რეგისტრირებული ფაქტები46417
სორტირება ახალი ჩანაწერების მიხედვით
1918
ტიპი: ავტორობა
1918 წელს ამიერკავკასიის სეიმმა ტელეგრამა გაუგზავნა ტრაპიზონში დელეგაციის თავმჯდომარეს, საგარეო საქმეთა მინისტრ აკაკი ჩხენკელს და შეთანხმების მიუღწევლობის გამო დელეგაციას თბილისში დაბრუნების რეკომენდაცია მისცა. ხელი მოაწერა ხელისუფლების თავმჯდომარე გეგეჭკორმა. დოკუმენტის სისწორე დაადასტურა საქმეთა მმართველმა მ. თუმანოვმა.
1922
ტიპი: ღონისძიება
1922 წლის პირველ თებერვალს გაზეთ „ბარრიკადში“ გამოქვეყნდა ცნობა, რომ დაიწყო ზაქარია ჭიჭინაძის იუბილესთვის მზადება.
1918
ტიპი: ავტორობა
1918 წლის 13 აპრილს, ტრაპიზონში, ოტომანთა დელეგაცია ამიერკავკასიის დელეგაციის თავმჯდომარეს, აკაკი ჩხენკელს მიმართავდა, რომ მოკავშირეთა მოლაპარაკებაში ჩასართველად აუცილებელი იყო ამიერკავკასიის რესპუბლიკის დამოუკიდებლობის გამოცხადება. დოკუმენტს ხელს აწერდა ოტომანთა დელეგაციის თავმჯდომარე რაუფ ორბეი. დოკუმენტის სისწორეს ადასტურებდა საქმეთა მმართველი მ. თუმანოვი.
1918
ტიპი: ავტორობა
1918 წლის 10 აპრილს, ტრაპიზონში, ამიერკავკასიის სამშვიდობო დელეგაციამ უპასუხა ოტომანთა ხელისუფლების ულტიმატუმს და აღნიშნავდა, რომ იღებს ბრესტ-ლიტოვსკის ხელშეკრულების პირობებს და მზად იყვნენ განაგრძონ მოლაპარაკება მასზე დაყრდნობით. დოკუმენტს ხელს ამიერკავკასიის სამშვიდობო დელეგაციის თავმჯდომარე, საგარეო საქმეთა მინისტრი ა. ჩხენკელი აწერდა, სისწორეს ადასტურებდა საქმეთა მმართველი მ. თუმანოვი.
1918
ტიპი: ავტორობა
1918 წლის 6 აპრილს, ტრაპიზონში, ოტომანთა საიმპერატორო ხელისუფლებამ გადასცა ულტიმატუმი ამიერკავკასიის დელეგაციის თავმჯდომარეს აკაკი ჩხენკელს, სადაც 21 მარტის დეკლარაციის შესრულება მოითხოვა, რომელიც ეხებოდა ბრესტ-ლიტოვსკის ხელშეკრულების პირობების მიღებას. პასუხს 48 საათის განმავლობაში ელოდა. დოკუმენტს ხელს აწერდა ოტომანთა საიმპერატორო დელეგაციის თავმჯდომარე რაუფ ორბეი. დოკუმენტის სისწორეს ადასტურებდა საქმეთა მმართველი მ. თუმანოვი.
1918
ტიპი: ღონისძიება
1918 წელს ტრაპიზონის კონფერენციაზე ამიერკავკასიის სეიმის დელეგაციამ და თურქეთის მხარემ აღნიშნეს, რომ არსებული მდგომარეობა არის არა მოლაპარაკების შეწყვეტა, არამედ შესვენება კონფერენციის მუშაობაში. დოკუმენტს ხელს აწერენ: თავმჯდომარე აკაკი ჩხენკელი და საქმეთა მმართველი მ. თუმანოვი.
1918
ტიპი: ავტორობა
1918 წლის 31 მარტს, ტრაპიზონის მოლაპარაკებაზე, რაუფ ორბეიმ განაცხადა, რომ მას შემდეგ, რაც ამიერკავკასიამ მიიღო ბრესტ-ლიტოვსკის ხელშეკრულება თურქეთი მოლაპარაკებაში ჩართავს მოკავშირეებს, რათა ამიერკავკასიამ დამოუკიდებლობა გამოაცხადოს. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1922
ტიპი: ღონისძიება
1922 წელს ქუთაისიდან თბილისში ჩავიდა ნიკო ლორთქიფანიძე, რომელიც თავის მოთხრობებს დასაბეჭდად ამზადებდა.
