რეგისტრირებული ფაქტები46506
სორტირება ახალი ჩანაწერების მიხედვით
1918
ტიპი: თანამდებობა
1918 წლის 19 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით, თეიმურაზ ჭუმბურიძე ქუთაისის რეალური სასწავლებლის ისტორიის მასწავლებლად დაინიშნა.
1918
ტიპი: თანამდებობა
1918 წლის 19 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით, ქართული ენის მასწავლებლად სოჭის გიმნაზიაში სიმონ პავლეს ძე გოგოლაშვილი დაინიშნა.
1918
ტიპი: თანამდებობა
1918 წლის 17 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით თბილისის ვაჟთა პირველი გიმნაზიის ფრანგული ენის პედაგოგი მაქს ჰენრიხის ძე დიუდანი თბილისის მეოთხე გიმნაზიაში გადაიყვანეს.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 17 სექტემბრის ბრძანებით ბ. კუტანი თბილისის ვაჟთა პირველ გიმნაზიაში ფრანგული ენის პედაგოგად დაინიშნა.
1918
ტიპი: თანამდებობა
1918 წლის 19 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით, ხარაზოვი თბილისის ქალთა მეოთხე გიმნაზიის ფრანგული ენის მასწავლებლად დაინიშნა.
1918
ტიპი: თანამდებობა
1918 წლის 19 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით, ირაკლი ირაკლის ძე ჭავჭავაძე თელავის ვაჟთა გიმნაზიის გეოგრაფიისა და ბუნებისმეტყველების მასწავლებლად დაინიშნა.
1920
ტიპი: ავტორობა
1920 წლის 18 ივლისის „ერთობაში“ დაბეჭდილია სია იმ ახალი წიგნებისა, რომლებიც ზაქარია ჭიჭინაძემ აჭარის საქართველოსთან შეერთების სამახსოვროდ დაბეჭდა და ქართველ მაჰმადიანთა ცხოვრებას ეხებოდა: „რა ენით უნდა განათლდნენ ქართველ მაჰმადიანთა ძენი“, „ქართველი მაჰმადიანი ქალი და მრავალი ცოლიანობა მათში“, „ცრუ მორწმუნება ქართველ მაჰმადიანისა და მათი ცხოვრების თარეში“ და სხვ. სულ გამოიცა 10 წიგნი.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 19 სექტემბრის ბრძანებით, დოლიძე სოხუმის რეალური სასწავლებლის პედაგოგად დაინიშნა.
1920
ტიპი: ღონისძიება
დამფუძნებელი კრების 1920 წლის 16 ივლისის სხდომაზე, რომლის თავმჯდომარე იყო ალექსანდრე ლომთათიძე, ივანე გომართელის წინადადებით მიიღეს მადნეულობის სახელმწიფო საკუთრებად გამოცხადების კანონის საბოლოო ტექსტი.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 17 სექტემბრის ბრძანებით თამარ გიორგის ასული ზაალიშვილი თბილისის ვაჟთა პირველ გიმნაზიაში ფრანგული ენის პედაგოგად მუშობდა.
1918
ტიპი: თანამდებობა
1918 წლის 17 სექტემბერს გრიგოლ იასონის ძე ნათაძე თბილისის ვაჟთა პირველ გიმნაზიაში ისტორიის პედაგოგად დაინიშნა.
1918
ტიპი: თანამდებობა
1918 წლის 17 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით თბილისის ვაჟთა პირველ გიმნაზიაში იოსებ გრიგოლის ძე ავალიშვილი ფიზიკა-მათემატიკის მასწავლებლად დაინიშნა.
1918
ტიპი: თანამდებობა
1918 წლის 19 სექტემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის ბრძანებით, ელენე ვაჩნაძე თბილისის პირველ გიმნაზიის რუსული ენის მასწავლებლად დაინიშნა.
