ქშწკგს პროსოპოგრაფია

ფაქტები

რეგისტრირებული ფაქტები46417

1919

ტიპი: თანამდებობა

1919 წელს მთავრობის საქმეთა მმართველ კ. ჯაფარიძის დაბრუნების გამო მმართველობის მდივანი დ. დიდებულიძე მოვალეობის აღსრულებისგან გაათავისუფლეს.

1919

ტიპი: თანამდებობა

1919 წელს ნოე რამიშვილის შვებულებაში გასვლის გამო სამხედრო მინისტრის მოვალეობის შესრულება ნოე ცინცაძეს დაეკისრა.

1919

ტიპი: თანამდებობა

1919 წელს მთავრობის გადაწყვეტილებით ილია ჩიქოვანი ფინანსთა სამინისტროს საბჭოს წევრად დაინიშნა.

1919

ტიპი: თანამდებობა

1919 წელს პოლკოვნიკი დავით ერდიშხანის ძე ქარცივაძე სიღნაღის რაზმის უფროსი იყო.

1919

ტიპი: თანამდებობა

1919 წელს გენერალ ახმეტელაშვილის სიღნაღში ყოფნის პერიოდში მისი მოვალეობის შემსრულებლად დაინიშნა მისი თანაშემწე პოლკოვნიკი კავკასიძე.

1919

ტიპი: ღონისძიება

1919 წელს ბრიტანეთის მთავარ კომისრად დანიშნული ოლივერ უორდროპი ბათუმში ჩავიდა.

1919

ტიპი: თანამდებობა

1919 წლის სექტემბერში დ. კალანდარიშვილი თბილისის სასახლის მეთვალყურედ დაინიშნა.

1919

ტიპი: თანამდებობა

1919 წელს ნიკოლოზ ჭუმბურიძე ქუთაისში გამართულ გვარდიელების ყრილობის თავმჯდომარედ აირჩიეს.

1919

ტიპი: პირადი ინფორმაცია

1919 წელს ვერის დაღმართზე საქართველოს სამხედრო უწყების ავტომობილ №20-ს, რომლითაც რუსთაველისკენ მიდიოდნენ გენერალი ბარათოვი, გენერალ-ლეიტენანტი ილია ოდიშელიძე და პოლკოვნიკი სელიმ გეორგის ძე ალხავი, ორი ყუმბარა ესროლეს, რომლებიც გასკდა. ბარათოვი ფეხში, ხოლო ოდიშელიძე სახეზე დაიჭრა.

1919

ტიპი: თანამდებობა

1919 წელს ა. შერლინგი თბილისის ვაჟთა მეორე გიმნაზიაში მუსიკის თავისუფალი გაკვეთილების მასწავლებლად დანიშნეს.

1919

ტიპი: თანამდებობა

განათლების სამინისტროს დადგენილებით კუკიის უმაღლესი დაწყებითი სასწავლებელის გამგედ დაინიშნა კონჩევსკაია.

1919

ტიპი: თანამდებობა

1919 წლის სექტემბერში თბილისის ებრაელთა ნაციონალური საბჭოს სიონისტთა ფრაქციამ აღძრა საკითხი, სახელმწიფო და საზოგადო დაწესებულებებში მომსახურე ებრაელებისათვის ახალი წლის დღესასწაულთან (როშ-ჰაშანა) დაკავშირებით უქმედ გამოცხადებულიყო 25-26 სექტემბერი და 4 ოქტომბერი. ებრაელთა ნაციონალური საბჭოს პრეზიდიუმმა ამ თხოვნით მიმართა ქალაქისთავს, თვითმმართველობას და რესპუბლიკის თავმჯდომარე ნოე ჟორდანიას.

1919

ტიპი: თანამდებობა

1919 წელს დავით როსტომაშვილი და ერმილე ხავთასი იყვნენ ციმბირის ქალაქებსა და შორეულ აღმოსავლეთში მყოფ ქართველთა წარმომადგენლები.

