1918

ტიპი: თანამდებობა

1918 წლის 20 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 178 ბრძანებით, ელენე აბრამიშვილი ხაშურის ქალთა გიმნაზიის ქართული ენის პედაგოგად დაინიშნა.

1918

ტიპი: თანამდებობა

1918 წლის 20 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 178 ბრძანებით, ლავრენტი კიღურაძე ფოთის ქალთა გიმნაზიის მათემატიკის მასწავლებლის თანამდებობის დროებით აღმასრულებლად დაინიშნა.

1918

ტიპი: თანამდებობა

საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 20 დეკემბრის ბრძანებით (N178) ბარბარე ფარცხალაძე დროებით ხონის ქალთა გიმნაზიის რუსული ენისა და მსოფლიო ისტორიის მასწავლებლად დაინიშნა.

1918

ტიპი: თანამდებობა

1918 წლის 20 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 175 ბრძანებით, ვერა იერემიას ასული ქავთარაძე-განგესოვისა მარტვილის ქალ-ვაჟთა გიმნაზიის ხელსაქმის პედაგოგად დაინიშნა.

1918

ტიპი: ღონისძიება

1918 წლის 1-ლ დეკემბერს საქართველოს სოციალისტ-ფედერალისტური პარტია თავის ამხანაგებს მოუწოდებს, დილის 10 საათზე საქართველოს პარლამენტის 6 თვის შესრულების გამო შეიკრიბონ პარტიულ კლუბში, სადაც ისინი სიტყვით მიმართავენ ამხანაგებს პარლამენტის შესახებ და შემდეგ დროშებით გაემართებიან სასახლისკენ.

1918

ტიპი: ღონისძიება

1918 წლის 12 აპრილს სურსათის მინისტრი ხატისოვი და მინისტრი კაჩაზნუნი სწერენ წერილს ბათუმის სიმაგრის კომენდანტს მთავრობის თავმჯდომარე ევ. გეგეჭკორისათვის გადასაცემად, ასლი ფინანსთა მინისტრ კარჩიკიანს. რომელშიც აღნიშნავენ, რომ საჭიროდ თვლიან მიაპყრონ პარტია დაშნაკცუწუნის ყურადღება იმისაკენ, რომ შექმნილ ვითარებაში ბრესტის ხელშეკრულების მიღება შედარებით ნაკლებ ბოროტებად მიაჩნიათ. დოკუმენტის სისწორეს ადასტრებს მ. თუმანოვი.

1918

ტიპი: ღონისძიება

1918 წლის 11 აპრილს 18 საათზე აკაკი ჩხენკელი სწერს წერილს ბათუმის სიმაგრის კომენდანტს მთავრობის თავმჯდომარე ევ. გეგეჭკორისათვის, ჟორდანიასათვის, წერეთლისათვის და რამიშვილისათვის გადასაცემად, რომელშიც აღნიშნავს, რომ თურქები მყარად დგანან ულტიმატუმზე და ბრესტის ხელშეკრულების მიღებამდე არაფერზე საუბარი არ სურთ. თუ ბათუმი იარაღის ძალით იქნა აღებული, თურქეთი შეიძლება არ შეჩერდეს, თან თბილისისკენ გზა არდაგანზე გახსნილიაო.

1918

ტიპი: ღონისძიება

1918 წლის 1-ლი დეკემბრის გაზეთ „სახალხო საქმეში" პარლამენტის თავმჯდომარე ნიკოლოზ ჩხეიძე სთხოვს მოქალაქეებს, რომ ვისაც პარლამენტის სხდომის ბილეთი არ აქვს, არ გამოცხადდნენ სასახლეში.

1919

ტიპი: თანამდებობა

1919 წლის 3 სექტემბერს მთავარგამგე გიორგი ალმასხანის ძე ჭუმბურიძემ და საქმისმწარმოებელმა ალ. გვახარიამ სამტრედიის რკინიგზის უმაღლესი დაწყებითი სასწავლებლის გამგეს აცნობეს, რომ 11 სექტემბრიდან რაჟდენ ქრისტეფორეს ძე აბულაძე მასწავლებლის თანამდებობაზე დაამტკიცეს.

1919

ტიპი: ღონისძიება

1919 წლის 19 მაისს მთავარგამგე გიორგი ალმასხანის ძე ჭუმბურიძემ და საქმისმწარმოებელმა კონსტანტინე ილიას ძე აბაშიძემ სამტრედიის რკინიგზის უმაღლესი დაწყებითი სასწავლებლის მასწავლებელ რაჟდენ ქრისტეფორეს ძე აბულაძეს 15 მაისს აუწყეს, რომ მისი საქმე აცნობეს მინისტრის ამხანაგს, მაგრამ დამტკიცების შესახებ საკითხი შემოდგომისთვის გადაიდო.

