ქშწკგს პროსოპოგრაფია

ფაქტები

რეგისტრირებული ფაქტები41868

1920

ტიპი: ავტორობა

1920 წლის 26 მაისს გამოვიდა სახელმწიფო უნივერსიტეტის სტუდენტთა ჯგუფის სამეცნიერო, ლიტერატურული და პოლიტიკური ჟურნალი „მომავალი“. პირველ ნომერში დაიბეჭდა ამიერკავკასიის უნივერსიტეტის პრივატ-დოცენტის, ლეონ მელიქსეთ-ბეგის ტექსტი თბილისის სახელმწიფო უნივერსიტეტის რექტორის, პროფესორ ივანე ჯავახიშვილის ბიოგრაფიული ცნობებისა და სამეცნიერო მოღვაწეობის შესახებ. მას დართული ჰქონდა ივანე ჯავახიშვილის ფოტო და ნაშრომთა სია (1897-1920).

1920

ტიპი: ღონისძიება

1920 წლის 26 მაისს საქართველოს დიპლომატიური წარმომადგენელი გრიგოლ რცხილაძე კონსტანტინოპოლიდან თბილისში დაბრუნდა.

1910

ტიპი: ავტორობა

1920 წლის 26 მაისს საგარეო საქმეთა მინისტრმა ევგენი პეტრეს ძე გეგეჭკორმა სომხეთის მინისტრთა თავმჯდომარის, ამაზასპ ოგანესის ძე ოგანჯიანისგან საქართველოს დამოუკიდებლობის ორი წლისთავზე მისალოცი დეპეშა მიიღო.

1920

ტიპი: ღონისძიება

1920 წლის 26 მაისის დღესასწაულის ორგანიზება დამფუძნებელი კრების წევრ გრიგოლ ტიმოთეს ძე გიორგაძეს დაავალეს.

1918

ტიპი: ავტორობა

1918 წლის 6 სექტემბერს გაზეთ „საქართველოს რესპუბლიკის” ცნობით, იბეჭდებოდა და მალე გამოვიდოდა იოსებ გრიშაშვილის წიგნი „საიათნოვა და ძველი ტფილისი“.

1918

ტიპი: ღონისძიება

1918 წლის 8 სექტემბერს სახალხო გვარდიის მთავარმა შტაბმა ორთაჭალაში (ხარფუხის რაიონი) ახალი მუშათა კლუბი გახსნა. გახსნაზე სიტყვით გამოვიდნენ ნიკოლოზ ჩხეიძე, ალექსანდრე ლომთათიძე და სხვადასხვა დემოკრატიული დაწესებულებისა და ორგანიზაციის წარმომადგენლები. კლუბის გამგეობა მხატვრულ-ლიტერატურულ, დრამატულ და მუსიკალურ სექციებად იყო დაყოფილი.

1918

ტიპი: ღონისძიება

1918 წელს სამხედრო მინისტრმა გრიგოლ გიორგაძემ ხუთი სახალხო გვარდიელი მეორე ხარისხის გიორგის ჯვრით დააჯილდოვა, 77 – მესამე ხარისხის ჯვრით, 37-მა კი მეოთხე ხარისხის გიორგის ჯვარი მიიღო. მესამე ხარისხის გიორგის ჯვრით დააჯილდოვეს ვერა ლუბატოვიჩიც, ხოლო მეოთხით – თამარა სამხარაძე.

1918

ტიპი: გარდაცვალება

1918 წლის 4 ოქტომბერს ცხინვალიდან სოფელ ზემო ნიქოზში დაბრუნებისას ცხინვალის გიმნაზიის მასწავლებელი ალექსანდრე ილარიონის ძე კასრაძე მოკლეს. 

1918

ტიპი: ღონისძიება

1918 წელს გოლოვინის პროსპექტის №10-ში ახალი თეატრის, „არგონავტების ნავის“, გახსნას დაესწრნენ ქართველი მწერლები, პოეტები, ეროვნული საბჭოს წევრები და რუსი მხატვრები, მათ შორის პოეტი გოროდეცკი და კომპოზიტორი ჩერეპნინი. მწერალი ლვოვი საზოგადოებას მიესალმა და ამ საქმის მოთავე ჯგუფის მიზანი გააცნო – ისეთი კუთხის მოწყობა, სადაც შეიკრიბებოდნენ ლიტერატორები, რომლებიც პოლიტიკისგან შორს იქნებოდნენ.

1918

ტიპი: ავტორობა

1919 წლის 5 სექტემბრის გაზეთ „საქართველოს რესპუბლიკის“ ცნობით, ისტორიკოსი და პუბლიცისტი სიმონ ქვარიანი ახალი წიგნის „თავისუფალი საქართველოს“ წერას შეუდგა.

1924

ტიპი: ნასამართლეობა

1924 წლის 28 თებერვალს გიორგი ვასილის ძე ქოჩიაშვილი თბილისში დააკავეს. მას ბრალად სასამართლო კანცელარიის ბეჭედდასმული ფურცლების დაბეჭდვა და გოგიტა ფაღავასთვის გადაცემა ედებოდა.

1924

ტიპი: განათლება

პირადი საქმის მიხედვით, რაფიელ ივანეს ძე ჩხაიძეს ჰქონდა უმაღლესი განათლება, პროფესიით იყო მასწავლებელი.

