ქშწკგს პროსოპოგრაფია

ფაქტები

რეგისტრირებული ფაქტები46506

1872

ტიპი: პირადი ინფორმაცია

ეფემია გრიგოლის ასული გიორგიევი დაიბადა 1872 წლის 29 იანვარს. ის იყო მართლმადიდებელი.

1894

ტიპი: თანამდებობა

ეფემია გიორგიევას, ქალთა საოსტატო სემინარიის მასწავლებელს, ნამსახური წლები 1894 წლის პირველი სექტემბრიდან 1918 წლის პირველ ივლისამდე სახელმწიფო სამსახურში ჩაეთვალა.

1919

ტიპი: პირადი ინფორმაცია

1919 წლის 13 ივნისს გორის მაზრის სოფელ მეტეხის მცხოვრები კორნელი დიმიტრის ძე პატარქალიშვილი სთხოვს თბილისის ვაჟთა მეშვიდე გიმნაზიის დირექტორ ნიკოლოზ ჩიგოგიძეს, რომ ჩარიცხოს მისდამი დაქვემდებერებული გიმნაზიის მესამე კლასში.

1918

ტიპი: ღონისძიება

განათლების სამინისტრომ ნება დართო თბილისის ვაჟთა III გიმნაზიის დირექტორს, რომ მიხეილ გიორგაძისთვის დახმარების სახით გიმნაზიის სპეციალური თანხიდან გამოეწერათ 300 მანეთი.

1918

ტიპი: ღონისძიება

თბილისის ვაჟთა III გიმანზიის დირექტორი სამინისტროს სთხოვს მიხეილ გიორგაძისთვის გიმნაზიის სპეციალური თანხიდან 300 მანეთის დახმარების სახით გამოწერის ნებართვას.

1918

ტიპი: თანამდებობა

თბილისის ვაჟთა III გიმნაზიის დირექტორის განცხადებით, ისეთი პედაგოგის დაკარგვა, როგორიც მიხეილ გიორგაძე იყო დიდ დანაკლისს წარმოადგენდა გიმნაზიისთვის და მიუხედავად მისი თხოვნისა, მ. გიორგაძე დაღლილობის გამო არ თანხმდებოდა სამსახურის გაგრძელებას.

1918

ტიპი: ღონისძიება

თბილისის ვაჟთა III გიმნაზიის დირექტორმა აღძრა შუამდგომლობა უმაღლეს და საშუალო სკოლების მთავარგამგის წინაშე მიხეილ გიორგაძის თანამდებობიდან გათავისუფლების შესახებ თვით მ. გიორგაძის თხოვნის საფუძველზე.

1918

ტიპი: ღონისძიება

1918 წელს გიორგი გიორგობიანი შევიდა ბაქოში შექმნილ მენშევიკურ „დრუჟინაში“, რომელიც ლეკებმა ტყვედ ჩაიგდეს. ოსმალოს შტაბმა ყველა ქართველი დააბრუნა სამშობლოში, ხოლო მისი ოჯახი დარჩა ბაქოში, ამიტომ მან დახმარების თხოვნით მიმართა საქართველოს განათლების სამინისტროს.

1920

ტიპი: ავტორობა

მიხეილ გიორგაძე თბილისის ვაჟთა III გიმნაზიის დირექტორს სთხოვს სამინისტროს წინაშე შუამდგომლობას მისი სამსახურიდან გათავისუფლების შესახებ 1920 წლის 1-ლი ოქტომბრიდან.

1918

ტიპი: ავტორობა

მიხეილ გიორგაძე თბილისის ვაჟთა III გიმნაზიის დირექტორს წერს, რომ მხოლოდ ბრწყინვალე მომავლის იმედი აძლევდა ამ მძიმე ტვირთის ტარების ძალას, რომელსაც როგორც თვითონ ამბობს მოესწრო: „ჩვენი თავი ჩვენვე გვეყუდნის“, მაგრამ თითქმის 30 წლის მანძილზე ამ მძიმე უღლის ტარებამ ზემოაღნიშნულ პირობებში ძალზედ დაღალა და აღარ შეეძლო მუშაობის გაგრძელება.

1918

ტიპი: ღონისძიება

1918 წლის 22 ოქტომბერს ალექსანდრა დივანოვმა მიიღო თანხმობა თუმანოვის ქუჩაზე ფლეიტის შემსწავლელი კერძო კურსების გახსნის შესახებ. სწავლის გადასახადი იქნებოდა თვეში 15 მანეთი.

