1919

ტიპი: ღონისძიება

1919 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომამ განიხილა ნიკოლოზ ჯომარჯიძის მიერ თარგმნილი ვ. ჰიუგოს თხზულების „უბედურნი“ გამოცემის საკითხი. სექციამ დაადგინა, დაიბეჭდოს 1000 ცალი და ავტორს მიეცეს ჰონორარად დადგენილი ნორმა და გამოაკლდეს 150 მანეთი ენის მხრივ შესწორებებისთვის. გამგეობამ დაბეჭდვა შეუძლებლად მიაჩნია, რადგან ენის მხრივ ძირითად ცვლილებებს საჭიროებდა.

1919

ტიპი: ღონისძიება

1919 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გ. არდიშვილის თხოვნა, დაებრუნებინათ უკან მის მიერ წარმოდგენილი გერმანული ენის გრამატიკა, ან ეცნობებინათ, ბეჭდავდა თუ არა გამგეობა წიგნს. სექციის დადგენილებით, ავტორი თუ თანახმა იქნებოდა, წიგნი განსახილველად განათლების სამინისტროსთან არსებულ სარეცენზიო კომისიას გადაეცემოდა. გამგეობამ დაადგინა, წიგნი ავტორის მემკვიდრეებს დაბრუნებოდა.

1919

ტიპი: ღონისძიება

1919 წლის 31 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გიგო ხეჩუაშვილის თხოვნა, რომ არსებული პირობების გამო მას ძვირი დაუჯდა წიგნების დაბეჭდვა, რადგან სხვა წიგნების დაბეჭდვაც სურდა, ჩქარობდა გაყიდვას და საზოგადოებას 500 წიგნიდან 400-ის შეძენის შემთხვევაში ნახევარ ფასად დაუთმობდა შემდეგ გამოცემებს: „ოცი ძმა“ 6 მანეთის ნაცვლად 3 მან., „ციცინათელა“ 6 მანეთის ნაცვლად 3 მან., „რუიზანი“ 4 მანეთის ნაცვლად 2 მან. გამგეობამ მას თხოვნაზე უარი უთხრა.

1919

ტიპი: ღონისძიება

1919 წლის 31 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სარგის კაკაბაძის თხოვნა, ერთი ცალი „ვეფხისტყაოსანის“ (ქართველიშვილის გამოცემა) დათმობის შესახებ. გამგეობამ მას წიგნის არქონის გამო უარი უთხრა.

1919

ტიპი: ღონისძიება

1919 წლის 31 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სილიბისტრო თავართქილაძის თხოვნა კრედიტის 5000 მანეთამდე გაზრდის შესახებ. მათი ცნობით, მას ვალი უკვე გასტუმრებული ჰქონდა. გამგეობამ დაადგინა, გაეხსნას ახალი კრედიტი 5000 მანეთის, ამ კრედიტში მიეცეს 1000 მანეთის ღირებულების სახელმძღვანელო წიგნები.

1919

ტიპი: ღონისძიება

1919 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი წიგნის საწყობებში დარაბების გაკეთების შესახებ. გამგეობამ გადაწყვიტა, ტერენტი წერეთლისა და ვარლამ ბურჯანაძისთვის დაევალებინათ ამ საქმის შესრულება.

1919

ტიპი: ავტორობა

1919 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომის ოქმს მიწერილი აქვს, რომ დადგენილებას „დედაენის“ შეუსწორებლად დაბეჭდვის შესახებ არ ეთანხმებოდა თევდორე კიკვაძე. ის თვლიდა, რომ შესაძლებელი იყო წიგნის გადასინჯვა-შესწორება.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: შ. დედაბრიშვილი, კ. ნინიძე, ვ. წულაძე, თავმჯდომარეობდა დ. კარიჭაშვილი.

1888

ტიპი: ავტორობა

1888 წელს ივანე წერეთელმა ქართველთა შორის წერა-კითხვის გამავრცელებელ საზოგადოებას გაუგზავნა წერილი მათ მიერ გამოგზავნილი წიგნების შესახებ.

ტიპი: ავტორობა

გულეიკარის საზოგადოების სკოლის მასწავლებელმა დავით ფირცხლავამ გააკეთა განცხადება წერა-კითხვის გამავრცელებელი საზოგადოების სახელზე, მისთვის წიგნების გასაგზავნად.

1889

ტიპი: ღონისძიება

1889 წელს ქართველთა შორის წერა-კითხვის გამავრცელებელმა საზოგადოებამ სერგო მეღვინეთუხუცესს თელავში წიგნების სია გაუგზავნა.

1885

ტიპი: ორგანიზაცია

1885 წელს ქართველთა შორის წერა-კითხვის გამავრცელებელმა საზოგადოებამ ბათუმის სკოლის მასწავლებელ მოსე ივანეს ძე ნათაძეს გასაყიდი წიგნების სია გაუგზავნა.

1900

ტიპი: ღონისძიება

1900 წელს სამსონ ყიფიანმა სენაკში გასაყიდად წიგნები წაიღო.

