ქშწკგს პროსოპოგრაფია

ფაქტები

რეგისტრირებული ფაქტები46478

1918

ტიპი: ღონისძიება

1918 წლის 11 სექტემბრის გაზეთიდან „Грузия“ ირკვევა, რომ ბაქოში გასაგზავნი სპეციალური კომისიის ხელმძღვანელად ისიდორე რამიშვილი უნდა დანიშნულიყო.

1918

ტიპი: ღონისძიება

1918 წლის 11 სექტემბრის გაზეთიდან „Грузия“ ირკვევა, რომ შინაგან საქმეთა მინისტრის, ნოე რამიშვილის წინადადებით დადგენილ იქნა ბაქოში სპეციალური კომისიის გაგზავნა.

1918

ტიპი: ღონისძიება

1918 წლის 11 სექტემბრის გაზეთიდან „Грузия“ ირკვევა, რომ საქართველოს სამხედრო მინისტრის, გრიგოლ ტიმოთეს ძე გიორგაძის წინადადებით მთავრობის საქმეთა მმართველ სერგო დავითის ძე ჯაფარიძეს დაევალა 10 მილიონიანი ფონდიდან დარჩენილი თანხის დადგენა.

1918

ტიპი: ღონისძიება

1918 წლის 11 სექტემბრის გაზეთის „Грузия“ ცნობით, სახალხო განათლების მინისტრის, გიორგი მიხეილის ძე ლასხიშვილის წინადადებით დაადგენეს სახალხო განათლების მინისტრისთვის 5 ათასი რუბლის ოდენობის კრედიტის გახსნა ქუთაისის წმ. ნინოს ქალთა სასწავლებლის სასარგებლოდ.

1918

ტიპი: ღონისძიება

1918 წლის 11 სექტემბრის გაზეთიდან „Грузия“ ირკვევა, რომ სახალხო განათლების მინისტრის, გიორგი მიხეილის ძე ლასხიშვილის წინადადებით გაგრის თვითმართველობას ქალაქის რეალური სასწავლებლისთვის წელიწადში 100 ათასი რუბლი უნდა გამოეყო.

1918

ტიპი: ღონისძიება

1918 წლის 11 სექტემბრის გაზეთიდან „Грузия“ ირკვევა, რომ სახალხო განათლების მინისტრის, გიორგი მიხეილის ძე ლასხიშვილის წინადადებით დადგენილ იქნა გაგრის თვითმართველობისთვის ქალაქის რეალურ სასწავლებლზე მეურვეობის უფლების გადაცემა.

1918

ტიპი: ღონისძიება

1918 წლის 11 სექტემბრის გაზეთიდან „Грузия“ ირკვევა, რომ სახალხო განათლების მინისტრის, გიორგი მიხეილის ძე ლასხიშვილის წინადადებით დადგენილ იქნა გაგრის რეალური სასწავლებლის განათლების სამინისტროსათვის დაქვემდებარება.

1918

ტიპი: ღონისძიება

1918 წლის 12 სექტემბერს ფოთის პორტის მახლობლად რიონის, ხობისწყლის, კაპარჭისა და მათი შენაერთების გამოყენებით სანაოსნო მოძრაობის გახსნის საკითხი განიხილეს. ამ საქმის განხილვა აკაკი მეთოდეს ძე ხოშტარიას დაევალა.

1918

ტიპი: ავტორობა

განათლების მინისტრის მოადგილის, ალექსანდრე მდივნის 1918 წლის 12 სექტემბრის მოხსენება ეხება მესხეთის კერამიკის სკოლის ხარჯების გასაძღოლად 2 000 მან. გადადებას. სასწავლო წელი იწყებოდა და სკოლას სჭირდებოდა, რომ იმ დღესვე დაემზადებინა სამუშაო მასალა, შეშა, ნახშირი და სხვ. ხარჯთაღიცხვა კი შეიძლება დაგვიანებულიყო, ამიტომ მინისტრთა საბჭოს სთხოვა, განკარგულება გაეცა თანხის გაცემაზე.

