რეგისტრირებული ფაქტები48413
სორტირება თარიღი მზარდობით
1919
ტიპი: ღონისძიება
1919 წლის 21 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: თავმჯდომარე დ. კარიჭაშვილი, თავმჯდომარის ამხანაგი თ. კიკვაძე, მდივანი შ. დედაბრიშვილი, წევრები: წულაძე, გიორგობიანი, თავმჯდომარეობდა კარიჭაშვილი.
1919
ტიპი: ღონისძიება
1919 წლის 21 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ბორჯომის სახელმწიფო მამულების მუშათა პროფესიონალური კავშირის თხოვნა, საზოგადოების გამგეობამ მისცეს თითო ცალი საკუთარი გამოცემის წიგნი უსასყიდლოდ. გამგეობამ გადაწყვიტა, გადაეცა გამოცემები სამოსწავლო წიგნების გარდა.
1919
ტიპი: ღონისძიება
1919 წლის 21 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სტამბის მეპატრონის, ვარლამ რუხაძის თხოვნა, „დედაენის“ II ნაწილის ბეჭდვის ანგარიშში 8000 მანეთის გადაცემის შესახებ. გამგეობამ გადაწყვიტა მისი თხოვნის დაკმაყოფილება. სხდომის ოქმს ხელს აწერს დავით კარიჭაშვილი.
1919
ტიპი: ღონისძიება
1919 წლის 21 ივლისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გალის ორკლასიანი სკოლის მასწავლებელ პეტრე ჭარაიას თხოვნა ჯამაგირის შესახებ. 1917 წლის 1-ლი ოქტომბრიდან მას ხელფასი აღარ ეძლეოდა. ეცნობა სამინისტროს, რომ ჯამაგირი გამოეყოთ ხაზინიდან, მაგრამ გამგეობამ ეს ცნობა 1918 წლის ივლისში მიიღო. შუამდგომლობა სამინისტროში გაიგზავნა 8 ოქტომბერს, მაგრამ იქიდან 19 ნოემბერს უარი ეთქვა. გამგეობამ გადაწყვიტა, მიეცათ ასი თუმანი და ეშუამდგომლათ, ვალი სრულად დაეკმაყოფილებინა მთავრობას.
1919
ტიპი: ღონისძიება
1919 წლის 21 ივლისს გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გრიგოლ ნათაძის „ინგლისის ისტორიის“ სტილის გასწორებისა და გამოცემის საკითხი. გამგეობამ გადაწყვიტა, რედაქტირებისთვის 500 მანეთი გამოეყო.
1919
ტიპი: ღონისძიება
1919 წლის 21 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს განსაკუთრებული საავტომობილო გუნდის უფროსის თხოვნა წიგნებით დახმარების შესახებ. გამგეობამ გადაწყვიტა, წიგნები მიეცა 20%-ის ფასდაკლებით.
1919
ტიპი: თანამდებობა
1919 წლის 24 ივლისს ნოე ნიკოლოზის ძე ჟორდანია საქართველოს დემოკრატიული რესპუბლიკის მთავრობის თავმჯდომარედ დაინიშნა.
1919
ტიპი: თანამდებობა
1919 წლის 24 ივლისს ნოე ბესარიონის ძე რამიშვილმა საქართველოს დემოკრატიული რესპუბლიკის მთავრობის პირველი თავმჯდომარის თანამდებობა დატოვა.
1919
ტიპი: ღონისძიება
1919 წლის 25 ივლისს კონსტანტინე გამსახურდიამ გერმანიიდან საქართველოს განათლების სამინისტროს კანცელარიის დირექტორს ვუკოლ ბერიძეს მისწერა, რომ ვასო სადათერაშვილისა და კონსტანტინე გელაზარიშვილისთვის გერმანიაში სწავლის გასაგრძელებლად თანხა გამოეყოთ.
1919
ტიპი: ავტორობა
1919 წლის 28 ივლისს ჯავის უმაღლესი დაწყებითი სასწავლებლის გამგეს მისწერეს პასუხი დამფუძნებელი კრების სახალხო კომისიის წინაშე აღძრულ შუამდგომლობაზე – მიმდინარე წლის 7 იანვრის, N 35. აუწყეს, რომ სახალხო განათლების სამინისტროს დრო სჭირდებოდა, რათა სამშენებლო ფონდისთვის თანხა მოეძიებინა, ამიტომ შუამდგომლობის დაკმაყოფილება შეუძლებელი იყო. ხელს აწერენ მთავარგამგე გიორგი ალმასხანის ძე ჭუმბურიძე და საქმისმწარმოებელი კონსტანტინე ილიას ძე აბაშიძე.
