რეგისტრირებული ფაქტები46338
სორტირება ახალი ჩანაწერების მიხედვით
1918
ტიპი: თანამდებობა
1918 წლის 10 სექტემბრიდან თბილისის ქალთა მესამე გიმნაზიის დირექტორი ალექსანდრე ბოგოიავლენსკი იმავე გიმნაზიის შტატის მასწავლებლად დაინიშნა.
1918
ტიპი: თანამდებობა
1918 წლის პირველი ნოემბრიდან ალექსანდრე ბოგოიავლენსკი თბილისის ქალთა მესამე გიმნაზიის ლათინური ენის მასწავლებლად დაინიშნა. ხელს აწერს გიორგი გრიგოლის ძე ნათაძე.
1929
ტიპი: ღონისძიება
1929 წლის 9 თებერვალს საქართველოს მინისტრი აკაკი ჩხენკელი და მისი მეუღლე უგზავნიან მადლობის ბარათს დეპუტატთა საბჭოს თავმჯდომარეს და მის მეუღლეს საპრეზიდენტო სასტუმროში სადილზე მიწვევისთვის, რომელიც გაიმართება 27 თებერვალს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.
1929
ტიპი: ღონისძიება
1929 წლის 9 თებერვალს საქართველოს მინისტრი აკაკი ჩხენკელი ულოცავს დომინიკანის რესპუბლიკის ელჩ ლ. ვასკესს საფრანგეთის რესპუბლიკის პრეზიდენტისათვის რწმუნებათა სიგელის გადაცემას და გამოთქვამს ოფიციალური ურთიერთობების დამყარების სურვილს.
1928
ტიპი: ღონისძიება
1928 წლის 26 დეკემბერს საქართველოს მინისტრი აკაკი ჩხენკელი ულოცავს უნგრეთის ელჩს ფრედერიკ ვილანს საფრანგეთის რესპუბლიკის პრეზიდენტისათვის რწმუნებათა სიგელის გადაცემას და გამოთქვამს ოფიციალური ურთიერთობების დამყარების სურვილს.
1928
ტიპი: ღონისძიება
1928 წლის 26 დეკემბერს საქართველოს მინისტრი აკაკი ჩხენკელი და მისი მეუღლე მადლობის ბარათს უგზავნიან ჰაიტის მინისტრსა და ა. ნემურს ჰაიტის ეროვნული დღისადმი მიძღვნილ საღამოზე მიწვევისთვის, რომელიც გაიმართება 1929 წლის 1-ლ იანვარს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.
1928
ტიპი: ღონისძიება
1928 წლის 11 დეკემბერს საქართველოს მინისტრი აკაკი ჩხენკელი ულოცავს ავღანეთის ელჩს ჰაბიბულა ტარზის ავღანეთის მეფის მიერ დადასტურებული რწმუნებათა სიგელის გადაცემას საფრანგეთის რესპუბლიკის პრეზიდენტისათვის და გამოთქვამს ოფიციალური თანამშრომლობის სურვილს.
1928
ტიპი: ღონისძიება
1928 წლის 10 ოქტომბერს საქართველოს მინისტრი აკაკი ჩხენკელი ულოცავს კანადის ელჩ ფილიპე როის მეფე ჯორჯ მეხუთის მიერ დადასტურებული რწმუნებათა სიგელების გადაცემას საფრანგეთის რესპუბლიკის პრეზიდენტისათვის და გამოთქვამს ოფიციალური თანამშრომლობის სურვილს.
1928
ტიპი: ღონისძიება
1928 წლის 1-ელ ოქტომბერს საქართველოს მინისტრი აკაკი ჩხენკელი მადლობას უხდის კანადის მინისტრსა და მის მეუღლეს 2 ოქტომბერს მაკენზი კინგის პატივსაცემად გამართულ ღონისძიებაზე მიწვევისათვის. აკაკი ჩხენკელი ადასტურებს დასწრებას.
1928
ტიპი: ღონისძიება
1928 წლის 15 სექტემბერს საქართველოს მინისტრი აკაკი ჩხენკელი და მისი მეუღლე მადლობას უხდიან ჩილეს მინისტრსა და მის მეუღლეს 18 სექტემბერს ეროვნული დღესასწაულისადმი მიძღვნილ ზეიმზე მოწვევისათვის. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.
1928
ტიპი: ღონისძიება
1928 წლის 24 მაისს აკაკი ჩხენკელი უგზავნის მილოცვის წერილს ჩილეს საგანგებო და სრულუფლებიან ელჩს არტურო ალემპარტეს საფრანგეთის რესპუბლიკის პრეზიდენტისათვის რწმუნებათა სიგელების გადაცემასთან დაკავშირებით.