1918

ტიპი: ავტორობა

განათლების მინისტრის მოადგილე, ალ. მდივანი 1918 წლის 12 სექტემბრის მოხსენებაში _ პირველდაწყებით სასწავლებელთა გახსნის შესახებ, აღნიშნავს, რომ დას. საქართველოში მილიონი მცხოვრები ითვლება, სახალხო სკოლების რიცხვი კი 900-მდეა, აღმოსავლეთში 600 000 მცხოვრებზე 240 ქართული სკოლაა, ე.ი, ერთი სასწავლებელი მოდის 2. 500 მცხოვრებზე, ამიტომ აღმოსავლეთ საქართველოში საჭიროა წელსვე გაიხსნას პირველდაწყებითი სასწავლებლები რკინიგზას მოშორებულ ადგილებში, სადაც სკოლები ნაკლებია, ასეთებია: დუშეთის, თიანეთის მაზრები და გორის მაზრის ზოგიერთი განაპირა უბანი _ ბორჯომისა და ცხინვალის ხეობა, ასევე სიღნაღისა და თელავის მაზრები.

1918

ტიპი: ღონისძიება

1918 წლის 12 სექტემბერს ქუთაისის რეალური სასწავლებლის დირექტორმა უმაღლესი და საშუალო სასწავლებლის მთავარგამგეს სთხოვა მიმდინარე წლის 29 სექტემბრიდან გერმანული ენის მასწავლებლის თანამდებობის აღმასრულებლად ნიკოლოზ რაჟდენის ძე ალავიძე დაეშვა. იგი ასევე, ამზადებდა მის მატრიკულარულ მოწმობას. ხელს აწერენ დირექტორი და საქმისმწარმოებელი გიორგი ნიკოლოზის ძე იოსელიანი.

1918

ტიპი: განათლება

1918 წლის 12 სექტემბერს ქუთაისის რეალური სასწავლებლის დირექტორი უმაღლეს და საშუალო სასწავლებლების მთავარ გამგეს თხოვნაში სწერს, რომ ნიკოლოზ ალავიძე სწავლობდა ლეობენის სამთო აკადემიაში ორწელიწადნახევარი. ხელს აწერენ: დირექტორი და საქმისმწარმოებელი გიორგი იოსელიანი.

1918

ტიპი: ღონისძიება

1918 წლის 12 სექტემბერს გამართულ ეროვნულ-დემოკრატიული საბჭოს მთავარი კომიტეტის საგანგებო სხდომაზე ხმათა უმრავლესობით პარტიის რიგებიდან გარიცხეს პეროვნული საბჭოს წევრები მიხეილ ვახტანგის ძე მაჩაბელი და დავით ვლადიმერის ძე ვაჩნაძე.

1918

ტიპი: ღონისძიება

1918 წლის 12 სექტემბერს თბილისში გამართულ წარმოდგენაზე ნიკოლაი ნიკოლაევს შთამბეჭდავად შეუსრულებია როიალზე E-mol კონცერტი.

1918

ტიპი: მფლობელობა

1918 წლის 14 სექტემბრის გაზეთიდან „Грузия“ ირკვევა, რომ სიმონ ყაველაშვილს ბინა ჰქონია თბილისში, ოლღას ქუჩა N10-ში.

1918

ტიპი: ღონისძიება

1918 წლის 12 სექტემბერს სიმონ ყაველაშვილს ბინაში (ოლღას ქუჩა N10-ში) ბოროტმოქმედები შეუცვივდნენ.

1918

ტიპი: ღონისძიება

1918 წლის 13 სექტემბერს გამართულ საქართველოს ეროვნული საბჭოს სხდომაზე ისევ ვერ მოხერხდა ლადო ახმეტელის თხოვნის განხილვა.

1918

ტიპი: ღონისძიება

1918 წლის 13 სექტემბერს გამართულ საქართველოს ეროვნული საბჭოს სხდომაზე სპეკულაციასთან ბრძოლის კანონპროექტზე იმსჯელეს რევაზ გაბაშვილმა, ალექსანდრე ასათიანმა, აკაკი პაპავამ და რაჟდენ არსენიძემ.

1918

ტიპი: ღონისძიება

1918 წლის 13 სექტემბერს გაიმართა საქართველოს ეროვნული საბჭოს სხდომა ნიკოლოზ (კარლო) სიმონის ძე ჩხეიძის თავმჯდომარეობით.

1918

ტიპი: ღონისძიება

1918 წლის 13 სექტემბერს გამართულ საქართველოს ეროვნული საბჭოს სხდომაზე იუსტიციის მინისტრის მოადგილე გრიგოლ ივანეს ძე გველესიანმა უპასუხა წინა სხდომაზე სპეკულაციასთან ბრძოლის შესახებ კანონპროექტზე გამოთქმულ კრიტიკას.

1918

ტიპი: ღონისძიება

1918 წლის 14 სექტემბერს კონსტანტინე მაყაშვილის თავმჯდომარეობით გამართულ საქართველოს ეროვნული საბჭოს საკონსტიტუციო კომისიის სხდომას პავლე საყვარელიძე, ივანე ჩერქეზიშვილი და მდივანი დავით ნახუცრიშვილი ესწრებოდნენ.

1918

ტიპი: ღონისძიება

1918 წლის 14 სექტემბრის საქართველოს ეროვნული საბჭოს საკონსტიტუციო კომისიის სხდომაზე განიხილეს დავით ჩიქოვანის წინადადება, რომლის თანახმადაც ეროვნული საბჭოს ეროვნულ უმცირესობათა წარმომადგენლებისთვის ქართული ენის ცოდნა სავალდებულო უნდა ყოფილიყო. პავლე საყვარელიძეს დაევალა ამ საკითხზე კანონპროექტის შედგენა და მომდევნო სხდომისთვის განსახილველად წარდგენა.

1918

ტიპი: ღონისძიება

1918 წლის 14 სექტემბერს გამართულ საქართველოს ეროვნული საბჭოს საკონსტიტუციო კომისიის სხდომაზე სოციალ-დემოკრატიების ფრაქცია ინიციატივით გამოვიდა, ეროვნულ საბჭოს „საქართველოს პარლამენტი“ დარქმეოდა. პავლე საყვარელიძეს ამ საკითხზე კანონპროექტის შემუშავება და მომდევნო სხდომაზე განსახილველად წარდგენა დაევალა.

1918

ტიპი: ღონისძიება

1918 წლის 14 სექტემბერს გამართულ საქართველოს ეროვნული საბჭოს საკონსტიტუციო კომისიის სხდომაზე ივანე ჩერქეზიშვილს საქართველოს მოქალაქეობის (ქვეშევრდომობის) მოპოვებისა და დაკარგვის შესახებ დამატებითი კანონპროექტის შემუშავება დაევალა.

1918

ტიპი: ავტორობა

განათლების მინისტრის 1918 წლის 14 სექტემბრის მოხსენება თბილისის ტექნიკური სასწავლებლის პედაგოგთა სექტემბრის ხელფასით დასაკმაყოფილებლად 5 237 მან. 54 კაპ. გამოყოფას ეხებოდა. მოხსენებაში ის აღნიშნავდა, რომ მთავრობამ ხარჯთაღრიცხვა განსახილველად ფინანსთა მინისტრს უკვე გადასცა. დამტკიცება შეიძლება დაგვიანებულიყო და მასწავლებელთა მდგომარეობა გაუარესებულიყო, ამიტომ ის მთავრობას ამ თანხის გაღებას სთხოვდა.