1918

ტიპი: ღონისძიება

1918 წლის 12 ივლისს ევგენია პავლეს ასულ ბერლინ-ვესტფალისას ნება დართეს, გაეხსნა კერძო სასწავლებელი რუსულ ენაზე მას შემდეგ, რაც თბილისის ქალთა მესამე გიმნაზიაში დაიხურა რუსული ჯგუფი და ის გათავისუფლდა სამსახურიდან.

1918

ტიპი: ავტორობა

მიხეილ გიორგაძე თბილისის ვაჟთა III გიმნაზიის დირექტორს სწერდა, რომ როგორც ქართული ენის მასწავლებელი ყველაზე მეტად განიცდიდა ცხოვრების სიმძმეს, სიტლანქესა და ყოველგვარ უფერულობას, რადგან მხოლოდ ქართული ენის მასწავლებელი იყო მოკლებული ყველა იმ პრივილეგიებსა და უპირატესობებს, რომლებითაც სარგებლობდნენ დანარჩენი მასწავლებლები. ამ ყველაფერს კი ემატებოდა დაცინვა, აბუჩად აგდება, არაფრად ჩაგდება, რომლითაც უმასპინძლდებოდნენ ქართული ენის მასწავლებელს მთავრობა მთელი თავისი შემადგენლობით, მოწაფეთა მშობლების უმრავლესობა და თვით მოწაფეთა მცირე ნაწილიც. ძალზედ ძნელი იყო ქართული ენის მასწავლებლისთვის ამ აუტანელ პირობებსა და სულიერი ტანჯვის პირობებში მუშაობა.

1920

ტიპი: თანამდებობა

1920 წლის 30 სექტემბრიდან ქართული ენის მასწავლებელი მიხეილ გიორგაძე, თანახმად მისი თხოვნისა, თანამდებობიდან გაათავისუფლეს.

1918

ტიპი: ავტორობა

1918 წლის „ერთობაში“ დაბეჭდილ ქუთაისის ევროპული ტანსაცმელების მკერ. პროფკავშირის თავმჯდომარის ავქსენტი შავგულიძის განცხადებაში ნათქვამია, რომ სანებლიძის სამკერვალო ქარხნის მუშამ, გრიგოლ მანდარის ძე შახრიანცმა ქარხნიდან 15 ათასი მან. ღირებულების მუშტართა შეკვეთები და სესხის სახით გამორთმეული ფული გაიტაცა. მოუწოდებს თბილისის მკერავთა კომიტეტს, თუ სადმე გამოჩნდეს, დააპატიმრონ.

1918

ტიპი: ღონისძიება

1918 წლის 28 თებერვალს აბასთუმნის თეატრში გაიხსნა ახალციხის მაზრის მცხოვრებთა ყრილობა, რომელსაც დაესწრნენ ისიდორე რამიშვილი, მაზრის კომისარი მაღლაკელიძე და ტყის კომისარი ლ. რუხაძე. საქართველოს საბჭოს სახელით კრებას მიესალმნენ ალექსანდრე აბაშელი და ისიდორე რამიშვილი. განიხილეს ახალციხეში მაჰმადიანთა ჯარის შედგენის უფლების, იარაღისა და სამხედრო ქონების, ასევე მაზრის საქმეთა მოწესრიგების საკითხები.

1918

ტიპი: ავტორობა

1918 წლის 2 სექტემბერს II კომერციული სასწავლებლის დირექტორის თანამდებობის დროებითი შემსრულებელი თ. ს. ლაფერაშვილი ტექნიკური და პროფესიული სასწავლებლების მთავარგამგეს მომავალი წლიდან შეგირდების 100 მერხის, მასწავლებლის მაგიდებისა და სკამების მიწოდებას სთხოვდა.

1918

ტიპი: ღონისძიება

1918 წლის 10 აგვისტოს განათლების სამინისტროს საბჭოს სხდომას დაესწრნენ: განათლების მინისტრი გიორგი ლასხიშვილი (თავმჯდომარე), მინისტრის მოადგილე ალექსანდრე მდივანი, მთავარგამგეები: დიმიტრი უზნაძე, მიხეილ თაქთაქიშვილი, გიორგი ჭუმბურიძე, სამინისტროს კანცელარიის დირექტორი ვუკოლ ბერიძე და თბილისის პირველი გიმნაზიის დირექტორი იაკობ ღულაძე.

