1920

ტიპი: ღონისძიება

1920 წლის 6 აპრილს ივანე ზაქარიას ძე ანდრონიკაშვილი და გ. ა. წინამძღვრიშვილი მიწათმოქმედების მინისტრ ნოე ხომერიკს შეხვდნენ სხვადასხვა საკითხისა და პრობლემის გასარკვევად. თათბირს დაესწრო კონსტანტინე მიხეილის ძე ბერეკაშვილიც. მინისტრმა ყველა საკითხზე აღუთქვათ დახმარება.

1920

ტიპი: ღონისძიება

1920 წლის 16 აპრილს, 5 საათზე, სოფ. მუკუზანში უნდა გამართულიყო საქართველოს მეღვინე-მევენახეთა საბჭოს თათბირი, რომელსაც დაესწრებოდნენ საბჭოს წევრები: პ. ავერკინი, კ. ნაკაშიძე, ალექსანდრე თომას ძე თუშმალიშვილი, გ. ნახუცრიშვილი, ნ. კ. მაკარაშვილი, ლ. ა. გოგნიაშვილი, ასევე მოწვეული სტუმრები.

1920

ტიპი: ღონისძიება

1920 წლის 1-ელი აპრილის ჟურნალ „ვაზი და ღვინოს“ ცნობით, მეღვინე-მევენახეთა ყრილობათა საბჭომ (ივანე ანდრონიკაშვილი, სოლომონ ჩოლოყაშვილი, გიორგი წინამძღვრიშვილი, ი. დ. ფორაქაშვილი) გადაწყვიტა, ჩაეტარებინა კახეთში თათბირები სხვადასხვა საჭირბოროტო საკითხის მოსაგვარებლად.

1952

ტიპი: ავტორობა

1952 წლის 10 დეკემბერს შალვა მაღლაკელიძემ გაიოზ მაღლაკელიძეს მისწერა, რომ სხირტლაძე და ნოე ცინცაძე პარიზიდან მიუნხენში დაბრუნდნენ.

1920

ტიპი: ავტორობა

1920 წლის 21 აგვისტოს „ერთობაში“ დაიბეჭდილ თბილისის პროფესიულ კავშირთა თავმჯდომარის, ხელაძის განცხადებაში აღნიშნულია, რომ ბათუმიდან ინგლისის მთავრობის გასვლის შემდეგ პროფ. კავშირთა რიცხვმა 22-ს მიაღწია, რომელიც 7 500 მუშას აერთიანებდა. ორგანიზაციას დროებითი საბჭო ხელმძღვანელობდა, აღმასრულებელი ბიუროს თავმჯდომარე კი გრ. აიოლო იყო.

1919

ტიპი: ავტორობა

1919 წლის 30 დეკემბერს აზერბაიჯანის საგარეო საქმეთა მინისტრმა ფატალი ხან ხოისკიმ საქართველოსა და სომხეთის საგარეო საქმეთა მინისტრებს – ევგენი გეგეჭკორსა და ალექსანდრე ხატისოვს გაუგზავნა დეპეშა, რომელშიც წერდა, რომ აზერბაიჯანის დელეგაციის ინიციატივით სომხეთ-აზერბაიჯანის კონფერენციამ ბაქოში სასურველად და მიზანშეწონილად ცნო ამიერკავკასიის დამოუკიდებელ რესპუბლიკათა კონფედერაციის დაარსების იდეა.

1920

ტიპი: თანამდებობა

1920 წლის 19 აგვისტოს ბათუმის ოლქის საგანგებო კომისარი ბენიამინ ჩხიკვიშვილი ართვინიდან დაბრუნდა და მოვალეობის შესრულებას შეუდგა.

1920

ტიპი: ღონისძიება

1920 წლის 1-ელ აგვისტოს სოფ. საპაიჭაოში (ვანი) დამფუძნებელი კრების წევრმა პ. წულაიამ წაიკითხა მოხსენება ქვეყნის საგარეო და საშინაო მდგომარეობაზე, შემდეგ მოხსენებით გამოვიდა ასევე ტობანიერში, ახლად გახსნილ უნივერსიტეტში, და ვანში.

1920

ტიპი: ღონისძიება

1920 წლის 20 აგვისტოს „ერთობა“ იუწყება, რომ საგარეო საქმეთა მინისტრის ევგენი გეგეჭკორის საზღვარგარეთ გამგზავრების გამო მთავრობის თავმჯდომარის მოადგილის მოვალეობის აღსრულება სამხედრო მინისტრ გრიგოლ ლორთქიფანიძეს დაევალა.

1919

ტიპი: თანამდებობა

1919 წლის პირველი სექტემბრიდან სტეფანე გაგუა საკუთარი თხოვნის თანახმად, ფოთის ქალთა გიმნაზიის პედაგოგიური საბჭოს თავმჯდომარის თანამდებობიდან გაათავისუფლეს.

1919

ტიპი: თანამდებობა

სტეფანე დავითის ძე გაგუა მასწავლებლად 40 წელიწადი მსახურობდა.

1919

ტიპი: ღონისძიება

სტეფანე გაგუამ თანახმად მისი თხოვნისა პედაგოგიური საბჭოს თავმჯდომარეობის მოვალეობის აღსრულებას თავი დაანება, მაგრამ პედაგოგიური საბჭოს თხოვნით დარჩა გიმნაზიის მასწავლებლად.

