ქშწკგს პროსოპოგრაფია

ფაქტები

რეგისტრირებული ფაქტები46342

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა ვარლამ დავითის ძე ძიძიგური რკინიგზის სკოლიდან, რომელმაც განაცხადა, რომ რკინიგზის სკოლების მდგომარეობა ერობის მასწავლებლებთან შედარებით უკეთესია, დაცულია უფლებრივი და ეკონომიკური ინტერესები, სკოლები გაეროვნებულია, მთელ ხაზზე არის 200-მდე სკოლა, თითოეულ მასწავლებელს ჰყავს არა უმეტეს 40 მოწაფისა, ხელფასებს დროულად იღებენ.

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა სამსონიძე ფოთის სახელოსნო სასწავლებლიდან, რომელიც შეეხო ფოთის, ბორჯომისა და ხონის სახელოსნო სასწავლებლების მძიმე მდგომარეობას და აღნიშნა, რომ მიუხედავად მთავრობის ყურადღებისა ტექნიკური და პროფესიული განათლების მიმართ, ამ სასწავლებლებში ვითარება არ უმჯობესდება.

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა სევერიანე არსენის ძე მჟავანაძე ქ. ფოთიდან, რომელმაც განაცხადა, რომ ქალაქში არსებობს 8 დაწყებითი სასწავლებელი და ერთი უმაღლესი სასწავლებელი აგრონომიული განყოფილებით, არსებობს ფილიალი, რომელშიც გაერთიანებულნი არიან ყველანაირი პროფილის მასწავლებლები, ქალაქს არ ჰყავს განსაკუთრებული ინსტრუქტორი, კავშირმა დააარსა პედაგოგიური კურსები.

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა ვასილ მაქსიმეს ძე ქობულია ზუგდიდის მაზრიდან, რომელმაც განაცხადა, რომ მაზრაში არსებობს 100 დაწყებითი სკოლა, 1918 წელს ფილიალები არ იყვნენ შეკავშირებულნი, 1919 წელს გაერთიანდნენ სამაზრო კავშირში, რომლის გამგეობა ცენტრიდან დაბაში გადავიდა, კავშირს ურთიერთობა აქვს სამაზრო ერობასთან.

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა ჩიქოვანი ბათუმიდან, რომელმაც განაცხადა, რომ ბათუმში არსებობს ორი დაწყებითი და ერთი წერა-კითხვის გამავრცელებელი საზოგადოების სკოლა, არ არსებობს მასწავლებელთა კავშირი, გიმნაზია ცუდ მდგომარეობაშია, რადგან არც მთავრობა და არც ადგილობრივი საზოგადოება ყურადღებას არ აქცევს. სწავლის მსურველი ბევრია, მაგრამ არაა სათანადო პირობები. გიმნაზიაში სწავლობენ მაჰმადიანებიც.

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა თამარა კიკვაძე რაჭის მაზრიდან, რომელმაც განაცხადა, რომ კარგი მასწავლებლები თავს არიდებდნენ რაჭის მაზრაში მუშაობას, ხოლო ახლად დანიშნულები ვერ ასრულებდნენ მოვალეობას, სკოლები მოუწყობელი იყო, მასწავლებლებს უხდებოდათ 2-3 განყოფილებასთან ერთდროულად მუშაობა.

1920

ტიპი: ავტორობა

1920 წლის 21 იანვრის გაზეთ „საქართველოში“ გამოქვეყნდა აკაკი წერეთლის მანამდე გამოუქვეყნებელი ლექსი „განდეგილი“.

1920

ტიპი: ავტორობა

1920 წლის 21 იანვრის გაზეთ „საქართველოში“ გამოქვეყნდა კონსტანტინე მარტვილელის წერილი „აბრეშუმის მოსალოდნელი მონოპოლიის შემოღების გამო“.

1920

ტიპი: ავტორობა

1920 წლის 21 იანვრის გაზეთ „საქართველოს“ ცნობით, მასწავლებელთა ყრილობაზე სიტყვით გამოვიდა ქადაგიძე, რომელმაც განაცხადა, რომ თუშ-ფშავ-ხევსურეთის სამამდე სკოლაში ნორმალურად არასდროს ტარდება მეცადინეობა, ამ მხარეში არ არსებობს თანამედროვე კულტურის ნასახიც და საჭიროა მეტი ყურადღება მიექცეს მასო.

1920

ტიპი: ღონისძიება

1920 წლის 21 იანვარს მომარაგების სამინისტროს წარმომადგენელი ივანე თედორეს ძე ჭავჭანიძე სიტყვით გამოვიდა სახალხო სახლში გამართულ მეცხვარე-მესაქონლეთა ყრილობაზე.

1920

ტიპი: თანამდებობა

1920 წლის 21 იანვარს გიორგი დურმიშხანის ძე ჟურული ერთხმად აირჩიეს თავმჯდომარედ სახალხო სახლში გამართულ მეცხვარე-მესაქონლეთა ყრილობაზე.

