ქშწკგს პროსოპოგრაფია

ფაქტები

რეგისტრირებული ფაქტები46487

ფილტრი:
ფაქტის ტიპი ღონისძიება

1883

ტიპი: ღონისძიება

1883 წლის 10 დეკემბერს ილია ჭავჭავაძემ პეტრე უმიკაშვილთან და ალექსანდრე სარაჯიშვილთან ერთად „ვისრამიანის“ რამდენიმე ხელნაწერის რედაქტირება დაამთავრა.

1905

ტიპი: ღონისძიება

1905 წელს გიორგი ჟურულმა საკუთარ მოგონებებში დაწერა, რომ გიორგი შერვაშიძეს არც აფხაზისთვის დამახასიათებელი თვისებები შემორჩენოდა და არც ქართველისა.

1905

ტიპი: ღონისძიება

1905 წელს გიორგი ჟურულმა საკუთარ მოგონებებში დაწერა, რომ თბილისის ყოფილი გუბერნატორის გიორგი შერვაშიძის თქმით, დავით მელიქიშვილი საქართველოს გაათავისუფლებდა ისე, რომ რუსეთის არც ერთ კანონს არ დაარღვევდა.

1884

ტიპი: ღონისძიება

1884 წლის 18-21 იანვარს ილია ჭავჭავაძე პეტერბურგში საადგილმამულო ბანკების წარმომადგენელთა მეხუთე ყრილობის ოთხივე სექციის შეხვედრას დაესწრო.

1884

ტიპი: ღონისძიება

1884 წლის 18 იანვარს ილია ჭავჭავაძე პეტერბურგში ვასილ მაჩაბლის ოჯახში დაბინავდა.

1884

ტიპი: ღონისძიება

1884 წლის იანვარში ილია ჭავჭავაძე პეტერბურგში სამიწათმოქმედო-საკრედიტო დაწესებულებების წარმომადგენელთა მეხუთე ყრილობაში მონაწილეობის მისაღებად გაემგზავრა.

1884

ტიპი: ღონისძიება

1884 წლის 10 იანვარს თბილისის სათავადაზნაურო-საადგილმამულო ბანკის თავმჯდომარის მოვალეობის შემსრულებელმა ალექსანდრე ჩოლოყაშვილმა ილია ჭავჭავაძეს აცნობა, რომ რუსეთის სამიწათმოქმედო-საკრედიტო დაწესებულებების წარმომადგენელთა V ყრილობაზე მიიწვიეს.

1884

ტიპი: ღონისძიება

1884 წლის 7 იანვარს პეტრე უმიკაშვილს „ვისრამიანის“ კორექტირებასა და ბეჭდვაზე გაწეული ზედამხედველობისთვის 160 მანეთი გადასცეს.

1884

ტიპი: ღონისძიება

1884 წლის იანვარში ილია ჭავჭავაძემ ილია ოქრომჭედლიშვილისგან წერილი და ქართული თეატრალური დასისთვის 1700 მანეთი მიიღო.

1884

ტიპი: ღონისძიება

1884 წლის იანვარში ილია ჭავჭავაძემ პეტრე უმიკაშვილსა და ალექსანდრე სარაჯიშვილთან ერთად „ვისრამიანის“ საბოლოო რედაქციასა და მის ლექსიკონზე მუშაობა განაგრძო.

1883

ტიპი: ღონისძიება

1883 წლის დეკემბერში ილია ჭავჭავაძე ნიკო ხიზანიშვილსა და ელისაბედ ჩერქეზიშვილს ესტუმრა და მათი ახალშობილი მოინახულა.

1883

ტიპი: ღონისძიება

1883 წლის დეკემბერში ილია ჭავჭავაძემ გუბერნიის სახალხო სკოლების დირექტორ ნიკოლაი დარსკის აცნობა, რომ თონეთის სკოლაში სწავლა თავდაპირველად ქართულ ენაზე დაიწყებოდა, რუსული კი წლის მეორე ნახევრიდან დაემატებოდა.

