ქშწკგს პროსოპოგრაფია

ფაქტები

რეგისტრირებული ფაქტები46478

1877

ტიპი: ავტორობა

1877 წლის დეკემბერში ილია ჭავჭავაძემ პეტერბურგიდან ვასილ მაჩაბლის წერილი მიიღო. მაჩაბელმა ილიას გაზეთ „ივერიის“ გაფორმება დაუწუნა, სატიტულო გვერდის მოხატულობა „რუსულ ჩაჩს“ შეადარა და ურჩია, შეეცვალა.

1892

ტიპი: ღონისძიება

1892 წლის 26 მაისს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე დააკმაყოფილეს ანასტასია თუმანიშვილის თხოვნა სახალხო ბიბლიოთეკისთვის წიგნების გადაცემის შესახებ.

1877

ტიპი: ავტორობა

1877 წლის 5 იანვარს გაზეთ „ივერიაში“ ხელმოუწერლად და უსათაუროდ გამოქვეყნდა ილია ჭავჭავაძის სტატია, რომელიც მწერლის თხზულებათა ოცტომეულში დაიბეჭდა სათაურით „სამღვდელოების სამსახური ქვეყნის წინაშე“.

1877

ტიპი: ავტორობა

1877 წლის 28 დეკემბერს გაზეთ „ივერიაში“ რუბრიკით „საპოლიტიკო მიმოხილვა“ უსათაუროდ და ხელმოუწერლად გამოქვეყნდა ილია ჭავჭავაძის სტატია, რომელიც იწყებოდა სიტყვებით: „მას აქედ, რაც საფრანგეთში მაკ-მაჰონი ძალაუნებურად...“.

1892

ტიპი: ღონისძიება

1892 წლის 21 აპრილს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე ბანკის მსახურთათვის სააღდგომო პრემიის მიცემაზე შეთანხმდნენ.

1878

ტიპი: ავტორობა

1878 წლის 5 იანვარს გაზეთ „ივერიაში“ ხელმოუწერლად გამოქვეყნდა ილია ჭავჭავაძის პოემის „მეფე დიმიტრი თავდადებული“ I-XII თავები.

1892

ტიპი: ღონისძიება

1892 წლის 18 მაისს თბილისის თავად-აზნაურთა საადგილმამულო ბანკის წევრთა წლიურ კრებაზე ილია ჭავჭავაძემ მოიწონა ბანკის შემოსავლიდან ქალთა სასწავლებლის დასაარსებლად შემოწირულობის გამოყოფის საკითხი.

1892

ტიპი: ღონისძიება

1892 წლის მარტში მიხეილ მაჩაბელმა უარი თქვა ქართველთა შორის წერა-კითხვის გამავრცელებელი საზოგადოების გამგეობის წევრობაზე.

1900

ტიპი: ავტორობა

1900 წლის 12 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა მოწინავე წერილის გაგრძელება „ტფილისი, 11 მარტი“ („ჩვენ ამას წინად, როცა ვარჩევდით...“).

1900

ტიპი: ავტორობა

1900 წლის 9 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა მოწინავე წერილის დასაწყისი „ტფილისი, 8 მარტი“ („დღესა თუ ხვალ ჩვენში შემოღებულ იქნება...“).

1857

ტიპი: პირადი ინფორმაცია

1857 წლის ივნისში ილია ჭავჭავაძის მამიდამ, მაკრინე ჭავჭავაძე-ერისთავისამ ყვარელში მათ მეზობლად მცხოვრებ ნათესავთან, სოლომონ ჭავჭავაძესთან დადო გარიგება, რომლის მიხედვითაც სოლომონს მისი ძმისწულისთვის უნივერსიტეტის დასრულებამდე პეტერბურგში თვეში ოთხასი მანეთი უნდა ეგზავნა, ილია კი ვალდებული იყო, ცოლად მოეყვანა მისი ქალიშვილი ელისაბედი.