1920

ტიპი: ღონისძიება

1920 წლის 21 იანვარს სახალხო სახლში სრულიად საქართველოს მეცხვარე-მესაქონლეთა ყრილობა გახსნა საორგანიზაციო კომიტეტის თავმჯდომარე ალექსანდრე მაჩაბლიშვილმა.

1920

ტიპი: ღონისძიება

1920 წლის 21 იანვრის გაზეთ „საქართველოს“ ცნობით, ნიკო თავდგირიძეს დაევალა სავაჭრო-სამრეწველო ცენტრალური ბანკის (ცენტრო-ბანკი) საორგანიზაციო საქმეების მოგვარება.

1920

ტიპი: ღონისძიება

1920 წლის 21 იანვარს მეღვინე-მევენახეთა წარმომადგენელი იოსებ ზაქარის ძე ანდრონიკაშვილი სიტყვით გამოვიდა სახალხო სახლში გამართულ მეცხვარე-მესაქონლეთა ყრილობაზე.

1920

ტიპი: ღონისძიება

1920 წლის 21 იანვარს სახალხო სახლში გამართულ მეცხვარე-მესაქონლეთა ყრილობაზე აირჩიეს პრეზიდიუმი შემდეგი შემადგენლობით: გიორგი ჟურული, ალექსანდრე მაჩაბლიშვილი, შალვა ქარუმიძე, ი. ციციშვილი.

1920

ტიპი: თანამდებობა

1920 წლის 21 იანვარს სახალხო სახლში გამართულ მეცხვარე-მესაქონლეთა ყრილობაზე მდივნებად აირჩიეს ალექსანდრე ჯავახიშვილი და ვ. ათანაშვილი.

1920

ტიპი: ავტორობა

1920 წლის 21 იანვარს აგრონომიული საბჭოს წარმომადგენელი გრიგოლ სვიმონის ძე რცხილაძე სიტყვით გამოვიდა სახალხო სახლში გამართულ მეცხვარე-მესაქონლეთა ყრილობაზე.

1920

ტიპი: ავტორობა

1920 წლის 21 იანვარს ფინანსთა და ვაჭრობა-მრეწველობის მინისტრის მოადგილე სიმონ ლუკას ძე ავალიანი სიტყვით გამოვიდა სახალხო სახლში გამართულ მეცხვარე-მესაქონლეთა ყრილობაზე.

1920

ტიპი: ავტორობა

1920 წლის 21 იანვარს მიწათმოქმედების მინისტრი ნოე გიორგის ძე ხომერიკი მისასალმებელი სიტყვით გამოვიდა სახალხო სახლში გამართულ მეცხვარე-მესაქონლეთა ყრილობაზე.

1920

ტიპი: ღონისძიება

1920 წლის 21 იანვარს სახალხო სახლში გამართულ მეცხვარე-მესაქონლეთა ყრილობაზე საორგანიზაციო კომიტეტის თავმჯდომარე ალექსანდრე მაჩაბლიშვილმა წამოაყენა წინადადება აერჩიათ თავმჯდომარე.

1920

ტიპი: ავტორობა

1920 წლის 22 იანვრის გაზეთ „საქართველოს რესპუბლიკის“ ცნობით, გაზეთი „გოლოს რაბოჩეგო“ (Голос рабочего) საქართველოს დამოუკიდებლობაზე უარყოფითი აზრის წერილის დაბეჭდვის გამო შინაგან საქმეთა მინისტრის ნოე რამიშვილის განკარგულებით დახურეს.

1920

ტიპი: პირადი ურთიერთობა

1920 წლის 22 იანვარს, შუადღეს, ოლივერ უორდროპმა მეუღლეს მარგარეტ კოლეტს მისწერა, რომ დიდ სიყვარულს უძღვნიდა მას და შვილებს – ჯეიმს, ენდისა და ნინოს.

1920

ტიპი: ავტორობა

1920 წლის 22 იანვარს, ხუთშაბათს, ოლივერ უორდროპმა მეუღლეს მარგარეტ კოლეტს მისწერა, რომ რაც უნდა მომხდარიყო თავისი მიღწევა – მოკავშირეების მიერ საქათველოს, სომხეთისა და აზერბაიჯანის დამოუკიდებლობის აღიარება – მიღწევად დარჩებოდა და მას ვერაფერი შეცვლიდა.

1920

ტიპი: ავტორობა

1920 წლის 22 იანვარს, ხუთშაბათს, ოლივერ უორდროპმა მეუღლეს მარგარეტ კოლეტს მისწერა, რომ დიდი ამბები ხდებოდა და ოპტიმისტურად იყო განწყობილი.

1920

ტიპი: ღონისძიება

1920 წლის 22 იანვარს, ხუთშაბათს, ოლივერ უორდროპმა მეუღლეს მარგარეტ კოლეტს მისწერა, რომ ალექსანდრე ხატისიანი გამოსამშვიდობებლად ესტუმრა. იგი ღამე ერევანში მიემგზავრებოდა.