1920

ტიპი: ღონისძიება

1920 წლის 21 ივნისის თბილისის მე-3 ვაჟთა გიმნაზიის პედაგოგიური საბჭოს (დირექტორი – ალექსანდრე დავითის ძე საფაროვი, საქმისმწარმოებელი – დავით სოლომონის ძე ხახანოვი) სხდომის ამონაწერის მიხედვით, 1919-20 სასწავლო წელს ჰიგიენაში კურსი სრულად გავლილი იყო. მასწავლებელი თვლიდა, რომ მე-8 კლასში ჰიგიენის ნაყოფიერად გავლისთვის საჭირო იყო მოსწავლეებმა ელემენტარული ჰიგიენა, ადამიანის ანატომია და ფიზიოლოგია უფრო დაწვრილებით მე-5 და მე-8 კლასებს შორის შეისწავლონ.

1916

ტიპი: ღონისძიება

1916 წლის 14 თებერვალს ბათუმში გიორგი იშხნელის მონაწილეობით აკაკი წერეთლის ხუთმოქმედებიანი დრამა „პატარა კახი“ წარმოადგინეს.

1920

ტიპი: ღონისძიება

1920 წელს მეღვინე-მევენახეთა კონგრესის წევრი ვასილ ილიას ძე რცხილაძე წერდა, რომ კონგრესმა იმსჯელა და ჩამოაყალიბა დარგის საჭიროებანი.

1919

ტიპი: ღონისძიება

1922 წლის 22 სექტემბრის გაზეთი „ვოლნი გორეცი“ წერადა, რომ 13 სექტემბერს, შაბათს, თბილისში, ვერის დაღმართზე მოხდა ტერორისტული აქტი: ორი ბომბი შეუგდეს მანქანას, რომლითაც თანმხლებ პირებთან ერთად მგზავრობდა გენერალი ნიკოლოზ ბარათოვი – სამხრეთ რუსეთის შეიარაღებული ძალების მთავარსარდლის წარმომადგენელი ამიერკავკასიაში. აფეთქებას ემსხვერპლნენ სამნი: მძღოლი, მისი თანაშემწე და პოლკოვნიკი სელიმ ალხავი. გენერალი ბარათოვი ფეხში დაიჭრა მძიმედ, ხოლო გენერალი ოდიშელიძე – თავში. გაზეთისავე ცნობით, ოპერაციის შემდეგ ბარათოვი მომჯობინებას იწყებდა.

1920

ტიპი: ღონისძიება

1920 წლის 9 ივლისის გაზეთი „ერთობა“ წერდა, რომ 10 ივლისს, მეორე ქართულ კლუბში (პლეხ. ქ. N129) გ. ქუჩიშვილის საღამო გაიმართებოდა. სიტყვით გამოვლენ: „მოწინავე სადარაჯოზე“ ვ. კოტეტიშვილი, პოეტები: ვარლამ რუხაძე, გ. ტაბიძე, სოლომონ თავაძე (ობოლი მუშა), გ. ცეცხლაძე, გ. შინატეხელი და სხვ. დეკლამატორი მიხ. ჭიაურელი, შალვა (თაგუნა) გიორგის ძე შარაშიძე წაიკითხავდა ახალ ნაწარმოებს; ღონისძიებას ი. თარალაშვილი ხელმძღვანელობდა.

1913

ტიპი: ღონისძიება

1911 წელს ქართველთა შორის წერა-კითხვის გამავრცელებელი საზოგადოების კავკავის განყოფილების წევრს, ალექსანდრე თევდორეს ძე პრონინს, გადახდილი ჰქონდა საწევრო, 3 მანეთი.

1911

ტიპი: ღონისძიება

1911 და 1912 წლებში ელისაბედ მოზდოკელმა ქართველთა შორის წერა-კითხვის გამავრცელებელი საზოგადოების კავკავის განყოფილების ქალთა პროფესიულ სკოლას 20-20 მანეთი შესწირა.

1920

ტიპი: ღონისძიება

1920 წლის 9 ივლისის „ერთობაში“ მასწავლებელ ილია ხუხუას ინფორმაციაში ნათქვამია, რომ 23 მაისს სენაკში გაიმართულ მაზრის მასწავლებლების დელეგატთა ყრილობას დაესწრო 28 დელეგატი. მასწავლებელთა ეკონომიკური და უფლებრივი მდგომარეობის შესახებ ისაუბრა გამგეობის წევრმა ნ. ლორთქიფანიძემ; უცენზო მასწავლებლებზე კი ლ. კეკელიამ.