1919

ტიპი: ღონისძიება

1919 წელს საშუალო სასწავლებლების პედაგოგებმა განათლების მინისტრს მატერიალური მდგომარეობის გაუმჯობესება სთხოვეს. ნოე რამიშვილი მათ დახმარებას დაჰპირდა.

1919

ტიპი: ღონისძიება

1919 წელს სახელმწიფო თეატრში გამართული ლატარიის გათამაშებაზე პირველ ბილეთებს ნოე რამიშვილი ხსნიდა. ყველაზე დიდი რაოდენობით 25000-მანეთიანი მომგებიანი ბილეთები ამოვიდა.

1919

ტიპი: ღონისძიება

1919 წელს საქართველოს საგარეო საქმეთა მინისტრის მოადგილემ, კონსტანტინე საბახტარაშვილმა იტალიის პრემიერ-მინისტრ ფრანჩესკო ნიტის საქართველოს ინტერესების დაცვა, დამოუკიდებელ სახელმწიფოდ ცნობა და საქართველოსა და იტალიას შორის სავაჭრო და ეკონომიკური ურთიერთობების დამყარება სთხოვა.

1919

ტიპი: ღონისძიება

1919 წელს საქართველოს რესპუბლიკასა და ინგლისელების მიერ დროებით დაპყრობილ ბათუმის ოლქს შორის ფოსტა-ტელეგრაფის აღსადგენად დადებული ხელშეკრულება გაფორმდა საქართველოს საგარეო საქმეთა მინისტრის მოადგილე ნესტორ ქარცივაძის, ფოსტა-ტელეგრაფის უფროსის, დ. მგელაძისა და კაპიტან გოუტის მონაწილეობით.

1919

ტიპი: ღონისძიება

1919 წელს ვასილ ბარნოვის 30-წლიანი მოღვაწეობა ქართულმა საზოგადოებამ დიდი ზეიმით აღნიშნა სახელმწიფო თეატრში, სადაც იუბილარი დავით კლდიაშვილთან ერთად მივიდა.

1919

ტიპი: ღონისძიება

1919 წელს დამფუძნებელი კრების სხდომაზე განხილეს ანარქიასა და სხვა ანტისახელმწიფოებრივ უწესრიგობასთან საბრძოლველად შინაგან საქმეთა მინისტრის, ნოე ბესარიონის ძე რამიშვილის განკარგულებაში 10 მილიონი მანეთის გადადების საკითხი.

1919

ტიპი: თანამდებობა

1919 წელს ვაცლავ ოსტროვსკი პოლონეთის მთავრობის წარმომადგენელი იყო საქართველოში, სომხეთსა და აზერბაიჯანში.

1919

ტიპი: ღონისძიება

1919 წელს პროფესორი ივანე ჯავახიშვილი მონაწილეობდა იუსტიციის სამინისტროს მიერ დაარსებული საგანგებო კომისიის მუშაობაში. კომისიის მიზანი რუსულ-ქართული იურიდიული ტერმინების ლექსიკონის შედგენა იყო. ივანე ჯავახიშვილს უნდა გაეკეთებინა ლექსიკონის უკანასკნელი კორექტურაც.

1919

ტიპი: ღონისძიება

1919 წელს სამაზრო ერობების ყრილობაზე წასული ქალაქისთავი ბენია ჩხიკვიშვილი ქალაქში დილის მატარებლით დაბრუნდა.

1919

ტიპი: ავტორობა

1919 წლის 4 დეკემბრის გაზეთ „საქართველოს რესპუბლიკის“ ცნობით, მიწათმოქმედების მინისტრ ნოე გიორგის ძე ხომერიკის განკარგულებით თბილისის საბაღოსნო სკოლების შენობა და მიწა თბილისის კულტურულ-ტექნოლოგიური სასწავლებლის გამგებლობაში გადავიდა.

1919

ტიპი: ღონისძიება

1919 წელს დამფუძნებელი კრების განათლების კომისიამ ნოე ბესარიონის ძე რამიშვილის მონაწილეობით განათლების მინისტრის პროექტი მოიწონა და მუზეუმისთვის ძვირფასი ნივთების შესაძენად მილიონი გადადო.