ქშწკგს პროსოპოგრაფია

ფაქტები

რეგისტრირებული ფაქტები46487

1903

ტიპი: ავტორობა

1903 წელს ილია ჭავჭავაძემ მიიღო წერილი ბერლინში სამკურნალოდ წასული ანტონ ფურცელაძისაგან, რომელიც სწერდა,რომ ვარშავაში გაძარცვეს და უფულოდ დარჩა, ამიტომ სთხოვდა ორი თვის ხელფასის წინასწარ გაგზავნას.

1903

ტიპი: ღონისძიება

1903 წელს ილია ჭავჭავაძე დაესწრო მოლდოვის ქალაქ ტირასპოლის კათოლიკეთა ეპისკოპოსის, ედუარდო როპის მიერ თბილისში გამართულ დარბაზობას.

1903

ტიპი: ღონისძიება

1903 წელს ილია ჭავჭავაძე თავმჯდომარეობდა ქართველთა შორის წერა-კითხვის გამავრცელებელი საზოგადოების წლიურ კრებას, რომელზეც მიიღეს დადგენილება სოხუმში სასწავლებლის გახსნასთან დაკავშირებით სამოსწავლო ოლქის მზრუნველის წინაშე შუამდგომლობის აღძვრის შესახებ.

1903

ტიპი: ავტორობა

1903 წელს შემფასებელი კომისიის წევრმა ლევან ჩერქეზიშვილმა შეადგინა ილია ჭავჭავაძის უძრავი ქონების შეფასების აქტი. დოკუმენტის მიხედვით ქონების ღირებულება 22800 მანეთი იყო.

1881

ტიპი: ავტორობა

1881 წლის 16 სექტემბერს ქართველთა შორის წერა-კითხვის გამავრცელებელი საზოგადოების გამგეობამ ქუთაისის სათავადაზნაურო სკოლის ინსპექტორის, ალექსი ჭიჭინაძის წერილი მიიღო ახალი მასწავლებლის მიწვევის საჭიროების შესახებ.

1864

ტიპი: თანამდებობა

1864 წელს ილია ჭავჭავაძე მეფისნაცვლის სამმართველომ გამოიძახა და ქუთაისიდან თბილისში გაემგზავრა. თბილისის გუბერნიაში ბატონყმობის გაუქმების გამოცხადების გამო ილია აღმოსავლეთ საქართველოში გადაიყვანეს სამუშაოდ.

1903

ტიპი: ღონისძიება

1903 წელს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე განიხილეს განვლილი წლის ანგარიში, შეიტანეს კორექტივები და გამგეობის წევრად ვახტანგ მუსხელიშვილი აირჩიეს.

1872

ტიპი: ღონისძიება

1872 წელს საგუბერნიო კრების გაგრძელების გამო თავადაზნაურობის წინამძღოლის, რევაზ ანდრონიკაშვილის თხოვნით თბილისის საოლქო სასამართლოს თავმჯდომარემ ილია ჭავჭავაძეს ორჯერ გაუხანგრძლივა შვებულება, რათა ამ კრებებზე დასწრება შესძლებოდა.

1903

ტიპი: თანამდებობა

1903 წელს ილია ჭავჭავაძე თბილისის ოლქის საპატიო მოსამართლედ დაინიშნა.

1903

ტიპი: პირადი ურთიერთობა

1903 წელს ილია ჭავჭავაძემ ნიკო ხიზანიშვილი მნიშვნელოვან საკითხზე შესათანხმებლად სადილზე მიიწვია.

1903

ტიპი: ავტორობა

1903 წელს ილია ჭავჭავაძემ მიიღო ყვარლის მოურავის გიორგი გიგინაშვილის წერილი, რომელშიც თავს იმართლებდა ილიას დაუკითხავად ქვევრების გაყიდვის გამო.

1903

ტიპი: ღონისძიება

1903 წელს ილია ჭავჭავაძე დაესწრო დავით სარაჯიშვილთან ბარონ დე ბაის პატივსაცემად გამართულ წვეულებას.

