ქშწკგს პროსოპოგრაფია

ფაქტები

რეგისტრირებული ფაქტები46487

1894

ტიპი: ღონისძიება

1894 წლის 3 იანვრის შემდეგ ქართლში მოგზაურობისას მაკინე ამირეჯიბის სიმღერებით მოხიბლულმა ილია ჭავჭავაძემ მას საჩუქრად გაუგზავნა თავისი ნაწერების ოთხტომეული წარწერით „რაც სიტყვას აკლდეს, ბუნებით, თქვენმა ხმამ შეასრულოსო“.

1867

ტიპი: თანამდებობა

1867 წელს თბილისის გუბერნიის თავად-აზნაურთა კრებაზე ილია ჭავჭავაძე აირჩიეს თბილისის სათავადაზნაურო-საადგილმამულო ბანკის წესდების შემდგენელი კომიტეტის წევრად თელავის მაზრიდან.

1868

ტიპი: ავტორობა

1868 წელს ილია ჭავჭავაძემ პეტერბურგიდან მიიღო კირილე ლორთქიფანიძის წერილი, რომელშიც მან სთხოვა „კაცია – ადამიანის?!“ დაბეჭდვის ნებართვა, თან არა ფსევდონიმით, არამედ მისი ხელმოწერით.

1872

ტიპი: ავტორობა

1872 წელს თავადაზნაურობის საგანგებო კრებაზე განიხილეს ილია ჭავჭავაძის ხელმძღვანელობით შედგენილი თბილისის სათავადაზნაურო-საადგილმამულო ბანკის წესდების ახალი პროექტი და ერთხმად მოიწონეს.

1881

ტიპი: თანამდებობა

1881 წლის 23 აპრილს ილია ჭავჭავაძემ თბილისის საოლქო სასამართლოს ნაფიცი ვექილის თანამდებობიდან გათავისუფლება სთხოვა.

1881

ტიპი: ავტორობა

1881 წლის 18 აპრილს დავით კეზელმა ილია ჭავჭავაძეს მისწერა და თავისი კომედიის ჟურნალ „ივერიაში“ გამოქვეყნება სთხოვა.

1881

ტიპი: ღონისძიება

1881 წლის 8 აპრილს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომის დადგენილებით, წიგნები, რომლებსაც ვერ ყიდულობდნენ, უნდა გადაეწერათ.

1881

ტიპი: ღონისძიება

1881 წლის 8 აპრილს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომა გაიმართა.

1881

ტიპი: ავტორობა

1881 წლის 8 აპრილს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „კავკაზის“ აზრი კავკასიის უნივერსიტეტზე“.

1881

ტიპი: ღონისძიება

1881 წლის 8 აპრილს ქართველთა შორის წერა-კითხვის გამავრცელებელი საზოგადოების სხდომაზე ვახტანგ თულაშვილს ბათუმის სკოლის ასაშენებლად გეგმის შედგენა დაევალა.

1881

ტიპი: ავტორობა

1881 წლის მარტში ჟურნალ „ივერიაში“ ხელმოუწერლად გამოქვეყნდა ილია ჭავჭავაძის „შინაური მიმოხილვა“ სახელმწიფო უწყებებში ქართული ენის აკრძალვის შესახებ.

1881

ტიპი: ავტორობა

1881 წლის 25 მარტს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „ტფილისი 24 მარტს“, რომელიც მწერლის თხზულებათა ოცტომეულში დაიბეჭდა სათაურით „როგორ პოლიტიკას აირჩევს რუსეთი“.

1881

ტიპი: ავტორობა

1881 წლის 22 მარტს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „ჩვენი ახალგაზრდობის მოვალეობა“.

1881

ტიპი: ავტორობა

1881 წლის 27 მარტს გაზეთ „დროებაში“ ხელმოუწერლად გამოქვეყნდა ილია ჭავჭავაძის სტატია „განათლების ახალი მინისტრის დანიშვნა“.