1877

ტიპი: ავტორობა

1877 წლის 10 ნოემბერს გაზეთ „ივერიაში“ გამოქვეყნდა ილია ჭავჭავაძის წერილი, რომელიც მწერლის თხზულებათა ოცტომეულში დაიბეჭდა სათაურით „ღარიბ მოსწავლეთა დამხმარე საზოგადოება“.

1877

ტიპი: ავტორობა

1877 წლის 13 ოქტომბერს გაზეთ „ივერიაში“ გამოქვეყნდა ილია ჭავჭავაძის წერილი, რომელიც მწერლის თხზულებათა ოცტომეულში დაიბეჭდა სათაურით „სოფლის მოხელეთა არჩევანი“.

1900

ტიპი: ავტორობა

1900 წლის 16 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა მოწინავე წერილის დასასრული „ტფილისი, 15 მარტი“ („ჩვენ წინა წერილში აღვნიშნეთ, რომ საჭიროა გამოირკვეს...“).

1900

ტიპი: ავტორობა

1900 წლის 18 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა მოწინავე წერილის დასაწყისი „უმეცრობის ფართი-ფურთი“ („უმეცრობა და უვიცობა დიდი ჭირია...“), რომელიც გამოწვეულია ნოე ჟორდანიას სტატიით „პრესა“.

1900

ტიპი: ავტორობა

1900 წლის 19 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა მოწინავე წერილის გაგრძელება „უმეცრობის ფართი-ფურთი“ („წინა წერილში იმაზე შევწყვიტე სიტყვა...“).

1900

ტიპი: ავტორობა

1900 წლის 20 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა მოწინავე წერილის დასასრული „უმეცრობის ფართი-ფურთი“ („მართალია, კრედიტი ორპირი მახვილია...“).

1900

ტიპი: ავტორობა

1900 წლის 23 მარტს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა სტატია „პატარა საუბარი“ („კვალის“ მკითხველებს მოეხსენებათ...“).

1900

ტიპი: ავტორობა

1900 წლის 2 აპრილს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა სტატია „ახალი უმეცრობანი ბ-ნ ნოე ჟორდანიასი“ („ბ-ნმა ნოე ჟორდანიამ პასუხი მაღირსა...“).

1900

ტიპი: ავტორობა

1900 წლის 6 აპრილს გაზეთ „ივერიაში“ ილია ჭავჭავაძემ ფსევდონიმით ახალ-მოსული გამოაქვეყნა სტატია „პატარა საუბარი“ („თაგვმა სთხარა, სთხარაო...“).

1900

ტიპი: ავტორობა

1900 წლის 20 აპრილს გაზეთ „ივერიაში“ ილია ჭავჭავაძემ ახალ-მოსულის ფსევდონიმით გამოაქვეყნა სტატია „პატარა საუბარი“ („ბ-ნი ჟორდანია რამდენიც დღე გადის...“), რომელშიც პასუხობს ნოე ჟორდანიას.

1877

ტიპი: ავტორობა

1877 წლის 14 ნოემბერს ილია ჭავჭავაძემ მღვდელ ალექსი გულისაშვილს წერილი გაუგზავნა და სთხოვა, კიაზო ჩოლოყაშვილის მამულით დაინტერესებულებისთვის ინფორმაცია მიეწოდებინა.

1900

ტიპი: ავტორობა

1900 წლის 1-ელ იანვარს გაზეთ „ივერიაში“ ილია ჭავჭავაძემ გამოაქვეყნა მოწინავე „ტფილისი, 31 დეკემბერი“ („ესეც პირველი დღე მეოცე საუკუნისა...“).

1900

ტიპი: ავტორობა

1900 წლის 6 იანვარს გაზეთ „ივერიაში“ გამოქვეყნდა ილია ჭავჭავაძის გამოსვლა ქართული თეატრის იუბილეზე („თითქმის იმ დღიდამ, როცა ჩვენი თეატრი დაიბადა...“).

1898

ტიპი: ავტორობა

1898 წლის 5 აპრილს გაზეთ „ივერიაში“ ილია ჭავჭავაძემ გამოაქვეყნა წერილი „ტფილისი, 4 აპრილი“ („ქრისტე აღსდგა!“).