1919

ტიპი: ღონისძიება

ფოთის ქალთა გიმნაზიის დირექტორმა გაუგზავნა წერილი სასწავლებელთა მთავარ-გამგეს, რომლის მიხედვითაც აცნობა, რომ ფოთის ქალთა გიმნაზიის პედაგოგიური საბჭოს თვამჯდომარის მოვალეობის აღმსრულებელი სტეფანე დავითის ძე გაგუა, თანახმად პედაგოგიური საბჭოს სურვილისა, მიიწვიეს ხსენებული გიმნაზიის უმცროს კლასებში 1919 წ. პირველი სექტემბრიდან ბუნებისმეტყველებისა და ფიზიკის მასწავლებლად.

ტიპი: ღონისძიება

სასამრთლომ გადაწყვიტა, რომ ფოთსა და სენაკში დაარსებულ ჯგუფებთან დაკავშირებული ყველა მასალა გადაეცა ქ. თბილისში ქართული ისტორიისა და ეთნოგრაფიის საზოგადოებისათვის.

1919

ტიპი: ღონისძიება

1919 წელს სასამართლომ შენიშნა, რომ კორესპონდენციის სიტყვები „პროვოკატორული მუშაობა“ და „ქართველ მოძმეთა შორის შუღლისა და მტრობის თესვა“ სტეფანე გაგუას არ ეხებოდა. თვით შალვა ჩოჩიამაც განაცხადა, რომ ამ სიტყვების დაწერისას მას სტეფანე გაგუა არ ჰყოლია მხედველობაში.

1919

ტიპი: ღონისძიება

1919 წელს შალვა ჩოჩია თავის კორესპონდენციაში საუბრობდა იმის შესახებ, რომ სტეფანე გაგუა სოფლის მასწავლებლებს აძლევდა „ფარულ დირექტივებს“, თუმცა ეს ბრალდება არ დამტკიცდა.

1911

ტიპი: ღონისძიება

1919 წელს სასამართლომ დაამტკიცა, რომ სტეფანე გაგუა არ ასწავლიდა ბავშვებს მეგრულად, თუმცა მეგრელ ბავშვებს მეგრულად უხსნიდა ზოგიერთ გაუგებარ სიტყვას.

1919

ტიპი: ღონისძიება

1919 წელს სტეფანე გაგუას ცილს სწამებდნენ, რომ შეპყრობილი იყო მეგრული სეპარატიზმით და გიმნაზიაში მოწაფეებს ჰყოფდა მეგრელ და გურულ მოწაფეებად.

ტიპი: ღონისძიება

ფოთსა და სენაკში სამეგრელოს კულტურის მოყვარე ჯგუფების დაარსებამ დიდი მითქმა-მოთქმა გამოიწვია საზოგადოების ფართო წრეებში. ეს მითქმა-მოთქმა განსაკუთრებით გაძლიერდა მიხეილ კანკავას სიტყვის შემდეგ იონა მეუნარგიას დასაფლავების დროს. საზოგადოებამ ,,მაფალუუს'' დაარსება მიიღო თავზარდამცემ ამბად, თითქოს დაიბადა მეგრული სეპარატიზმიო. სწორედ ამ გულისტკივილმა აღაშფოთა და აიძულა შალვა ჩოჩია თავისი სახელით გაზეთში გამოექვეყნებინა წერილი სათაურით ,,სამეგრელოს ავტონომისტები!''. ის რომელიმე პიროვნებისადმი პირადი ინტერესებით არ სარგებლობდა.

1919

ტიპი: ღონისძიება

1919 წელს სტეფანე გაგუა არ მონაწილეობდა სენაკში არსებულ „მაფალუუს“ ჯგუფის საქმეებში.

ტიპი: ღონისძიება

მიხეილ კანკავა შეუთანხმდა ფოთის ჯგუფს, რომ მათ ექნებოდათ მხოლოდ კულტურული მიზნები. ხსენებული წესდების პროექტის საბოლოო რედაქცია მიენდო თბილისში მიმავალ პედაგოგს სერგო დანელიას, რომელსაც შემდეგ ეს პროექტი უნდა დაესტამბა ერთ-ერთ გაზეთში.

1920

ტიპი: ავტორობა

1920 წლის პირველი აპრილის ჟურნალში „ვაზი და ღვინო“ მიხეილ შალამბერიძე მკითხველს ყურძნის შემადგენლობას ასწავლიდა.

1919

ტიპი: ღონისძიება

1919 წელს ფოთის ჯგუფსა და „მაფალუუს“ შორის არსებობდა ურთიერთობა, რომელიც იმაში გამოიხატებოდ, რომ „მაფალუუს“ წარმომადგენელი მიხეილ კანკავაფოთის ჯგუფის სხდომებს ესწრებოდა და საერთო წესდების შემუშავებაში მონაწილეობდა.

1918

ტიპი: ღონისძიება

1918 წლის ნოემბერსა თუ დეკემბერში ქ. ფოთში დაარსდა პატარა ჯგუფი, რომელშიც მონაწილეობას იღებდა სტეფანე გაგუა, როგორც ერთ-ერთი თაოსანი. ეს ჯგუფი მიზნად ისახავდა სამეგრელოს ისტორიის, არქეოლოგიის, ზნე-ჩვეულებებისა და ენის შესწავლას, პერიოდულ და სხვა გამოცემათა ბეჭდვას მეგრულ ენაზე და საზოგადოდ საგანმანათლებლო საქმის მოწყობას საქართველოს ამ კუთხეში.

1919

ტიპი: ღონისძიება

1919 წლის 28 ივნისის (N141) გაზეთ „ერთობაში“ შალვა ჩოჩიამ გამოაქვეყნა წერილი „სამეგრელოს ავტონომისტები!“, რომელშიც პედაგოგ სტეფანე გაგუას ბრალდებები წაუყენა.