1918
ტიპი: ღონისძიება
1918 წ. ქ. სამტრედიის ქალთა ინტერპარტიული ორგანიზაციის გამგეობის მდივანმა ვ. მელქაძემ რედაქტორ კატო მიქელაძეს სთხოვა ამავე გამგეობის მიერ 1918 წლის 2-4 ივნისს მეომართა სასარგებლოდ გამართული „ფინჯანი ჩაის“ ანგარიშის განთავსება გაზეთ „ხმა ქართველი ქალისას“ უახლოეს ნომერში. „ფინჯანი ჩაის“ შემოწირულობა იმავე წლის 8 ივნისს გაეგზავნა სამხედრო სამინისტროს. შემომწირველები იყვნენ: კოტე კასრაძე, ელისო კალანდაძე, კლიმენტი გელეიშვილი, აკაკი კალაძე, სიმონ სპირიდონის ძე ქართველიშვილი, ვალიკო ხარებავა, დიმიტრი სტეფანიდი, მ. წერეთლისა („ფინჯან ჩაის“ გამგე), ერინი.
1918
ტიპი: ღონისძიება
1918 წლის 7 ივნისს ქ. კავკავში, თერგის ოლქში, საქართველოს რესპუბლიკის წარმომადგენლებმა ვასილ იოსების ძე არდიშვილმა, ბიქტორ ვასილის ძე თევზაიამ და სახალხო კომისართა საბჭოს სასურსათო საქმეთა კომისარმა იოსებ ისიდორეს ძე ელერდოვმა დადეს ხელშეკრულება, რომ თერგის ოლქიდან საქართველოს რესპუბლიკაში პურის გაგზავნას საფუძვლად დაედოს საქონლის გაცვლა-გამოცვლის პრინციპი.
1920
ტიპი: ღონისძიება
1920 წლის 25 ოქტომბრის „ბარრიკადის“ ცნობით, ივანე გომელაურმა შეადგინა სახელმძღვანელო, რომელშიც შეიტანა დავით კლდიაშვილის ნაწარმოებები ისე, რომ ავტორს არაფერი გადაუხადა.
1918
ტიპი: ღონისძიება
1918 წლის 8 ივნისს დასავლეთ საქართველოს სახალხო მასწავლებელთა კავშირის ქუთაისის განყოფილების გამგეობამ სხდომაზე, რომელსაც ესწრებოდა შვიდი წევრი, მოისმინა ქუთაისის სახალხო მასწავლებლების მოხალისეთა რაზმის წევრის, დამსახურებული მასწავლებლის გიორგი წივწივაძის მოხსენება 5 ივნისს ქ. ხონის კომისრის ჭავჭანიძის მიერ მისი უდანაშაულოდ დაპატიმრებისა და თავისუფალი მოქალაქის უფლებების შელახვის შესახებ და დაადგინა, რომ ხონის კომისარს გამგეობის სახელით საჯაროდ გამოეცხადოს საყვედური. კავშირის გამგეობის თავმჯდომარე ვლ. ნაცვლიშვილი, მდივანი ავქ. ლორთქიფანიძე. ვლ. ნაცვლიშვილის მიერ საქართველოს მთავრობის სახალხო განათლების, იუსტიციისა და შინაგან საქმეთა მინისტრებს გაეგზავნათ დეპეშა მოთხოვნით დაწყებულიყო გამოძიება და აღდგენილიყო უდანაშაულოდ დასჯილი გიორგი წივწივაძის უფლებები.
1918
ტიპი: ღონისძიება
1918 წელს საგარეო საქმეთა მინისტრი აკაკი ჩხენკელი ნიკო ნიკოლაძის, ბიქტორ თევზაიასა და ვლადიმერ ახმეტელაშვილის თანხლებით ბერლინში გაემგზავრა.