1918

ტიპი: ღონისძიება

განათლების სამინისტროსთან დაარსებულ სამთა კომისიის 1918 წლის 2 აგვისტოს სხდომა მიეძღვნა ქართული უნივერსიტეტის სახელმწიფო უნივერსიტეტად გადაკეთებას. სხდომის თავმჯდომარე იყო განათლების მინისტრი გიორგი ლასხიშვილი, დაესწრნენ: მინისტრის მოადგილე ალექსანდრე მდივანი, პროფ. პეტრე მელიქიშვილი, სახელმწ. კონტროლიორი ფილიპე გოგიჩაიშვილი, ფინანსთა მინისტრის მოადგილე კონსტანტინე კანდელაკი, საგანგ. საქმეთა მოხელე შინაგან საქმეთა მინისტრთან დიმიტრი ხოშტარია, თბილისის ქალაქისთავი ნიკოლოზ ელიავა – საგანგებო ბარათით მიწვეული, სხდომას არ დაესწრო.

1918

ტიპი: ავტორობა

განათლების მინისტრის მოადგილის ალ. მდივნის 1918 წლის ოქტომბრის მოხსენება ეხება სამხედრო გიმნაზიის გაუქმების შემდეგ გიმნაზიის პანსიონში დარჩენილ მოწაფეთა მდგომარეობას. მათზე მზრუნველობა სახელმწიფომ უნდა იკისროს.

1918

ტიპი: ღონისძიება

1918 წლის 11 აგვისტოს განათლების მინისტრს ბორჯომში გიმნაზიის გახსნას სთხოვდნენ ადგილობრივი პედაგოგები და სკოლის გამგეები: დეკანოზი იაკინთე გიორგაძე, მიხეილ სარალიძე, მიხეილ ხუტიშვილი, ვლადიმერ გაჩეჩილაძე, ლაზარე ბეროზაშვილი, პეტრე შალიბაშვილი, ვასილ კიკნაძე, მარგარიტა ხმალაძე, ვანო ბეჟიტაძე, მინა არჩვაძე, ზაზა კიკაძე, ივანე ხმალაძე, ვლადიმერ ახალაძე, იასონ ხალვაში, თედორე გობრონიძე, დავით ქებაძე, ივანე ზაქროს ძე კახდაუროვი, მიხეილ გერმანიშვილი, იოსებ ჯომარდიძე, ნიკოლოზ გუბენიძე, ს. პ. კანდელაკი და ადგილობრივი ფოსტის უფროსი კონსტანტინე ჯაფარიძე. სასწავლებლის ხარჯებს ნაწილობრივ ადგილობრივი მოსახლეობა გაიღებდა.

1918

ტიპი: პირადი ურთიერთობა

1918 წლის 29 ნოემბერს მღვდელ კონსტანტინე ანთაძის ფორმულარული სიის ასლში წერია, რომ კონსტანტინე ანთაძე დაოჯახებულია. მეუღლე ალექსანდრა მოსეს ასული დაიბადა ხიკლისს 1872 წელს. შვილები-ისააკი დაიბადა 1900 წლის 2 სექტემბერს, ლუარსაბი 1904 წლის 2 იანვარს, შალვა 1907 წლის 7 სექტემბერს. უფროსი სწავლობს ქუთაისის გიმნაზიაში, დანარჩენი ზესტაფონის გიმნაზიაში მამის ხარჯზე. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1918

ტიპი: თანამდებობა

1918 წლის 29 ნოემბერს მღვდლის, კონსტანტინე ანთაძის, ფორმულარული სიის ასლში წერია, რომ კონსტანტინე ანთაძე საზოგადოებისაგან არჩეული იყო ზესტაფონის ქალაქის საბჭოს ხოგასნად 1917 წლის 1 იანვრიდან 1919 წლის 1 იანვრამდე. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი, ისიდორე ქოჩიაშვილი.

1916

ტიპი: თანამდებობა

1916 წლის 11 ივლისიდან 1918 წლამდე კონსტანტინე ანთაძე ზესტაფონის ქალ-ვაჟთა გიმნაზიის სამზრუნველო საბჭოს წევრად დაინიშნა.

1918

ტიპი: თანამდებობა

1918 წლის 29 ნოემბერს მღვდლის, კონსტანტინე ანთაძის, ფორმულარული სიის ასლში წერია, რომ კონსტანტინე ანთაძე არჩეული იყო იმერეთის საეპარქიო და შორაპნის სამაზრო დროებით აღმასრულებელი კომიტეტის წევრად. ასევე, არგვეთისა და შორაპნის სამღვდელოების სამომწესრიგებლო ოლქების კომისრად. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი, ისიდორე ქოჩიაშვილი.