ქშწკგს პროსოპოგრაფია

ფაქტები

რეგისტრირებული ფაქტები46478

1891

ტიპი: ორგანიზაცია

1891 წლის 1-ლ მაისს ბიბლიოთეკის კომისიამ ქართველთა შორის წერა-კითხვის გამავრცელებელი საზოგადოების გამგეობის მინდობილობის თანახმად გადაწყვიტა, ალექსანდრე ხახანაშვილისთვის ეთხოვათ მოსკოვის საარქეოლოგიო და საეთნოგრაფიო საზოგადოებებთან შუამდგომლობა, რათა მათ ქართველთა შორის წერა-კითხვის გამავრცელებელი საზოგადოებისთვის თავიანთი გამოცემები უსასყიდლოდ გადაეცათ.

1891

ტიპი: ღონისძიება

1891 წლის 30 აპრილს ილია ჭავჭავაძემ ქართველთა შორის წერა-კითხვის გამავრცელებელი საზოგადოების სახელით მადლობა გადაუხადა არქიმანდრიტ ნიკოლოზ ზიოროვს ჟურნალ „საქართველოს საეგზარქოსოს სასულიერო მოამბის“ მიწოდებისთვის.

1891

ტიპი: ავტორობა

1891 წლის 27 აპრილის გაზეთ „ივერიაში“ ილია ჭავჭავაძემ ხელმოუწერლად გამოაქვეყნა ნეკროლოგი სათაურით „ნიკოლოზ ვასილის ძე შელგუნოვი“.

1891

ტიპი: ღონისძიება

1891 წლის 12 აპრილს წარმოადგინეს დავით გიორგის ძე ერისთავის „სამშობლო“, რომელშიც“ მთავარი როლი მსახიობმა ვიქტორ მერაბის ძე გამყრელიძემ შეასრულა.

1891

ტიპი: ღონისძიება

1891 წლის 22 მარტს ილია ჭავჭავაძემ ნოვოროსიის სტუდენტების მიერ შემოწირული თანხა ქართველთა შორის წერა-კითხვის გამავრცელებელ საზოგადოებას გადასცა.

1891

ტიპი: ავტორობა

1891 წლის 10 მარტის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 9 მარტი“, რომელიც მწერლის თხზულებათა კრებულებში დაიბეჭდა სათაურით „მიხეილ ყიფიანი“.

1891

ტიპი: ავტორობა

1891 წლის 7 მარტის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 6 მარტი“, რომელიც მწერლის თხზულებათა კრებულებში დაიბეჭდა სათაურით „საგაზეთო შენიშვნები თბილისის ქალაქის გამგეობის მიმდინარე საქმეებზედ“.

1891

ტიპი: ღონისძიება

1891 წლის 7 მარტს კონსტანტინე მიხეილის ძე ამირაჯიბმა ოდესის უნივერსიტეტის ქართველი სტუდენტების სახელით ქართველთა შორის წერა-კითხვის გამავრცელებელ საზოგადოებას შემოწირულება გაუგზავნა.

1891

ტიპი: გარდაცვალება

1891 წლის 7 მარტს ჩუნეშის წმ. გიორგის ეკლესიის მღვდელი ილარიონ ანტონის ძე წივწივაძე გარდაიცვალა.

1891

ტიპი: ავტორობა

1891 წლის 19 თებერვალს ილია ჭავჭავაძემ მიხეილ ზაალის ძე ყიფიანს ვლადიკავკაზში გაუგზავნა წერილი ყაზბეგში სკოლის გახსნის თაობაზე.

1891

ტიპი: ავტორობა

1891 წლის 13 თებერვლის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 12 თებერვალი“, რომელიც მწერლის თხზულებათა ოცტომეულში დაიბეჭდა სათაურით „დასაწყისი სამთა კავშირის დასასრულისა“.

1891

ტიპი: ღონისძიება

1891 წლის 12 თებერვალს ექვთიმე თაყაიშვილმა დააბრუნა ქართველთა შორის წერა-კითხვის გამავრცელებელი საზოგადოებიდან წაღებული წიგნები, მათ შორის ალექსანდრე ყაზბეგის კუთვნილი „სახარება“.

