ქშწკგს პროსოპოგრაფია

ფაქტები

რეგისტრირებული ფაქტები46388

1889

ტიპი: ღონისძიება

1889 წლის 12 მაისის გაზეთ „ივერიის“ ცნობით, გიორგი ვეზირიშვილმა ქართულად თარგმნა „ფრანსილიონი“.

1889

ტიპი: ღონისძიება

1889 წლის 12 მაისის გაზეთ „ივერიის“ ცნობით, ქართველთა შორის წერა-კითხვის გამავრცელებელი საზოგადოების წიგნსაცავიდან რაჟდენ თომას ძე ხუნდაძის შედგენილი „ტიპიკონი“ მანეთად იყიდებოდა.

1889

ტიპი: ორგანიზაცია

1889 წლის 12 მაისის გაზეთ „ივერიის“ ცნობით, ანტონ ფურცელაძე სამი წლით აირჩიეს სათავადაზნაურო ბანკის დამფასებელ წევრად.

1889

ტიპი: ღონისძიება

1889 წლის 12 მაისის გაზეთ „ივერიის“ ცნობით, ქართველთა შორის წერა-კითხვის გამავრცელებელი საზოგადოების წიგნსაცავიდან დავით იესეს ძე ჩუბინაშვილის რუსულ-ქართული ლექსიკონი 3. 60 მანეთად იყიდებოდა.

1889

ტიპი: ღონისძიება

1889 წლის 28 მაისს ქართველთა შორის წერა-კითხვის გამავრცელებელი საზოგადოების გამგეობას მიმართა გრიგოლ ჩარკვიანმა წინადადებით, რომ შეეძლო მათთვის ნახევარ ფასად მიეყიდა ახალგამოსული „ჩანგის“ 200 ეგზემპლარი.

1889

ტიპი: განათლება

1889 წლის ივნისში იაკობ ფანცხავამ ქუთაისის კლასიკური გიმნაზია დაამთავრა.

1889

ტიპი: ღონისძიება

1889 წლის 13 ივნისს მიხეილ საბინინმა ქართველთა შორის წერა-კითხვის გამავრცელებელი საზოგადოების წიგნის მაღაზიიდან წიგნისთვის „საქართველოს სამოთხე“ მიიღო 10 მანეთი.

1889

ტიპი: ავტორობა

1887 წლის 30 ივნისს „ივერიის“ №92-ში დაბეჭდილი ფელეტონის „რამე-რუმე“ წაკითხვის შემდეგ ანტონ ფურცელაძემ ფელეტონის ავტორს, სოფრომ მგალობლიშვილს საყვედურის წერილი გაუგზავნა.

1889

ტიპი: ღონისძიება

1889 წლის ივლისის დასაწყისში ელისაბედ გრიგოლის ასული ჭავჭავაძე-საგინაშვილისა იალტაში იმყოფებოდა.

1889

ტიპი: ღონისძიება

1889 წლის ივლისში ილია ალხაზიშვილმა ილია ჭავჭავაძეს თავისი ნაშრომები გაუგზავნა.

1889

ტიპი: ავტორობა

1889 წლის 11 ივლისს ილია ჭავჭავაძემ ხელწერილი მისცა სვიმონ არუთინოვს, რომ მიჰყიდდა წიწამურსა და საგურამოში მოწეულ მოსავალს.

1889

ტიპი: ღონისძიება

1889 წლის 20 ივლისს ილია ჭავჭავაძესთან სტუმრად უნდა ჩამოსულიყვნენ ნიკოლოზ მაყაშვილი და ილია ოქრომჭედლიშვილი ოჯახებთან ერთად.

1889

ტიპი: ღონისძიება

1889 წლის 27 ივლისს ილია ჭავჭავაძემ „ივერიის“ რედაქცია თავისი ახალი სახლის შენობაში, ნიკოლოზის ქუჩის № 21-ში, გადაიტანა.