1919

ტიპი: ღონისძიება

1919 წლის 15 მაისს სამტრედიის რკინიგზის უმაღლესი დაწყებითი სასწავლებლის მასწავლებელმა რაჟდენ ქრისტეფორეს ძე აბულაძემ გიორგი ალმასხანის ძე ჭუმბურიძეს მისწერა, რომ წინა კვირას პირადად ესაუბრა მას სამტრედიის რკინიგზის მასწავლებლის თანამდებობაზე დამტკიცების შესახებ. აბულაძის ყველა საბუთი და შუამდგომლობა რკინიგზის სასწავლებლის განყოფილებიდან გადაგზავნილი იყო სამინისტროში. მან გიორგი ჭუმბურიძეს სთხოვა, რაიმე გადაწყვეტილება მიეღო თანამდებობაზე დამტკიცების შესახებ, თორემ წინააღმდეგ შემთხვევაში სწავლის მალე შეწყვეტის გამო სხვა საშუალების გამონახვის შანსს კარგავდა.

1918

ტიპი: ღონისძიება

1918 წელს აკაკი ჩხენკელი სწერს კონფიდენციალურ წერილს ბათუმის სიმაგრის კომენდანტს მთავრობის თავმჯდომარე ევ. გეგეჭკორისათვის გადასაცემად, რომელშიც აღნიშნავს, რომ ოტომანთა დელეგაციის თავმჯდომარეს აცნობეს ამიერკავკასიის სამშვიდობო დელეგაციის მიერ ბრესტის ხელშეკრულების პირობების მიღება და მზადყოფნა განაგრძოს მოლაპარაკებები მის საფუძველზე. დოკუმენტის სისწორეს ადასტურებს მ. თუმანოვი.

1918

ტიპი: ღონისძიება

1918 წლის 31 მარტს, 15 საათზე აკაკი ჩხენკელი სწერს წერილს ბათუმის სიმაგრის კომენდანტსა და მინისტრ რამიშვილს, რომელშიც ატყობინებს, რომ ვეჰიბ-ფაშამ გადაჭრით უარყო ბრძანების შეცვლა და დაჟინებით მოითხოვს პორტების გათავისუფლებას. დოკუმენტის სისწორეს ადასტურებს მ. თუმანოვი.

1919

ტიპი: ღონისძიება

1919 წლის 17 მაისს გიორგი ალმასხანის ძე ჭუმბურიძემ და საქმისმწარმოებელმა კონსტანტინე ილიას ძე აბაშიძემ გზების სამინისტროს სასწავლო განყოფილებას 7 მაისის N785 მინაწერის პასუხად აცნობეს, რომ საკითხი რაჟდენ ქრისტეფორეს ძე აბულაძის დამტკიცების შესახებ გადაიდო.

1918

ტიპი: ღონისძიება

1918 წლის 30 მარტს 12 საათზე აკაკი ჩხენკელი სწერს ბათუმის სიმაგრის კომენდანტსა და მინისტრ რამიშვილს წერილს, რომელშიც ატყობინებს, რომ ვეჰიბ-ფაშა არ არის თანახმა ვადის გახანგრძლივებაზე, რის გამოც შესაძლებელია ბრძოლების განახლება. დაგვიანებაზე თვითონ ყოველგვარ პასუხისმგებლობას იხსნის. დოკუმენტის სისწორეს ადასტურებს მ. თუმანოვი.

1918

ტიპი: ღონისძიება

რაჟდენ ქრისტეფორეს ძე აბულაძეს თბილისის სასულიერო სემინარიის 4 კლასის (კურსის) დამთავრების მოწმობა ჰქონდა, რაც უფლებას აძლევდა, სახალხო განათლების მინისტრის გასული წლის ცირკულიარის თანახმად, ქართული ენა ესწავლებინა არამც თუ უმაღლეს დაწყებით სასწავლებელში, არამედ გიმნაზიის ყველა კლასში. ასევე იგი ამზადებდა საბუთების სახით სამ მოწმობას და ორ ამონაწერს.

1918

ტიპი: ავტორობა

რაჟდენ ქრისტეფორეს ძე აბულაძემ უარი თქვა წოდების მიღებაზე. წოდების მიღება თუ აუცილებელი იყო, მიიღებდა მას იქ, სადაც ეტყოდნენ, მაგრამ სანამ სადმე წოდების მისაღებ კომისიებს მოაწყობდნენ, მანამდე ითხოვდა ხელახლა ეშუამდგომლა რკინიგზის სასწავლო კომიტეტს მთავარგამგესთან იმის გათვალისწინებით, რომ მას ჰქონდა თბილისის სასულიერო სემინარიის ოთხი კლასის მოწმობა, უფლებით გათანასწორებული იყო გიმნაზიებთან და 14 წლიანი გამოცდილება ჰქონდა. ეს ყველაფერი მას უფლებას აძლევდა წოდების ხარისხის მიუღებლად დამტკიცებულიყო უმაღლესი დაწყებითი სკოლების მასწავლებლად.

