ქშწკგს პროსოპოგრაფია

ფაქტები

რეგისტრირებული ფაქტები45138

1920

ტიპი: ავტორობა

დამფუძნებელი კრების 1920 წლის 30 მარტის სხდომაზე იურიდიული კომიტეტის თავმჯდომარემ დავით ეფრემის ძე ონიაშვილმა წარმოადგინა კანონპროექტი სამაზრო-სასოფლო მილიციისა და ადმინისტრაციის ახალი შტატის შემოღების შესახებ. მაზრისა და რაიონის კომისრის ნაცვლად დამტკიცდა მაზრისა და რაიონის მილიციის უფროსის თანამდებობები.

1920

ტიპი: ავტორობა

1920 წლის 30 მარტის გაზეთ „საქართველოში“ გამოქვეყნდა „მისტერ ოლ. უორდროპის განცხადება“.

1920

ტიპი: ავტორობა

1920 წლის 30 მარტის გაზეთ „საქართველოში“ (რედაქტორი სპირიდონ კედია) გამოქვეყნდა მეთაური წერილი „ბათომი და მოკავშირენი“.

1920

ტიპი: ღონისძიება

1920 წლის 31 მარტს იტალია-კავკასიის ბანკის გამგემ შინაგან საქმეთა მინისტრ ნოე რამიშვილს აუწყა, რომ ევროპასთან მჭიდრო კავშირისთვის მათ შეიმუშავეს ამიერკავკასიაში რადიოტელეგრამის ექსპლოატაციისა და დამოუკიდებელი საზოგადოების დაარსების პროექტი.

1920

ტიპი: ავტორობა

1920 წლის 31 მარტის გაზეთ „საქართველოს რესპუბლიკის“ ცნობით, ეროვნული გუნდის გამგემ, კონსტანტინე გიორგის ძე ფოცხვერაშვილმა მთავრობის თავმჯდომარეს ეროვნული გუნდის სუბსიდირების 30000 მანეთამდე გაზრდის შუამდგომლობით მიმართა. ძველი დაფინანსება ვერ აკმაყოფილებდა გუნდის მოთხოვნილებებს. თანხა 26 მაისის სამზადისისთვისაც იყო საჭირო.

1920

ტიპი: ავტორობა

1920 წლის 31 მარტის გაზეთ „საქართველოში“ (რედაქტორი სპირიდონ კედია) გამოქვეყნდა მეთაური წერილი „საქართველოს ეკონომიური წარმომადგენლობა“.

1920

ტიპი: ავტორობა

1920 წლის 2 აპრილის გაზეთ „საქართველოს რესპუბლიკის“ ცნობით,ექვთიმე თაყაიშვილმა სიტყვით მიმართა პოლონეთის დიპლომატიურ წარმომადგენელს, რომელიც დამფუძნებელი კრების სხდომას დაესწრო.

1920

ტიპი: ღონისძიება

მესხეთ-ჯავახეთის სახალხო ყრილობა დეპეშით მიესალმა რესპუბლიკის მთავრობის თავმჯდომარეს და დახმარება აღუთქვა იმ ბრძოლაში, რომელიც მას ისტორიამ დააკისრა.

1920

ტიპი: ავტორობა

1920 წლის პირველი აპრილის ჟურნალში „ვაზი და ღვინო“ მიხეილ შალამბერიძე მკითხველს ყურძნის შემადგენლობას ასწავლიდა.

1920

ტიპი: ავტორობა

1920 წლის პირველი აპრილის ჟურნალში „ვაზი და ღვინო“ დაიბეჭდა გიორგი ალექსანდრეს ძე წინამძღვრიშვილის მოხსენება მევენახეობის დარგის პრობლემებსა და მათი გადაჭრის გზებზე.

