ქშწკგს პროსოპოგრაფია

ფაქტები

რეგისტრირებული ფაქტები46700

1898

ტიპი: განათლება

1898 წლის 22 ნოემბერს ქაშუეთის წმინდა გიორგის ეკლესიაში თბილისის სასულიერო სემინარიის პედაგოგმა ილია ფერაძემ მოხსენება „ბავშვების ქრისტიანობრივი აღზდის შესახებ“ წაიკითხა.

1898

ტიპი: ღონისძიება

1898 წლის 22 ნოემბერს მღვდელმა სოლომონ შოშიაშვილმა ნაძალადევის უბანში შეკრებილ საზოგადოებას ახალი სამრევლო სკოლისა და სამლოცველოს აშანების თაობაზე ეგზარქოს ფლაბიანეს ლოცვა-კურთხევა გადასცა.

1898

ტიპი: ღონისძიება

1898 წლის 21 ნოემბერს თბილისის საეპარქიო საქალებო სასწავლებლის ეკლესიაში ეგზარქოსმა ფლაბიანემ სასწავლებლის დღეობისადმი მიძღვნილი წირვა აღავლინა, რის შემდეგაც სემინარიის საბჭოს წევრმა, დეკანოზმა ანტონ თოთიბაძემ, მისასალმებელი სიტყვა წარმოთქვა.

1898

ტიპი: ავტორობა

1898 წლის 20 ნოემბერს გაზეთ „ივერიაში“ ილია ჭავჭავაძემ გამოაქვეყნა დასასრული მოწინავე წერილისა „ტფილისი, 19 ნოემბერი“ („ჩვენს გუშინდელს მეთაურში მოვიხსენიეთ...“).

1898

ტიპი: ღონისძიება

1898 წლის 20 ნოემბრის „ცნობის ფურცლის“ მიხედვით, ქუთაისის დრამატულ თეატრში ვლადიმერ ალექსი-მესხიშვილის მიერ დადგმული ალექსანდრე ყაზბეგის დრამა „ქეთევან დედოფალი“ წარმოადგინეს.

1898

ტიპი: თანამდებობა

1898 წლის 20 ნოემბერს გაზეთ „ცნობის ფურცელში“ დიდი მთავრის, მიხეილ ნიკოლოზის ძე რომანოვის მიერ ფოთის მოურავის, ნიკო ნიკოლაძისადმი მიწერილი სამადლობელი წერილი გამოქვეყნდა.

1898

ტიპი: ავტორობა

1898 წლის 20 ნოემბრის „ცნობის ფურცლის“ მიხედვით, წერა-კითხვის გამავრცელებელი საზოგადოების მაღაზიაში 3 კაპიკად იყიდებოდა ილია ფერაძის მიერ თარგმნილი და ექვთიმე ხელაძის მიერ გამოცემული ნედსონის თხზულება „იუდა“.

1898

ტიპი: ავტორობა

1898 წლის 19 ნოემბერს გაზეთ „ივერიაში“ ილია ჭავჭავაძემ გამოაქვეყნა დასაწყისი მოწინავე წერილისა „ტფილისი, 18 ნოემბერი“ („შიდა რუსეთის გაზეთები ერთს იმისთანა ამბავს იწერებიან...“).

1898

ტიპი: ავტორობა

1898 წლის 19 ნოემბრის „ცნობის ფურცლის“ მიხედვით, მღვდელმა ვასილ კარბელაშვილმა ქართლ-კახურ კილოზე შესრულებული საეკლესიო საგალობლების ნოტებზე გადატანილი კრებული გამოსცა.

1898

ტიპი: თანამდებობა

1898 წლის 19 ნოემბრის „ცნობის ფურცლის“ მიხედვით, მაზრის უფროსი პოდპოლკოვნიკი ა. ი. სლავოჩინსკი ბათუმის ოლქის უფროსის თანამდებობაზე დაინიშნა.

1898

ტიპი: ღონისძიება

1898 წლის 19 ნოემბერს ქართულმა დრამატულმა საზოგადოებამ პეტრე უმიკაშვილის მიერ თარგმნილი ოთხმოქმედებიანი პიესა „ალერსთა ბადე” წარმოადგინა.

1898

ტიპი: ღონისძიება

1898 წლის 19 ნოემბერს ქართულმა დრამატულმა საზოგადოებამ მამია გურიელის მიერ თარგმნილი მ. ლერმონტოვის პოემა „დემონი” წარმოადგინა. სპექტაკლი ვასო აბაშიძემ და კოტე მესხმა დადგეს.

1898

ტიპი: ღონისძიება

1898 წლის 19 ნოემბერს ქართულ დრამატული საზოგადოება მამია გურიელის მიერ თარგმნილ „დემონს“ წარმოადგინდა. სპექტაკლში ელისაბედ ჩერქეზიშვილი, გიორგი კანდელაკი, ალექსანდრე იმედაშვილი, ანა მესხი და დ. აბდუშელი მიიღებდნენ მონაწილეობას.