1918

ტიპი: ღონისძიება

1918 წლის 30 მარტს 11 საათზე აკაკი ჩხენკელი სწერს წერილს ტრაპიზონიდან ბათუმში მთავრობის თავმჯდომარე ევ. გეგეჭკორისათვის გადასაცემად, რომელშიც მოითხოვს ოფიციალური ნაბიჯების დადასტურებას სადავო ტერიტორიებთან დაკავშირებით ან დელეგაციის გაწვევას. დოკუმენტის სისწორეს ადასტურებს მ. თუმანოვი.

1918

ტიპი: ავტორობა

1918 წლის 30 მარტს აკაკი ჩხენკელი სწერს წერილს ბათუმის სიმაგრის კომენდანტს, რომელშიც ატყობინებს, რომ სროლა თურქეთის მხრიდან შეწყდება 21 საათსა და 30 წუთზე. ითხოვს დაუყოვნებლივ კატერს სურსათით, აგრეთვე დეტალურ ცნობებს თავდაცვის განსაკუთრებული დადგენილებების პაკეტის შესახებ. დოკუმენტის სისწორეს ადასტურებს მ. თუმანოვი.

1918

ტიპი: ღონისძიება

1918 წლის 30 მარტს 20 საათსა და 30 წუთზე აკაკი ჩხენკელი სწერს წერილს ტრაპიზონიდან ბათუმის კომენდანტს მთავრობის მეთაურ ევ. გეგეჭკორისათვის გადასაცემად, რომელშიც მოითხოვს ოფიციალურ პასუხს სადავო ტერიტორიებთან დაკავშირებით, ვინაიდან დაყოვნებას შეეძლო გამოეწვია საომარი მოქმედებების განახლება. დოკუმენტის სისწორეს ადასტურებს მ. თუმანოვი.

1918

ტიპი: ავტორობა

1918 წლის 28 მარტს აკაკი ჩხენკელი სწერს კონფიდენციალურ წერილს თბილისსა და ბათუმში სამხედრო მინისტრსა და მიხაილოვსკის სიმაგრის კომენდანტს, რომელშიც საჭიროდ მიიჩნევს შეწყდეს საომარი მოქმედებები, რადგან გაჩნდა იმედი კონფლიქტის მშვიდობიანი გზით გადაწყვეტისა. დოკუმენტის სისწორეს ადასტურებს მ. თუმანოვი.

1918

ტიპი: თანამდებობა

რკინიგზის სასწავლო კომიტეტმა განიხილა რაჟდენ ქრისტეფორეს ძე აბულაძის თხოვნა და აცნობა, რომ ის სამტრედიის უმაღლეს დაწყებით სასწავლებელში მასწავლებლად დაამტკიცეს. მიუხედავად ამისა, კომიტეტმა აბულაძის დანიშვნასთან დაკავშირებით მთავარგამგისგან უარი მიიღო, რადგან მას შესაბამისი წოდება არ ჰქონდა.

1918

ტიპი: ღონისძიება

1918 წლის 28 მარტს აკაკი ჩხენკელი წერს კონფიდენციალურ წერილს ბათუმში სიმაგრის კომენდანტის, მთავრობის თავმჯდომარე ევგენი გეგეჭკორისთვის, ხოლო ასლებს მინისტრებისთვის, ნოე რამიშვილისა და ნოე ჟორდანიასთვის გადასაცემად, რომელშიც ამცნობს მოწინააღმდეგის პოზიციის ვარაუდს და სთხოვს მათ, შეაჩერონ საომარი მოქმედებები. დოკუმენტის სისწორეს ადასტურებს მ. თუმანოვი.

1920

ტიპი: ღონისძიება

1920 წლის 12 სექტემბერს შინაგან საქმეთა სამინისტროს ვეტერინარულ-სანიტარული განყ-ის გამგე ვ. ლაშხაური თელავის მაზრაში გაემგზავრა საქონლის ჭირის საწინააღმდეგო ადგ. ორგანიზაციების მოსაწყობად.

ტიპი: ავტორობა

1920 წელს გამოვიდა ევ. ნიკოლაძის „საქართველოს ისტორია“ (გამომც. „მერანი“. ქუთაისი) – სახელმძღვანელო საშ. სასწავლებლის VI კლასის მოწაფეთათვის.