1918
ტიპი: ღონისძიება
1918 წლის 28 მაისის საქართველოს მთავრობის პირველ სხდომაზე დაადგინეს საქართველოს ეროვნული ბანკის დაარსების საკითხი, ასევე საემისიო უფლებით გადაეცეს ეროვნულ საბჭოს საფინანსო კომისიას, რომელშიც მთავრობისგან შევლენ: ფინანსთა მინისტრი გ. ჟურული და კ. კანდელაკი. ასევე გადაწყდა, რომ რუსულ კორპუსს წინადადება მიეცეს თავიანთი ქონება დაუყოვნებლივ ჩააბარონ მთავრობას. დაადგინეს გამოიცეს ქართული მთავრობის გაზეთი „საქართველოს რესპუბლიკა“ და მის რედაქტორად მოიწვიონ გაზ. „კავკაზ“-ის რედაქტორი ქავთარაძე. სასურსათო მინისტრის ამხანაგად დაინიშნა საბაშვილი. სამხედრო მინისტრის თანაშემწე გენ. მაიორი გ. ი. კვინიტაძე დაინიშნა საქართველოს ლაშქრის მთავარ-სარდლად.
1918
ტიპი: ღონისძიება
1918 წელს დამოუკიდებელი საქართველოს საზავო დელეგაცია ბათუმში მიემგზავრება ნოე რამიშვილის თავმჯდომარეობით. დელეგაციაში შედიან გენერალი ილია ზაქარიას ძე ოდიშელიძე, გიორგი გვაზავა და გრიგოლ რცხილაძე.
1918
ტიპი: ღონისძიება
1918 წელს ცენტრალური აღმასრულებელი კომიტეტის წინაშე ლენინი თავის მოხსენებაში ამბობს, რომ ოსმალეთში გარკვეული მდგომარეობა დამყარდა გეგეჭკორისა და წერეთლის ბოროტ-მოქმედების გამო, რომელთაც არ ცნეს ბრესტის ხელშეკრულება და შემდეგ კავკასიის დამოუკიდებლობა გამოაცხადეს. მისი აზრით, ამაზე გავლენას ახდენს გერმანიის იმპერიალიზმი, რაც გერმანიასა და ოსმალეთს ნებას აძლევს კავკასიის ერთი ადგილიდან მეორეზე გადააადგილდნენ და თან განაცხადონ, რომ ბრესტის ხელშეკრულებას არ არღვევენ,
1918
ტიპი: ღონისძიება
1918 წელს ცენტრალური აღმასრულებელი კომიტეტის წინაშე ლენინმა შემდეგი მოხსენება გააკეთა, რომ ოსმალეთში ადგილი ჰქონდა კავკასიელ მენშევიკთა ხანგრძლივ კონტრ-რევოლუციონურ მუშაობას, რომლებიც თავს ს. დ-ებს უწოდებენ და მარცხის შემდეგ დაფიქრდნენ ბოლშევიკებთან საერთო ენის გამონახვაზე, მაგრამ ამ დროს გეგეჭკორის ადგილი დაიკავეს წერეთელმა, ჩხეიძემ და ჩხენკელმა, რომლებმაც ბოლშევიკების გასაჟლეტად ოსმალები მიიწვიეს. მისი აზრით, თუ კავკასიის რადას წევრები მიიღებენ გერმანიის ჯარის დახმარებას, ეს საბჭოთა კავშირს ახალი ომის აუცილებლობის წინაშე დააყენებს.
1918
ტიპი: ორგანიზაცია
1918 წელს ქუთაისში დაარსდა გურიის თავდაცვის დამხმარე კომიტეტი, რომლის მიზანი იყო გურიიდან ჩამოსული ლტოლვილებისა და იქ დარჩენილების მატერიალური დახმარება. კომიტეტის თავმჯდომარედ აირჩიეს სახალხო სკოლების დირექტორი ნიკო მგელაძე, მდივნად – ლეო იმნაძე.
1918
ტიპი: ღონისძიება
1918 წლის 10 აპრილს ამიერკავკასიის მთავრობის მეთაურმა აკაკი ჩხენკელმა და სეიმის თავმჯდომარე ნიკოლოზ ჩხეიძემ რადიოტელეგრაფით აუწყეს მთელი მსოფლიოს ცენტრს სეიმის დადგენილება ამიერკავკასიის დამოუკიდებელ სახელმწიფოდ აღიარების შესახებ.