ქშწკგს პროსოპოგრაფია

ფაქტები

რეგისტრირებული ფაქტები46487

1890

ტიპი: ავტორობა

1890 წლის 5 აგვისტოს გაზეთ „ივერიაში“ უსათაუროდ და ხელმოუწერლად გამოქვეყნდა ილია ჭავჭავაძის ნარკვევის გაგრძელება „ტფილისი, 4 აგვისტო“, რომელიც მწერლის თხზულებათა კრებულებში დაიბეჭდა სათაურით „ქუთაისის ბანკის საქმე“.

1890

ტიპი: ორგანიზაცია

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე გაბრიელ ეპისკოპოსი და იაკობ გოგებაშვილი საზოგადოების საპატიო წევრებად აირჩიეს.

1890

ტიპი: ღონისძიება

1890 წლის 19 სექტემბერს პოლონელმა ექიმა ჰენრიხ როძევიჩმა ილია ჭავჭავაძეს ქართველთა შორის წერა-კითხვის გამავრცელებელი საზოგადოების ბიბლიოთეკის ხელნაწერი კარაბადინიდან ქვის ავადმყოფობის შესახებ ამონაწერები სთხოვა.

1874

ტიპი: ღონისძიება

1874 წლის 4 თებერვალს ილია ჭავჭავაძე მოსკოვში თბილისის ბანკის წესდების დამტკიცებასთან დაკავშირებით საკრედიტო კანცელარიის დირექტორს, ალექსი ციმსენს შეხვდა და წესდების თითოეული მუხლი განუმარტა.

1874

ტიპი: ავტორობა

1874 წლის 4 თებერვალს ილია ჭავჭავაძემ ოლღა გურამიშვილს მისწერა, რომ ფინანსთა მინისტრის მოადგილეს ქრთამი ჰქონდა აღებული სლეპცოვის წესდების დამტკიცებაში და ამიტომ უშლიდა ხელს თბილისის ბანკის წესდების დამტკიცებას.

1890

ტიპი: ავტორობა

1890 წლის 19 აგვისტოს გაზეთ „ნოვოე ობოზრენიეში“ გამოქვეყნდა ილია ჭავჭავაძის წერილის „ქუთაისის ბანკის საქმე“ გაგრძელება რუსულად რედაქციის შენიშვნებით.

1890

ტიპი: ღონისძიება

1890 წლის 21 ნოემბერს ილია ჭავჭავაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების სხდომაზე საზოგადოების მდივნისა და მისი თანაშემწის ხელფასი განსაზღვრეს.

1890

ტიპი: ღონისძიება

1890 წლის 10 სექტემბერს ცენზურამ ილია ჭავჭავაძის ბროშურის „ქუთაისის ბანკის საქმის“ დაბეჭდვის ნებართვა გასცა.

1890

ტიპი: თანამდებობა

1890 წელს მიხეილ გოცირიძე ილია ჭავჭავაძის მოურავი იყო.

1890

ტიპი: ავტორობა

1890 წლის 3 ნოემბერის გაზეთ „ივერიაში“ უსათაუროდ და ხელმოუწერლად დაიბეჭდა ილია ჭავჭავაძის წერილის დასასრული „ტფილისი, 2 ნოემბერი“, რომელიც მწერლის თხზულებათა კრებულებში დაიბეჭდა სათაურით „ქუთაისის ბანკის საქმეთა გამო“.

1891

ტიპი: თანამდებობა

1891-1903 წლებში გიორგი მიხეილის ძე თუმანიშვილი გაზეთ „Новое обозрение“-ს რედაქტორი იყო.

1882

ტიპი: ღონისძიება

1882 წლის 6 ივლისს ილია ჭავჭავაძე თბილისის სასამართლო პალატაში გამოცხადდა, სადაც ბ. სერჟპუტოვსკის საჩივრის საფუძველზე განიხილებოდა მისი, როგორც „დროების“ ყოფილი, და სერგეი მესხის, როგორც მოქმედი რედაქტორის, ასევე ამავე გაზეთში გამოქვეყნებული კორესპონდენციის ავტორის, ივანე აბაშიძის საქმე. განხილვა გადაიდო.

1882

ტიპი: ღონისძიება

1882 წლის 6 ივნისს ილია ჭავჭავაძე ქართველთა შორის წერა-კითხვის გამავრცელებელი საზოგადოების სხდომას თავმჯდომარეობდა.

1882

ტიპი: ღონისძიება

1882 წლის 6 ივნისს ილია ჭავჭავაძემ ქართველთა შორის წერა-კითხვის გამავრცელებელი საზოგადოების სხდომაზე ბათუმის სკოლის საკითხის განხილვაში აქტიური მონაწილეობა მიიღო.

1882

ტიპი: თანამდებობა

1882 წლის 6 ივნისს ივანე ბაგრატიონ-მუხრანელი ქართველთა შორის წერა-კითხვის გამავრცელებელი საზოგადოების თავმჯდომარედ აირჩიეს.

1882

ტიპი: ავტორობა

1882 წლის 20 ივნისის გაზეთ „დროებაში“ სარედაქციო გვერდზე ხელმოუწერლად გამოქვეყნდა ილია ჭავჭავაძის სტატია „ბათუმისა და ფოთის შესახებ“. ტექსტი ილია ჭავჭავაძის სახელით პირველად მწერლის თხზულებათა ოცტომეულში დაიბეჭდა.

1882

ტიპი: ავტორობა

1882 წლის ივლისში ილია ჭავჭავაძემ ოლღა გურამიშვილს წერილობით სთხოვა, რომ სახლში არსებული სახელოვანი ადამიანების პორტრეტები მსახური ბიჭის ხელით მისთვის გაეგზავნა.

1882

ტიპი: ღონისძიება

1882 წლის 17 აგვისტოს აკაკი წერეთლის პატივსაცემად თელავში ნადიმი გაიმართა.

1882

ტიპი: ავტორობა

1882 წლის 2 ივლისის გაზეთ „დროებაში“ ილია ჭავჭავაძის სტატია „მავნებელი დედააზრები“ დაიბეჭდა.

1882

ტიპი: ავტორობა

1882 წლის 22 ივლისის გაზეთ „დროებაში“ სარედაქციო გვერდზე ხელმოუწერლად დაიბეჭდა ილია ჭავჭავაძის სტატია „ერთი საისტორიო საგანი“.

1882

ტიპი: ღონისძიება

1882 წლის 24 ივლისს ოდესიდან ფოთში გაგზავნეს ილია ჭავჭავაძის მიერ შეკვეთილი სამკალი მანქანა.

1882

ტიპი: ღონისძიება

1882 წლის 25 ივლისის გაზეთ „დროებაში“ ილია ჭავჭავაძის ხელმოწერით თბილისის სათავადაზანურო ბანკის 1882 წლის 1-ელი ივლისისთვის არსებული ბალანსი დაიბეჭდა.

1882

ტიპი: ავტორობა

1882 წლის ივნისში გამოვიდა ჟურნალ „ივერიის“ მეექვსე ნომერი, რომელშიც ილია ჭავჭავაძის სტატია „შინაური მიმოხილვა“ დაიბეჭდა.