელის ლექსები ოთხ წიგნად, იპოლიტე ვართაგავას წინადადების შესაბამისად. ავტორს 1200 მანეთი უნდა გადაეცეს ჰონორარის სახით. გამგეობამ ამ საკითხის განხილვა მომდევნო სხდომისთვის გადადო.

1919

ტიპი: ღონისძიება

1919 წლის 17 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე წერაქვის სკოლის მასწავლებელ მარიამ ღიბრაძის საკითხი განიხილეს. ვინაიდან, წერაქვში იმატა სომხებსა და ქართველებს შორის შეტაკებებმა და გახშირებული იყო გზაზე ძარცვა-გლეჯა, ქალი მასწავლებლის იქ წასვლა შეუძლებელი იყო. სექციამ საჭიროდ ჩათვალა, გადაეხედა გამგეობის დადგენილებისთვის ღიბრაძესთან დაკავშირებით. მისთვის უნდა მიეცათ ჯამაგირი სამოსწავლო წლის ბოლომდე, რადგან იგი აღდგომამდე, ე. ი. თითქმის წლის ¾ ნაყოფიერად მუშაობდა სკოლაში. მიზანშეწონილი იქნებოდა, თუ გამგეობა ღიბრაძეს მასწავლებლად ბორჩალოს სკოლაში დანიშნავდა. გამგეობამ საკითხის განხილვა გადადო.

1919

ტიპი: ღონისძიება

1919 წლის 17 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ წევრები: შ. დედაბრიშვილი, ვ. ბურჯანაძე, ი. ვართაგავა, თავმჯდომარეობდა დ. კარიჭაშვილი.

1919

ტიპი: ღონისძიება

1919 წლის 10 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი ს. იაშვილის წიგნის „ბუნების მეტყველების“ I ნაწილის მომატებული ფასიდან ჰონორარის მიცემის შესახებ და დაადგინეს, წიგნის ფასიდან (2 მანეთი) ნახევარი ჰონორარად მიეცეს.

1919

ტიპი: ღონისძიება

1919 წლის 10 მაისს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მოისმინეს სამწერლობო სექციის დადგენილება რუსული ენიდან სათარგმნი მასალების შესახებ.

1919

ტიპი: ღონისძიება

1919 წლის 10 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომამ განიხილა დიმიტრი უზნაძის წინადადება, რომ საზოგადოებამ შეიძინოს მისგან საშუალო სკოლების სახელმძღვანელო „ახალი ისტორიის სახელმძღვანელო XVIII-XIX საუკუნეებიდან“ 5000 ცალი და გამოსცეს შემდეგი წიგნები: „ძველი აღმოსავლეთი“ (მე-3 გამოცემა), „ძველი საბერძნეთი“ (მე-2 გამოცემა), ძველი რომი“ (1-ლი გამოცემა), „საშუალო ისტორია“ (1-ლი გამოცემა). გამგეობამ პრინციპულად მისაღებად მიიჩნია დ. უზნაძის წინადადება და მიღებული წესების თანახმად, წინასწარ განსახილველად გადაუგზავნა სათანადო კომისიას და გადაწყვიტა, გაემართა ავტორთან მოლაპარაკება.

1919

ტიპი: ღონისძიება

1919 წლის 10 მაისს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ლიხაურის განყოფილების შუამდგომლობა ბიბლიოთეკა-სამკითხველოს წიგნებითა და ფულით დახმარების შესახებ. გამგეობის ცნობით, ბიბლიოთეკა ოსმალოებმა გაანადგურეს. საზოგადოებამ დაადგინა, სამკითხველოს 500 მანეთის წიგნებით დახმარებოდა.