1928
ტიპი: ღონისძიება
1928 წლის 23 თებერვალს საქართველოს მინისტრი აკაკი ჩხენკელი და მისი მეუღლე მადლობას უხდიან საფრანგეთის რესპუბლიკის პრეზიდენტს სადილზე მიწვევასთან დაკავშირებით, რომელიც გაიმართება 6 მარტს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.
1928
ტიპი: ღონისძიება
1928 წლის 20 იანვარს საქართველოს მინისტრი აკაკი ჩხენკელი და მისი მეუღლე მადლობას უხდიან საფრანგეთის რესპუბლიკის პრეზიდენტს 25 იანვრის სადილზე მიწვევასთან დაკავშირებით, რომელსაც დაესწრებიან მისი უდიდებულესობა ავღანეთის მეფე და დედოფალი. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.
1928
ტიპი: ღონისძიება
1928 წლის 5 იანვარს აკაკი ჩხენკელი უგზავნის მილოცვის წერილს არგენტინის რესპუბლიკის საგანგებო და სრულუფლებიან ელჩს ფედერიკო ალვარეს დე ტოლედოს საფრანგეთის რესპუბლიკის პრეზიდენტისათვის რწმუნებათა სიგელის გადაცემასთან დაკავშირებით.
1927
ტიპი: ღონისძიება
1927 წლის 15 დეკემბერს აკაკი ჩხენკელი ულოცავს ფინეთის რესპუბლიკის საგანგებო ელჩსა და სრულუფლებიან მინისტრს საფრანგეთში ჰარი ჰოლმას რწმუნებათა სიგელის ჩაბარებას საფრანგეთის რესპუბლიკის პრეზიდენტისათვის და გამოთქვამს ოფიციალური ურთიერთობების დამყარების სურვილს.
1929
ტიპი: ღონისძიება
1929 წლის 18 იანვარს საქართველოს მინისტრი აკაკი ჩხენკელი და მისი მეუღლე მადლობის ბარათს უგზავნიან საფრანგეთის რესპუბლიკის პრეზიდენტს სადილზე მიწვევისთვის, რომელიც გაიმართება 30 იანვარს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.
1927
ტიპი: ღონისძიება
1927 წლის 25 ოქტომბერს საქართველოს მინისტრი აკაკი ჩხენკელი და მისი მეუღლე მადლობის წერილს უგზავნიან არგენტინის რესპუბლიკის საგანგებო და სრულუფლებიან ელჩს და მის მეუღლეს ალვარეს დე ტოლედოს მიღებაზე მიწვევისთვის, რომელიც 30 ოქტომბერს გაიმართებოდა. აკაკი ჩხენკელი ადასტურებს, რომ ეწვევა, მისი მეუღლე კი ვერ დაესწრება.
ტიპი: ღონისძიება
კონსერვატრიაში გაიმართა გრიგოლ ცეცხლაძის საღამო, რომელზეც სიტყვით გამოვიდნენ: პაოლო იაშვილი და ტიციან ტაბიძე. ლექსები წაიკითხეს: ტიციან ტაბიძემ, ვალერიან გაფრინდაშვილმა, პაოლო იაშვილმა, ლიდი მეუნარგიამ, შალვა კარმელმა, რ. გოგოხიამ და გრიგოლ ცეცხლაძემ.
1922
ტიპი: ღონისძიება
1922 წელს ლადო გუდიაშვილმა და სერგეი სუდეიკინმა ორ დამხმარე მღებავთან ერთად, (რომლებიც ალბერტ ზალცმანმა გამოგზავნა) მოხატეს „ცისფერყანწელების“ კაფე „ქიმერიონი“.
1918
ტიპი: თანამდებობა
1918 წლის 14 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 165 ბრძანებით ნიკოლოზ კიმოთეს ძე ფირცხალაიშვილი ბილანიშვილის სახელობის გიმნაზიაში რუსულის, საქართველოს ისტორიის, მსოფლიო ისტორიისა და გეოგრაფიის პედაგოგად დაინიშნა.
1918
ტიპი: თანამდებობა
1918 წლის 14 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N165 ბრძანებით, ელენე სოლომონის ასული ბილანიშვილი ბილანიშვილის სახელობის გიმნაზიაში არითმეტიკის პედაგოგად დაამტკიცეს.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 14 დეკემბრის ბრძანებით კოტე ქრისტეფორეს ძე ჩარკვაიანი ბილანიშვილის სახელობის გიმნაზიაში გალობის პედაგოგად დაინიშნა.
1918
ტიპი: თანამდებობა
1918 წლის 14 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 165 ბრძანებით ალექსანდრე ლევანის ძე მაკროპულო ბილანიშვილის სახელობის გიმნაზიაში ხატვა-ხაზვის პედაგოგად დაინიშნა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -