რეგისტრირებული ფაქტები46417
სორტირება თარიღი მზარდობით
1918
ტიპი: ღონისძიება
1918 წლის 8 ოქტომბერს ჩატარებულ საქართველოს პარლამენტის სხდომაზე დიომიდე თოფურიძეს თავისი მოხსენება 10 მილიონიანი ფონდისა და მასთან დაკავშირებული კანონპროექტის შესახებ რუსულ ენაზე წაუკითხავს. მოხსენების დამთავრებისთანავე სხდომის თავმჯდომარე ნიკოლოზ (კარლო) ჩხეიძეს განუცხადებია, რომ იგი იძულებული იყო დაეშვა ეს ფაქტი, რადგან მასალის ციფრული მონაცემები რუსულ ენაზე იყო მოწოდებული, ხოლო კანონპროექტის საჩქაროდ მიღების აუცილებლობის გამო არანაირი საშუალება არ იყო ამ მასალის თარგმნისა.
1918
ტიპი: ღონისძიება
1918 წლის 8 ოქტომბერს ჩატარებულ საქართველოს პარლამენტის სხდომაზე 10 მილიონიანი ფონდის შესახებ მოხსენებით გამოსულა დიომიდე ალექსანდრეს ძე თოფურიძე.
1918
ტიპი: ღონისძიება
1918 წლის 8 ოქტომბერს ნიკოლოზ (კარლო) ჩხეიძის თავმჯდომარეობით გამართულ საქართველოს პარლამენტის სხდომაზე იმსჯელეს ხარჯებისთვის გამოყოფილი 10-მილიონიანი ფონდის აღდგენის შესახებ.
1918
ტიპი: ღონისძიება
1918 წლის 8 ოქტომბერს ნიკოლოზ (კარლო) ჩხეიძის თავმჯდომარეობით ჩატარებულ საქართველოს პარლამენტის სხდომაზე იმსჯელეს კანონპროექტზე, რომელსაც ხარჯები უნდა დაემტკიცებინა 10 მილიონიანი ფონდიდან.
1918
ტიპი: ღონისძიება
1918 წლის 8 ოქტომბერს ჩატარდა საქართველოს პარლამენტის სხდომა ნიკოლოზ (კარლო) ჩხეიძის თავმჯდომარეობით.
1918
ტიპი: ღონისძიება
1918 წლის 8 ოქტომბერს გამართულ საქართველოს პარლამენტის სხდომაზე 10-მილიონიანი ფონდისა და მასთან დაკავშირებული კანონპროექტის შესახებ მოხსენებით გამოვიდა დიომიდე ალექსანდრეს ძე თოფურიძე. დებატები გაიმართა ფონდიდან რეგულარული ჯარისათვის ფულის გადაცემის შესახებ. ახსნა-განმარტებითი სიტყვით გამოვიდა სამხედრო მინისტრი გრიგოლ გიორგაძე. მისი თქმით, ჯარის ორგანიზების შესახებ კანონი, რომელიც მთავრობის წინაშე გაიტანეს და პარლამენტარებმა დაამტკიცეს, მკაფიოდ პასუხობდა კითხვებს, იყო თუ არა რეგულარული ჯარის შექმნის აუცილებლობა და როგორი იყო რესპუბლიკის მთავრობის დამოკიდებულება ამ საკითხის მიმართ.
1918
ტიპი: თანამდებობა
1918 წელს ივანე პავლეს ძე როსტომაშვილი განათლების მინისტრის განკარგულებით თელავის წმ. ნინოს გიმნაზიის გამგედ დაინიშნა.
1918
ტიპი: ავტორობა
ფინანსთა მინისტრმა გ. ჟურულმა (კანცელარიის დირექტორის მაგიერ განყოფილების უფროსი ალ. კანდელაკი) 1918 წლის 9 ოქტომბერს სახელმწიფო კონტროლიორს, ფილიპე გოგიჩაიშვილს მისწერა, რომ თანახმაა, დააკმაყოფილოს გაგრის რეალური სასწავლებლისა და ორი პირველდაწყებითი სკოლის ხარჯების დასაფარად 15 000 მან. გაღების შესახებ აღძრული შუამდგომლობა, ოღონდ განათლების მინისტრმა ხარჯთაღრიცხვა უნდა წარადგინოს.
1918
ტიპი: ავტორობა
სახელმწიფო კონტროლმა, ფ. გოგიჩაიშვილმა რესპუბლიკის მთავრობის საქმეთა მმართველს 1918 წლის 9 ოქტომბერს მისწერა (ხელს აწერს საქმის მმართველი ი. ქუთათელაძეც), რომ კონტროლი თანახმაა, რესპუბლიკის ხაზინიდან განათლების სამინისტროს წელიწადში 19 200 მან. მიეცეს ახალციხის ქართული საქვ. საზოგადოების სკოლის შესანახად.
1918
ტიპი: ღონისძიება
1918 წლის 9 ოქტომბრის გაზეთი „სახალხო საქმე“ გვაუწყებს, რომ ქართულმა დრამატულმა საზოდადოებამ თბილისში თეატრის ასაღორძინებლად საფუძვლის ჩაყრა მოიწადინა. ამ მიზნით მან ზოგიერთი კერძო პირის მატერიალური დახმარებით გაზაფხულიდან რეჟისორად გ. ჯაბადარი მიიწვია და მას დრამატული ხელოვნების სტუდიის მოწყობა მიანდო.
1918
ტიპი: ღონისძიება
1918 წლის 9 ოქტომბრის გაზეთ „Грузия“ ცნობით, საქართველოს ფინანსთა მინისტრმა გიორგი ჟურულმა საქართველოს მთავრობას შესთავაზა, თამბაქოს მწარმოებელ ფაბრიკანტებს აქციზი გადაეხადათ არა ჩეკებით, არამედ ნაღდი ფულით.
1918
ტიპი: თანამდებობა
1918 წლის 9 ოქტომბრის გაზეთიდან „Грузия“ ირკვევა, რომ ივანე პავლეს ძე როსტომაშვილი იყო ახალქალაქის ყოფილი ქართული გიმნაზიის დირექტორი.
1918
ტიპი: თანამდებობა
1918 წლის 9 ოქტომბრის გაზეთიდან „Грузия“ ირკვევა, რომ ვასილ იოსების ძე არდიშვილი იყო საქართველოს მთავრობის საგანგებო რწმუნებული.
1918
ტიპი: ღონისძიება
1918 წლის 9 ოქტომბრის გაზეთის „Грузия“ ცნობით, სასურსათო ორგანიზაციის მისამართზე დაბინავებულ იქნა 120 ვაგონი მარილი, რომელიც მთავრობის საგანგებო რწმუნებულ ვასილ იოსების ძე არდიშვილს შეუთავაზებია ქალაქის გამგეობის სასურსათო განყოფილებისთვის, ასევე ქალაქთა და ამიერკავკასიის კოოპერატივთა კავშირისათვის.
1918
ტიპი: ღონისძიება
1918 წლის 9 ოქტომბრის გაზეთი „Грузия“ წერს, რომ პროფესიულ კავშირთა საბჭომ საქართველოს მთავრობის თავმჯდომარე ნოე ჟორდანიას აცნობა თავისი დადგენილება, რომლის თანახმად, ამიერკავკასიის ბანკის მსახურთა გაფიცვის საქმე განსახილველად საქართველოს მთავრობას გადაეცა.
1918
ტიპი: თანამდებობა
1918 წლის 9 ოქტომბრის გაზეთიდან „Грузия“ ირკვევა, რომ ვასილ თომას ძე ხახანოვი იყო ქალაქის დუმის მდივანი.
1918
ტიპი: თანამდებობა
1918 წლის 9 ოქტომბრის გაზეთის „Грузия“ ცნობით, ქალაქის საბჭოს მდივნის პოსტიდან გადაყენებულ ვასილ თომას ძე ხახანოვს შეუნარჩუნდა ქალაქის დუმის მდივნის ადგილი.
1918
ტიპი: ღონისძიება
1918 წლის 9 ოქტომბრის გაზეთის „Грузия“ ცნობით, ქალაქის საბჭოს მდივანი ვასილ თომას ძე ხახანოვი თანამდებობიდან გადააყენეს.
1918
ტიპი: ღონისძიება
1918 წლის 9 ოქტომბრის გაზეთის „Грузия“ ცნობით, საქართველოს ფინანსთა მინისტრ გიორგი დურმიშხანის ძე ჟურულს მთავრობისათვის მიუმართავს გორში ევაკუირებული ახალციხისა და ახალქალაქის სახაზინოების გაუქმების წინანადადებით.
1918
ტიპი: ღონისძიება
1918 წლის 9 ოქტომბრის გაზეთის „Грузия“ ცნობით, საქართველოს ფინანსთა მინისტრ გიორგი დურმიშხანის ძე ჟურულს მთავრობისათვის წარუდგენია პროექტი 50 მილიონიანი სესხის აღების შესახებ.
1918
ტიპი: თანამდებობა
1918 წლის 9 ოქტომბრის გაზეთის „Грузия“ ცნობით, ახალქალაქის ყოფილი ქართული გიმნაზიის დირექტორი ივანე პავლეს ძე როსტომაშვილი დაინიშნა თელავის წმ. ნინოს სახელობის ქალთა გიმნაზიის დირექტორად.
1918
ტიპი: პირადი ურთიერთობა
1918 წლის 9 ოქტომბრის გაზეთიდან „Грузия“ ირკვევა, რომ ვასილ ნიკოლოზის ძე ავალოვი იყო ილია ნიკოლოზის ძე ავალოვის ძმა.
1918
ტიპი: ღონისძიება
1918 წლის 9 ოქტომბრის გაზეთში „Грузия“ გამოქვეყნდა განცხადება, რომელშიც ქმარი ილია ნიკოლოზის ძე ავალოვი, დედამისი მარია გიორგის ასული ავალოვა, ილია ავალოვის და ეკატერინე ნიკოლოზის ასული ვახნახოვა (ავალოვა) და ძმა ვასილ ნიკოლოზის ძე ავალოვი იუწყებოდნენ, რომ გარდაიცვალა ნატალია დავითის ასული ავალოვა.