1919

ტიპი: ღონისძიება

1919 წლის 10 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წერაქვის სკოლის მასწავლებელის, მარიამ ღიბრაძის თხოვნა, წერაქვში შექმნილი საერთო მდგომარეობის გამო საზოგადოების რომელიმე სკოლაში თავისუფალ ადგილზე დაენიშნათ. გამგეობის ცნობით, თავისუფალი ადგილი იყო ბორჩალოს სკოლაში, სადაც იანვრიდან სწავლა არ წარმოებდა პედაგოგ აბდუშელიშვილის ავადმყოფობის გამო. გამგეობის გადაწყვეტილებით, მარიამ ღიბრაძე უნდა გაეთავისუფლებინათ სამსახურიდან და მიეცათ მისთვის სალიკვიდაციო ერთი თვის ჯამაგირი.

1919

ტიპი: ღონისძიება

1919 წლის 10 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თ. გ. კიკვაძე, მდივანი ვ. ბურჯანაძე, წევრები: ი. ვართაგავა, შ. დედაბრიშვილი, ს. იაშვილი. სხდომას დ. კარიჭაშვილი თავმჯდომარეობდა.

1919

ტიპი: ღონისძიება

1919 წლის 7 მაისს ქართველთა შორის წერა-კითხვის გამავრცელებელი საზოგადოების გამგეობის სხდომაზე იმ სტიპენდიატების საკითხი განიხილეს, რომლებიც არსებული წესების მიუხედავად სასტიპენდიო ვალს უკან არ აბრუნებდნენ. გამგეობის გადაწყვეტილებით, მიმართვა გაზეთებში ვალის დაბრუნებასთან დაკავშირებით კიდევ ერთხელ გამოცხადდა. თუ ისინი არ გამოეხმაურებოდნენ ამ განცხადებას, მათი გვარი და სახელი პრესაში დაიბეჭდებოდა.

1919

ტიპი: ღონისძიება

1919 წლის 7 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი ზოგიერთ წიგნზე ფასების მომატებასთან დაკავშირებით. გამგეობამ მიანდო სამწიგნობრო სექციას, მოემატებინა წიგნებზე ფასები, არა უმეტეს 100%-ისა.

1919

ტიპი: ღონისძიება

1919 წლის 7 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სარევიზიო კომისიის 11 მაისს დანიშნული კრების გადადების საკითხი, რადგანაც ვერ მოესწრებოდა წლიური ანგარიშის განხილვა. გამგეობამ შეუძლებლად სცნო კრების გადადება, რადგან ის წესდების ძალით თავის დროზე იყო გამოცხადებული და პროვინციებიდან რწმუნებულები ჩამოდიოდნენ. გამგეობამ ჩათვალა, რომ ანგარიშის განხილვა შეუმოწმებლად შეიძლებოდა და საჭოროებას წარმოადგენდა საზოგადოების სამოქმედო გეგმისა და მთავრობისგან სუბსიდიის გამოთხოვის საკითხების განხილვა.

1919

ტიპი: ღონისძიება

1919 წლის 7 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: შ. დედაბრიშვილი, ს. იაშვილი, თავმჯდომარეობდა დ. გ. კარიჭაშვილი.

1919

ტიპი: ღონისძიება

1919 წლის 3 მაისს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ონოღიის სამკითხველოს გამგეობის თხოვნა წიგნებით დახმარების შესახებ. გამგეობამ სამკითხველოს 5 თუმნის წიგნები გაუგზავნა.

1919

ტიპი: ღონისძიება

1919 წლის 3 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საზოგადოების გამგეობის 1918 წლის მოქმედების ანგარიში. გამგეობამ ანგარიში დაამტკიცა და გადასცა სარევიზიო კომისიას განსახილველად.

1919

ტიპი: ღონისძიება

1919 წლის 3 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაში მონაწილეობდნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: ს. იაშვილი, კ. ქავთარაძე, ი. გიორგობიანი, თავმჯდომარეობდა დ. კარიჭაშვილი.

1919

ტიპი: ღონისძიება

1919 წლის 30 აპრილის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მოისმინეს სამწიგნობრო სექციის თავმჯდომარე თ. კიკვაძის მოხსენება ავტორთა ჯილდოს ნორმის დაწესების შესახებ. გამგეობამ მიიღო ეს ნორმა.