1919
ტიპი: პირადი ინფორმაცია
1919 წლის 28 ივლისს საქართველოს სოციალ-დემოკრატიული მუშათა პარტიის ცენტრალურ კომიტეტთან არსებულმა სასოფლო კომისიამ დაადასტურა, რომ თანამშრომელი მიხეილ (მიშა) კონსტანტინეს ძე ახმეტელაშვილი შრომისმოყვარე და ნიჭიერი ახალგაზრდა იყო.
1919
ტიპი: თანამდებობა
1919 წლის 28 ივლისს საქართველოს სოციალ-დემოკრატიული მუშათა პარტიის ცენტრალურ კომიტეტთან არსებულმა სასოფლო კომისიამ დაადასტურა, რომ სტუდენტი მიშა ახმეტელაშვილი სასოფლო კომისიის მუშათა საბჭოს აღმასრულებელი კომიტეტის დაარსების დღიდან მუშაობდა სიღნაღისა და თელავის მაზრებში პასუხისმგებელ პროპაგანდისტად; მისი რევოლუციური მუშაობა ნაყოფიერი იყო საზოგადოებისთვის. ხელს აწერენ სასოფლო კომისიის თავმჯდომარე ჯიბლაძე და მდივანი ე. ურუშაძე.
1919
ტიპი: ღონისძიება
1919 წლის 28 ივლისის თემის საბჭოს გადაწყვეტილებით, ქართველთა შორის წერა-კითხვის გამავრცელებელი საზოგადოების ლიხაურის განყოფილების დახურვის შემდეგ, რომლის წევრები იყვნენ ერასტი გორდელაძე და ნესტორ კონტრიძე, თემს სამკითხველოს ხარჯები თვითონ უნდა ეკისრა.
1919
ტიპი: თანამდებობა
მიწათმოქმედების, შრომისა და გზათა მინისტრი ნოე ხომერიკი დასასვენებლად განთავისუფლდა ერთი თვით.
1919
ტიპი: ღონისძიება
1919 წლის 30 ივლისს მაქსიმე ბერძნიშვილმა სახალხო განათლების კანცელარიის დირექტორს სთხოვა, მისთვის ერთთვიანი შვებულება მიეცათ, რადგან ფილტვების ანთება ჰქონდა.
1919
ტიპი: გარდაცვალება
1919 წლის 1-ელ აგვისტოს, ღამის 11 საათზე, ყუბანის ქუჩაზე ბოროტმოქმედებმა ქართველთა შორის წერა-კითხვის გამავრცელებელი საზოგადოების წევრი ალექსანდრე ხმალაძე მოკლეს.
1919
ტიპი: ღონისძიება
1919 წლის აგვისტოში შინაგან საქმეთა მინისტრს, ნოე რამიშვილს 21 ივლისის დადგენილების სისრულეში მოყვანა და 2 472 ფუთი ფქვილის სამხედრო გზათა უწყებისთვის გადაცემა დაევალა.
1919
ტიპი: ავტორობა
1919 წლის აგვისტოში დამფუძნებელი კრების სხდომაზე სპირიდონ კედიამ წაიკითხა მოხსენება აფხაზეთში არსებული მდგომარეობის შესახებ, ისაუბრა ანტიქართულ განწყობაზე, რომელსაც რუსეთის აგენტების აქტიური პროპაგანდა ქმნიდა და დაასახელა მიზეზები, რომელთა გამოც პრობლემების მოგვარება ჭიანურდებოდა.
1919
ტიპი: ავტორობა
1919 წლის აგვისტოში შინაგან საქმეთა და სამხედრო მინისტრმა ნოე რამიშვილმა გამოსცა ბრძანება, რომლის მიხედვითაც ხდებოდა დამატებითი ზომების მიღება, რათა შესრულებულიყო დამფუძნებელი კრების დეკრეტი „თავისი ნებით წასვლის და სამსახურიდან გაქცევის პასუხისმგებლობისა და 2 აგვისტოს სამხედრო ბეგარის აუსრულებლობის, ამ დანაშაულის დაფარვის და წაქეზებისათვის დასჯის“.
1919
ტიპი: ღონისძიება
1919 წლის აგვისტოში რესპუბლიკის საზღვრებიდან გასასვლელი მოწმობების გაცემის უფლება შინაგან საქმეთა მინისტრმა ნოე რამიშვილმა თბილისის მილიციის უფროსს, ვლადიმერ სულაქველიძეს მიანიჭა.
1919
ტიპი: ღონისძიება
1919 წლის 1-ელ აგვისტოს მთავრობის თავმჯდომარის საგანგებო მინდობილობათა მოხელემ, ალ. ხაჭაპურიძემ სიმონ სილიბისტროს ძე უჩანეიშვილი განათლების სამინისტროს წინაშე საზღვარგარეთ სასწავლებლად გასაგზავნ სტუდენტთა სიაში ჩასაწერად წარადგინა. სწავლის ხარჯებს თვითონ გაიღებდა.