ქშწკგს პროსოპოგრაფია

ფაქტები

რეგისტრირებული ფაქტები41868

ფილტრი:
ფაქტის ტიპი სტატუსი

1877

ტიპი: სტატუსი

1877 წლის 31 იანვრის გაზეთ “დროების” ცნობით, ვახტანგ დიმიტრის ძე თულაშვილი თბილისის საქალებო გიმნაზიისა და პროგიმნაზიის ღარიბ მოსწავლეთა მზურველი საზოგადოების კომიტეტის ხაზინადარი იყო.

1898

ტიპი: სტატუსი

1898 წლის 13 ნოემბერს გაზეთ „ცნობის ფურცელში“ გამოქვეყნდა ვასილ როინაშვილისა და გაიანე წიკლაურის შეტყობინება ნათესავებისა და ნაცნობებისადმი, რომლის თანახმად, 14 ნოემბერს დიდუბის ეკლესიაში, ალექსანდრე როინაშვილის სულის მოსახსენიებელ პანაშვიდს გადაიხდიდნენ.

1898

ტიპი: სტატუსი

1898 წლის 11 თებერვლის „ცნობის ფურცლის" მიხედვით, სამსონ თოფურია ქუთაისის საავადმყოფოს დირექტორი იყო.

1901

ტიპი: სტატუსი

1901 წელს გორის მაზრის თავად გიორგი ბაგრატიონ-დავითიშვილსა და დუშეთის მაზრის თავად გ. ა. ყარანგოზაშვილს კამერ-იუნკერის წოდება მიენიჭათ.

1929

ტიპი: სტატუსი

1929 წლის 30 ოქტომბერს მოსე ჯანაშვილის მიერ დაწერილი ავტობიოგრაფიიდან ირკვევა, რომ მოსე ჯანაშვილის მამა, გიორგი ჯანაშვილი იყო ღარიბი ინგილო გლეხი.

1920

ტიპი: სტატუსი

1920 წლის 30 იანვრის გაზეთ „საქართველოს“ ცნობით, გიორგი თუმანიშვილი სარწმუნოებით გრიგორიანი იყო.

1920

ტიპი: სტატუსი

1920 წლის 30 იანვრის გაზეთ „საქართველოს“ ცნობით, გიორგი თუმანიშვილი პოლიტიკური მრწამსით კონსტიტუციური დემოკრატი იყო.

1885

ტიპი: სტატუსი

1885 წლის 13 აპრილის „დროების“ ცნობით, გიგო დიდია აზნაური იყო.

1903

ტიპი: სტატუსი

1903 წელს დურგალთა ამხანაგობა „შრომის“ წევრთა საერთო კრებაზე ილია ჭავჭავაძე ამ ამხანაგობის წევრად აირჩიეს.

1866

ტიპი: სტატუსი

1866 წელს ილია ჭავჭავაძე თბილისის გუბერნიაში გლეხთა რეფორმის წარმატებით გატარებაში აქტიური მონაწილეობისათვის კავკასიის დიდი მთავრის წარდგინებით ორი ათასი ვერცხლის მანეთით დაჯილდოვდა და დუშეთის მაზრის მომრიგებელ შუამავლად დაინიშნა.

1863

ტიპი: სტატუსი

1863 წელს ილია ჭავჭავაძის ჟურნალ „საქართველოს მოამბის“ რედაქცია გადავიდა ოლღა გურამიშვილის გარდაცვლილი მამიდის, სიდონია სავარსამიძის სახლში კომენდანტის ქუჩაზე (ამჟამად გრიბოედოვის ქუჩა №37).

1863

ტიპი: სტატუსი

1863 წელს ილია ჭავჭავაძემ მიიღო ცენზურის ნებართვა „საქართველოს მოამბის“ მერვე ნომრის გამოცემაზე.

1863

ტიპი: სტატუსი

1863 წელს ილია ჭავჭავაძემ მიიღო ცენზურის ნებართვა „საქართველოს მოამბის“ მეექვსე ნომრის გამოცემაზე.

1863

ტიპი: სტატუსი

1863 წელს ილია ჭავჭავაძემ ერთდროულად მიიღო ცენზურის ნებართვა „საქართველოს მოამბის“ მესამე, მეოთხე და მეხუთე ნომრების გამოცემაზე.

1863

ტიპი: სტატუსი

1863 წელს ილია ჭავჭავაძემ მიიღო ცენზურის ნებართვა „საქართველოს მოამბის“ მეცხრე და მეათე ნომრების გამოცემაზე.

1863

ტიპი: სტატუსი

1863 წელს ილია ჭავჭავაძემ მიიღო ცენზურის ნებართვა „საქართველოს მოამბის“ მეშვიდე ნომრის გამოცემაზე.

1846

ტიპი: სტატუსი

1846 წელს საქართველო-იმერეთის გუბერნიის თავად-აზნაურთა წინამძღოლმა გრიგოლ ჭავჭავაძის სახელზე გასცა სიღარიბის მოწმობა, რომელშიც აღნიშნულია, რომ მას საკუთარი სახსრებით არ შეუძლია მცირეწლოვან შვილს, ილიას შესაფერისი აღზრდა მისცეს.

1841

ტიპი: სტატუსი

1841 წლის 31 იანვარს ყვარლის იოანე ნათლისმცემლის სახელობის ეკლესიის ჩანაწერის საფუძველზე გაკეთდა რუსულენოვანი მეტრიკული მოწმობა ილია ჭავჭავაძის დაბადების შესახებ.

1886

ტიპი: სტატუსი

1886 წელს ივანე დავითის ძე ორბელიანი თავადი იყო.

1886

ტიპი: სტატუსი

1886 წელს ივანე გივის ძე ამილახვარი თავადი იყო.

1886

ტიპი: სტატუსი

1886 წლის 18 ნოემბრის გაზეთ „ივერიის“ ცნობით, ანტონ ნაკაშიძე თავადი იყო.

1886

ტიპი: სტატუსი

1886 წლის 12 დეკემბრის გაზეთ „ივერიის“ ცნობით, ასლან ვახტანგის ძე წულუკიძე თავადი იყო.

1886

ტიპი: სტატუსი

1886 წელს გიორგი ვახტანგის ძე ბარათაშვილი თავადი იყო.