1919

ტიპი: ღონისძიება

1919 წლის 30 აპრილს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მოისმინეს სამწიგნობრო სექციის თავმჯდომარის თ. კიკვაძის მოხსენება წიგნებისთვის საჭირო ქაღალდის უქონლობის შესახებ. თ. კიკვაძე თვლიდა, რომ საზოგადოების საარსებო წყაროს წიგნებით ვაჭრობა წარმოადგენდა და მისი უქონლობა კატასტროფას წარმოადგენდა. საჭირო იყო ქაღალდის შეძენა კონსტანტინოპოლში, სადაც იმყოფებოდა გამგეობის ყოფილი წევრი გრ. რცხილაძე, რომელიც იკისრებდა ამ დავალების შესრულებას. იმავე კვირაში კონსტანტინოპოლში მიემგზავრებოდა ექიმი ვახტანგ ღამბაშიძე, რომელიც შეძლებდა რცხილაძესთან წერილისა და თანხის ჩატანას. გამგეობამ დ. კარიჭაშვილსა და შ. დედაბრიშვილს ბანკებთან სესხის აღების შესახებ მოლაპარაკების დაწყება დაავალა.

1920

ტიპი: ღონისძიება

1920 წლის 21 თებერვლის ქართველთა შორის წერა-კითხვის გამავრცელებელი საზოგადოების სხდომაზე განიხილეს თევდორე კიკვაძის მოხსენება, „დედა ენის“ პირველი ნაწილის დასურათების შესახებ. გამგეობის გადაწყვეტილებით, კომისიას გამგეობისთვის დასრულებული მოთხრობების სია და „დედა ენის“ პირველი ნაწილი უნდა წარედგინა.

1920

ტიპი: ღონისძიება

1920 წლის 21 თებერვალს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე განიხილეს აწყურის სკოლის შეტყობინება სწავლის დაწყების შესახებ. სკოლის 100-მდე მოსწავლისთვის საჭირო იყო სახელმძღვანელოები და სასწავლო ნივთები.

1920

ტიპი: ღონისძიება

1920 წლის 21 თებერვალს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე აღნიშნეს, რომ 1919 წლის 28 სექტემბრის სხდომაზე ლიხაურის თემის საბჭომ ქართველთა შორის წერა-კითხვის გამავრცელებელი საზოგადოების ადგილობრივი განყოფილების გაუქმება გადაწყვიტა.

1920

ტიპი: ღონისძიება

1920 წლის 13 თებერვალს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს იუსტინე აბულაძის წინადადება „ვეფხისტყაოსნის“ 23-ე გამოცემის დაბეჭდვის შესახებ. გამგეობამ გადაწყვიტა, ჯერ „ვეფხისტყაოსნის“ თავისი გამოცემა დაებეჭდა, შემდეგ კი – იუსტინე აბულაძისა.

1920

ტიპი: ღონისძიება

1920 წლის 7 თებერვლის ქართველთა შორის წერა-კითხვის გამავრცელებელი საზოგადოების სხდომაზე განიხილეს წიგნების აკინძვის საკითხი. თედო კიკვაძის მოხსენების მიხედვით, წიგნების მკინძავი ვერ ასრულებდა მოვალეობას. გამოცემების დროზე ჩასაბარებლად გამგეობამ მკინძავ ვასილ ყიფიანს მოსამსახურეებისთვის მოვალეობების გაზრდა შესთავაზა.

1920

ტიპი: ღონისძიება

1920 წლის 31 იანვრის ქართველთა შორის წერა-კითხვის გამავრცელებელი საზოგადოების სხდომაზე განიხილეს გიორგი ჯავახიშვილის თხოვნა, მის მიერ ნათარგმნი წიგნის ჰონორარის ანგარიშში 600 მანეთის ავანსით მიცემის შესახებ. გამგეობამ მისი თხოვნა დააკმაყოფილა.