1918

ტიპი: ღონისძიება

ნიკო ცხვედაძეს ქართველთა შორის წერა-კითხვის გამავრცელებელი საზოგადოების მიერ გაეგზავნა გასაყიდი წიგნების სია.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საზოგადოების საჭიროებისათვის ქაღალდის შეძენის საკითხი. გამგეობის წევრი ვასილ წულაძე იტალიაში მიემგზავრებოდა ქაღალდის შესაძენად. გამგეობამ ფულის შოვნა თევდორე კიკვაძეს, დავით კარიჭაშვილს და ვარლამ ბურჯანაძეს მიანდო. მთავარმა გამგეობამ ვ. წულაძეს დაავალა, რომ უცხოეთში ქაღალდი იმ პირობით ეშოვნა, რომ მისი გამოსყიდვა შეასაძლებელი ყოფილიყო ბათუმში ან ფოთში, ან იმდენი ეყიდა, რამდენსაც ფული ეყოფოდა.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომამ განიხილა საკითხი მე-19 საუკუნის ლიტერატურის ისტორიის შესახებ. გადაწყდა, გიორგი ჯავახიშვილისთვის მიენდოთ მე-19 საუკუნის ქართული ლიტერატურის ისტორიის შედგენა. გამგეობამ დადგენილება დაამტკიცა.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წერაქვის სკოლის მასწავლებელ მარიამ ღიბრაძის თხოვნა ივნისისა და ივლისის კუთვნილი ჯამაგირის მიცემის შესახებ. გამგეობამ დაადგინა, მიეცათ ეს თანხა.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გიორგი ჯავახიშვილის თხოვნა წიგნსაცავიდან საჭირო მასალით სარგებლობის შესახებ. გამგეობამ საზოგადო წესით მას ნება დართო.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს მოსე ჯანაშვილის განცხადება ლექსიკონის გამოცემასთან დაკავშირებით. გამგეობამ დავით კარიჭაშვილს მიანდო გამოცემის პირობებზე მოსე ჯანაშვილთან მოლაპარაკება.

1919

ტიპი: ღონისძიება

1919 წლის 3 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თ. კიკვაძის წინადადება სკოლების გადაცემის შესახებ. მისი აზრით, სკოლები სექტემბრიდან უსათუოდ უნდა გადაეცეს ერობებს. გამგეობამ დაადგინა, მიენდოს თ. გ. კიკვაძეს, გამგეობის სახელით აღძრას შუამდგომლობა დამფუძნებელი კრების სასკოლო კომისიაში სკოლების ჩაბარების შესახებ.

1919

ტიპი: ღონისძიება

1919 წლის 7 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: ი. ვართაგავა, ს. იაშვილი, ი. გიორგობიანი, შ. დედაბრიშვილი, თავმჯდომარეობდა დ. კარიჭაშვილი.

1918

ტიპი: თანამდებობა

საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 26 სექტემბრის ბრძანებით მიხეილ მიხეილის ძე ხრისტოლუბოვი თბილისის „ახალი სკოლის" გიმნაზიაში რუსული ენისა და ისტორიის მასწავლებლად დაინიშნა.

1919

ტიპი: ღონისძიება

1919 წლის 7 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომამ განიხილა თ. კიკვაძის სიტყვიერი მოხსენება საზოგადოების სკოლების გადაცემის შესახებ. თ. კიკვაძეს მინდობილი ჰქონდა, გამგეობის სახელით აღეძრა შუამდგომლობა დამფუძნებელი კრების განათლების კომისიაში ქ. შ. წ. კ. გ. ს. სკოლების გადაცემის შესახებ. გამგეობამ დაადგინა, აღძრულიყო შუამდგომლობა განათლების სამინისტროს წინაშე დამფუძნებელი კრების განათლების კომისიის დადგენილების თანახმად საზოგადოების სკოლების ერობათა უწყებაში გადაცემის შესახებ.

1920

ტიპი: ღონისძიება

1920 წლის 6 მარტს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს საქართველოს საისტორიო და საეთნოგრაფიო საზოგადოების საბჭოს თხოვნა საზოგადოების ბიბლიოთეკისთვის ორ-ორი ცალი ყველა გამოცემის უსასყიდლოდ დათმობის შესახებ. სანაცვლოდ საბჭო საზოგადოებას სთავაზობდა საკუთარ გამოცემებს, რომლებიც საზოგადოებას წიგნსაცავში არ ჰქონდა. გამგეობამ მათი თხოვნა დააკმაყოფილა.

1920

ტიპი: ღონისძიება

1920 წლის 6 მარტს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს სამურზაყანოს განყოფილების გამგეობის თხოვნა გალის ბიბლიოთეკა-სამკითხველოს ჟურნალ-გაზეთებითა და წიგნებით დახმარების შესახებ. ბიბლიოთეკა უსახსრობის გამო დაკეტილი იყო. გამგეობამ მისთვის ჟურნალ-გაზეთებისა და 1000 მანეთის გადაცემა გადაწყვიტა.