1889

ტიპი: ავტორობა

1889 წლის 29 ივლისის გაზეთ „ივერიაში“ ხელმოუწერლად დაიბეჭდა ილია ჭავჭავაძის ნარკვევი „აი ისტორია“.

1889

ტიპი: ავტორობა

1889 წლის აგვისტოში ილია ჭავჭავაძემ წერილი გაუგზავნა გრიგოლ თევდორეს ძე ყიფშიძეს, შეატყობინა, რომ მის მიერ გაგზავნილი მასალა გაზეთში დასაბეჭდად არ გამოდგებოდა.

1889

ტიპი: ღონისძიება

1889 წლის აგვისტოში ილია ჭავჭავაძემ დიმიტრი ბაქრაძეს ქართველ მეფეთა გამოსახულებების ალბომი სთხოვა.

1889

ტიპი: ავტორობა

1889 წლის 18 აგვისტოს ზაქარია ჩხიკვაძემ პეტრე კარბელაშვილის მიერ შესრულებული „ღმერთო, ღმერთო“ ნოტებზე ჩაწერა.

1889

ტიპი: ღონისძიება

1889 წლის 20 აგვისტოს იმერეთის ეპისკოპოსმა გაბრიელმა ზედა შავრის იოანე ნათლისმცემლის სახელობის ეკლესია აკურთხა.

1889

ტიპი: ღონისძიება

1889 წლის სექტემბერში იაკობ ფანცხავა ოდესაში გაემგზავრა.

1889

ტიპი: განათლება

1889 წლის სექტემბერში იაკობ ფანცხავამ ოდესის ნოვოროსიისკის უნივერსიტეტში დაიწყო სწავლა ბუნებისმეტყველების მიმართულებით.

1889

ტიპი: ღონისძიება

1889 წლის სექტემბერში ოდესის ნოვოროსიისკის უნივერსიტეტში შესულმა იაკობ ფანცხავამ სპეციალობად ფიზიოლოგია აირჩია.

1889

ტიპი: განათლება

1889 წელს ოდესის უნივერსიტეტში ჩაბარების შემდეგ, გარდა სპეციალობად არჩეული ფიზიოლოგიისა, იაკობ ფანცხავა შეისწავლიდა ზოოლოგიას (შედარებით ანატომიას), ბოტანიკასა და ორგანულ ქიმიას.

1889

ტიპი: ღონისძიება

1889 წლის 2 სექტემბერს თელავის სასულიერო სასწავლებელის ზედამხედველმა მიხეილ ივნეს ძე ილურიძემ წერა-კითხვის გამავრცელებელ საზოგადოებას სთხოვა, გაეგზავნათ არისტოტელე (არისტო) ვასილის ძე ქუთათელაძის ქართული გრამატიკის სახელმძღვანელოს 60 ეგზემპლარი, თევდორე (თედო) დავითის ძე ჟორდანიას ქართული ენის გრამატიკის სახელმძღვანელო – 5, „ქართველი პოეტების კრებული" (რუსულ ენაზე) და სულხან (ტიხონ) ბარათაშვილის (ბარათოვის) საქართველოს ისტორია – 2-2, იაკობ სიმონის ძე გოგებაშვილის რუსული მეტყველება (Русская речь) და 15 ცალი „Христоматия Полевого".

1889

ტიპი: ღონისძიება

1889 წლის 4 სექტემბერს კავკავში გარდაცვლილმა აზნაურმა სიმონ სიმონის ძე საყვარელიძემ თბილისის სასულიერო სემინარიას ანდერძით დაუტოვა 400 თუმანი, რომლის სარგებლიდანაც 40 თუმანი უნდა მოხმარებოდათ ღარიბი მღვდლის შვილებს; პირველი შინაგანი სესხის 5%-იანი მომგები ბილეთი შესწირა კავკავის ქართულ სკოლას, ათ-ათი თუმანი – თბილისის გუბერნიის რამდენიმე მონასტერს. ს. საყვარელიძემ არც თავისი ღარიბი ნათესავები დატოვა უყურადღებოდ – ცოტაოდენი ფული ყველას უანდერძა.