1920

ტიპი: ღონისძიება

1920 წლის 1-ელ აპრილს ფოთის ვაჟთა გიმნაზიის დირექტორმა განათლების სამინისტროს უმაღლესი და საშუალო სკოლების მთავარგამგეს გაუგზავნა ცნობა გიმნაზიის ისტორიის ყოფილი მასწავლებლის კლავდია კონსტანტინეს ასული ალექსეევას სამსახურიდან გათავისუფლების შესახებ. ასევე აუწყა, რომ იგი გიმნაზიაში 1-ლი მარტიდან აღარ მუშაობდა. ხელს აწერენ დირექტორი და საქმისმწარმოებელი ა. დობორჯგინიძე.

1920

ტიპი: ავტორობა

1920 წლის 2 აპრილს განათლების სამინისტრომ გორის სამაზრო ერობას გაუგზავნა ჯავის უმაღლესი დაწყებითი სასწავლებლის გამგის მიმართვა (23 მარტიდან N 42) და ამავე სასწავლებლის პედაგოგიური საბჭოს საქმე. ხელს აწერენ მთავარგამგე გიორგი ალმასხანის ძე ჭუმბურიძე და მდივანი კირილე მიხეილის ძე არჯევანიძე.

1920

ტიპი: ღონისძიება

1920 წლის 6 აპრილს ივანე ზაქარიას ძე ანდრონიკაშვილი და გ. ა. წინამძღვრიშვილი მიწათმოქმედების მინისტრ ნოე ხომერიკს შეხვდნენ სხვადასხვა საკითხისა და პრობლემის გასარკვევად. თათბირს დაესწრო კონსტანტინე მიხეილის ძე ბერეკაშვილიც. მინისტრმა ყველა საკითხზე აღუთქვათ დახმარება.

1920

ტიპი: განათლება

ქუტირის უმაღლესი დაწყებითი სასწავლებლის მასწავლებლის, ნიკანდრი ზაქარის ძე არველაძის ნამსახურებით სიაში წერია, რომ მან უმაღლესი განათლება მიიღო ქუთაისის საოსტატო სემინარიაში, რისი სათანადო მოწმობაც აქვს N637. ფორმულარის სწორად შედგენას ხელმოწერით ადასტურებს სასწავლებლის გამგე კირილე რუხაძე.

1920

ტიპი: პირადი ინფორმაცია

ქვიტირის უმაღლესი დაწყებითი სასწავლებლის პედაგოგი ნიკანდრო ზაქარიას ძე არველაძე 1918 წელს სამხედრო სამსახურში იყო და გერმანელების წინააღმდეგ ბრძოლაში მონაწილეობდა.

1920

ტიპი: ღონისძიება

1920 წლის 7 აპრილს თევდორე კიკვაძე, ვარლამ ბურჯანაძე, ქრისტინე შარაშიძე, სეით იაშვილი, ნინო ნაკაშიძე, კირილე ნინიძე და შიო დედაბრიშვილი დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომას დაესწრნენ.

1920

ტიპი: ღონისძიება

1920 წლის 7 აპრილს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს მაღაზიის გამგის თანამდებობაზე მიწვეული სამსონ დავითის ძე ბახტაძის თხოვნა თვიურად 6 000-ის ნაცვლად 9 000 მანეთის დანიშვნის შესახებ. გამგეობამ დააკმაყოფილა.

1920

ტიპი: ღონისძიება

1920 წლის 9 აპრილს განათლების სამინისტრო გორის სამაზრო ერობას სწერდა, მიუხედავად იმისა, რომ გორის სამაზრო ერობამ შეუფერებლად მიიჩნია თავის სკოლაში ჯავის უმაღლესი დაწყებითი სასწავლებლის გამგის მიერ დროებით მიწვეული ზოგიერთი მასწავლებლის დანიშნვა, სამინისტროში შესული ცნობების მიხედვით, მან მაინც არ მიიღო ზომები შესაფერისი კანდიდატების გამოსაძებნად, რის გამოც დ. გიკაევი და მ. სანაყოევი დარჩნენ სასწავლებელში. სამინისტრო სთხოვს გორის სამაზრო ერობას, რომ მიიღოს ზომები, რათა მომავალი სასწავლო წლიდან მაინც მიიწვიონ ჯავის უმაღლეს დაწყებით სასწავლებელში მასწავლებლობის შესაფერისი პირები. ხელს აწერენ მთავარგამგე გიორგი ალმასხანის ძე ჭუმბურიძე და მდივანი კ. არჯევანიძე.