1891

ტიპი: ავტორობა

1891 წლის 8 თებერვალს ილია ჭავჭავაძემ გაბრიელ ეპისკოპოსს წერილობით შეატყობინა ქართველთა შორის წერა-კითხვის გამავრცელებელი საზოგადოების საერთო კრების დადგენილება მწიგნობრობის გავრცელების საქმეში შეტანილი წვლილისთვის მისი საპატიო წევრად არჩევის შესახებ.

1891

ტიპი: ღონისძიება

1891 წლის 7 თებერვლის გაზეთ „ივერიის“ ახალი ამბების რუბრიკით დაიბეჭდა ცნობა  ილია ჭავჭავაძის თხზულებათა ათ ტომად გამოცემის განზრახვის შესახებ.

1891

ტიპი: ავტორობა

1891 წლის 31 იანვრის გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის წერილი „ტფილისი, 30 იანვარი“, რომელიც მწერლის თხზულებათა კრებულებში დაიბეჭდა სათაურით „საგაზეთო შენიშვნები თბილისის ქალაქის გამგეობის მიმდინარე საქმეებზედ“.

1891

ტიპი: ღონისძიება

1891 წლის 20 იანვარს ალექსანდრე ნებიერიძის ბენეფისზე ილია ჭავჭავაძის „მაჭანკალი“ უნდა წარმოედგინათ.

1891

ტიპი: ღონისძიება

1891 წლის 10 იანვარს შიო ქუჩუკაშვილმა მიხეილ საბინინისგან მიიღო „საქართველოს სამოთხის“ 4 ეგზემპლარი ქართველთა შორის წერა-კითხვის გამავრცელებელი საზოგადოების წიგნის მაღაზიაში გასაყიდად.

1891

ტიპი: ღონისძიება

1891 წლის 5 იანვარს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბათუმის სკოლაში მასწავლებლად მუშაობის მსურველთა სია განიხილეს.

1891

ტიპი: ღონისძიება

1891 წლის 5 იანვარს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე „დედა ენის“ მერვე გამოცემის დაბეჭდვა გადაწყვიტეს.

1891

ტიპი: ღონისძიება

1891 წლის 5 იანვარს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე მოსე ივანეს ძე ნათაძის დაკრძალვის ხარჯის დასაფარად და დაღუპულის შვილის სათავადაზნაურო სკოლაში სწავლების დასაფინანსებლად თანხა გაანაწილეს.

1891

ტიპი: ღონისძიება

1891 წლის 2 იანვარს ილია ჭავჭავაძეზე ისევ დაწესდა პოლიციის ზედამხედველობა.

1891

ტიპი: განათლება

1891 წლიდან აკაკი ჩხენკელი თბილისის სასულიერო სემინარიაში სწავლობდა და სოციალურ იდეებს ეცნობოდა.

1891

ტიპი: ღონისძიება

1891 წელს კ. ნოდიამ თავის სავაჭროსთან პატარა სამკითხველო გახსნა, რომელიც 1894 წელს ლავრენტი ტუღუშის სტამბასთან არსებულ სამკითხველოს შეუერთდა.

1891

ტიპი: ღონისძიება

1891 წლის ქართველთა შორის წერა-კითხვის გამავრცელებელი საზოგადოების სამუზეუმო დავთრის მიხედვით, ლუარსაბ გერასიმეს ძე ბოცვაძემ საზოგადოებას მუზეუმისთვის გადასცა ჩიჩილაკი.

1891

ტიპი: ღონისძიება

1891 წლის ქართველთა შორის წერა-კითხვის გამავრცელებელი საზოგადოების სამუზეუმო დავთრის მიხედვით, ლევან გიორგის ძე ჯანდიერმა საზოგადოებას მუზეუმისთვის გადასცა ხმალი წარწერით: „ასლამაზ მამასახლისი“.