1883

ტიპი: ღონისძიება

1883 წლის დეკემბერში ილია ჭავჭავაძის პოემა „განდეგილი“ ცალკე წიგნად დაიბეჭდა.

1883

ტიპი: ღონისძიება

1883 წლის 29 დეკემბრის გაზეთ „დროებაში“ ილია ჭავჭავაძემ სიძესთან, ნიკოლოზ აფხაზთან ერთად, თავისი დის, ნინო ჭავჭავაძე-აფხაზის გარდაცვალების შესახებ განცხადება გამოაქვეყნა.

1883

ტიპი: ღონისძიება

1883 წლის 4 ოქტომბერს თბილისის გუბერნიის დეპუტაცია, შემდეგი შემადგენლობით: ნიკოლოზ ზურაბის ძე ჭავჭავაძე, ივანე ამილახვარი, ალექსანდრე საგინაშვილი, ივანე ორბელიანი, იასე ანდრონიკაშვილი, ნიკოლოზ, დიმიტრი და ილია ჭავჭავაძეეები, ნიკოლოზ და ერასტი ზაალის ძე ჩოლოყაშვილები, რომელთაც დავით სუმბათაშვილი ხელმძღვანელობდა, რკინიგზის სადგურში გზათა მინისტრ კონსტანტინე პოსეტს დახვდნენ და კახეთის რკინიგზის პროექტის დაემტკიცება სთხოვეს.

1898

ტიპი: ღონისძიება

1898 წლის 5 იანვარს ილია ჭავჭავაძე დაესწრო ილია ოქრომჭედლიშვილის სამგლოვიარო პროცესიას.

1891

ტიპი: ღონისძიება

1891 წლის 27 დეკემბერს დროებით შეწყდა ილია ჭავჭავაძეზე დაწესებული პოლიციის ზედამხედველობა.

1891

ტიპი: ღონისძიება

1891 წელს ილია ჭავჭავაძემ საგურამოში გოტფრიდ მერცბახერს უმასპინძლა.

1891

ტიპი: ღონისძიება

1891 წელს ილია ჭავჭავაძემ რუსეთიდან ინკუბატორი გამოიწერა და საგურამოში ქათმების მოშენება დაიწყო.

1892

ტიპი: ღონისძიება

1892 წლის 3 მარტს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ალექსანდრე ზუბალაშვილს მუზეუმის ასაგებად საზოგადოებისთვის ადგილის შეწირვა სთხოვეს.

1891

ტიპი: ღონისძიება

1891 წლის ნოემბერში რუსმა პოეტმა მარია დავიდოვამ ილია ჭავჭავაძეს მადლობა გადაუხადა კრებულის მიწოდებისთვის და გამოუგზავნა ლექსები და საკუთარი ნაშრომი მოცარტის შესახებ.

1876

ტიპი: ღონისძიება

1876 წლის 8 აგვისტოს გაზეთ „დროებაში“ დაიბეჭდა ინფორმაცია იმის შესახებ, რომ ილია ჭავჭავაძემ მონაწილეობა მიიღო ბალკანეთის ნახევარკუნძულის მებრძოლთა სასარგებლოდ თბილისის კლუბში გამართულ საქველმოქმედო ლიტერატურულ-მუსიკალურ საღამოში.

1891

ტიპი: ღონისძიება

1891 წლის 14 მაისს თბილისის სათავადაზნაურო-საადგილმამულო ბანკის წლიურ კრებაზე ილია ჭავჭავაძემ წაიკითხა მოხსენება თავისი მმართველობის შესახებ.

1891

ტიპი: ღონისძიება

1891 წლის 27 დეკემბერს ილია ჭავჭავაძეზე დაწესებული პოლიციის ზედამხედველობა დროებით შეწყდა.

1921

ტიპი: ღონისძიება

1921-1945 წლებში ექვთიმე სიმონის ძე თაყაიშვილი ემიგრაციაში საქართველოს სამუზეუმო განძს იცავდა.