1920

ტიპი: ღონისძიება

1920 წლის 9 აპრილს განათლების სამინისტრომ ჯავის უმაღლესი დაწყებითი სასწავლებლის გამგეს მისწერა, რომ მასოხოვს, როგორც ნდობით აღჭურვილ პირს გორის სამაზრო ერობისაგან ჰქონდა დავალებული სკოლის დათვალიერება და მას არ ჰქონდა უფლება არ დაეშვა იგი სასწავლებელში რევიზიის ჩასატარებლად, მიუხედავად მათ შორის არსებული გაუგებრობისა. აქედან გამომდინარე, განათლების სამინისტრომ უკანონოდ სცნო ჯავის სასწავლებლის გამგის გადაწყვეტილება. ხელს აწერენ გიორგი ალმასხანის ძე ჭუმბურიძე და მდივანი კ. არჯევანიძე.

1920

ტიპი: ავტორობა

საქართველოს დიპლომატიურმა წარმომადგენელმა კონსტანტინოპოლში საქართველოს შსს-ს წინაშე დენიკინის მიერ გადასახლებული ყუბანის რადის წევრებისთვის საქართველოს ტერიტორიაზე შემოსვლის უფლების მიცემასთან დაკავშირებით შუამდგომლობა აღძრა.

1920

ტიპი: ღონისძიება

1920 წელს ახალი ათონის სვიმონ კანანელის მონასტრის წინამძღვარმა შუამდგომლობა აღძრა შინაგან საქმეთა სამინისტროს წინაშე, რომ მონასტრისთვის ნება მიეცათ, გაეყიდა ქალაქ სოხუმში, მიხეილისა და ოლგას ქუჩაზე მდებარე მისი კუთვნილი მამული. საქართველოს საკათალიკოსო საბჭოს დასკვნის თანახმად შსს მინისტრმა თხოვნის დაკმაყოფილება შესაძლებლად მიიჩნია.

1920

ტიპი: ღონისძიება

1920 წლის 1-ელი აპრილის ჟურნალ „ვაზი და ღვინოს“ ცნობით, მეღვინე-მევენახეთა ყრილობათა საბჭომ (ივანე ანდრონიკაშვილი, სოლომონ ჩოლოყაშვილი, გიორგი წინამძღვრიშვილი, ი. დ. ფორაქაშვილი) გადაწყვიტა, ჩაეტარებინა კახეთში თათბირები სხვადასხვა საჭირბოროტო საკითხის მოსაგვარებლად.

1920

ტიპი: ღონისძიება

1920 წლის 14 (20) აპრილს მდივანმა გიორგი ნიკიფორეს ძე მებუკემ და საქმისმწარმოებელმა დ. მესხმა ფოთის ვაჟთა გიმნაზიის დირექტორს გაუგზავნეს ყოფილი მასწავლებლის კლავდია კონსტანტინეს ასული ალექსეევას საბუთი N278.

1920

ტიპი: ღონისძიება

1920 წლის 15 აპრილის ჟურნალ „ვაზი და ღვინოს“ ნომერში გამოქვეყნდა გიორგი წინამძღვრიშვილისა და სოლომონ ჩოლოყაშვილის მოხსენებები იმის შესახებ, როგორ შეიძლებოდა საქართველოს მევენახეობის ხსნა განადგურებისგან.

1920

ტიპი: ავტორობა

1920 წლის 15 აპრილის ჟურნალში „ვაზი და ღვინო“ დაიბეჭდა მიხ. შალამბერიძეს სტატია ღვინის დუღილისა და ტკბილის შემადგენლობის შესახებ.