1920

ტიპი: ღონისძიება

1920 წლის 9 ივლისის „ერთობაში“ გიგო შარაშიძე მადლობას უხდის ბახვის სახალხო სკოლის ასაშენებლად შემოწირულობებისთვის: ივანე ლაზ. თევზაძეს (100 მან), ევსევი-თოდუას (50), ა. დადიანს (50), ვაკოპულოს (100), ბუაჩიძეს (50), მ. სუსლინს (200), ა. მანუილიდისს (250) იესე შათირიშვილს (500).

ტიპი: ღონისძიება

საქართველოში სომხებმა მოაწყეს ოსმალეთის წინააღმდეგ მანიფესტაცია, სადაც სიტყვით გამოვიდა დამფუძნებელი კრების თავმჯდომარე ალექსანდრე ლომთათიძე.

ტიპი: ღონისძიება

ნიკოლოზ მიწიშვილის სტატიის მიხედვით, ბენია ჩხიკვიშვილმა დახურა ბათუმის ერთადერთი ქართული გაზეთი – „მთლიანი საქართველო“ ტიციან ტაბიძის წერილის, „ირრედენტას“ გამო.

1920

ტიპი: ღონისძიება

1920 წლის 6 ივლისს თბილისის ოლქის სასამართლოში დანიშნული სხდომა თბილისის ყოფ. გენერალ-გუნერნატორის, პოლკ. შ. მაღლაკელიძის და სხვათა საქმეზე გახსნა ოლქის სასამართლოს წევრმა მ. ორჯონიკიძემ. ბრალდებულთა დამცველებმა კანონიერი რაოდენობის მსაჯულთა გამოუცხადებლობის გამო გადადება მოითხოვეს. მაინც გადაწყდა საქმის დაწყება. ბრალმდებელი იყო პროკურორის თანაშემწე შოთა დადიანი. მაღლაკელიძესთან ერთად პასუხისგებაში მიცემულნი იყვნენ თბილისის საგუბერნიო ბატალიონის ყოფ. უფრ. პორუჩიკი საზონ კონდრატის ზე ჩაჩიბაია და ყოფ. ხაზინადარი დავით გრიგოლის ძე შენგელაია, თბილისის საგუბერნიო კომისარიატის ყოფ. ბუღალტერი ვალენტინ ვიკენტის ძე იუშკევიჩი, თბილისის საგუბერნიო ბატალიონის კვარტიმეისტერი ნესტორ სვიმონის ძე ხოშტარია, ახალციხის ყოფ. კონსული ალექსანდრე იოსების ძე აზნაუროვი.

1920

ტიპი: ღონისძიება

1920 წლის 17 ივნისს ხონში სამუსიკო საზოგადოების ადგილობრივმა ფილიალმა გამართა ვოკალურ-ინსტრუმენტული საღამო, რომელსაც ხელმძღვანელობდა მელიტონ კუხიანიძე.

1920

ტიპი: ღონისძიება

1920 წლის 11 ივლისის „ერთობის“ საშუალებით სოფელ კოტიანეთის სამკითხველოს გამგეობამ მადლობა გადაუხადა ფოთის სანაოსნო სანაპიროს მუშებს, რომლებმაც გარდაცვლილი ამხანაგის, ბიქტორ ჭუბაბრიას სახელზე სამკითხველოს 3 000 მანეთი შესწირეს, აგრეთვე შემდეგ პირებს: კალისტრატე მაჯალაძეს, ნესტორ ლეჟავას, დონია სიჭინავას, მიხეილ გოგიას, ვარლამ ცეკვაშვილს, სალომე მანჯგალაძისას, ძმებ მიხა და პლატონ კილასონიებს, რომლებსაც 12 ვერსზე სამკითხველოს ჟურნალ-გაზეთები უფასოდ დაჰქონდათ.

1920

ტიპი: ღონისძიება

1920 წლის 13 ივლისის „ერთობა“ იუწყება, რომ თბილისის შრომის კომისარი ქელბაქიანი ბათუმის შრომის განყოფილების საქმეების ინგლისის სარდლობისგან მისაღებად ბათუმში გაემგზავრა. ასევე გაემგზავრნენ რესპუბლიკის ნავსადგურების სამმართველოს უფროსი ინჟინერი მამაცაშვილი და შარაგზების სამმართველოს წარმომადგენელი ანდრონიკაშვილი.