1890

ტიპი: ორგანიზაცია

1890 წელს დაბადებული რაფიელ ივანეს ძე ჩხაიძე იყო მენშევიკების კომიტეტის წევრი. არალეგალურად მუშაობდა ბათუმში. ცნობილი არ არის, რა ევალებოდა პარტიაში და რითი იყო დაკავებული. მონაწილეობდა ბოლშევიკების წინააღმდეგ ბრძოლაში. იგი ოფიცრის ჩინით ეროვნულ გვარდიაში მსახურობდა.

1919

ტიპი: ავტორობა

1919 წლის 19 დეკემბრის გაზეთ „სახალხო საქმის“ ცნობით, ქართულმა საყმაწვილო გამომცემლობამ „სურათები-ზღაპრები“ დავით დარისპანის ძე დონდუას და სიმონ ჯაფარიძის საყმაწვილო წიგნაკი „ყვავი, ბუ და მელაკუდა“ გამოსცა. წიგნი 5 მანეთი ღირდა.

1919

ტიპი: ღონისძიება

1919 წლის დეკემბერში 10 მერვეკლასელს, რომლებიც გვარდიის დღეს მწკრივში არ ჩადგნენ, მეორე გიმნაზიის დირექტორმა სილოვან ხუნდაძემ ფიზიკური და სიტყვიერი შეურაცხყოფა მიაყენა და გიმნაზიიდან დაითხოვა.

1919

ტიპი: ავტორობა

1919 წლის 19 დეკემბრის გაზეთ „საქართველოს რესპუბლიკის“ ცნობით, წერა-კითხვის გამავრცელებელმა საზოგადოებამ შიო არაგვისპირელის I, II, III წიგნი, ილია ჭავჭავაძის „გლახის ნაამბობი“ და ლავრენტი არდაზიანის „სოლომონ მეჯღანუაშვილი“ გამოსცა.

1918

ტიპი: თანამდებობა

1918 წლის აგვისტოში ფილიპე მახარაძე კავკავში ფინანსთა მინისტრად დანიშნეს.

1918

ტიპი: ავტორობა

1918 წლის 28 აგვისტოს გაზეთ „საქართველოს რესპუბლიკის“ ცნობით, განათლების სამინისტრომ პედაგოგებს მამულაშვილს და მილლერს თბილისში მოსამზადებელი კურსების ქართულ ენაზე გახსნის უფლება მისცა.

1919

ტიპი: ღონისძიება

1919 წლის 19 დეკემბერს საქართველოს პრესბიურომ პარიზიდან მიიღო ჟურნალი "L'image" („სახე“), რომლის ყდაზე იყო ინფორმაცია საქართველოს დამოუკიდებლობის შესახებ, ნოე ჟორდანიას, მინისტრების, თამარ მეფის, ერეკლე მეორის, შოთა რუსთაველის, ილია ჭავჭავაძის, აკაკი წერეთლისა და სხვ. სურათები.

1919

ტიპი: ავტორობა

1919 წლის დეკემბერში ქართულმა საოპერო სტუდიამ სახალხო თეატრში დიმიტრი არაყიშვილის ოპერა „თქმულება შოთა რუსთაველზე“ დადგა.

1919

ტიპი: ავტორობა

1919 წლის 18 დეკემბერს გაზეთ „საქართველოს რესპუბლიკაში“ გამოქვეყნებულ ნოე ჟორდანიას მოხსენებაში მიმოხილული იყო ქვეყნის საგარეო და საშინაო პოლიტიკა, დამოკიდებულება მეზობელ ერებთან, სასამართლო და ეკონომიკური მდგომარეობა.

1919

ტიპი: ღონისძიება

1919 წლის დეკემბრის შუა რიცხვებში სახალხო გვარდიის დღესასწაულის გამო ნოე ჟორდანიამ, სახალხო გვარდიამ და დამფუძნებელი კრების პრეზიდიუმმა სხვადახვა კუთხიდან და ორგანიზაციებიდან მიიღეს მისალოცი დეპეშები.

1919

ტიპი: ღონისძიება

1919 წელს სასტუმრო „ორიენტში“ საფრანგეთის ხმელთაშუა ზღვის საზღვაო ძალების ამირბარ ფერდინანდ ჟან-ჟაკ დე ბონის პატივსაცემად გამართულ ბანკეტს დაესწრნენ დე ბონი, ნოე ბესარიონის ძე რამიშვილი, ნოე გიორგის ძე ხომერიკი, კონსტანტინე პლატონის ძე კანდელაკი და სხვა თანამდებობის პირები.

1919

ტიპი: ავტორობა

სამხედრო მინისტრის განკარგულებით ოფიცერთა ეკონომიური საზოგადოების მთელი შემადგენლობა თანამდებობიდან გადააყენეს.

1919

ტიპი: ავტორობა

1919 წლის 15 დეკემბრის გაზეთ „საქართველოს რესპუბლიკის“ ცნობით, წერა-კითხვის გამავრცელებელი საზოგადოება ივანე მიხეილის ძე გომელაურის „ქართველი მწერლების“ პირველი ნაწილის გამოცემას აპირებდა.