1922
ტიპი: ღონისძიება
1922 წელს მთავარმა სახელოვნო კომიტეტმა ნიკოლოზ ქართველიშვილსა და ლეკვიაშვილს დაავალა მუსიკის თეორიის ტერმინოლოგიის დამუშავება.
1922
ტიპი: ღონისძიება
1922 წელს მთავარმა სახელოვნო კომიტეტმა გრიგოლ რობაქიძესა და პავლე ინგოროყვას ესთეტიკის თეორიის ტერმინოლოგიის დამუშავება დაავალა.
1918
ტიპი: ავტორობა
1918 წლის 28 მარტის საღამოს 9 საათამდე ამიერკავკასიის დელეგაციამ ტრაპიზონში, თურქეთის მიერ წამოყენებულ ულტიმატუმთან დაკავშირებით ხელისუფლებისგან პასუხი ვერ მიიღო. საკითხი ბრესტ-ლიტოვსკის ხელშეკრულების პირობების მიღებას ეხებოდა. ამავდროულად ამოიწურა ულტიმატუმის ვადა, რომელიც კიდევ 48 საათით გაგრძელდა. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ღონისძიება
1918 წლის 26 მარტს ტრაპიზონში მყოფმა ამიერკავკასიის დელეგაციამ ერთხმად მიიღო გადაწყვეტილება ბრესტის ხელშეკრულების აღიარების აუცილებლობასთან დაკავშირებით, რის შესახებაც ტელეგრამით აცნობა ხელისუფლებას თბილისში. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ღონისძიება
1918 წლის 25 მარტს თურქეთის სახელმწიფოს ულტიმატუმი სადავო ტერიტორიებთან დაკავშირებით და ამიერკავკასიის დელეგაციის თავმჯდომარე აკაკი ჩხენკელის დასკვნა გადაგზავნეს ტრაპიზონიდან თბილისში. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ღონისძიება
1918 წლის 24 მარტის 7 საათზე ტრაპიზონის მოლაპარაკებაზე ამიერკავკასიის დელეგაციამ მიიღო ულტიმატუმი თურქეთის ხელისუფლებისაგან, რათა 48 საათის განმავლობაში ეცნობებინათ საბოლოო პოზიცია სადავო ტერიტორიებთან დაკავშირებით. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ავტორობა
1918 წლის 23 მარტს ტრაპიზონის კონფერენციის მეექვსე სხდომაზე ამიერკავკასიის დელეგაციამ ოლთის ოლქის, არდაგანის სამხრეთ ნაწილის, ყარსის სამხრეთ-დასავლეთ ნაწილისა და კაგიზმანის ოლქის დასავლეთ ნაწილის დათმობის შესახებ განაცხადა, სომხეთის თვითგამორკვევის საკითხს კი შემდგომ მოლაპარაკებებზე განიხილავდნენ. დოკუმენტს ხელს აწერდნენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: თანამდებობა
1918 წლის 13 მარტს ამიერკავკასიის სეიმმა ტრაპიზონის მოლაპარაკების დელეგაციის თავმჯდომარე აკაკი ჩხენკელს უფლებამოსილება გაუზარდა, დელეგაციის სხვა წევრებს კი მრჩევლის სტატუსი მიანიჭა. მოლაპარაკების მთავარ მიზნად დასახული იქნა თურქეთთან მტკიცე სამშვიდობო ხელშეკრულების დადება.
1918
ტიპი: ავტორობა
1918 წლის 9 მარტს ტრაპიზონის კონფერენციამ დროებით შესვენება გამოაცხადა. დელეგაციის ნაწილი თბილისში დაბრუნდა რათა ამიერკავკასიის სეიმისთვის ანგარიში ჩაებარებინა მიმდინარე მოლაპარაკებებთან დაკავშირებით. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ავტორობა
1918 წელს ტრაპიზონის კონფერენციაზე ოტომანთა ხელისუფლებამ მოუწოდა ამიერკავკასიის რესპუბლიკას გამოეცხადებინა დამოუკიდებლობა, სანამ მოლაპარაკებები დასრულდებოდა. კატეგორიულად უარყო აღმოსავლეთ ანატოლიის (ეხლანდელი სომხეთის) თვითგამორკვევის საკითხი. ბათუმის, ყარსისა და არდაგანის ტერიტორიებზე ყოველგვარი პრეტენზიების არსებობა მიუღებლად ჩათვალა. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.