1920

ტიპი: ღონისძიება

1920 წელს მუსტაფა ჩიმურ-ოღლიმ და მუჰამედ აღა ქერქაძემ აკაკი ჩხენკელს დეპეშით აცნობეს, რომ 12 ივლისს ართვინში გიორგი ანჯაფარიძეს 28 სოფლის წარმომადგენლები შეხვდნენ.

1920

ტიპი: ღონისძიება

1920 წლის 16 ივლისს დეპუტატი აკაკი ჩხენკელი გაემგზავრა ჭიათურაში, სადაც 17-ში უნდა წაეკითხა საჯარო მოხსენება, მეორე დღეს კი მოხსენებით გამოსულიყო ზესტაფონსა და ქუთაისში.

1920

ტიპი: ღონისძიება

1920 წელს საფრანგეთიდან საქართველოში დაბრუნებული იოსებ გობეჩიას ცნობით, ლადო გუდიაშვილსა და დავით კაკაბაძეს იმავე წლის შემოდგომაზე პარიზში გამოფენა უნდა მოეწყოთ.

1917

ტიპი: ღონისძიება

1917 წლის 5 ოქტომბერს ქუთაისში ჩაბრძანდა ქუთათელი მიტროპოლიტი ანტონი.

1917

ტიპი: ღონისძიება

1917 წლის 12 ოქტომბრის გაზეთის „ხმა ქართველი ქალისა“ N26 ცნობით, დაბა კულაშის სახალხო თეატრს ნინო გებუაძე-მიქელაძისამ აბრეშუმის ქართული კაბა თავის გულისპირით შესწირა, ელენე აპალონის ასულმა მიქელაძემ კი — მაგიდა, რისთვისაც თეატრის გამგეობა მათ მადლობას უხდიდა.

1917

ტიპი: ღონისძიება

1917 წლის 12 ოქტომბრის გაზეთის „ხმა ქართველი ქალისა“ ცნობით, თამარ გოგოლაშვილმა გაზეთის ფონდის გასაძლიერებლად შესწირა 10 მან., მარიამ პეტრეს ასულმა გვიჩიამ – 5 მან.

1917

ტიპი: ღონისძიება

1917 წლის 12 ოქტომბრის გაზეთში „ხმა ქართველი ქალისა“ დაიბეჭდა დ. ხარაგაულის (სადგური ბელაგორი) ქალთა წრის გამგეობის თავმჯდომარე ანა ედილაშვილის გამოგზავნილი წერილი რედაქციის მიმართ. ის მადლობას უცხადებს იმ პირთ, რომელთაც დახმარება გაუწიეს ხარაგოულის ქალთა წრეს, რომლის მიზანია ღარიბ მოსწავლეთათვის მოაწყოს უფასო თავშესაფარი. შემომწირველთა სია: ტარასი კიკნაძე, ალექსანდრე კვარაცხელია, ნიკოლოზ კიკნაძე, ვანო დეკანოსიძე, პროკოფი ფანჩულიძე, ერმანოზ ბუაჩიძე, ნოე ავალიანი, გაბრიელ ყუბანეიშვილი, ვასილ ყიფიანი და ელენე ხარაძისა.

1920

ტიპი: ღონისძიება

1920 წლის გაზეთ „ერთობის“ ცნობით, 22-23 ივლისიდან მიხეილ კავსაძის სახალხო გუნდი ჯერ ბათუმში, შემდეგ კი დას. საქართველოში გაემგზავრებოდა, სადაც შესულდებოდა ეროვნული ჰიმნი, აგრეთვე სცენები სოფლის ცხოვრებიდან ქართლ-კახური სიმღერებით.

1920

ტიპი: ღონისძიება

1920 წელს სერგეი გოროდეცკიმ პეტერბურგში გამოსცა ქართველ პოეტთა ლექსების თარგმანები.

1920

ტიპი: ღონისძიება

1920 წლის 17 ივლისის „ერთობა“ იუწყება, რომ გერმანიიდან მიღებული იყო წერილები თბილისელების – ექიმ მორის გოლდშტეინის, გიორგი გველესიანის, გიორგი შაიშმელაშვილის, ბიქტორ თევზაიას, სოლომონ ვადაჭკორიას, გრიგოლ ვებაცელიასა და მარიამ წერეთლის – სახელზე.