რეგისტრირებული ფაქტები40212
სორტირება თარიღი კლებადობით
1890
ტიპი: ღონისძიება
1890 წლის თებერვალში ჟურნალ „თეატრში“ „წყალტუბელის“ ფსევდონიმით გამოქვეყნდა გიორგი იოსელიანის წერილი „ეპისტოლე წყალტუბელისა ილიას მიმართ“, მიმართული „ივერიისა“ და მისი თანამშრომლების წინააღმდეგ.
1890
ტიპი: ღონისძიება
1890 წლის თებერვალში ილია ჭავჭავაძის თავმჯდომარეობით გაიმართულ გაზეთ „ივერიიის“ რედაქციის სხდომაზე დიმიტრი ბაქრაძის ოჯახის მიერ ქართველთა შორის წერა-კითხვის გამავრცელებელი საზოგადოებისთვის შეწირული თანხის განკარგვის საკითხი განიხილეს.
1890
ტიპი: ღონისძიება
1890 წლის 29 იანვარს მოსკოვში ქართველ სტუდენტთა სასარგებლოდ გამართულ საღამოზე ილია ჭავჭავაძის „განდეგილი“ წარმოადგინეს.
1890
ტიპი: ავტორობა
ქართველთა შორის წერა-კითხვის გამავრცელებელი საზოგადოების გამგეობამ ქუთაისის სათავადაზნაურო სკოლის ინსპექტორ ვასილ ყიფიანს მისწერა 1890 წლის 28 იანვრის სხდომაზე მიღებული გადაწყვეტილება – თუ სპირიდონ ჯორჯიკია კიდევ არ შეასრულებდა პედაგოგიური საბჭოს გადაწყვეტილებას, ყიფიანს ის უნდა დაეთხოვა და ამის შესახებ გამგეობისთვის ეცნობებინა.
1890
ტიპი: ღონისძიება
1890 წლის 28 იანვარს ქართველთა შორის წერა-კითხვის გამავრცელებელი საზოგადოების გამგეობამ სხდომაზე განიხილა ქუთაისის სათავადაზნაურო სკოლის ინსპექტორ ვასილ ყიფიანის წერილი ამავე სკოლის მასწავლებლის, სპირიდონ ჯორჯიკიას შესახებ, რომელიც არ ემორჩილებოდა პედაგოგიური საბჭოს გადაწყვეტილებას – მეექვსე გაკვეთილზე არ რჩებოდა.
1890
ტიპი: ავტორობა
1890 წლის 26 იანვრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილის დასასრული „ტფილისი, 25 იანვარი“, რომელიც მწერლის თხზულებათა კრებულებში დაიბეჭდა სათაურით „საგლეხო გამსესხებელ-შემნახველი საზოგადოებანი და მოკლევადიანი კრედიტის საკითხი გლეხობისათვის“.
1890
ტიპი: თანამდებობა
1890 წლის 25 იანვარს მიხეილ ზაალის ძე ყიფიანმა ქართველთა შორის წერა-კითხვის გამავრცელებელი საზოგადოების მთავარ გამგეობას ნიკოლოზ ზაქარიას ძე ზირაქაშვილის კავკავის სკოლის სამეურვეო საბჭოს კომიტეტის წევრად დანიშვნა სთხოვა.
1890
ტიპი: ავტორობა
1890 წლის 24 იანვრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილის დასაწყისი „ტფილისი, 23 იანვარი“. მწერლის თხზულებათა კრებულებში ეს წერილი დაიბეჭდა სათაურით „საგლეხო გამსესხებელ-შემნახველი საზოგადოებანი და მოკლევადიანი კრედიტის საკითხი გლეხობისათვის“.
1890
ტიპი: ღონისძიება
1890 წლის 21 იანვარს ვასილ ყიფიანმა ქართველთა შორის წერა-კითხვის გამავრცელებელი საზოგადოების გამგეობას შეატყობინა, რომ სპირიდონ ჯორჯიკიამ კერძო პანსიონი გახსნა.
1890
ტიპი: ავტორობა
1890 წლის 21 იანვარს ქუთაისის სათავადაზნაურო სკოლის ინსპექტორმა, ვასილ ყიფიანმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ მასწავლებლები – სპირიდონ მატარაძე და სპირიდონ ჯორჯიკია პედაგოგიური რჩევის გადაწყვეტილებას არ ემორჩილებოდნენ და მეექვსე გაკვეთილზე არ რჩებოდნენ.
1890
ტიპი: ღონისძიება
1890 წლის 21 იანვარს ქუთაისის სათავადაზნაურო სკოლის ინსპექტორმა ვასილ როსტომის ძე ყიფიანმა ქართველთა შორის წერა-კითხვის გამავრცელებელი საზოგადოების გამგეობას შეატყობინა, რომ განათლების მინისტრის ცირკულარის თანახმად, გაკვეთილების დრო 50 წუთამდე შემცირდა და 5 გაკვეთილის ნაცვლად დაინიშნა 6, ბოლო – გიმნასტიკისთვის.
1890
ტიპი: ავტორობა
1890 წლის 21 იანვარს ქუთაისის სათავადაზნაურო სკოლის ინსპექტორმა ვასილ როსტომის ძე ყიფიანმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ ქუთაისის სკოლაში გიმნასტიკის გაკვეთილებისთვის საჭირო თანხა არ იყო გამოყოფილი, ამიტომ მოსწავლეებს მიეცემოდათ თავისუფალი დრო სასწავლად. მათ კი, ვინც სხვებს სწავლაში ჩამორჩებოდა, მიეხმარებოდნენ სკოლის მასწავლებლები და ინსპექტორი.
1890
ტიპი: ღონისძიება
1890 წლის 9 იანვრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 8 იანვარი“. მწერლის თხზულებათა ოცტომეულში ეს წერილი დაიბეჭდა სათაურით „გერმანიის ინტერესი ბულგარეთისადმი“.
1890
ტიპი: ღონისძიება
1890 წლის 4 იანვარს ქართველთა შორის წერა-კითხვის გამავრცელებელი საზოგადოების საქმისმწარმოებელმა იაკობ მანსვეტაშვილმა ქუთაისის სათავადაზნაურო სკოლის ინსპექტორ ვასილ ყიფიანს სკოლის საქმეები (1879 წლიდან 1885-ის ჩათვლით) გაუგზავნა და სთხოვა, როცა ეს დოკუმენტაცია აღარ დასჭირდებოდა, დაუყოვნებლივ დაებრუნებინა.
1890
ტიპი: ორგანიზაცია
1890 წელს დაბადებული რაფიელ ივანეს ძე ჩხაიძე იყო მენშევიკების კომიტეტის წევრი. არალეგალურად მუშაობდა ბათუმში. ცნობილი არ არის, რა ევალებოდა პარტიაში და რითი იყო დაკავებული. მონაწილეობდა ბოლშევიკების წინააღმდეგ ბრძოლაში. იგი ოფიცრის ჩინით ეროვნულ გვარდიაში მსახურობდა.
1890
ტიპი: პირადი ურთიერთობა
1890 წელს ვასილ წერეთელი ქუთაისის გუბერნატორთან წარმოშობილი კონფლიქტის გამო, იძულებული იყო თავი დაენებებინა ჭიათურის სამკურნალოში მუშაობისათვის.