1903

ტიპი: ავტორობა

1903 წელს თბილისის გუბერნიის თავად-აზნაურთა წინამძღოლმა დავით მელიქიშვილმა ილია ჭავჭავაძეს წერილობით სთხოვა, დასწრებოდა თავად-აზნაურთა წინამძღოლებისა და დეპუტატთა საკრებულოს სხდომას, რომელზეც სათავადაზნაურო დაწესებულების მშენებლობის პროექტები უნდა განეხილათ.

1903

ტიპი: ავტორობა

1903 წელს ილია ჭავჭავაძემ ლევან გორდელაძისგან დამდეგი ახალი წლის მისალოცი ღია ბარათი მიიღო.

1903

ტიპი: პირადი ინფორმაცია

1903 წელს ილია ჭავჭავაძეს საქართველოს სოციალ-ფედერალისტთა პარტიის თბილისის კომიტეტის დავალებით ვალერიან გუნიამ, პეტრე ყიფიანმა და თედო სახოკიამ საგურამოში მიაკითხეს თხოვნით, ფედერალისტთა პარტიის დასაფინანსებლად დავით სარაჯიშვილთან ეშუამდგომლა.

1903

ტიპი: ავტორობა

1903 წელს ილია ჭავჭავაძეს პრინცმა ალექსანდრე ოლდენბურგელმა წერილით აცნობა, რომ გაგრაში დაწყებითი სკოლის დაარსებას აპირებდა და რჩევა ჰკითხა.

1906

ტიპი: ღონისძიება

1906 წლის 4 იანვარს ილია ჭავჭავაძე გიორგი ჟურულთან ერთად პეტერბურგიდან თბილისისკენ წამოვიდა.

1905

ტიპი: ავტორობა

1905 წელს ილია ჭავჭავაძემ მიიღო ეკატერინე გაბაშვილის წერილი, რომელიც სთხოვდა, თავად-აზნაურთა კრებაზე ქალთა სახელობო სკოლისთვის 500 მანეთის გამოყოფის საკითხი დაესვა.

1894

ტიპი: ავტორობა

1894 წლის 8 სექტემბრამდე ილია ჭავჭავაძემ მარჯორი უორდროპისაგან მიიღო წერილი. იგი „განდეგილის“ ინგლისურად თარგმნისა და გამოცემის ნებართვას სთხოვდა.

1894

ტიპი: ავტორობა

1894 წლის 27 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 26 აგვისტო“, რომელიც მწერლის თხზულებათა ოცტომეულში დაიბეჭდა სათაურით „საფრანგეთს და გერმანიას შორის მშვიდობიანი ურთიერთობის დასაწყისი“

1894

ტიპი: ავტორობა

1894 წლის 25 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 24 აგვისტო“, რომელიც მწერლის თხზულებათა ოცტომეულში დაიბეჭდა სათაურით „სამთა კავშირი“.

1894

ტიპი: თანამდებობა

1894 წლის 13 ივლისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ექიმი გრიგოლ იოსების ძე ვოლსკი ბათუმის სკოლის მზრუნველად აირჩიეს.

1906

ტიპი: ღონისძიება

1906 წლის იანვრის შუა რიცხვებიდან თავად-აზნაურთა საგანგებო თათბირზე საუბარი იყო აჯანყებული გლეხების წინააღმდეგ თავადაზნაურობის შეიარაღებული დაპირისპირების საჭიროებაზე. ილია ჭავჭავაძემ მოუწოდა, არ გადაედგათ ასეთი სამარცხვინო ნაბიჯი.

1894

ტიპი: ორგანიზაცია

1894 წლის 25 მაისს თბილისის საადგილმამულო ბანკის კრებაზე მიხეილ ალექსანდრეს ძე ბაგრატიონ-გრუზინსკი გამგეობის მეოთხე წევრად აირჩიეს.

1906

ტიპი: ავტორობა

1906 წლის იანვარში ილია ჭავჭავძემ მიიღო ანტონ ფურცელაძის წერილი ბაბაევის საქმის შესახებ.