1865

ტიპი: გარდაცვალება

1865 წელს მოსკოვში გარდაიცვალა ილია ჭავჭავაძის უფროსი ძმის, კონსტანტინეს ქვრივი ბარბარე კუკოლევსკაია და ილიას 10 წლის ძმისწული სიმონი ობლად დარჩა.

1881

ტიპი: ღონისძიება

1881 წლის 8 აპრილს ილია ჭავჭავაძემ ხელი მოაწერა თბილისის სათავადაზნაურო ბანკის დამფუძნებელთა საერთო კრების ოქმს სწავლა-განათლებისთვის მეტი თანხის გამოყოფის შესახებ.

1881

ტიპი: ღონისძიება

1881 წლის 8 აპრილს ქართველთა შორის წერა-კითხვის გამავრცელებელი საზოგადოების სხდომამ დააკმაყოფილა რაფიელ ერისთავის თხოვნა მოთხრობა „ხატაურის“ დაბეჭდვის შესახებ.

1881

ტიპი: ღონისძიება

1881 წლის 31 მარტს ილია ჭავჭავაძემ და კონსტანტინე ნაცვლიშვილმა ქართველთა შორის წერა-კითხვის გამავრცელებელი საზოგადოების თავმჯდომარეს, დიმიტრი ყიფიანს მიმართეს, საზოგადოებისთვის საჭირო ნივთების შესაძენად პეტერბურგის წიგნის მაღაზიებს მოლაპარაკებოდა.

1862

ტიპი: ავტორობა

1862 წელს ჟურნალ „ცისკარში“ ზემოური იმერლის, გორისელის, ფსევდონიმით გამოქვეყნდა ექვთიმე წერეთლის სტატია „უფალო, რედაქტორო!“, რომელშიც გაკრიტიკებული იყო ილია ჭავჭავაძის პოზიცია ბარბარე ჯორჯაძესთან პოლემიკაში და გამოთქმული იყო ეჭვი, რომ ის კარგ ჟურნალს გამოსცემდა.

1864

ტიპი: პირადი ინფორმაცია

1864 წელს თბილისის სამოქალაქო გუბერნატორმა კონსტანტინე ორლოვსკიმ კავკასიის მეფისნაცვლის მთავარი სამმართველოს საფინანსო დეპარტამენტს მისწერა, რომ გლეხთა საქმეების მოსაგვარებლად დანიშნულ 12 მომრიგებელ შუამავალზე გამოყოფილი თანხები 1864 წლის 8 ნოემბრიდან გაიცემოდა. იქვე დანართის სახით წარმოდგენილი იყო შუამავალთა სია, ილია ჭავჭავაძის გვართან კი მინიშნებული იყო, რომ ის თბილისის მაზრის I განყოფილებაში დაინიშნა.

1881

ტიპი: ავტორობა

1881 წლის 29 მარტს გაზეთ „დროებაში“ გამოქვეყნდა ილია ჭავჭავაძის მიერ შედგენილი დოკუმენტის „წესდებულება ქართულის დრამატულის საზოგადოებისა“ დასასრული.

1881

ტიპი: ავტორობა

1881 წლის 28 მარტს გაზეთ „დროებაში“ გამოქვეყნდა ილია ჭავჭავაძის მიერ შედგენილი დოკუმენტის „წესდებულება ქართულის დრამატულის საზოგადოებისა“ დასაწყისი.

1903

ტიპი: თანამდებობა

1903 წელს ილია ჭავჭავაძე თბილისის სათავადაზნაურო-საადგილმამულო ბანკის რწმუნებულთა წლიურ კრებაზე კენჭისყრის გარეშე აირჩიეს გამგეობის თავმჯდომარედ.

1903

ტიპი: ღონისძიება

1903 წელს ილია ჭავჭავაძე დაესწრო თბილისის სათავადაზნაურო-საადგილმამულო ბანკის რწმუნებულთა წლიურ კრებას.

1881

ტიპი: ღონისძიება

1881 წლის 13 ივნისს ილია ჭავჭავაძემ თბილისის გიმნაზიის კურსდამთავრებულებს სწავლის დასრულება მიულოცა.