1898

ტიპი: ღონისძიება

1898 წლის 19 ნოემბერს ქართული დრამატული საზოგადოება ვასო აბაშიძისა და კოტე მესხის მიერ დადგმულ ოთხმოქმედებიან კომედია „ალერსთა ბადეს“ წარმოადგენდა. პიესა ქართულად პეტრე უმიკაშვილმა თარგმნა.

1898

ტიპი: პირადი ინფორმაცია

1898 წლის 19 ნოემბერს კავკასიის მთავარმართებლის თანაშემწე ალექსანდრე ალექსანდრეს ძე ფრეზე თბილისიდან პეტერბურგში გაემგზავრა.

1898

ტიპი: ავტორობა

1898 წლის 18 ნოემბერს გაზეთ „ივერიაში“ ილია ჭავჭავაძემ გამოაქვეყნა დასასრული მოწინავე წერილისა „ტფილისი, 17 ნოემბერი“ („წინა წერილებიდამ სჩანს...“).

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე გამგეობამ დააკმაყოფილა თომა მთავრიშვილის შუამდგომლობა და სამ-სამი თუმნის წიგნები გაუგზავნა ვლადიმერ დავითის ძე ლომაძეს ძიმითში და ივანე დიმიტრის ძე ჭანტურიშვილის აცანაში.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომას ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, გრიგოლ ყიფშიძე, ექვთიმე თაყაიშვილი, ვანო ზურაბიშვილი და გიორგი იოსელიანი. სხდომაზე გამგეობამ დააკმაყოფილა მაჩხაანის დეპოს თხოვნა წიგნების გაგზავნასთან დაკავშირებით.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთა ნიკოლოზ ცხვედაძემ, რომ სვიმონ წერეთლის თქმით, მის მეუღლეს მარიამ არჩილის ასულ წერეთლისას კვლავ სურდა ყოფილიყო ქუთაისის სათავადაზნაურო სკოლის სამზრუნველოს წევრი. მას ამის შესახებ უცნობებია კომიტეტის მდივან კირილე ლორთქიფანიძესთვის, რომელსაც შემდეგ გამგეობისთვის უნდა ეცნობებინა ეს საკითხი, მაგრამ უშედეგოდ, სწორედ ამიტომ ცხვედაძის აზრით, მარიამ წერეთლისა კვლავ უნდა აერჩიათ სამზრუნველო კომიტეტის წევრად. გამგეობამ განაცხადა, რომ ვინაიდან ეს საკითხი თავის დროზე არ უცნობებიათ გამგეობისთვის, მათ უკვე არჩეული ჰყავდათ სამზრუნველოს ახალი წევრი.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე გამგეობას კითხვით მიმართა ივანე ზურაბიშვილმა, თუ რატომ არ ჰქონდათ ინფორმაცია ქუთაისის სათავადაზნაურო სკოლაში მომხდარი ცვლილებების შესახებ. გამგეობამ ქუთაისის სათავადაზნაურო სკოლის ინსპექტორს მოსთხოვა, განემარტა გამგეობისთვის თუ რატომ მოხდა სკოლის სხვა ადგილზე გადატანა და რატომ არ შეატყობინეს აღნიშნული საკითხი საზოგადოებას.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების ოცდამეთხუთმეტე სხდომას ესწრებოდნენ ნიკოლოზ ცხვედაძე, დავით კარიჭაშვილი, გიორგი იოსელიანი, გრიგოლ ყიფშიძე, ალექსანდრე ჭყონია, ექვთიმე თაყაიშვილი და ივანე ზურაბიშვილი. სხდომაზე წარმოადგინეს საზოგადოების შემოსავალ-გასავლის ანგარიში, მიღებული 1-ელიდან 16 ნოემბრამდე.

1898

ტიპი: ღონისძიება

1898 წლის 17 ნოემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეთხუთმეტე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: დავით კარიჭაშვილი, გრიგოლ ყიფშიძე, გიორგი იოსელიანი, ექვთიმე თაყაიშვილი, ალექსანდრე ჭყონია და ივანე ზურაბიშვილი.

1898

ტიპი: ავტორობა

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთეს წიგნების არჩევისა და ბეჭდვის კომისიის წევრებმა ეკატერინე გაბაშვილის საყმაწვილო მოთხრობათა გამოცემის შესახებ. გამგეობამ კომისიის მოხსენება დაამტკიცა.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, გიორგი იოსელიანი, ექვთიმე თაყაიშვილი, ივანე ზურაბიშვილი და გრიგოლ ყიფშიძე, წარმოადგინეს I და II სახალხო ბიბლიოთეკის შემოსავალ-გასავლის ანგარიში.

1898

ტიპი: ღონისძიება

1898 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე მოხსენება გააკეთა დავით კარიჭაშვილმა, რომ საჭირო იყო წიგნსაცავისთვის შეეკეთებინათ 2 კარადა და მუზეუმის ნივთებისთვის 2 ვიტრინა. ასევე მუზეუმსა და კანცელარიის შუაში უნდა გაეკეთებინათ რკინის მოაჯირი. აღნიშნულ საკითხთან დაკავშირებით გამგეობამ თანხმობა განაცხადა.